火箭餐廳

营业中

休息中

迪士尼樂園內其中一個比較平價的選擇就是位於明日世界的火箭餐廳。已經闊別數年，現今的價錢已是$70-$88。雖然它比從前已經加價不少，但是排隊的人仍然很多。單是排隊已用了二十分鐘。店內衛生亦未如理想，地下有殘留食物碎屑及地下也很黏。先來個食物的合照！ 炸雞籃套餐 ($88)炸雞皮下脂肪太多，不太脆。雞肉還好尚算滑。粗薯條味道不錯，微溫下還脆的！ 芝士魚柳飽套餐 ($84)芝士魚柳飽無論是飽、菜或魚柳都是乾巴巴的！

老實說宅女作為迪士尼死忠粉絲, 但樂園內的食物大多不敢恭維, 所以有時都會先吃完午飯才入場不過有時時間不許可時, 就會來到這家火箭餐廳吃個炸雞籃炸雞籃套餐包括2件炸雞, 一堆薯條和一杯汽水,原價要HK$84, 不過宅女有折, 折後只需六十多元, 感覺就比較合理炸雞外皮炸得十分香脆, 不過漿粉都幾厚而且調味有點咸, 幸好中間的雞都幾肥厚而且肉質嫩滑整體油份都幾多, 薯條仍算夠熱, 吃起來外脆內軟,感覺算是樂園內比較相宜, 味道又不會太差的食物 

係星夢奇緣煙花表演前, 去火箭餐廳食個Dinner先... 芝士漢堡套餐 $80, 芒果布甸 $26 職員剩係問我有冇年票, 我一時唔記得出示「食買玩」門票有9折, 蝕咗... 芝士漢堡OK好味, 芝士半溶, 漢堡Juicy...粗薯條的精髓在於只要夠粉就唔脆都會覺得好味, 熱辣辣的, 表面灑了一點鹽, Yum Yum!!! 食熱氣o野, 配大大杯汽水是常識吧!!! 無得傾, 都係揀檸檬茶汽水, 嘿嘿...芒果布甸入面有好多芒果肉, 芒果肉又香又甜, Yummy!!!唔好睇好似好多位剩咁, 我地坐低無耐, 一百幾十個小朋友擁入來, 即時Full House!!!食完仲有時間, 再行返入3個新園區果便行個圈...今晚來個「萬千花火賀友慶」, 無影相, 無拍片, 静心欣賞星夢奇緣煙花表演...

火箭餐廳 的建築造型十分有特色, 卡通版的巨型火箭色彩鮮豔, 讓人眼前一亮；用餐區的範圍很大, 設室內冷氣位及室外自然氣位。以太空為主題的快餐店裏, 可以享受滋味十足的美式食品, 例如炸雞、燒雞翼、芝士漢堡包及甜品等等。套餐價由 $78 起跳, 已包括汽水/凍檸茶 及 炸薯條/雞味飯。珍寶熱狗餐 $78 ... 連炸薯條一份及飲品一杯。  熱狗裏除了有條又粗又長又實肉的珍寶腸外, 配料還有蕃茄片、洋蔥碎、芝士碎及肉醬, 味道濃郁滋味, 夠豐富夠滿足!炸雞籃套餐 $84 ... 很道地的美國料理, 炸雞塊有兩件, 炸至酥脆, 肉嫩多汁, 不太油膩, 味道仿似PHD所賣的雞件；粗身薯條帶綿綿薯肉, 外層口感帶煙韌, 而薯肉卻夠軟滑夠薯香。香煎雞扒飯套餐 $80 ... 最愛吃隱形米奇雞味飯, 只因為飯粒爽口煙韌帶彈性, 味道鹹鹹地兼帶香；香煎雞扒實為雞胸肉, 薄薄兩塊煮得不嚡不韌, 蘑菇汁採用了新鮮蘑菇, 因此味道是特別濃夾鮮。芝士魚柳包套餐 $78 ... 連炸薯條一份及飲品一杯。 包內夾著原塊車打芝士片、生菜、四方炸魚柳, 熱辣辣炸魚柳咬開後可見到有魚汁, 魚肉也是雪白一片片, 多片生

優閒星期日 ， 「Kitty」同老公下午去迪士尼參觀新開嘅迷離莊園，未玩之前當然要食嘢先，本來想食Corner Cafe ,但好多人排隊，所以改去隔離嘅火箭餐廳，今日天氣好熱，室內都滿座，都要等一陣位。Order 了兩個餐，魚柳包套餐 $78，炸雞籃套餐 $84食物上台都熱辣辣，薯條很粗很脆，炸雞皮很薄，雞肉又滑又嫩，味過某d連鎖店！魚柳包，配料方面有芝士生菜，雖然味道不是很有特色，但口感唔錯！

