火箭餐廳

营业中

休息中

今天有個國外朋友過左黎HK，我帶距去大嶼山既迪士尼轉下，估唔到工作日都甘多人，玩一個點都要排成個鐘，我地唯有先出黎穩食填飽肚先，到火箭餐廳隨便點左個熱狗套餐，價格真系唔系普通既貴，不過入黎景區都預左喇，熱狗漢堡既炸肉比較硬身，食落太干沒肉味，沙拉太多每次食入口都溢出來，只可以細細啖慢慢食，薯條放涼左食入口有D軟，總體黎講不過不失。

難得在平日有假期，所以與女友到廸士尼渡過開心的一天。有別於假日，遊客較少，玩任何遊戲或音樂劇都不用花時間等待，這點絕無比假期優勝。玩足成日，當然會幫襯下園內餐廳。餐廳選擇很多，價錢大概百幾元就有交易，作為園內的餐廳，算是很相宜呢。最後我們到了火箭餐廳’ 晚膳。炸雞籃套餐 ($99)炸雞籃很有KFC的感覺，雞件外皮脆扑扑，啖啖肉。炸雞翼套餐 ($95)我們都覺得炸雞翼是最好味的，沒有厚厚的炸粉皮，外皮香脆好味。配上一堆薯條，這個晚飯很滿足呢。

去迪士尼做足準備 點知遇著落大雨, 搞到大部分時間都係餐廳度過。火箭餐廳個位最就腳 ,價錢亦比其他平, 我叫左4號餐  魚柳包配薯條加檸檬茶。魚柳包條魚柳炸得幾脆, 但個包底有硬硬地既部份。薯條都係, 有幾條硬到以為佢未炸透, 因為d薯仲粉粉地。炸雞個fd叫既, 話有d削咁。整體以快餐泥講合格既一餐!!!

回看一下食評，上次係2014黎，再上次就2012，哈哈，原來每兩年都會入黎廸士尼玩，而且差唔多次次都有食火箭餐廳。朋友叫嘅雞翼套餐同炸雞套餐，雞翼有五隻，炸雞有兩件，無試到，朋友話ok。自己點左芝士牛肉漢堡餐$99，比兩年前加了十蚊，但今時今日出面食個靚少少嘅漢堡都過百元，作為遊客區我覺得可以接受。質素跟過往沒變，兩塊牛肉夾芝士，生菜，酸瓜同蕃茄，個包都幾厚，而且午餐時段很多人，個包係新鮮做起，熱辣辣，蕃茄亦沒出水，肉味濃生菜亦爽口，好食喎。最正係薯條新炸起，勁熱，厚切唔多鹽，食落有薯味，外脆內軟，好耐無食過咁好味嘅薯條了。所有餐都加價了，下次入園唔知幾多呢。講多一句，上次黎勁多遊客好污糟，今次好好多，枱乾淨，無人瞓覺，感覺良好。

第一次去迪士尼樂園慶祝生日，玩到肚餓就去左附近的火箭餐廳醫肚，火箭餐廳係西式快餐店，主要食漢堡包，亦有飯類選擇，由於我去果日係閒日，餐廳唔算太多人，我同男朋友叫左$98的魚柳包餐和$92的芝士漢堡餐，套餐包埋粗薯條和一杯可樂或檸檬茶，其實價錢偏貴，因為係樂園入面所以都由得佢，唔通肚餓唔食野咩 味道不過不失，始終漢堡包唔會整得太難食，芝士漢堡包有點似麥當當的雙層芝士孖堡，魚柳包的魚柳好香脆，不過最好食係粗薯條，同麥當當的無得比，炸得岩岩好唔會太燶餐廳裝修好有置身機動遊戲入面的感覺，唔怪得當天見到好多小朋友入去醫肚啦

好耐無嚟Disney度假啦之前就已經好想過嚟試下呢度噶漢堡，睇下同M記有咩唔同。而且呢度仲可以點套餐，真係既玩得開心又食得開心吖 炸薯條超好食，熱辣辣，而且好軟熟，鹹度啱啱好，個飯整成左mickey mouse咁樣，雞塊加埋啲咖哩醬一齊食，比較入味，而且雞塊好入脆，入面噶雞肉比較嫩 醬汁入面仲有幾舊蘑菇仔，好新鮮，好香好嫩。炸雞條好脆，而且好香 雞胸肉雖然我平時唔點鐘意食，不過我覺得呢度真係算整得唔錯。雞皮比較薄，而且炸的很香脆 雞塊噶番茄醬好好食吖，酸甜可口，所以覺得雞塊食極都唔夠，食完仲想食

