灣景廳

朋友幫我慶生選了這裡的午餐自助餐。午餐自助餐沒有貴價的海鮮，只有蝦，青口及蜆，當然這個價錢也沒有預期有生蠔及蟹腳這些啦。海律很新鮮，奶油菜很甜這個牛肉不錯，好食 配上黃芥末醬一流這個魚生飯有沙律醬好好食啊！雖然只有三文魚，但三文魚都好肥美而且魚肉很軟加上紫菜及蟹柳，我吃了兩盤 這個青口意粉要大讚 汁不會太多，剛剛好沒有流出來的程度，而且意粉不會太軟，時間拿捏得非常好！忌廉很creamy, 留在口腔內整個喉嚨都充滿著超水準的意粉tiramisu好正，平時我覺得會有點點苦澀味，但這個沒有，而且很香，我即使很飽仍然繼續吃，它那口感是很滑！很少有tiramisu可這麼吸引我 PANCAKE暖暖的加上雪糕是天衣無縫，太好食，pancake 是新鮮製的雪糕雖然是牛奶公司，但仍然無損好食度！環境其實不錯，看餐廳同樓下大堂，我覺得是新起的，很靚很新 $200以下可以吃這個質素絕對值得

以前灣景廳時常都有優惠，補給快而且也很好吃，故時常都會來吃的。但今次再來吃，覺得有些失望。生蠔瘦又不新鮮;蒸扇貝只出一次，沒有再出;麵包蟹有很重雪味，也沒有補給;蟹腳只吃到醎味，而且還有冰;龍蝦蟹籽沙律只見薯仔,不見龍蝦肉及蟹籽;羊架燒到好乾;無看見他們強調週末才供應的智利赤蝦，可能無供應或只出一次；加洲卷上的蟹子是暗淡色的，可能已經雪了很久，完全不新鮮;而且人手完全不足，吃了幾轉食物，也沒有人來收拾。刺身方面算ok;熱盤會有驚喜，但款式太少：即煮意粉，比想像中好吃；龍蝦汁燉飯十分好味；牛柳也煮得不錯；奉送半隻龍蝦也ok。總括來說，熱盤較出色，海鮮完全可以不吃以四月生日全桌小童價，也要每位HK$415.80來說，只有熱盤和刺身吃得過，實在太貴了。

今次已經第三次黎食喇😁 今月係蒸蒸海鮮主題😋😋~ 甘樣蒸蟹腳又幾好味喎😋仲有大虎蝦~ 正😋😋 蟶子都唔錯~~ 呢隻唔知係咩蚌~ 味道怪怪麻麻地~ 今次 d 生蠔麻麻地有苦味~ 但都新鮮的~ 刺生帶子三文魚都好新鮮~ 帶子仲好大粒添👍🏻 仲有粉絲蒸元貝同芝士焗蠔添~ 正~ 朋友激讚中湯無得頂~ 另外羊架牛扒唔少得😁 不過羊架望落太生無試到~ 牛扒就幾嫰好味~ 沙律吧芝士都多選擇👍🏻 甜品選擇唔多~ 但勝在有 movenpick 雪糕🍦仲要有勁多款~ 選左我最愛既青檸~ creme brulee 同 tiramisu😁仲有豆腐花都好香好滑~ 可能主題關係~ 今次明顯多左客人差唔多全 full~ 服務就比上次差了~ 上次員工廚師全部都好 nice~ 今次好多員工都無咩表情~ 只得一位穿西裝男職員相信係經理服務好好👍🏻~ 上次員工會細心主動用布袋蓋住我地既手袋外套怕整污糟~ 今次完全無~ 希望酒店要注意一下喇~~ 同埋酒店可考慮加設自助飲品 bar 同咖啡機~ 得一杯餐茶真係唔夠喉呢😝😝

