瀛風 (啟田市場) (已結業)

今日喺屋企懶洋洋連街都唔想落，唯有用個app叫外賣。最近日式連鎖店都大舉裝修，好耐無食過親子丼喇！所以見到有就即刻叫返一碗黎食，$55包一杯熱雪梨蜜真係好抵呀！支持小店就係香港人嘅任務！日式親子丼之前試過叫親子丼外賣，啲滑蛋焗到熟曬。但係今次幫襯灜風，完全冇呢個問題。滑蛋上到門依然係滑蛋，味道不會輸俾連鎖店，價錢仲平人一大截，一定會返兜再幫襯！日式炒雜菜另外仲買咗碗$32日式炒雜菜，啱晒我呢啲食菜獸。雖然啲菜有少少炒燶，不過味道唔太甜太鹹岩岩好，外賣焗左陣都唔會淋。