瀛豐放題料理專門店 (已搬遷) 新店位置

好耐無食放題, 係銅鑼灣行下, 見到好似好吸引咁~ 90分鐘放題都係唔過$300, 又有魚生又有泰菜, 即係去try!坐低即刻叫定野食先!一黎就即刻上左個刺身大拼盤先,淨係食呢個都物超所值, 入面有兩隻超級大蝦, 好多象拔邦, 北寄貝，希靈魚，肥美既三文魚, 全部都好新鮮, 簡直係入口有陣陣油香，又唔會腥, 一流啊!見質素咁好, 即刻自費追加左長腳蟹同海膽帶子，哇，真係好新鮮! 加少少lemon, 長腳蟹鮮甜到~另外，每日限量既燉湯，今日係蟲草花燉雞，真材實料啖啖肉，飲完好舒服~壽司方面, 全部都好好味，卷物好足料，食左好多~ 花之戀有海膽，超豪氣!炸物好出色，粉唔會大大舊，炸得好脆好味另外，仲叫左D冷盤，鳳爪都好推介，味道好入味，而且好多汁~本地出品雪糕，同飲品，仲有勁多甜品, 唔怪得日日都爆曬位，正啊~ 下次再番黎食~

訂咗8點鐘 ,因為銅鑼灣廣場二期嗰兩間大牌子一間裝修一間訂唔到, 即管試下呢間, 一開𨋢門嗰場肉酸到嚇死人, 完全冇位置畀人等位,左閃右避, 定八點鐘,台西客又唔肯走, d妹妹已經好有禮貌叫佢走, 最後我忍唔住埋去話佢, 台西客要怒啤我, 咩世界。開始用餐 ，呢度係用app叫嘢食， 食物種類選擇少, 先嚟刺身 ,正常嘢, 跟住戲肉嚟啦, 叫咗d熱食二十五分鐘都唔到， 跟住啲妹妹幫我跟， 一個又話有單一個又話冇單， 啲妹妹好好態度講唔好意思， 佢話今日人多廚房冧檔， 跟住我話你唔好同我講呢啲你哋做放題係要速度， 二十五分鐘都出唔到嘢食，咁我食得幾多， 八點入場， 9點30分截單， 出菜出得咁慢， 根本唔夠時間食， 跟住啲妹妹好好態度咁話食得開心啲唔好咁勞氣， 我話我唔係勞氣，不過你哋嘅態度真係好好，算啦盡快啦 ， 咁佢哋就繼續幫我跟單啦， 終於啲嘢食上枱， 啲熟食完全唔掂， 食物種類又少， 真係冇樣掂， 總結不可一不可再， 下次一定去返嗰兩個大牌子。

朋友突然話請我食buffet，佢話嗰度D刺食超鮮甜，種類超多，比得上酒店，我只要食刺身就可回本，又無碳水化合物，唔會增肥，真是吸引!餐廳位置方便，地鐵一出就見到，路痴的我也輕易找到。一到步，見到餐廳的防疫措施不錯，朋友一早就準備了我期待的刺身拼盤: 超肥美三文魚腩、超大珍寶赤瑕、油甘魚、北寄貝、飽片、象拔蚌、希靈魚、八爪魚、北海道角螺等等。海膽帶子，帶子又大隻又鮮甜，海膽份量也不少，超驚喜。我們追加了海膽親子花之戀，蟹籽手卷及京蔥吞拿魚腩蓉手卷，同樣出色。還有我吃了天婦羅、一口和牛、口水雞、皮蛋、餚肉、甜品、汽水等等。不怪得，中午時段，食客越來越多，人氣高企。Buffet有90分鐘任飲任吃。