適一放假，閒逛迪士尼，午膳時間在火箭餐廳速吃午飯。 燒雞扒飯：雞扒薄而腍身，雞香一般。白飯砌成米奇老鼠狀，切合樂園主題。 炸雞薯條：炸雞外皮脆口度中等，成品不會過於油膩，醃料味道固然不及KFC出色。薯條亦是普通喇！

趁補假同阿女去迪士尼玩, 天氣報導話徬晚下雨, 所以中午就出發去玩. 妹妹仔今日唔夠訓所以全程發曬呆玩了一陣就去食飯, 主題公園其他幾個酒店外的餐廳都食過, 都係貴夾唔好食. 呢次黎食呢個算是最平的看看.叫了炸雞餐同埋雞翼餐, 折埋百五蚊, 炸雞的雞肉多汁鮮甜不過太油而且皮非常難食, 雞翼就微鹹合格不過雞翼細到無人有.薯條都係過份的油食到一半已經反胃, 汽水似乎溝淡了不太好喝. 不過收銀服務倒不錯而且勤快的, 笑容也親切.坦白講, 主題公園就算要賺錢都不應該賺到咁盡, 唔比帶野食之餘仲要賣食物賣到咁不合理的價錢, 希望改進.

今天又來到了大家均嚮往的尋夢之地 -- 迪士尼樂園，再次踏進奇妙之旅。在眾多園區當中筆者最喜愛的就是擁有巴斯與三眼仔坐陣的「明日世界」，反正玩過了巴斯光年星際歷險等機動遊戲，就索性選擇了火箭餐廳作為午膳地點。今天天氣不算太悶熱，故我們決定坐在餐廳戶外的位置，除了視覺比較開揚外，更令人雀躍是能夠邊吃邊看著巴斯光年與遊客合照的情景。售賣美式快餐的火箭餐廳供應的午餐款式大概有芝士漢堡、魚柳包、熱狗、炸雞、田園沙律、芒果布甸等，以往沒有留意這餐廳原來也有雞扒飯食提供呢。相反不吃牛的筆者選擇有規範性，故一早已鎖定了兩客魚柳包套餐及炸雞籃，每客套餐均配有薯條和飲品，餓透的時候沒什麼好得過一手拿起新鮮炸起的薯條隨隨放入咀裡，採用的是外型較粗身的直條款式，外層金黃香脆、內裡充滿粉綿薯肉，啖啖薯香，面頭帶點點鹽巴，鹹度可減輕點會更好，輕咬一口薯條時還熱燙得冒起煙來，接著再喝一口凍可樂，感覺實在爽透。 魚柳包體積頗大，麵包面頭佈滿芝麻，兩邊略煎更覺香口，質地具彈性但不算鬆軟，以多片爽脆生菜墊底，雖不算怎新鮮，也加多一份清新，反觀主角的炸魚柳件頭雖大，外層炸皮香口。 可惜魚肉薄身欠缺魚汁，加上下的他他汁醬偏

今日第一次去迪士尼遊玩碰巧下雨天和肚餓的關係便和女友在此休息一下叫左一個漢堡飽餐會簡呢間餐廳最主要既原因係呢間餐廳夠大，環境舒適，最岩避雨休息之用。食物質素只算不過不失，這裡有點像舊式快餐店，食物是預先做好的，因此食物只是微暖。可幸的是薯條尚算脆身不會軟叭叭的，而漢堡飽是兩塊漢堡扒加一些生菜青瓜，味道平平．

在玩完小小世界後,突然口癢癢想食新地,爸爸當然都贊成啦士多啤梨味新地(爸爸的)他説朱古力味較好吃,不過我想士多啤梨味也是不錯的朱古力味新地(我的)不錯,滑滑的新地加上朱古力漿,好吃不過新地是滑,但不香奶味'要再努力呢!吃完新地,剛剛好放煙火了,看完煙火,也是踏上歸途的時候了,真希望快快再來迪士尼吧!

