火鍋撚 (雲明行) (已結業)

大熱天時總有朋友鍾意打邊爐，嘆住冷氣打邊爐係佢地夏天必做既事，我咪陪佢地囉。湯底叫左佢地有名既，豆腐人蔘白湯，用既係蜂巢豆腐加上原條人蔘，用料相當足同埋非常補身，湯底味道甜而清，加上蜂巢豆腐口感有質地，同人蔘味道甘甜，係一個特式湯底。朋友熱愛刺身，未打邊爐先吃刺身係相當邪惡既事。三文魚厚肉又夠滑，脂肪肥美，牡丹蝦肉結實爽甜，至於海膽連脆薄紫菜，海膽海水味的新鮮，食落甘甜，用料新鮮。要打邊爐當然要新鮮既材料，象拔蚌兩食，刺身食法爽滑清甜，廚師刀功將象拔蚌切成紙咁薄呀。用黎打邊爐就當然加上湯底濃味，至於口感就更爽而實，湯底味更能帶出本身甜味呀，食到呢到已經捧住半邊肚。火鍋配料要提既仲有響鈴，原來響鈴都布二食，由於係鮮炸所以可以即食，皮薄而超脆，脆而不膩，相當鬆化，點埋酸辣醬就更加惹味呀。放湯就3秒食得，索晒湯底既精華又係另一種吃法。配料仲有蔬菜類都好新鮮，金菇好新鮮，清香又爽甜，令今晚輕輕減去飽滿感。

今晚嚟到中環新開嘅「火鍋撚」打邊爐，聽個名已經夠串，但佢又真係串得起。餐廳裝修古色古香，有什麼多兵馬俑擺設，價錢雖然偏貴，但質素對得住個價。湯底方面，我和友人選擇了火鍋撚推介的媽媽滋補老火湯鍋，店員提醒落材料前要先飲下個湯。奶白色嘅湯鋪滿了藥材同鴨血、蜂巢豆腐，飲一啖，果然一鳴驚人，湯身呈現滿滿的人參味，十分好飲。唔係誇張，我同友人都飲咗幾碗先開動。而餐廳嘅鴨血特意整得扁身方便食用又快熟，十分貼心。材料方面，我哋就叫咗大火鍋撚御用手切肥牛、極品黑豚肉、蟶子皇、流心咸蛋黃豬肉丸、雙併黑松露同香菇貝鮑滑。飲品方面就叫咗冬瓜檸檬茶沙冰。御用手切肥牛落鍋8秒即食得，牛味十足。大大大推介極品黑豚肉，入口即化，而且味道極佳！食完想一塊接一塊！蟶子皇大大條，又係唔洗滾太耐放入鍋中又係8秒就食得。雙併黑松露墨魚滑同香菇貝鮑滑超級超級彈牙！一定要試！我個人就鐘意黑松露墨魚滑多D，松露味超濃郁，食上癮呀～最後係我最最最鐘意嘅流心咸蛋黃豬肉丸，咬一啖嘅咸蛋黃沙即時流出嚟，對於係咸蛋控嘅我嚟講，真係天堂。餐廳新開業做緊同鴨血同蜂巢豆腐任加，店員十分熱情，基本上每十分鐘就會過嚟加鴨血、蜂巢豆腐同湯，抵讚。最後仲

真心推介，用心做火煱，有心員工雙拼湯底：不研究係咪真係自家制，但味道一流，夠味，小辢慢慢都會越來越辢，超愛D凍豆腐同鴨血！兩種牛，上面：安格斯（大），下面：普通肥牛（細）！老實講普通肥牛比安格斯好食，口感重D，牛味豐富D！咸蛋黃豬肉圓！好香咸蛋黃，不過唔會爆漿紫准山，新鮮，不過唔知點解唔算好紫！老油條，可以不叫，因為好實，滾太耐又會諗到差唔多溶！麻麻哋！必食響令！食咗兩碟！即叫即炸！不得了！食完仲有杯腐竹沙冰真係OMG! 好有創意！講真如果唔系任食，出街打邊爐真係冇三四百係唔得，所以洗得呢幾百，真係搵返間老老實實丶真材實料先好食，冇謂中伏！