今晚收工，同屋企人去食放題Book左銅鑼灣既瀛豐價錢唔算貴，所以仲升級左要松葉蟹腳同海膽帶子用qr code就可以點餐，當然先叫升級食品同剌身樣樣都好新鮮，食落去鮮甜蟹腳好大隻，食落去都好多肉海膽帶子份量十足，帶子大隻，裡面包左好多海膽刺身拼盤幾欣賞三文魚、北寄貝同油甘魚色澤好鮮艷，見到都流晒口水壽司選擇好多，最特別既係火炙芝士魚生船外面用腐皮包起，面頭鋪滿左輕輕燒過既芝士，裡面係魚生簡直係一次過滿足晒所有願望天婦羅同炸物應有盡有，每次食放題都必叫大蝦天婦羅、芝士年糕、香芋丸呢到既表現都好唔錯，全部都剛炸起就上枱八味黃金豆腐都好好食，食到停唔到口值得一提既係，呢到主打泰式食品同其他放題好唔同泰式生蝦、串燒、冬蔭公、蝦餅、魚餅、金邊粉樣樣都有就好似去左泰國餐廳咁，但呢到可以任食味道都好唔錯呢飲品方面，鐘意飲啤酒既朋友，呢到就非常適合你啤酒任飲，仲有幾款選擇甜品亦有椰汁糕、朱古力moose、糯米糍同雪糕雪糕仲有玄米茶味，食落冇咁甜，好啱我性價比夠高之餘，服務都好唔錯冇漏單、上菜收碟都好快，抵讚！

好友Ling姐即將生日，提早跟她慶祝。Ling姐最喜歡食放題，當然壽星女話事啦！聽聞瀛豐抵食之餘，質量亦鑊得不少讚許。放題主角當然係刺身，呢個刺身拼盤看得人心花怒放🥰！鮮，甜，美！尤其珍寶蝦，長過手掌，肥美，漿口感一流，好好味。加拿大松葉蟹啖啖肉，滲透出微微的海水味，食不停口。火焰海膽帶子好特別。海膽色澤比較淡，卻濃郁甘香。帶子那鮮味顯著。蟲草花燉雞湯火喉十足，久違的老火湯，我的至愛。其他的有壽司類，炸物....我覺得泰式類好特別，如泰式燒元貝，燒菠蘿，泰式生蝦，飛天通菜.....好似去了泰國菜館，味道好。順便一提服務方面要讃，店員非常細心，不時留意到客人的需要👍。

當日滿心歡喜去食放題，見到銅鑼灣呢間放題價錢都可接受就去試試🤣 除左刺身炸物，店家仲有好多泰式食物，泰式串燒、冬蔭功、生蝦都應有盡有～不過食物質素普通，冬蔭功多油，飲左一啖已經唔想繼續食🤧全場最好食應該係燒扇貝。除左扇貝同刺身都冇邊款想特別再order，整體黎講選擇比其他放題少。刺身拼盤 不過不失 頭兩次落單食物都好快到，點知之後既單都好慢，等左半個鐘先黎一樣食物🙁 同埋依家疫情關係晚市早鳥時間提早左，大家要留意返。

放題阿!仲要有赤蝦阿!仲要我次次叫都比足咁多隻阿!雖然佢係日式 x 泰式,但我其實都無咩點食泰式野。反正我來最主要係想食赤蝦,佢D壽司都不過不失啦,但好中意雞軟骨一大盤都係熱辣辣,食食下先有見到佢生蠔加百幾蚊任食,好似又幾抵wor!下次可以一試!-野食種類不算太多,但係有50~70樣左右都算唔錯,甜品櫃食物不太吸引,所以最後都係無食甜品。🥲

前排去左食放題，約左老朋友去左嘆放題。好耐冇食了，有d期待。環境幾好，我地3個女仔都細食既，但因為幾好食下所以係咁叫刺身必食，一大盤咩都有，我不嬲幾愛食劍魚同三文魚!! d三文魚好厚切，好新鮮!!再黎係大大舊既海膽帶子，海膽好足料，幾新觧，我本身有d抗拒海膽，但佢幾好食，唔係好流~ 本身唔係咁高期望，覺得放題應該質素還好，但有驚喜! 估唔到~仲有好多串燒同熟食，配埋佢既手工啤，好chill下~熟食黎講，天婦羅整得最好，脆卜卜，幾好!!

食物質素方面不太多說，總之刺身新鮮，質素對對得住價錢。但環境方面真係要改善一下。 本身呢個地點一入𨋢，已經有好濃烈嘅空氣清新劑氣味，呢個應該係本身呢幢大廈嘅問題。去到餐廳入面坐低，食嘢嘅時候經常都會不知不覺間聞到餐廳入面廁所傳出嘅氣味（又係空氣清新劑）... 希望餐廳方面想辦法改善一下。