十一月四日(星期日)愛看我們飲食誌的朋友，大都會看過我們第三千篇的食評(如下)，那是在迪士尼求婚前的心路歷程http://www.openrice.com/restaurant/commentdetail.htm?commentid=2269078求婚的經過和難忘事情，也與不少朋友分享過接受了各方的祝福，在此再次多謝大家!!!求婚完成，經過人生中最難忘的一刻，就到了架架仔最愛的火箭餐廳我們也就先靜下來，吃過炸雞下午茶再起行!時間過得飛快，上次到來是零七年的除夕煙花之夜還記得那晚餐廳擠滿了人，熱鬧得很時移世易，同一地點，我們由當日的初戀情人，如今已變成將成為夫婦的一對了上次擠滿人的火箭餐廳，在這下午茶時段，位置鬆動得多點了一個炸雞餐後，也可輕易找到座位七十多元的炸雞餐，也不要期望太多，因為價格是與地點有關，而不是食物的質量不過，向來覺得這裡的炸雞做得不錯炸雞槌和炸雞胸也做得香脆少油，不過今回吃到的脂肪層的確是厚了一點薯條炸得乾身香脆，不過，醉翁之意不在酒，我們邊吃邊看着剛才求婚時工作人員送上的一小袋紀念品拿出來一看，原來是一張迪士尼發出的求婚証書和紀念襟章，真的甚具珍藏價值一定會珍而重之

以前黎迪士尼 , 最鍾意係買雞脾食 , 好淋好入味 ,有埋手套比你 , 好方便 , 無記錯應該係 $ 20 ,o係主題樂園食野黎講 , 都唔算太貴o既 , 不過自從上次黎明日世界試過呢個墨西哥脆片之後 , 就成日都記掛住佢之後就成為左入黎迪士尼指定要食o家喇 , 而雞脾 ...好似已經唔見有得賣 , 取而代之o係燒賣魚旦熱狗腸平時食墨西哥脆片 , 多數都係一片片偏硬身o既粟米片但呢度呢隻係比較薄身比較鬆脆 , 仲唔只係點芝士醬 而係有芝士醬之餘再淋上新鮮蕃茄粉同墨西哥肉醬 ,唔係分開比你自己點黎食 , 而係淋晒上脆片面 ,用义食唔使用手拎 , 衛生 d , 唔好o既就係會浸住晒不過其實好快就會食晒 , 唔會真係好快淋晒肉醬內有紅腰豆 , 好香惹味 , 脆片除左陣陣粟米味仲有少許辣味 , 配上香濃芝士醬同墨西哥肉醬 , 口感同味道都非常豐富 , 以質量黎計價錢仲唔算貴添## 上黎 openrice 一睇 , 原來迪士尼樂園內都唔少食店 , 各種風味餐類 , 小食, 雪糕 , 甜點 , 可以話係應有盡有 , 呢一方面我認為比海洋公園優勝得多 , 價錢都較為相宜由其是兩酒店o既自助餐 ,

公司包場，有免費門票來到迪士尼，不經不覺已玩了三個幾鐘，又累又餓，附近的餐廳都大排長龍，玩機動遊戲已經排得夠久了，實在不想吃的也要排隊。來到Starliner Diner，太好了，沒什麼人，很多空坐位。快快選好餐後，來到外邊的桌子，選了一張看到煙花的位置。叫了一份魚柳包餐，一份漢堡包餐。薯條仲熱，小小鹽，唔油，幾好味。睇落個桶好似好細咁，但入面原來份量唔少。魚柳包唔掂，凍左，塊魚好腥，又少醬，吃左一半放棄了。牛肉漢堡幾好，兩塊牛肉，兩片番茄，再有芝士，生菜，酸瓜等。味道唔錯，可惜都係凍嘅，唔知做定幾耐呢。汽水要了一杯可樂走冰，一杯雪碧正常，落單姐姐double confirm左，但唔知點解出到黎兩杯都幫我走杯了……係呢啲遊客區，七十幾蚊個餐絶對唔貴，再加上服務態度真係幾好，雖然錯單，個包熱番啲可以攞更高分。睇住煙花食包，人生幾何。

今日(18-9-2012 Tue)同男友遊廸士尼,由於o係室外都有一段時間,我o地就入o黎避吓先,睇睇有咩o野食?係$70.00一個o既漢堡餐,咁鬼貴,而且我o地又唔係肚餓,不過佢都用$22.00買杯士多啤梨新地食,睇吓杯新地少到,食落,好彩士多啤梨漿唔難入口,而雪糕o既雲尼拿味好似唔係好夠,滑度OK,好掛住麥當勞$3.00o既新地筒.

人生第一次到迪士尼，6:00pm入場玩萬勝節夜場，由於未開飯關係，走到這間火箭餐廳開餐﹗睇一睇餐牌心已一沉，來迪士尼食飯貴都預左，$70-$80一個餐，點了個炸雞籃餐加多個魚柳包，$134﹗貴都唔緊要，難食才會鬧﹗炸雞炸粉成吋厚不突止，仲要鹹得不得了﹗至慘係個魚柳包，大佬件魚柳炸到又硬又乾，仲要沙律醬得幾滴，食落又嚡又無味，食左半個頂唔順棄之..........真係唔多明點解會有廿幾個笑評，大家有吃過麥當奴嗎？