火鍋撚咁出名總是有理由的，如果再叫普通火鍋湯底的確晒料。呢個蜂巢豆腐白湯鍋香料味濃郁，以雞湯、豬骨湯及牛乳熬製，仲有原條人蔘，想試到真正湯底味道一定要在落食材之前小杓一碗，湯底鮮甜濃郁，仲有鴨血添，堅有料到！打邊爐點可以少得肥牛，睇呢碟火鍋撚御用手切肥牛個賣相就知有料到，仲有溫馨提示輕灼8秒就食得添！雖然肉質非常軟腍兼帶濃香牛肉味道，不過8秒就依然肉帶紅血色我就京京，10秒就剛好處於轉色狀態，我就覺得味道更勝一籌！配上火鍋白湯根本無需點豉油都咁好味！95分！仲有呢個極品黑豚肉又是無得頂！看那均勻的油脂分佈於黑豚肉上，吃起來肉質纖維有咬口，豬肉味香濃，卻又不會有肥膩感覺，其實… 誇張小小講，真係食唔停 hehe相比之下，呢個皇帝菜就失色左D，靚既皇帝菜應甜美帶甘香，呢個呢就.. 好似菜渣多左D，又冇咁香回甘味道，覺得碟菜唔算好靚，算係咁多驚喜中較為失望的一碟食材呢碟脆鯇魚腩又係值得稱讚的一碟，魚肉堅真新鮮到爆，爽脆又不帶魚腥味，骨又唔算多，鮮甜味美，同行朋友大讚好食！哇，數到呢個蟹籽手打蝦丸，真的超有驚喜！以蝦肉打成的蝦丸，加上鮮蝦肉1隻，再點上蟹籽少許，本身蝦丸彈牙不在話下，一口咬下去

朋友話，中環有間火鍋店叫火鍋撚， 佢哋話食物唔錯所以我哋就約埋一齊去gather 下，睇下有幾勁啦！ 上到去地方闊落，裝修唔錯有中國風味！ 坐低叫咗一個蜂巢豆腐白湯鍋。 先試一試湯底湯底內有雞湯 ，蘋果，紅蘿蔔，海底椰，粟米，百合等等。 清甜熱氣！ 餸未到都飲左成大煲lu.叫咗個魚生拼盤, 三文魚 新鮮肥美, 甜蝦爽口彈牙, 海膽加埋青瓜帶出淡淡海膽味.手切肥牛肥瘦適中，有咬口，有油香，牛味好濃極度推介炸魚皮同炸響鈴，水準之作，即點即炸，味道係我食過咁多間火鍋店之中最好食！墨魚滑 紅蝦丸 爽口彈牙，非常新鮮，用料足！象拔蚌刺身鮮甜爽口，灼一灼食非常鮮甜彈牙蔬菜新鮮乾淨！值得一讚既係個黑木耳，又大塊又爽口，係非一般的靚木耳之後食完個腐竹糖水沙冰已經飽曬，十分滿足，並且為呢一餐畫上完美的句號

約咗一班朋友去中環嗰間火鍋撚，我哋book咗位一上到去就有位喇！店內環境舒服寬敞，裝修好有中國風，我哋一班朋友點左兩個湯底，一個素滋潤湯鍋另一個是蜂巢豆腐白湯鍋，湯底度咗啦！先試一試湯底，素嗰個湯底有蟲草花，淮山，蓮子，茨實薏米，蜜棗，雪耳，紅蘿蔔等等，非常清甜滋潤。 蜂巢豆腐 窩，飲到有蘋果嘅味道。 湯底有雞湯蘋果紅蘿蔔海底椰粟米百合等等，非常清香。火鍋配料未到我哋都飲咗大半窩。 之後服務員同我哋加番d湯，跟番湯底加，不是加水！所以越煲越夠味。好啦火鍋配料上呀。 先來魚生拼盤拼盤內有爽脆甜蝦三文魚同海膽， 海膽味香濃， 三文魚肥美， 好鮮好滑；甜蝦 清爽，再來象拔蚌刺身， 白灼同 刺身 食都非常之清甜爽口。再來手打蝦丸彈 非常彈牙鮮味，黑栢葉同 珊瑚蚌 都非常之新鮮。佢個手切肥牛， 有油花肉味濃食埋個甜品爆曬。再食埋個稻庭烏冬，好滿足！甜品是腐竹糖水沙冰，容器好特別，影左一輪相先食。最後，想讚下d員工有友善同有效率，今次食飯食得好開心！

