濟州燒肉食堂

营业中

休息中

星期日中午黎濟州燒肉食堂食午餐，餐牌有燒肉套餐4款，大鍋物3款，同韓式主食套餐14款。包前菜又唔收加一。韓式主食套餐更加係$58至$98，價錢唔貴。今日叫左兩款燒肉套餐再加兩個韓式主食套餐。金寧燒肉套餐 $168金寧燒肉套餐有4款肉，分別係：豪快黑毛和牛外羣肉4塊，已經加有醬汁，又嫩又多肉汁，好食。豬排骨肉1大件，要剪細分享，肉質好嫩。濟州豬梅肉2塊，超腍。食堂梨汁雞頸肉，其實係連皮雞腿肉，肉質好嫰滑，味道甜甜地。食堂黑毛豬五花肉套餐 $128食堂黑毛豬五花肉套餐有3款肉，分別係：食堂黑毛豬五花肉3塊，塊皮好有彈性，加左醬汁，味道好。食堂牛小排3塊，味道係鹽燒，都係非常嫩而且牛味夠濃，都好食。食堂梨汁雞頸肉都一樣係連皮雞腿肉。兩款燒肉都配有少量蘋果片，大蔥同菇片。另外配有一大碗白飯，上面灑上紫菜同白芝麻，不過飯粒好硬。牛燒肉飯 $68牛燒肉飯一大碗，好多飯係底。肥牛都有好幾塊，唔算韌，味道調得好。伴有少少泡菜，芽菜，洋蔥，仲有溫泉蛋一隻，可以蛋汁撈飯。最後灑上白芝麻粒，紫菜碎同蔥花。飯粒係珍珠米，好有咬口，個牛肉汁撈飯都好食。呢碗飯抵食。濟州海鮮拉麵 $78濟州海鮮拉麵就差d。拉麵好t

星期六一家人黎呢間燒肉店食野 叫左4個燒肉套餐 4杯特飲，你話我食個飯拿拿聲走就話姐。。。。食到一半發現成地都係黑油 成對鞋都係 成條白邊都係黑油。。。。同左個女員工講 佢竟然話轉頭先搞 完全唔想理咁之後再同個男員工講話成地油 想問佢有冇濕紙巾 佢又話冇 之後不了了之 完全唔處理 呢間野係咪搞笑 咁樣培訓員工？之後野都未食完就走埋黎幫你熄火 係到執枱 仲叫我屋企人攞隻杯比佢執走 好似想趕你走咁款 講緊當時我係仲食緊野。。。。。。

今次我介紹呢間係韓式燒肉【濟州燒肉食堂】呢度有無敵大海景，一邊望海一邊燒，好寫意！跟足韓國傳統，前菜都上咗好多一碟碟小食，有泡菜、芽菜、醃蘿蔔等等，等你食到開開胃🔸豪快黑毛和牛外羣肉 $285一碟都有好多片，肉質好香軟，唔會太硬，呢個推介必點！🔸大八爪魚鬚 $126超大舊八爪魚🐙自己剪開一舊舊都剪到好多舊出嚟，注意燒嘅時間，燒得太耐會太硬，燒3-4分鐘差唔多！🔸豪快嚴選牛舌 $128用咗醬油去醃制，味道比較濃，但都唔會掩蓋咗牛嘅鮮味，另外仲有鹽燒可以選擇🔸濟州五花肉 $128五花肉係韓國特產，一碟有6塊，肥瘦適中，食完就諗起我喺韓國首爾食嘅燒肉咁樣🥹🔸薯仔排骨湯 $98材料好充足，有一大塊排骨係湯入面，所以令到個湯好濃郁，仲有啲薯仔喺湯入邊好飽肚😬🔸甜辣炸雞 $58呢個不得不點，超好食😋因為佢外脆內軟，雞肉分Juicy，真係食到熱辣辣嘅肉，半份真係唔夠食，下次要叫多份！🔸梅子青檸梳打 $32有一陣陣嘅梅子味道，鹹鹹地酸酸地幾開胃！🔸荔枝梳打 $32好清新嘅荔枝味道好突出，加上梳打可以中和返甜味，所以呢杯都係穩陣之選！P.S: 另外仲有好多唔同嘅set可以叫，例如$358、$588、$7