啦~啦~啦~雖然最近的天氣都是陰陰暗暗又潮濕讓人無論做什麼事都沒動力又沒興致但還是要去做一些自己喜歡的事不但可以放鬆，也可以減減壓早前拎拎跟朋友子去了酒店吃海鮮自助餐是位於灣仔的灣景國際 灣景廳很喜歡吃海鮮的我就被這個「多層鮮味」蒸海鮮自助晚餐吸引用餐時間為18:30-21:30，共三個小時我們六點多就已經到了，職員安排我們先入座由於還沒到18:30的開始時間，所以很多人也先出去拍照每一桌上都有剪刀和鉗，方便食用海鮮時用除了一般大大小小的方型檯，也有圓檯，方便大伙人聚餐來看看食物吧有生蠔是美國生蠔及紐西蘭生蠔雖然不是當場即開即食，但就沒有限制每次可以取多少隻冰鎮海鮮還有花蟹腳、青口、東風螺、麵包蟹、蜆和蝦也有沙律區還有魚生，包括三文魚、八爪魚、吞拿魚、帶子、北寄貝、希靈魚、油甘魚和甜蝦等也有即場的燒牛扒、燒太子魷魚熟食方面也有很多選擇，包括炸田雞、比目魚、意大利餛飩、蒸扇貝等等也有不同的麵包和火腿煙肉連芝士也有三款，說真的，我個人是受不了那blue cheese的味道，哈能跟朋友子一起吃飯就是一件讓人很放鬆又開心的事了我本來就喜歡吃生蠔還蠻新鮮的如果不太喜歡吃生冷海鮮的話，也有蒸海鮮可

復活節應吓節就梗係食個自助餐，奈何各大酒店收費不菲，好彩朋友介紹呢間，環境唔差食物質素ok, 仲要有熱冷盤+甜品任食都只係每位$168 (我哋早落訂再75折)。先講熱盤，有中式點心同西式小菜如香草雞，另加飽肚嘅粉麵飯，總有幾款啱食。其中我最鐘意粒粒蘿蔔糕，香口又實淨; 另外漢堡扒同糯米雞都值得一試。至於主角甜品亦冇令小妹失望。打正旗號用上lindt朱古力製作，入口幼滑唔甜膩，酷愛白朱古力嘅我當然要白朱噴泉棉花糖同復活蛋 另蘋果批(酥？)亦粒粒爽口清甜，皮薄餡靚。。最有驚喜係香橙mousse朱古力蛋糕，橙絲足料增加口感，酸甜芳香，中和咗黑森林嘅甜滯雖然中段已經好飽，但都要戰鬥到最後一刻，就係要幾球movenpick雪糕。我揀咗士多啤梨同creme brulee, 賣相味道俱拍得住其他名牌要dreyers同haagen dazs (士多啤梨粒粒果肉，唯一要彈係酸咗啲)。。焦糖燉蛋就甜度剛剛好，配合自加嘅oreo topping真係冇得頂臨走前再試白朱古力蛋糕，外層脆皮好香滑，內層蛋糕同cream又唔太滯，仲有裝飾嘅蝴蝶好靚，令我想起tony wong/ ms B嘅出品，可惜忘記試埋炸朱古力

見佢呢輪主題係蒸海鮮就去試下主角蒸海鮮：不似預期，主要係蟹腳蟹鉗，青口，蟶子，螺等，蟹腳蟹鉗啲肉好chi殼好難食倒啲肉，蟶子肉幼過筷子，唔掂生蠔：有兩款，美國同另一種細啲(冇留意來自邊度), 美國蠔好新鮮有海水味，大隻味濃，refill得快，好過啲所謂即開又要排隊又要配給，讚刺身：帶子大大粒，甜蝦係細細隻嗰啲，正其他熟食：選擇少，只有蒜蓉蒸扇貝(一出就俾人搶晒) 及煮三文魚枊較味美，其他中式熟食味道不如茶記小店甜品味道不行，太甜movenpick雪糕是亮點，有專人幫你"筆"埋，猛食8球員工服務好好，主動又有笑容，讚

年初二有煙花睇，又唔算太貴。 最重要有位。所以就 booking到啦！我們今次在 2樓食buffet 之後夠鐘行出去睇煙花。 環境都算整潔 ，又唔會太多人。 有個小平台可以睇到。服務員都算快手，收拾。雖然人手唔算多。好彩訂位的人唔算多 ，睇煙花的地方唔算太逼。生蠔，長腳蟹 ， 麵包蟹 ，凍蝦， 青口 全部放出晒任攞。不過第1轉的生蠔比較鮮味，夠creamy 比較新鮮 ，第2輪出的有些腥味 ，無咁好食。長腳蟹夠肉 ，夠香甜，啖啖肉。 凍蝦，夠爽甜。今日仲每人送左碟 ， 鮑魚海參 ，味道就真是麻麻，飽魚好迷你 ，約半張 八達通size, 味道夠濃，比較滑身 ，海參比較腥 ， 滑散散唔吸引。刺身 : 肥美的三文魚 ，肥美咁香 。仲有 油甘魚 ，食入口香滑 ，滿口肥美油香 ，唔會覺得好腥 ，仲有 帶子，北寄貝，甜蝦 選擇都算豐富。甜品選擇都算多 ，豆腐花滑do do,夠熱。 芝士餅 夠香夠濃味，一入口滿口芝士清香。熱飲任攞，入場時仲每人包杯飲品。總括嚟講 ，今日初2 應該比平時豐富，4百幾蚊 ，幾抵食。