今日難得有機會梗係約上好友去試一試中環新開的火鍋店—火鍋撚，火鍋店位於樓上舖，一出lift就見到大大的店名，感覺好似穿越時空回到古代，間店裝修好有心思同特色，整體帶有古代feel，好親切。由於我哋冇打電話book位就來咗，好彩都係等咗10分鐘就有位，店員個個都好好服務，好親切，咁次我哋得兩個人難得來到，梗係咩都想試下，但我哋都係食量有限連湯底一共叫咗8樣食物，每碟食物的擺設都好靚，但個人認為d食物就唔係我預期中咁好食，湯底嘅味精都重，其他的食物不過不失，叫咗個五色丸，豬肉丸包住蛋黃，墨魚丸有芝士，都幾特別同創新，但味道都偏鹹咗少少，咁多食物中唯一可以吸引到我的就係碟響鈴卷，雖然多咗少少油，勝在出來時仲有少少熱，咬落去好鬆化，都幾香，配搭酸甜醬好正，今晚d食物雖然不是理想中咁正，但好在d食物夠新鮮，喜歡試新野的朋友仔都可以去試下，店舖仲有一樣窩心的服務就係會免費贈送腐竹雞蛋沙冰都幾特別

有位朋友係好識周圍搵食，每次食到好野都會介紹我再去，每一次都冇介紹錯，所以我有時book餐廳都會問下有乜推介，適逢今個星期日係母親節，想早少少同阿媽預祝，就問下佢有乜意見，佢諗左幾秒，就推介呢間火鍋撚。一共有兩間分店，一間位於旺角，另一間位於中環，中環比較方便大家，所以我book 左中環喇。餐廳以中式為主題，一出𨋢就見到個類似兵馬傭既擺設，再加上裝修風格都係中式，好切合火鍋呢個主題！打邊爐首先就係揀湯底，有好多選擇，而且款款都好吸引同特別，因為有朋友唔食得辣，而且店員推介呢個湯底，所以就揀左個蜂巢豆腐白湯底一聞已經覺得好香，一飮更加不得了，一陣陣既人參味，再加上濃濃既豬骨湯底味，少少既胡椒香，再加上粟米紅蘿蔔既甜，味道好豐富，like!象拔蚌刺身呢個象拔蚌刺身非常鮮甜，一入口鮮味填満口內，咬落更加鮮甜多汁，如果唔鐘意生食，可以放入火鍋灼熟食，都係咁鮮甜彈牙，象拔蚌非常新鮮，所以令舍甜同鮮手切肥牛個擺盤好有心思，仲有乾冰喺中間，可以保持鮮牛肉既溫度，可以保持鮮味，非常一絲不茍。牛肉建議灼8秒，擺入火鍋，揚8秒，搞掂。入口好滑，好有牛肉味，剛剛熟，唔會太生，又唔會太熟，牛味重炸魚皮先就咁食

蘭桂坊happy hour完 兩個好姐妹話要打邊爐 openrice一下 有間新開既火鍋撚係附近 未試過架 但睇d湯底幾特別 咪行去試下囉。環境幾寬敞 有卡位 perfect! Happy hour唔夠喉 叫杯黑啤飲下先。Surprise佢地既啤酒選擇唔少 仲有手工啤～ 湯底揀左鎮店之寶～ 蜂巢白窩豆腐湯。送上枱既時候呆一呆 咁多料既。蜂巢豆腐 鴨血 人蔘 粟米 蘋果等等 點既時候冇認真睇 後來睇返menu 先知用文火，雞湯豬骨湯和好多食材煲既 難怪咁香濃。侍應提醒我們先飲左湯 再打邊爐。更有誠意既係 加湯既時候係用返原汁原味的湯 而不是味精水 正呀！安格斯牛肉～ 賣相幾靚 肉味亦夠濃 厚薄度適中都重要架 太薄唔好食 冇口感～ 肥的部分唔會太多 油脂分佈都均勻 不俗！醬爆龍蝦湯牛丸 店員推介的～ 牛丸部分好彈牙 用新鮮牛肉打。龍蝦湯味道很濃 好多汁醬爆出來 食既時候真是要小心淥親咀。黑松露墨魚滑 手打墨魚滑 爽口彈牙 粒粒墨魚 黑松露味道幾特別 呢個配搭估唔到又幾match~黑木耳 冬瓜片 金菇 全部都新鮮而且處理得好乾淨。配上白湯黎烚 好清甜～炸魚皮鬆化，即叫即炸，薄脆香口。我怕打邊

