瀛風 (啟田市場) (已結業)

今日去藍田探朋友一於買啲嘢食～外賣去人屋企我哋都鍾意食日本嘢 見到呢一間外賣日式小店 有手卷,定食,等等價錢亦都不貴 就叫咗幾樣發屋企食咖喱牛肉烏冬好細心咁將咖喱同烏冬分開裝 烏冬煙韌 好吃 牛肉份量也多～咖喱是日式咖喱不辣 好好嘅配搭瀛風卷招牌飯卷🥳一盒有六件係火炙三文魚上放上辣醬帶出了鮮美一口一啖好好食另外亦叫了兩個手卷吞拿魚手卷非常大份😯紫菜用獨立包裝，保證不會淋，配上豉油一起吃相當唔錯🤗火炙三文魚腩手卷三文魚腩大大件 🥰燒得好香 飽肚又好吃！咁多嘢夾埋都唔使$200，性價比好高！😝

🔎 藍田啟田道50號啟田市場地下1087號舖📍 瀛風手卷.咖哩流心豬扒丼($60)太耐無食過咖哩,一見到佢有流心兩字已經決定一定要買.見到有唔少人都排隊買外賣,疫情下外賣真係好重要.咖哩味幾濃郁,非常好味.大大盒都幾抵食.鹽燒鯖魚丼($40)以前讀書個時一想食韓國炸雞只會諗起李家.李家炸雞真係好出名好好食.甜辣炸雞嚟講我覺得係李家食嘅係最好食.醬汁並唔會太濃太甜,加上炸得剛好.每件都好大件,所以十分喜歡佢哋嘅甜辣炸雞,如果唔算好大食,一份可以3個人分.太卷($25)太卷嚟講價錢都幾抵,而且味道都幾好.飯量都幾多吉列魚柳($16)太耐無食過吉列魚柳,好開心有得單點,配埋個醬真係無得彈.#entrylamtin

星期日一早去咗藍田超市入貨，之後就喺樓下翻新咗嘅市集買午餐。各式小食店同飲品店都有，但天氣仲係好熱☀️，所以我決定買日本嘢食，感覺無咁㷫烚烚，幫襯咗「瀛風 」。小店做外賣為主🥡，舖面唔大，但都有幾個年輕哥仔喺到做廚，落心落力。有別於好多其他小店只賣壽司刺身，呢度仲有唔少熟食賣，例如炸物同咖哩飯等。由於食物係即叫即整，所以要預番起碼十分鐘等候時間。不過新鮮熱辣辣整起更吸引，我拎到返屋企食仲係熱的👍。我買咗二百蚊食物，三份人食。望落好似唔係好多嘢食，點知食完超飽🙈，仲淨咗個手卷留番宵夜食。既然小店係🍣壽司手卷專門店，點都要嗌番件試下嘅。我要咗炙燒芝士三文魚手卷($18)同炸軟殼蟹手卷($26)，兩個都係巨無霸份量，飯超多，餸亦都唔少。當我哋拆開膠袋包紫菜時，更加見到小店出手唔孤寒，三文魚同軟殼蟹唔係得面頭有，而係去到手卷差唔多尖錐嘅位置都有料。🦀軟殼蟹炸得幾香脆，而且仲落埋沙律醬一齊食，好惹味。不過炙燒三文魚雖然係多芝士，但個人覺得爭緊啲沙律醬，唔夠濕。咖哩流心芝士豬扒烏冬($57+$6)，原來咖哩、流心芝士豬扒同烏冬係三樣獨立分開上㗎😍。餐廳不計成本、重視食物質素，唔會求其將佢哋放埋一齊。

經過藍田見到呢間專做外買的日本小店，望見食材都頗新鮮, 於是就Order左回家慢慢歎lu. -北海丼赤海蝦x 2, 三文魚片x 3, 帶子x 3, 油甘魚x 3, 用料十足, 食得出鮮味, 沒有將貨就價情況, 用日本米制作故飯粒分明煙in ，大大滿足啊~ -咖哩炸蝦烏冬炸蝦是即叫即炸, 就算回家吃依然香脆不油膩, 咖哩湯水份比較多而帶甜的, 撈落烏冬一併食，口感是剛剛好, 唔會好杰而章埋一pat, 家人真係食到雪雪聲. - 抹茶可樂第一次飲, 雖然抹茶味不太出, 但解口渴是可以的，喜愛佢唔會好甜🙂。 小店手卷跟壽司都是即叫即製, 款式選擇很多, 門面嘅雪柜都有擺上油甘魚, 三文魚, 赤海蝦、三文魚腩, 帶子, 海膽….，睇落都很新鮮.呢個質數個人認為好食過爭x 跟元X好多, 而且價錢相對相宜，會再幫襯🥳。

