火鳳凰火鍋料理 (已結業)

旺角東站近勝利道方向有間上一樓下晝食點心，晚上打邊爐嘅餐廳。入口喺太平道上樓梯，門口寫住新店試業，睇點心既相幾吸引，睇落係有心機做。今次嚟到已經係黃昏，唯有下一次再食點心。坐位有四排都係卡位，當中有兩排靠窗，座位寬闊，就算兩人都係比四人座位。天氣又凍又大風，當然要胡椒豬肚湯鍋底暖下胃。個鍋用銅做，大大鍋夠得體。記得要order鱔片，上碟超大塊，總共有12件，入口厚厚的。比起其他餐廳，一碟鱔片大約多一倍份量。老友鬼鬼係生蝦滑配油炸鬼，上面再鋪想一層蟹子。原本以為放落湯底，蟹子會飄走晒，但係當蝦滑熟透，蟹子仲緊緊的黐住，入口脆卜卜。菠菜苗都唔小份量，成個盆栽咁，大過個面，夠抵食。