灣景廳

這個下午茶自助餐是較早前的，現在的自助餐轉了主題，以香港懷舊小食為主。由於自助餐價錢只是百多元，所以沒有太大期望，但出奇地食物的種類不算少，而質素也不差．食物包括沙律、壽司、薄餅、魚蛋牛丸、即煮意粉、燒飯串、Movenpick雪糕、朱古力噴泉等。最好味的是燒飯串，像日式飯團一樣，但這是燒過的，香脆內軟，還可以點醬，很惹味的。不過現在這個燒飯串只在2月份的自助晚餐才有。而雪糕是我最喜歡的Movenpick雪糕，我用了一些朱古力噴泉的朱古力滴進雪糕的面層，很快朱古力便結成朱古力脆皮，很好味呢！

有Free coupon for 2 ppl Dinner buffet, 就定了今日去食左佢~~因為係Free Coupon, 所以我同男朋友都冇咩期望, 原本約左7點, 但係塞車, 就打去叫酒店Hold 到7點半, 佢地都OK, 好好人~~到達酒店, 好快就上到去1/F餐廳, 已經好多人囉~~不過坐位都唔會好迫, 我地就分左去一個好近Buffet 枱0既兩人枱~~好方便~~之後就係咁食食食, 食到唔記得影相~~生蠔 - 我本身唔食, 不過男朋友就食左10幾隻, 都新鮮~同埋見d 生蠔上就得好快, 一冇就有人加返~~Good Good~凍食 - 一般沙律, 煙三文魚, 巴馬火腿+蜜瓜, 長腳蟹, 凍蟹, 青口, 藍青口, 翡翠螺, 最好食係翡翠螺, 蟹有點太咸~壽司 / 刺身 - 呢個就少d 野食, 有三文魚, 八爪魚, 吞拿魚同立魚, 仲有蛋壽司, 加洲卷, 三文魚, 好似有6-7款咁上下, 仲有冷面~~湯 - 青紅羅白豬踭湯同龍蝦濃湯, 我飲左龍蝦濃湯, 好咸熱食 - 炒飯, 炒面, 乾蒸燒賣, 豬腳薑, 炒菜, 炒雞, 仲有焗龍蝦同焗魚 -- 焗野OK, 其他就一般般啦~~B

在openrice搜尋見到呢間歺廳標題是龍蝦鵝肝宴，價錢又不貴而且又有8折，於是乎就決定去呢間食喇！因為我地早左到達，所以無需等候入座，在等食其間參觀歺廳環境，這𥚃不算太大座位間隔亦有適當距離，只是冷氣大左D。太概1830Pm就開始dinner。首先我地主攻龍蝦同生蠔，龍蝦好新鮮肉質爽甜，生蠔好肥美又大隻喎。跟住就魚生同鵝肝，三魚生都OK無咩特別，吞拿魚有D根但仍然食到，鵝肝正到不得了入口即溶，太好味吃了兩轉😍😍燒羊架好正蝦亦都好爽脆。其餘重有焗蠔、龍蝦湯、蜜瓜ham、燒牛扒等等....都好好好正👍👍👍最後我想多謝今晚一位短髮服務員(因看不見她名牌，所以不知她姓名)，小女因大意不小心跌了部 I pod 5 在地上，好彩給這位服務員見到通知我們，若不是小女就不見了她心愛生日禮物了。謝謝短髮服務員姐姐。

遲到食評二0一二年中秋日中午12時到達酒店餐廳, 甫出lift, WoW 有老人團......幸好被安排坐在偏廳, 環境寧靜各人把自攜物品安頓好後, 便分批向buffet bar table 進發第一站, 就是去有較少老人家聚集的「生冷嘢部」------ 沙律及凍海鮮蔬菜新鮮爽脆, 凍海鮮只有青口及蝦Cold cut 唔錯燒牛肉有血、肉嫩、牛肉味濃, 可惜出了2轉就無再出下兩幅相片屬熱盤, 左面是菜忌廉魚柳, 魚肉滑又鮮 ； 右面是鴨胸肉其後熱盤部的老人潮退了不少, 係時候後生仔出動豬腳薑最得老人家歡心, 差不多人人有份, 我都要等幾轉才拿到一碗去吃, 的確煲得不錯 甜醋順喉, 豬皮入口欲即化, 腳根軟糯 左下相片屬薯蓉, 用真薯仔搓所以薯味濃, 搓功弄得薯蓉幼滑左上海鮮意粉, 我見海鮮通常會被攞晒, 剩下大量意粉, 不過厨師唔會咁快添燒雞皮脆肉嫩, 當厨師切時還有雞汁流出, 香草味濃 熊小O有拎碗剩丸, 我食咗1粒炸魚蛋及1粒牛丸, 味道評估係凍肉鋪所賣的「最普通十多元一磅的貨式」, 粉多過乜刺身壽司呢d生冷嘢, 原來好多老人家都愛吃 (刺身每人每次限攞1碟)三文魚肥美但立魚勁腥