因為紀念日，同男朋友去左呢到食，聽人講係平價放題，所以一開頭都冇抱太大期望，諗住平平地食一餐就算啦，同埋知有無限生蝦，本身我係泰式生蝦愛好者，所以就嚟呢到。一入到嚟，有D嚇親，因為環境都真係幾細，加上依家疫情關係，Ｄ枱痴哂膠片，加上本身都逼，所以老實講坐得唔太舒服，同隔離左右D人好近Ｄ食物可以用電話落單，有埋食物相睇，都算係方便。上菜時間都快，唔洗等太耐，可以因為佢地廚房一早整好哂，Ｄ食物都OＫ，生蝦都算係咁，但想要好好新鮮既話，就真係冇啦，因為佢價錢咁平，要求唔到咁多；有份麻辣花螺，個人覺得係全部野食最出色，又夠辣，螺肉都大粒。整體食物都算係咁，對得起呢個價，但如果你係比較嘴刁既人，咁真係諗清楚先。

朋友帶我去銅鑼灣食刺身放題，去到發現仲有好多熟食，小炒都做得唔錯，招呼我哋個女店員仲好親切。店唔係咁大，甜品櫃放喺門口每日限量燉湯，依晚係蟲草花雞湯食生冷野前暖一下個胃先，唔錯。佢一開始就會問有乜剌身唔食，然後會先為我地安排一大盤綜合剌身。後面隻長腳蟹係我哋加錢升級加，因為桌面細所以放一齊慢慢食。但長腳蟹唔算太鮮甜，留返時間食剌身仲好。海膽帶子都係加錢，件帶子幾厚肉，放題海膽嘅質素就唔好幻想太多。佢有好多熟食小炒，味道唔錯，適合唔食生冷野嘅朋友仔

週日有空，就上App看看找食，偶爾見到這店午市放題$189，加$118升級可任食生蠔/帶子海膽，3人行不計較由沙田走到銅鑼灣一試，坐下來才知中伏了，衹怪自己未有做足工課，也沒有看清楚食評，爲有硬死😞，這店是手機點餐的📱，首選點餐必定是魚生🐟，簡單點了個魚生拼盤🍱，帶子海膽🍣，找不到生蠔，原來沒有做生蠔了，改了是長腳蟹腳，本是抱著食生蠔才到這裡，現在竟然沒有，令我大失所望，魚生到了感覺不很新鮮，帶子海膽也是不新鮮沒味道，長腳蟹腳也是一般貨色不喜歡吃，冬陰功湯太甜沒香茅味，泰式鳳爪又不正宗，總之沒有一樣好食，食了點魚生/帶子海膽，手機也不想拍照了😡，埋單再加一，平均每人$330，回到家就急不及待跑到廁所，拉肚了🥵，差！差！差！

呢篇應該係我打嘅第一篇食評，我未試過因為一間店好差得咁緊要而一定要打食評。呢度嘅所有嘢都好唔新鮮同好難食，嗌咗刺身但因為太難食最後冇影到相，仲要d罐裝飲品嘅外面真係好污糟 ，真係越食越嬲，除咗劣質我搵唔到其他形容詞！我打呢篇淨係希望各位人兄唔好中伏，真係唔好嘥錢嚟呢度🥲🥲🥲真心

雖然依家都真係未係好想出街食野住，但我都忍唔俾朋友帶左去大擦一餐!!呢間放題係我第一次試，不過我朋友之前試過話真係幾好，所以即管試一下...果然不錯!! 好多唔同種類既野貪，真係由日本壽司、泰國串燒到到唔同種類既熟食，都真係有得叫!!我放題從來都係必叫串燒~ 平時既放題都係好細串咁~ 但依間就大大串，兼燒得好入味，其實我覺得佢既燒物係幾正既，我朋友就鍾意海鮮類。仲有天婦羅呀，炒物呀等等~~ 食到我飽到上心口。幾值得一試!

可能太耐冇打食評，唔知點解冇得分享!想分享下自己去食放題料理既感受。前排疫情好似好返少少，限聚時間好放寬左，我就即刻約朋友出街聚下食野約返我班小學同學出黎聚下，primary school meet停左成兩年啦~我同學搵左呢間放題料理專門店，話左係專門店，感覺好有派頭!不過我真係好耐冇食過刺身了~ 屋企外賣都唔敢叫壽司，因為怕唔太新鮮! 咁一解放就一定要叫!! 三文魚厚切，正! 仲有海膽帶子，好足料又唔腥~再黎就係生蠔，係任食!!!鮮甜又唔重海水味。另外，佢手工啤酒尤其正，推介推介，放題配飲冇得頂~