第一次用老火湯黎打邊爐，店員建議飲碗湯先，個老火湯真係好靚，味道濃郁中帶自然的甜味，湯中晚猴頭菇吸哂湯中既精華，好好食，又有好多舊豬肉，豬肉仲好嫩滑，係帶有少少脂肪個種靚豬肉，但又唔會搞到個湯油。芝心墨魚丸：芝士濃，丸爽脆巨型香菇牛肉：爽口，陣陣菇味手打墨墨魚丸：香濃墨魚味，爽口新鮮手打蟹子蝦肉丸：爽口到脆身，粒蟹子爆脆彈牙鹹蛋黃豬肉丸：鹹蛋黃濃郁，流汁，口感特別紅薯粉配埋個麻醬真係無敵！個麻醬唔係普通個種，係極濃縮既麻醬，少少一滴就有極濃郁既芝麻味甜品係豆腐沙冰，個杯造型好特別！豆腐沙冰都好好飲，有種甜甜既清香，好適合清一清火鍋既油膩

位於中環半山嘅火鍋撚，位置尚算方便，位於蘭桂坊附近，方便同一大班朋友去食晚飯，晚飯之後可以去蘭桂坊飲番杯先散band，非常之適合一大班朋友去。入到餐廳，裝修以中式為主，好有中式嘅懷舊風味，無論裝修擺設以至茶具餐具都非常之中式，可見老闆對於餐廳環境嘅要求非常之高，而且服務一流，一入餐廳，已經受到熱情嘅款待，感覺非常舒服。打邊爐最緊要個湯底，湯底好反映餐廳對食物質素既要求，呢度既湯底非常有特色，而且大部份都用豬骨淆製黎做個底，再加上足料湯料去製作，店員推介左蜂巢豆腐白湯鍋，一於依照佢地既推介㨂！蜂巢豆腐白湯鍋記得開始打邊爐之前，一定要先飲一碗湯，絕對不用擔心加湯會稀釋湯底，因為餐廳會加番你本身個湯底而不是加水，蜂巢豆腐係餐廳自家製，所以豆味好濃，而且索哂湯底，好入味，湯底除左有豬骨湯，仲有雞湯，再加上白合、蘋果、海底椰、粟米等，仲有一條手掌咁大條既人參，真係見到都會嘩一聲，所以湯底會帶少少人參味，呢個湯底又好飲又特別！三文魚刺身、牡丹蝦刺身、海膽刺身火鍋店都有刺身?! 冇錯，堅係有刺身點，仲要所有刺身都非常新鮮，三文魚好鮮好有口感，質地有彈性，而海膽加上紫菜食係非常夾同好味，海膽充滿海水味

家姐是旺角火鍋撚常客 終於望到佢在香港區開分店 因為佢住呢邊 即刻約左我去試。裝潢是一貫的中國風 古色古香 好多卡位 又有空間感 頗舒服。食火鍋 家姐是非麻辣不可。秘製麻辣鍋 有大中小辣度選擇。火鍋撚的麻辣鍋，吃起來沒有四川的那麼搶，味道辣中帶甜，有點台式的風味，甜度比較恰到好處。花椒八角孜然是必然材料，再加上不同的中藥，黨蔘川芎杞子陳皮龍眼等等。最特別之處是湯底再加了雪梨蘋果甘筍粟米等，口感非常豐富，真是食過返尋味的湯底。還配有鴨血，蜂巢豆腐，這些配料全部很入味，吃不停口。我們兩姊妹是象拔蚌的粉絲，點了一個例牌象拔蚌刺身，家姐食刺身，我用來打邊爐，三秒～ 既鮮甜 又彈牙爽脆 無論生食熟食都咁正！滑雞片 幾新鮮 啖啖肉 唔會太肥 雞件唔小心烚內左 都竟然係咁滑 讚喎～紫淮山 唔係咁多火鍋店有 所以每次去火鍋撚都必叫 鮮甜爽脆又有益～ 皇帝菜 望落新鮮 食落亦清甜 洗得都好乾淨 好彩湯底唔會太油膩 烚菜都唔怕索曬油。即炸魚片頭 正呀！熱辣辣 即食都得 配上酸甜醬。有魚味 入口又彈牙！最後再叫左韮菜餃 每日鮮製 多菜少肉 韮菜味好香 皮又不會太厚。甜品係腐竹糖水沙冰 夠曬凍又清熱氣。中環分