🎊為咗慶祝朋友獲得心儀工作，一於食豪啲啲！朋友揀咗呢間海景韓燒餐廳，可以坐得舒服咁嘆美食。樣樣都想試下嘅小編揀咗「濟州五花肉套餐」。套餐包括：牛小排、豪快嚴選牛舌、濟州五花肉、醬油豬排骨肉、大八爪魚鬚，以及大醬湯或韓式炒粉絲。🥩全部肉食都經過醃製，醃得好入味，整體偏鹹及重口味。牛小排軟腍，牛舌爽脆，排骨肉油脂香濃，八爪魚幾新鮮。我哋揀咗大醬湯，撲鼻嘅味噌香味，令小編震驚居然有好大件排骨喺入邊（我哋放埋上烤爐，烤後肉味更香）🥒小菜同一眾韓燒店都大同小異，有芽菜，醃酸蘿蔔， 以及炒紅蘿蔔豆角。泡菜當然少不了，爽口味道偏溫和。仲有爐邊蛋以及芝士粟米。生菜亦都係無限添加，將生菜包著肉塊，再加啲配菜同辣醬簡直爽快！🍗追加 甜辣炸雞（$58）：以上肉食套餐對於我哋兩位食肉獸只係攝牙罅，所以我哋叫多咗個炸雞。炸雞下面有一層熱辣辣脆薯條。甜辣炸雞偏甜，但係肉質嫰滑多汁。小編同朋友每人三件，完食～🍸梅子青檸梳打（+$16）：一粒完整對半切開嘅青檸，底層係梅子糖漿，建議先均勻攪拌再飲用，輕微嘅梳打氣。甜度充足，可以自行添加水，調整返自己鍾意嘅甜度。🍹荔枝梳打（+$16）：數粒圓潤厚肉去核荔枝，飲落重荔枝味

濟州燒肉食堂主打韓式燒肉餐廳環境十分寬敞，沙發卡坐位置亦舒適前菜、生菜、爐邊蛋、粟米芝士有多款選擇燒肉cp值高新鮮高質，油脂分佈平均，食落口感嫩滑有牛香，彈性十足值得再來！

🇭🇰Hong Kong Average expense pp: HKD$500-600+📍Address: Jeju Bulgogi, North Point呢間韓燒好高質，位於北角，可以睇到海景，景色相當唔錯。當日我地去到，人山人海，睇黎好多人都中意食。 佢提供多款前菜：芽菜、泡菜、四季豆、醃蘿蔔。最中意佢有爐邊泡菜蛋同芝士粟米，仲可以無限添加。我地最中意大葱切牛舌（$118），切得非常厚身，好有牛味！另外個大八爪魚（$108）好有驚喜，入口質感新鮮鮮嫩，唔似一般出面食好似擦子膠咁！鮮肉既質素都出色，我地點左豪快黑毛和牛外羣肉（$285），醃既調味適中，油脂分泌平均！食堂黑毛豬五花肉 （$118），估唔到五花肉都用秘製醬汁醃好，連埋豬皮位好好食！我地仲點左薯仔排骨湯（$98）十分暖身，味道好香濃，仲有2大塊排骨。小食甜辣炸雞半份（$58），份量好多，甜酸醬非常開胃!

午餐價格一般都較便宜，吃高質一點，錢包的錢也付得疏爽～牛燒肉飯～很多牛肉，還有一隻溫泉蛋及芽菜，紫菜及泡菜作配菜，拌勻吃，很滿足～濟州五花肉套餐大八爪魚鬚～只是一隻腳，都已經很大隻，還以為會很韌，但原來一咬便爽脆那種，好好味～濟州五花肉～有2大片，有厚度，燒烤時豬肉的油份也會被燒掉，吃起來不油膩，燒完後外圍還有點脆脆的，有一點鹽花作調味～牛小排～脂肪分佈得很靚，很濃牛肉味，每邊燒20多30秘已經吃得，鬆軟～豪快嚴選牛舌～很大的兩大片，吃起來很爽～醬油豬燒排骨～ 醃得很入味，豬肉連著骨位的部份，肉味特別有骨香味～韓式炒粉絲～有點濕潤那種，一點也不乾，還有黑椒的刺激微辣，吃得很開胃～荔枝梳打及梅子青檸梳打～燒肉的時候真的必點，不太甜，很清爽～