知道灣景廳做緊鵝肝任食，所以襯生日去試下鵝肝好好味，外脆內軟，有入口即溶既感覺，而且師傅態度好好，我同男友都食左好多!另外，生蠔長腳蟹都好新鮮，三文魚好肥美。甜品有movenpick雪糕，仲要有好多隻味，正！d waiter waitress 換碟換得好，態度很好，真係值得一讚。

小弟o係灣仔區返工﹐久唔久每個月左右都會試下同同事係呢度食個lunch。畢竟附近地方又貴, 又唔係話好食, 最緊要等死人。又咁o岩呢排呢度裝完修﹐鐘意食野既我緊係試下先。去餐廳前發覺個lobby裝緊修﹐要係好似停車場既地方先入到去﹐不過睇落都ok﹐之後上到去餐廳﹐伊~~幾型仔噃~睇落豪華左好多同多左好多野食﹐多左個鐵板即場抄d野新鮮d啦﹐同埋都有d唔同款既野食既~ 今日食左唔知咩牛肉丸﹐又幾好食, 見有個哥哥仔煎左d豬扒﹐熱住食又幾好食﹐整體味道好左﹐沙律冷盤果d都好似多左d野食﹐仲有我至愛既芝士拼盤﹐不過冷盤就差咁個煙三文魚啦~有埋就好~而食飽正餐就緊係殺下甜品啦﹐甜品個麵包布丁唔錯﹐粟子蛋糕都唔錯但係甜左小小﹐個黑森林就有d怪﹐好似係用料唔太夾﹐苦苦地又加埋d口感怪怪地﹐焦糖蛋都唔差。熱盤上食物質數不錯﹐加上款色多左,個餐廳又靚左﹐唔錯﹐甜品有幾款都唔錯﹐但係有某一兩種蛋糕類仲要改善改善﹐畢竟要改善既蛋糕其實唔難整﹐有某d難整又幾好食﹐可能有d係學徒整﹐真係要訓練一下。埋單$148, 比之前貴左20蚊﹐折埋都係貴之前10蚊左右。真係值得一試﹐走之前聽到夜晚做緊個好似咩鵝肝龍蝦buf

看見報紙廣告得知9月22日裝修後重開，即刻訂了位同家人來嘗試新野，結果大家都好滿意咁食到飽飽咁離開。要欣賞的地方如下:1)facebook優惠，$328已包加一，低食!2)海鮮方面，生蠔算新鮮，不停補添。翡翠螺乾淨無沙，蟹腳同麵包蟹偏咸，但有蟹味，仲有蝦同藍青口，低食!3)鵝肝多士好正!4)好甜品的我，吃了兩份窩夫配雪糕，剛焗好脆身的窩夫配movenpick雪糕，簡直是美味到極!另再吃了多個口味的雪糕，已回本。甜品有多款蛋糕同布甸，好食!因市面好難買咁多口味的Movenpick雪糕，今次因為呢度有提供而來，食得好滿足，好開心!

有facebook coupon $225包加一.........一個字.....抵因現在酒店裝修中，個場比較細點!但都算舒適，並無逼人的感覺。請睇睇相先:出蟹次數唔多，有點覺得太少。Ice-cream食完就無re-fill......我就覺得夠！但有re-fill就更好！總體都唔錯特別係2百幾連加1......仲要灣仔......正!我比今次70分

見到免費報紙有COUPON, 所以再去試DINNER BUFFET冷盤算OK啦~ 估唔到會有幾款芝士可選~長腳蟹, 生蠔, 青口等有不停REFILL長腳蟹都OK, 但生蠔雖然大隻, 有點不太新鮮的味道...可惜冇面包蟹, 海膽鵝肝多士....魚生不錯, 但壽司的款就跟LUNCH的一樣不太吸引了~主食的款都算夠~ 而且每次REFILL後都係唔同的野~ ^^"朋友食完個牛仔骨話好味, 到我想拎的時候已經係另一樣菜式了~咖哩不單只有飯, 仲可以選薄餅~特別有片皮鴨. 算好味件鴨大到塊粉皮包唔哂.....最喜歡的係甜品~ 中西式都有~CAKE有好多~ 仲有朱古力噴泉, 即做的窩夫 ! 又有豆腐花, 雪耳煲雪梨還有H字頭的雪糕 ~ 完全係大部分時間食甜品~這個價都叫唔錯啦~