上星期日，朋友結婚週年紀念一行十一人一齊食自助餐最吸引我嘅，就緊係生蠔喇呢間仲係任攞，吾使限攞兩隻蠔雖然吾大隻，但很新鮮，有海水味!仲有好多款式嘅魚生:三文魚就一定有啦，仲有大大隻嘅赤海虾，啲虾肉爽甜，肥美嘅帶子，一口食落去，成口都黏黏咁，好新鲜!每人一份和牛，牛肉煎得剛剛好，入口嫩滑仲有movepick 雪糕添!十位以上仲有折扣，每人三百九十八，幾抵，下次都想再食

上次食Dinner buffet俾左個discount我係$160 lunch buffet免加一/Mezz floor優惠午餐/七五折Tea buffet💞見到近排promote有朱古力主題tea buffet🍫作為朱古力狂迷既我就當然狗衝用左個七五折益埋班fd😎每人$143包埋加一 個人覺得係超值既!!!雖然無食到哇哇聲但都係超級滿足😍最緊要係無限量既movenpick🍦四款少左d😢不過想食多d就去dinner buffet啦八款任簡包你滿意😏Tea buffet係無刺身架🍙壽司同卷物亦五多選擇但係百五蚊都五洗你要求得幾多😈甜蛋五係特別好食但係都ok可以一試~三文魚油脂五多但係夠新鮮所以推介🐟壽司飯試少少夠啦有魚生粒既位就食多d啦😂螺片偏薄但有嚼口可惜無咩鮮味😧腐皮係平時出面既一般質素 鐘意腐皮既即管食😌卷物我㩒到d飯好硬所以全部無試到💀熱食方面炸餃子好粉好奇怪五多熱😂吉列豬排有d硬亦都五熱😢炸魚餅係伏五好試!!我咬左一啖放棄左😭芝士腸好得意😇入面五係流心但係真係一粒粒芝士😂👅炸朱古力波推介!!!五係話好熱但係流心朱古力超正加上個皮五硬💓其實冷盤最推介係雜菇🍄爽得嚟d汁都五油👅真心

母親大人生日,特意上星期落訂book左呢度既和牛buffet~book佢既原因係佢價錢合理,openrice coupon有8折.仲有香討好多bro sis介紹.海鮮都叫有幾款,好可惜佢既長腳蟹好咸,正如之前啲食評咁講~熱食都好多種類,想讚一讚係佢個西冷,牛味重,重要夠熱!!!!夠熱係個重點,唔知點解近期食既buffet d西冷都凍冰冰,好失色 另外,今餐賣點係和牛,我地3個人派左一張卡仔去換和牛,係唔錯既不過我覺得師傳煎得過火少少到埋單,我好大頭蝦唔記得印返openrice張8折卷,好彩經理好醒目,話幫我搞掂佢!!!!真係好服務!!!

由於同事極力推介港灣廚的自助餐，作為一個foodie又點可以唔去?拿拿林去book位, 預早book位同交deposit就可以以優惠價$368(包加一)去享用自助晚餐!好喇, 事不宜遲, 入正題去介紹下今餐buffet先。甜品的選擇都好豐富，有好多選擇，重點係唔係太甜，好多五星酒店既甜品都太甜，唔係我杯茶。海鮮選擇又多又新鮮。 