藍田呢條小食街開到凌晨2點，不過可能受疫情影響，某d店鋪1點幾就關門，好彩呢間壽司店都算遲收檔。慶祝三周年，依家全單有9折，恭喜恭喜！👍🏼三文魚玉子魚柳卷｜$48呢個卷翻兜左好多次，每一舊都好足料，三文魚啖啖肉，絕對唔係薄切，反卷入面有d脆脆，加埋一齊食好特別。半夜落樓下就食到壽司，實在太幸福，一定要繼續支持。可掃QR code睇menu

今日喺屋企懶洋洋連街都唔想落，唯有用個app叫外賣。最近日式連鎖店都大舉裝修，好耐無食過親子丼喇！所以見到有就即刻叫返一碗黎食，$55包一杯熱雪梨蜜真係好抵呀！支持小店就係香港人嘅任務！日式親子丼之前試過叫親子丼外賣，啲滑蛋焗到熟曬。但係今次幫襯灜風，完全冇呢個問題。滑蛋上到門依然係滑蛋，味道不會輸俾連鎖店，價錢仲平人一大截，一定會返兜再幫襯！日式炒雜菜另外仲買咗碗$32日式炒雜菜，啱晒我呢啲食菜獸。雖然啲菜有少少炒燶，不過味道唔太甜太鹹岩岩好，外賣焗左陣都唔會淋。

藍田近年起左條美食街 開到零晨2 點鐘 岩曬想食宵夜既人又唔洗再捱杯麵啦 今日揀左呢間日式既野食做宵夜 咁佢就有好多款唔同既手卷同埋壽司既 今日就叫左個吉烈蝦卷（$40） 想講一樣野就係佢出餐比較慢少少 差唔多等左成15 分鐘 當時前邊都有3 個人左右 所以推斷係即叫即整既 d吉烈蝦都好脆口 係新鮮炸出黎 但蝦就係冰鮮蝦 無咩蝦既味道 整體上不過不失 可以一試

今晚加班完唔想煮飯，最好就係買外賣。老公提議試下開張不久的壽司店。呢間壽司店自開張以來會推出手卷買一送一優惠，亦有購買折扣。依家仲可以what app落單再自取，很方便。今日做緊炸蝦手卷買一送一，叫咗一份，另外再加咗個海胆凡立貝手卷。全部即叫即做，炸蝦脆卜卜，不油膩；海胆凡立貝鮮味十足。手卷最好係你自己食時先包，紫菜唔會淋哂，食時仲係脆的！另外再叫咗啲壽司：赤海蝦壽司、三文魚腩壽司、龍蝦沙律軍艦、炙燒芝士蟹棒壽司、灸燒三文魚壽司、灸燒左口魚壽司壽司大大件，好足料👍🏻紫薯甘栗餅亦即叫即做，外脆內軟，真係值得一試呢很難得仍有咁用心既小店，希望唔會咁消失啦！

身為藍田區居民應該都知，大約早半年喺啟田街市設立咗條新食街，大部份鋪頭營業到淩晨兩點，絕對我地呢啲夜貓族嘅宵夜好地點。最近新開左一間叫〈灜風〉日式小店，質素奇高，用料用心，而且價錢相宜，絕對值得推介。多款壽司手卷新鮮即叫即製，款式超級多選擇。已經忘了今天是第幾次的光顧，除了點他們新開業的買一送一手卷優惠外，亦點了花之戀，油甘魚和灸燒三文魚，超級好吃。但最難忘都是他們的新張優惠。每天都有不同款式的手卷買一送一，超值超值！！今天是三文魚手卷，別以為原價$16後還要買一送一就會偷工減料。大大片的三文魚一片到底呢！！雖然整個手卷份量不大，但是$16有兩個絕對是超級良心價！！紫菜非常鬆脆，飯粒亦好飽滿，配上肥厚嘅三文魚，真心冇得頂。除了三文魚手卷外，亦見過不同的手卷會做優惠，例如三文魚腩，軟殼蟹，芝士三文魚子等等，詳情可以wtsapp他們或上他們的fb瞭解瞭解。題外話：他們的咖喱也是非常不錯的，炸物亦好吃，希望他們薄利多銷，頂得住〈領X〉的管理方法和租金，支持小店，加油加油！！💪💪💪

啱啱新開見佢手卷做緊買一送一買來試吓 點知就算做緊買一送一都好足料冇偷工減料跟住試咗佢瀛風卷 $54 價錢唔算平 但係我覺得值得三文魚燒得啱啱好 入面都仲有好多料🤤🤤真心高質佢仲有好多飯同烏冬下次會再去食😁😁😁講真價錢真係唔算好平或者好抵但至少我覺得同質素係成正比如果比呢個價錢食到好味嘅嘢我會肯比！依家好多都又貴又唔好食😐😐好少搵到啲真係好食嘅日本野了！住藍田可以去試！寧願買返屋企食都唔想再食元X