濟州燒肉食堂 @jeju_bulgogi 餐廳裏面有啲位置係面對海景，食嗰陣都特別享受星期五大概7點已經全場坐滿，所以用餐時間90分鐘後店員就會稍作提醒。一坐低就會上咗生菜同配菜先，仲有爐邊蛋同粟米芝士。配菜同呢兩款都可以在refill🌟 特選和牛内裙肉 $285🌟食堂黑毛豬五花肉(鹽燒) $128🌟大蔥切牛舌 (鹽燒) $128🌟大八爪魚鬚 $126🌟薯仔排骨湯 $98🌟甜辣炸雞半份 $108🌟濟州特飲 $32🌟梅子青檸梳打 $32我哋試咗以上嘅食物，和牛内裙肉肉質軟嫩，本身已經有調味，就咁食已經好好食。五花肉同切牛舌都係鹽燒，五花肉係半肥瘦，用生菜包住黎食仲好同會冇咁油膩。牛舌份量都幾多，如果厚切啲會仲好食。大八爪魚感覺好新鮮，好彈牙爽口。薯仔排骨湯又幾好飲，裏面除咗排骨薯仔仲有唔少嘅蔬菜。熱甜辣炸雞嘅下面有啲薯條，趁熱食仲會好脆。甜辣炸雞嘅醬汁唔會太辣，唔食得辣嘅人都可以試吓，肉質唔會過熟而鞋。📍濟州燒肉食堂 (北角)北角渣華道123號北角匯2期2樓210號舖

北角匯好多野食，最鍾意就係呢到濟州燒肉食堂， 入到餐廳，彷彿有點像濟州般，而且可以遠眺海景😊 豪快黑毛和牛外羣肉🐂和牛小排好juicy多汁，黑毛和牛果然好有彈性 食堂黑毛豬五花肉(醬油)🐖黑毛豬五花肉好高質，肉質彈牙爽口，醬汁又吸引👍 大蔥切牛舌 (鹽燒)🐮薄片牛舌鹽燒味好香，大蔥好新鮮 大八爪魚🦑好大嘅八爪魚，先剪粒狀燒好滋味😋 薯仔排骨湯🥔薯仔大醬排骨湯好入味 甜辣炸雞半份🐥最鍾意甜辣香味，少少辣更能帶出炸雞味道 荔枝梳打🍹梅子青檸梳打🍸兩款梳打感覺清新解渴🥰

今日同朋友再次黎到哩間燒肉餐廳。餐廳環境寬敞，最入面仲有一排位置可以望到海景同日落🌄景觀真心正。最鍾意哩啲韓國餐廳既前菜🥗哩到既前菜有沙律、泡菜、芽菜、醃蘿蔔同四季豆，除左沙律之外都可以再添，另外仲會提供同樣可以無限添加既芝士粟米同埋泡菜爐邊蛋，芝士粟米超好味，我添左起碼四次🤤🔸豪快黑毛和牛外羣肉 $285🔸食堂黑毛豬五花肉(醬油/鹽燒) $118🔸大蔥切牛舌 (醬油/鹽燒) $118🔸大八爪魚 $108豪快黑毛和牛外羣肉醬汁香甜，油脂豐富，入口輕咬幾下油脂已經滿佈口腔，但又唔會膩，好食推介👍🏻食堂黑毛豬五花肉肥瘦相間，醬汁微甜，好岩配埋生菜一齊食；大蔥切牛舌入口爽嫩，醬汁甜甜地，唔需要點醬都已經好好食；八爪魚大大隻，質感鮮嫩彈牙，醬汁甜甜辣辣咁。肉類旁邊仲放左菇同蘋果，可以用嚟解膩。🥔薯仔排骨湯 $98薯仔排骨湯味道濃郁，酸酸辣辣，入面仲有兩大舊排骨。🍗甜辣炸雞半份 $58甜辣炸雞非常抵食，外皮炸得酥脆，內裏肉質嫩滑多汁，淋上甜辣醬真係好正，底下仲有唔少薯條。🍹梅子青檸梳打 $32 （若套餐加$8）🍹荔枝梳打 $32（若套餐加$8）兩款梳打味道清新，能夠解膩。整體黎講，餐廳環境相當好