今天我們一家人來這裡吃自助午餐，環觀整間餐廳，發現食客們的衣著都十分casual, 像從酒店房下來用餐似的。食物款式不少，我選吃的如下：切羊脾：肉質很軟腍，很入味，有羊味和胡椒味炒飯不熱，味道一般炸雞翼不夠熱辣，但肉質嫩滑，味道較淡蒸豆腐很軟滑，但不熱豬腳薑的蛋很入味，軟硬適中，味道不錯。豬腳肉質很軟滑。有菜、雲耳和冬菇，味道一般。咖啡機有柑橘綠茶，味道甜美，飲落去很舒服。沙律有多款菜供應，另外小蕃茄很鮮甜，粟米粒也不錯。壽司飯很受食客歡迎，好不容易才拿到回座位吃。湯有兩款，分別是粟米忌廉湯和青紅蘿蔔苦瓜湯。粟米忌廉湯很熱，很有粟米味，湯的浠杰程度適中；青紅蘿蔔苦瓜湯味道很甜。三文魚片味道不錯，亦算新鮮。餐廳有熱香餅機供食客自製小型熱香餅，味道不錯，質地很軟，側邊有些果仁乾果可作點綴。雪糕是雀巢雪糕，很夠涷，味道不錯。甜品有很多款式，我選了tiramisu 蛋糕、綠茶蛋糕、咖啡蛋糕、朱古力蛋糕、芒果蛋糕、芝士蛋糕、草莓蛋糕和藍莓啫哩等。蛋糕質地軟熟，味道甜美。總括而言，食物款式和味道不錯，但侍應不夠專業, 經常在食客未食完時便來收碟。另外，我們一枱五人，問侍應有沒有濕紙巾，結果她只給我

因為工作關係，所以要黎呢到食飯。餐廳座位都算幾舒適，環境又唔算太嘈，食物種類雖然唔係太多，但係以咁既價錢，自助午餐黎講200蚊有走都算係咁架啦。冷盤有沙律，雜菜，薯仔，水果，粟米，火腿同埋海鮮等等，沙律菜好新鮮，但係相比下海鮮就麻麻地啦。刺身壽司選擇不多，刺身只有三文魚及鯛魚兩種。三文魚相對比較新鮮，至於壽司賣相同味道都幾好。熱盤款式唔算太吸引，稍為比較特別既都係湯粉麵檔，可以隨便揀幾款食。較為驚喜既係有豬腳薑，呢款食物都幾受歡迎。甜品方面有各式各樣既蛋糕，泡芙，麵包布甸，雪糕，朱古力噴泉同埋自助pancake機等等，應有盡有，朱古力噴泉同自助pancake機仲特別吸引，可惜除左麵包布甸之外，其他甜品整體味道同酒店級數似乎仲差一大段矩離。餐飲方面亦都係自助，有各式各樣既果汁，咖啡或茶同埋熱朱古力供應，值得一讚既係杯 cappucino ，奶同咖啡既比例近乎完美。

刻意過黎食生蠔，d生蠔無規定每次攞幾多隻，每次岀面差不多無哂，就已經有人加上，好快手食落好有海水味，好新鲜，食唔停口，正。有半生熟薄牛，食落好滑，唔會血淋淋。蟹有麵包蟹同長腳蟹，食落鲜甜。個蟹蓋超多go，蟹腳啖啖肉，正d龍蝦熱辣辣好味，啖啖肉又鲜甜。牛尾好夠淋又入味。豆腐花又香又滑。 movenpick雪糕有好多款口味提供，青檸味清新，朱古力昧香濃，蕉糖味好有糖醬嘅昧道，士多啤梨味粒粒果肉。有好多種甜品，d cake 好軟身，好好昧。最後食多種唔同嘅生果，好满足牙，食足三个鐘。姐姐仲即塲正左個字樣給我慶祝生日好開心牙

加入了閒師這一個組織已超過兩個年頭了，當中，認識了不少業界的前輩同同齡的朋友，令自己感覺在工作上得到同業的打氣同肯定之外，同在大家身上學了不少會計上及會計以外知識，感覺是獲益良多。其實，我們一班會計友，有好多的名字，早上 Discuss.com.hk 時代已經認識，但一直都只是是網名稱呼，不會見真人。然而，facebook 的出現，把我們這一幫人拉近了，當中，有男、有女、有資深老前輩、有初出芽廬者、也有像我這些在業界原地打滾的大眾，是一個非常有層次的組織，但我們當中並沒有什麼歧視，沒有什麼階級觀念，大家，只為了一個目的，同業聯誼，在壓力大，要求高的工作環境下，讓大家開心一下，relax 下，兼有同業幫忙解決工作上及生活上的種種難題。不計以前 discuss 的年頭，這是閒師在 facebook 開 group 的三週年，而這一次的週年祭，同樣是以食自助餐為主題，只是由日式的放題，變為酒店自助餐，地點，就是《灣景國際》(The Harbourview)內的《灣景廳》。當晚興高采烈，回家才知道我沒有在酒店門口及/或在餐廳門口拍照。不過，餐廳其實是沒有門口的，一出升降機門，就是帶位的 rec