天氣越來越凍，好在還有燦爛陽光，趁我有時間就同家裡的小輩好好聯絡一下感情。成年幾未試過同佢地出去玩，所以帶兩個外甥去咗迪士尼。玩咗幾粒鐘，小朋友肚子容易餓，一起來到火箭餐廳，小朋友都好鬼鍾意佢嘅火箭模型。分別同佢地點了漢堡套餐和香煎雞扒飯，套餐上來的時候都幾大份嘅，夠曬小朋友食喇。不過實在是沒有什麼可以俾人挑選。講翻個套餐喇，雞扒都好大塊，雞翼又好多只，雖然味道麻麻，同出邊一般嘅店差不多，可能細佬仔太肚餓，佢地都食咗大部分。因為太多客喇，所以入邊都好吵，落單都排長隊。價錢其實俾出邊啲店貴，不過入到黎，小朋友肚餓，無可能唔帶佢地去食野。服務又唔夠好，嗌拿個餐具等咗成10分鐘唔止。

如果去廸士尼, 我地通常會揀呢度食LUNCH  貪佢夠平 今次我地揀左呢個限定餐黎食, 係 STARWAR 既包配薯條及汽水包面印上黑武士頭, 好特別 呢個包既質地其實係饅頭黎, 而中間就夾左大片蕃茄, 生菜及兩片漢堡扒...醬汁係芥末味, 食食下會感覺好乾....所以我地食剩左少少包皮呢如果唔係好鐘意食饅頭類既就要考慮下啦

火箭餐廳 炸雞套餐 $98 👍👍👍👍💋(5分滿分).............不知不覺 我已經入左15次迪士尼😂吾計我之前因為番工要入去🙈其實好多時都要比錢入 忽然覺得自己傻仔吾做全年證😦#迪士尼#黑色世界 我又來了雖然覺得吾底 但我年年都有黎😂因為媽媽喜歡來 仲二次二年黎在沒有相約我表姐情況下見到我表姐💋💋😌😚 每次黎必食#火箭餐廳 但#炸雞餐 係第一次食#炸雞 ：有2種味 一種好似係用豉油炸 一種用吾知咩粉炸😂 吾知咩粉調味個種比較好吃#炸雞皮 ：我至愛💋雞皮都幾厚 加埋肥膏 一流😂食埋阿媽塊雞皮#炸雞肉 ：吾似#kfc 既雞 吾食雞皮雞肉都有味嫁😌仲調味不錯#薯條 ：我太愛#粗薯 可惜今次有d凍😡😢成一百蚊都有點凍就吾收貨囉#份量 ：仲越來越小 食完二下就餓皮 ：我至愛💋雞皮都幾厚 加埋肥膏 一流😂食埋阿媽塊雞皮#炸雞肉 ：吾似#kfc 既雞 吾食雞皮雞肉都有味嫁😌仲調味不錯#薯條 ：我太愛#粗薯 可惜今次有d凍😡😢成一百蚊都有點凍就吾收貨囉#份量 ：仲越來越小 食完二下就餓

去完小小世界、亞瑪遜、太空山都未夠鐘睇幻彩花車巡遊，行去搵食醫醫肚先，順便一路行一路拍照。仲有成半過鐘先到幻彩花車巡遊，但啲人已經坐晒係地下霸定位，好有大陸強國色彩，鬼殺咁嘈自己屋企一樣。遠眺公主城堡真係好靚，期待轉頭既巡遊同今晚既煙花。門口好得意喎，火箭底會噴煙架，原來係霧氣！啱晒，今日好熱呢，可以降降溫。步入餐廳，勁大勁寬敞，密度低夠舒服，50% 滿乍喎，可能個個已經出晒去霸位喇。排隊買野食先，先 cashier 點菜再到櫃面攞野食，全部餐平均都要 $100 蚊呢，幾高銷費。焗雞中翼好好味呀，預計之外，想起以前係海洋公園食劣質食物經驗。雞肉又嫩滑又有肉汁，外皮焗得香口黏黏的。我一向都唔多食薯條，但依度既炸薯條勁好食，外脆內嫩有薯仔味又濕潤軟腍，又唔會太咸。另外炸雞扒都好滿意，醃料特別又神秘，皮微脆帶黏口，不過食完好頸渴呢！雞扒唔食皮淨食肉好味好多，雞肉超滑溜多汁，完全唔會乾鞋硬。食飽飽都仲有時間剩，坐多陣再慢慢行去花車出飛點，搵個靚企位先。超正起興奮，氛芬澎湃，必睇！大滿足！