濟州燒肉食堂 (北角)同朋友去食韓燒😘😘慶祝生日🎂 🎂韓燒前菜，我們食左泡菜、大豆芽、醃蘿蔔、豆👍👍好惹味🤩🤩沙律🥗沙律菜好新鮮配芝麻醬，好好味，食完沙律再食燒肉😆😆仲有任食泡菜蛋🥚同芝士粟米，正🥰🥰濟州五花肉套餐$588套餐包括有：大八魚鬚、濟州五花肉、牛小排、醬油豬排骨肉、牛舌、大醬湯牛小排⭐️牛肉好鮮嫩，味道好好食，牛肉味濃👍👍濟州五花肉⭐️ 五花肉油脂濃厚，燒完好惹味😙😙 五花肉好大塊，肉汁多😋😋醬油豬排骨肉⭐️ 醬油豬排骨肉本身已經醃好😆😆醬油好香濃，排骨肉啖啖肉好好味😍大八魚鬚⭐️好新鮮😙😙大醬湯韓式傳統美食， 入面有好多料，豆腐、蜆肉、蔬菜、洋蔥，湯煮都好好味菜😉😉柑橘🍊梳打茶$32🍹🍸鮮橙果味濃郁，好解渴，fresh😙😙濟州梳打$32🥤🥂解渴美味，正👍👍餐廳環境🏖：環境舒服，座位寬敞，抽氣都好好😉😉地址：北角渣華道123號北角匯2期2樓210號舖整體評分：5/5味道：5/5環境：5/5抵食：5/5

上菜速度都好快，首先上前菜同埋醬料，落泡菜蛋漿同芝士粟米。濟州五花肉套餐：套餐包括牛小排、黑毛豬五花肉、梨汁雞肉及八爪魚牛小排醃得好入味，唔使點汁都夠味，五花肉最正就係包住生菜食，梨汁雞腿肉甜味十足，原隻八爪魚剪開觸鬚，燒完爽口彈牙，都唔會好硬。韓式甜辣醬炸雞炸雞份量多都有八至九件，每一口炸雞沾滿甜辣醬，即叫即炸粉漿唔會太厚，有薯條墊底。薯仔排骨湯個湯好濃辣白菜味，入面有勁多薯仔，吸哂啲湯，排骨比較大嚿，鐘意啃骨嘅朋友就啱哂啦。柚子青檸梳打荔枝梳打食韓燒一定要配返杯飲品先得，味道唔會太甜，酸酸地幾解膩。

係北角匯呢到，可以對住個東區走廊食韓烤真係一大享受😍由1點幾食已經要排隊，到3點幾食完間餐廳都仲排緊隊，真係好誇張！一坐底，waiter即刻幫我fill左鍋邊一邊係芝士粟米，一邊係泡菜雞蛋！仲可以要求要多d泡菜😍好好味呀😋和牛內裙肉：油花好均勻、葉得好入味！燒完之後，食落口感好滑嫩，又好juicy，薄切唔覺唔覺又食一塊！黑毛豬五花肉：見到有成層帶脂肪層的肉，有肥有瘦😍一燒，睇著佢既油脂係咁滴出黎，肉質細嫩又帶油香，夾起用生菜包著佢，再加埋泡菜夾著食，好惹味😍大蔥切牛舌：薄切牛舌，但好大塊，好香口，燒完點一點燒汁／鹽就已經夠曬邪惡😈大八爪魚鬚🐙：無諗過真係原來八爪魚鬚送上枱😍成隻放落去燒，八爪魚鬚食落幾鮮嫩彈牙，點少少燒汁食已經好不錯甜辣炸雞🍗：炸雞食落好酥脆，沾曬滿滿既韓式辣醬，炸雞下面仲有薯條😍yummy yummy！薯仔排骨湯：入面有2大舊排骨，煮到軟軟爛爛入口即溶，個湯頭味道好濃郁，入面仲有吸滿曬湯頭味既薯仔😋

之前也沒有打電話確認，但我們準時到達。攞位很快很快安排入座。食物很不錯，我們推介豬腸和韓牛拼盤，小朋友也食很多飯和肉。我們比較失望是沒有醬油蟹，因為當日無貨供應，唯有下次再去，會事前打電話訂左再去。另外，唯有一小問題，就是當日有點人手不足，我們要請店員追食物，可能漏單了和請了兩次店員加前菜，才能加到。店員態度也不錯，只是有點繁忙，但都會處理客人需求。最後，疫情放寬後終於一家人可以外出食晚餐，我們的也很滿意。

個場全部都點燒肉餐，就知佢幾強大。午餐選擇也齊全，濟州五花肉腩油脂分佈均勻，燒起來非常可口，感動味蕾；梨汁鷄肉嫩滑，有種甘甜的感覺；護心肉心質量中上，份量也不錯。可惜梅子青檸梳打梅子味不足，是是次燒肉餐的敗筆。