由於生日關係，特別留意自助餐優惠，今次在報章見有75折，便同好友一齊試好野！冷盤 - 今次不算多可能主打生蠔,不見有麵包蟹熱盤 - OK 還有北京烤鴨甜品 - OK

上司請全TEAM人食LUNCH, 之前都係去酒樓 , 今次諗住去西餐廳. 見到這裡有LUNCH BUFFET, 比PP的西餐廳還要平, 而且信用卡有85折, 雖然要行遠少少, 都係一行十幾人去試下~ 環境不錯~ 不過我地人多, 沒有窗邊位~沙律吧,冷盤款式都夠~ 幾新鮮壽司款不多, 沒有試, 但見佢不停REFILL . 刺身只有2款. 都算OK有中湯, 西湯, 熱住的面包, 點心~熱葷魚,肉,菜等7-8款也有烤腸, 炒飯炒面, 意粉, 車仔面, 等等.味道不錯喔~ 而且竟然有豬腳薑添 ! 最吸引的是一個雪櫃的CAKE. 全部細細件, 可以試不同的~個人認為芝士餅同TIRAMISU最好味~ 佢仲有中式甜品.飲品也自助任飲.有2款水果. 雪糕應該係雀巢 ~ 總括來說, 這個價錢的LUNCH BUFFET, 質素不錯~見佢DINNER BUFFET都唔貴, 下次再去試 !

上星期與朋友食完，好好味，今星期要與家人再食多次。海膽鵝肝多士，只出了幾次，好快俾人搶晒..海膽，好味~~面包蟹，好多高，出佐好多次，好味~天婦羅，不用汁，洒小小鹽，己經極好味。我最鐘意蕃薯。我妹鐘意H雪糕。我又吾覺有咩特別。除佐價錢。最後一杯即磨咖啡﹑凍紅茶，好滿足。

6:30去到，拎到面包蟹，成塊面咁大，YEAH~~出佐一次，冇再出啦~~成隻都係蟹高，蟹肉好鮮甜嫁。發狂地食，吾記得影相，可惜。食佐呢隻蟹，已經回本。長腳蟹，好甜。藍青蠔，好鮮味。海膽鵝肝多士，外面煎香，入口即溶，加上海膽，非常﹑超級好味海膽壽司，好味每檯一杯小蠟燭食物款式吾多，不過，面包蟹﹑長腳蟹﹑藍青蠔﹑海膽﹑鵝肝，樣樣都好味。75折後，$235。絕對回本~

雖然新年過後應該要好好KEEP FIT, 但老媽子生日是大晒的!! 佢好耐都無食過BUFFET, 又咁啱起報紙見到灣景酒店有75折COUPON, 仲要有蟹食, 順理成章就去咗佢哋間餐廳啦佢哋今期做緊蝦蝦蟹蟹自助晚餐, 我哋呢D唔執輸嘅人當然係主攻食海鮮啦, 坦白講, 款式真係唔係話太多, 可能係價錢問題啦(唔駛三百蚊), 不過食物質素又OK喎~~好似長腳蟹、凍蟹、刺身、翡翠螺...., 都幾新鮮, 同埋夠凍, 感覺好FRESH。熱盤方面, 有個好似煮蜆嘅菜式(唔係好記得個名)一定要試, 好有海水嘅鮮味 仲有黃金蝦呀、釀蟹蓋呀、軟殼蟹等, 款式普通不過都煮得幾香口同入味, 唔錯比較特別嘅係佢哋嘅甜品, 全部都好mini, 可以試多D唔同口味~~而最好味嘅甜品,就當然係H字頭ICE-CREAM啦, 我自己一個人都食咗3杯, 抵晒!值得一讚係佢哋嘅服務, 無論係廚師定係侍應都好友善細心, 如果下次再有報紙折扣都會再來

自助午餐抵食，相對晚餐，食物可能不太多和貴價，但午餐不過１５０，款式夠，算是抵食。有中湯和西湯，ok.魚生新鮮。　壽司一般。有豬腳薑，但汁太油，無吃。有粥，配料多，值得吃。餐飲自己任添。有冷面，不過不失。甜品小點款式勁多，食到唔停口。又有熱的西米露。雪糕是雀巢。有涼粉和雜果。值得再來吃。