今年的結婚週年記念日，我們帶著阿寶來到了夢幻國度－迪士尼樂園。輕鬆愉快的伴著阿寶慢遊，實在太美好了。到了大約一點，我們來到了火箭餐廳吃午餐老公選了炸雞餐，而我就選了健康的沙律，我倆分著吃，感覺上吃快餐也很健康炸雞薯條香脆可口，哈哈，實屬邪惡的食物，令人停不了口。打開沙律盒子，就馬上見到兩塊可愛的米奇麵包，太可愛反而不捨得送進口。沙律有青瓜、蕃茄、菠蘿，紅椒、黃椒、青椒和生菜嗯⋯⋯配搭也許不是我最喜歡的，但新鮮的食材總是好吃的。美中不足的是餐廳只提供千島醬，如果在醬汁方面可以有多些選擇會更加好

購入港人優惠的兩天票，選了中秋節再遊迪士尼，這次的目標是光影巡遊和煙花!為了能熬到晚上八時，午餐就在晶荷軒渡過了悠閒的數小時。  還以為在晶荷軒吃得飽飽，便能逃過園內餐廳的洗劫，怎知老公玩過Space Traveller後便大叫肚餓，只好投降到火箭餐廳吃下午茶了。    園內食品，當然是太空價吧!點了炸雞翼套餐($92)，一份中杯汽水+五隻雞翼+薯條。雞翼是輕炸的版本，並沒有厚厚的炸粉，面層有微微的五香粉味道，不辣。雞翼不太有雞味，也不算鞋口，味道還好吧，一客五隻，不會太飽肚就是。   薯條卻是比想像中要好，粗身薯條是剛炸起的，熱辣辣，很有薯香，粉粉的口感，十分不俗，不過份量偏少。 與Royal Banquet Hall相比，這兒選擇會少一點，但論味道則相去不遠。在園內用餐，還是無視物價感覺會良好一點吧!

今日我們去咗迪士尼樂園玩，同巴斯光年影完相之後，我們揀咗喺「火箭餐廳」食午飯！我們叫咗香煎鷄扒飯套餐、芝士魚柳包套餐同芝士漢堡包套餐！香煎鷄扒飯套餐嘅鷄扒好薄同好腍，而且賣相非常吸引，因他們用白飯砌咗個米奇老鼠頭，真係超可愛呀！芝士魚柳包套餐嘅魚柳炸得外脆內軟，肉質嫩滑彈牙！芝士漢堡包套餐嘅漢堡扒都幾厚身同幾大個！而跟套餐嘅炸薯條好長好粗身，炸得顏色金黃同香脆可口！

如果大家要搵平嘢食，又要唔差嘅話，火箭餐廳一定係你嘅選擇(⌒▽⌒)迪士尼有分高級同埋價錢較低嘅餐廳，但試過幾次價錢較低嘅餐廳，都係中伏之後，就唔夠膽再嘗試比較平嘅餐廳，但火箭餐廳例外，因為快餐一般都好容易做(￣▽￣)今次帶另一位朋友入迪士尼，由於到中午有啲肚餓，所以決定兩個人食一份炸雞籃套餐~~~~~~~~~~~~~~~~~~~~~~~~~~~~~~味道方面:1. 根據我多次嘅經驗，依家餐廳嘅汽水係最有汽嘅2. 薯條好脆口，但份量就一般3. 雞扒有兩塊，味道都係不過不失~~~~~~~~~~~~~~~~~~~~~~~~~~~~~~總括:最平最安全就係依間餐廳;但有陣時搵埋都比較難，就會少啲人

黎到迪士尼要玩盡佢同感受樂園氣氛難免要多花點金錢去之前已經search過邊間會平d但其實都係差不多原本冇諗食快餐 感覺係麥叔叔d fd不過親人推薦下就進了吃卻有意外驚喜一行四人都叫左魚柳包餐 比芝士漢堡餐貴$6 冇睇錯$98/1set但係比錢就$92/1set魚柳十分脆身 就算自己食野食得慢嘅都全程享受到脆嘅感覺而且份量十足(畢竟~$100魚柳有手掌咁大 生菜都一整片 沙律醬都隨材料大細有番咁上下味道上絕對唔係鹽嘅鹹味 而係魚柳本身味道 配上適量沙律醬 油而不膩薯條方面亦十分出色每條都好巨型 又唔會沾上太多鹽外脆內軟 有得慢慢食到好似薯蓉嘅感覺係口中整體有意外驚喜 十分滿意