火鳳凰火鍋料理 (已結業)

朋友推薦太平道附近有間味道好好的火鍋店，今日收工就一齊來打卡。因為醒目有提前預約，唔使排長龍。入來睇到環境好典雅，中式元素隨處可見，隔離台有開得靚靚的蝴蝶蘭，窗外還有“火鳳凰”在飛來飛去，下次帶小朋友來肯定好鍾意，食飯都食多啲。揀咗魚湯龍躉湯底，同阿媽煲啲老火靚湯咁，飲碗湯就輪到我鍾意的食材。手切的美國頂級牛板腱一流，上來的造型同個火山咁靚仔，食得出牛板腱的品質不錯。身爲食肉獸還揀咗手打梅菜鹹蛋豚肉丸，白柏葉同蝦兵遇上老油條。梅菜鹹蛋豚肉丸有濃香的鹹蛋味，好特別。白柏葉食得出好新鮮，同辣椒豉油好搭，脆口彈牙。特別鍾意呢個蝦兵遇上老油條，上面仲有很多魚子，蝦滑鮮嘚來魚子咬落去口感十足。最後還加咗黃金滿地糍粑過下癮，同之前在重慶食嘚一樣地道，可惜冰粉賣晒，下次早啲來試下先得！