又到一年一度嘅母親節！今年提早幾日慶祝！母親大人話想去打邊爐！阿妹book左呢間喺中環蘭桂芳附近嘅「火鍋撚」！佢食過旺角分店，覺得好好食，知道中環分店剛剛開始營業，就訂左枱去試下！先講環境，餐廳裝修得非常典雅，有唔少中式嘅擺設，富有中國色彩。𥚃面有好多張大「卡枱」可以坐到8人，空間好闊落，可以舒舒服服坐低慢慢食慢慢傾果隻，喺火鍋店來講屬於高質素環境果一類！母親大人同我一樣都係「辣妹」，最愛麻辣鍋！阿妹唔食得辣，結果揀左麻辣鍋拼媽媽滋潤老火湯鍋，雙拼鍋以價錢較高的一個再加$30。湯底黎到先嘆一碗老火湯先，湯料有大量紅蘿蔔粟米杞子猴頭菇，飲落清甜潤喉，大家飲完一碗又一碗，差唔多飲到見底咁滯，不過好好嘅係之後加湯都係加返老火湯，唔係加水，所以飮幾多都唔怕湯底會變淡，食到尾個湯都仲係好濃，仲愈滾愈甜，用黎淥菜一流！又可以中和麻辣鍋嘅辛辣刺激感，絕配呢！麻辣鍋我地order 左小辣，食落帶有輕輕的辣，舌頭亦有輕微的麻痺感，唔算太刺激，老豆都可以食到少少！味道同台式麻辣非常相似，阿媽話同上次去台北「無老鍋」同埋「鼎王」味道差不多，好難得喺香港食到呢種味道呢！鍋底嘅滷鴨血同豆腐香滑入味，可惜唔係好似

走在中環街頭，正覺肚餓，忽然眼前驚現一個   「撚」字。 定睛一看，原來是火鍋撚。需知道，古語中的「撚」意指搓揉，在白居易的《琵琶行》中，就有這麼一句：「輕攏慢撚抹復挑，初為霓裳後六么。」而廣東話中，「撚」則是指男性陽具。以上兩個解釋似乎都不太合理，那麼只有最後一個解釋：「撚手」＝「拿手」。既然此餐廳說火鍋是其拿手絕招，那我便要看一看有什麼厲害。門面裝修餐廳走的是仿古路線，從門前的兵馬俑就可感受到古色古香的氛圍。整間餐廳以木系色調為主，十足回到古時的客棧。置身其中，看著精心雕鏤的木桌椅，感覺頗為典雅。但裝修再怎麼好看也好，食物才是主角。火鍋調味料坐下便看見桌面放了滿滿的調味料，供我們自己調製蘸醬，完全是我的最愛啊！除了有火鍋必備的芝麻醬、辣椒、蔥等，還有少見的蒜汁、腐乳醬等。火鍋湯底（＄128）一個好的火鍋，必然要具備一個令人回味的湯底。這個蜂巢豆腐白湯鍋裡有大量藥材、蜂巢豆腐、以及鴨血，材料豐富，十分滋補。侍應告訴我們下材料前先喝湯，一喝不得了，像是家裡煲的老火湯。湯頭濃郁，藥材的味道輔以豬骨與雞湯的鮮甜，很濃稠卻沒有藥材的苦味。結果連連喝了好多碗，已經飽了一半，忘了下材料（加湯時不

早兩日去中環接老公放工順便喺附近搵食，經過蘭桂坊附近，見到竟然有間火鍋店！中環一向好少火鍋店，心血來潮走去試吓！搭電梯上3樓一開𨋢門，見到店面裝修得古色古香，好有中國色彩。望一望餐牌，見到主打麻辣鍋、酸菜白肉鍋等等，原來係台式火鍋！入到餐廳內部，見到枱同枱之間好闊落，整體環境乾淨舒服，因為我最怕啲火鍋店地下同枱面「癡癡立立」，所以未開始食，心目中已經比呢間餐廳唔少分！湯底方面有六、七款選擇。因為老公唔太食得辣，所以最後揀左鎮店推介嘅蜂巢豆腐白湯鍋！湯底呈白色，侍應建議我哋先飲一碗湯，再開始打邊爐！白湯飲落清甜、有淡淡的藥材香，湯底材料十足，人參紅棗大蔥同其他不知名嘅藥材，仲有大量蜂巢豆腐同埋鴨血！鴨血軟滑多汁而且入味！蜂巢豆腐，即係「冰豆腐」吸飽湯汁，味道極佳！要讚一讚係之後加湯都係加返同一樣嘅湯底，唔會好似其他火鍋店咁加水，所以湯底一路食到尾都一樣香濃！最讚嘅係我哋足足食咗兩個幾三個鐘，直至到夜晚返到屋企都冇口渴嘅感覺，證明湯底冇落味精，非常好！配料方面，我地點左一碟極品安格斯肥牛！整碟牛肉賣相一流，牛肉色澤靚之餘，口感嫩滑，牛味濃郁，屬高質素之作！炸魚皮新鮮炸起！上枱嘅時候仲熱辣辣