澳門荷蘭園 (已搬遷) 新店位置

*吉到炸蝦拼鑊仔牛柳配野菌忌廉焗菠菜麵* $46吉到炸蝦三隻---好實, 分唔出係硬定脆, 味道唔錯, 配沙律醬仲好味!鑊仔牛柳三件---好軟、好稔, 燒汁甜美!野菌忌廉焗菠菜麵---好味, 唔錯, 野菌忌廉汁唔夠, 同佢講, 佢另外比左一碗我, 都係多啲汁好味啲!*炭燒魷魚筒拚海鮮焗魚扒配野菌忌廉焗菠菜麵* $48炭燒魷魚筒---唔韌, 好香!海鮮焗魚扒---唔腥, 好味!野菌忌廉焗菠菜麵*忌廉湯*好普通, 冇飲晒, 後悔冇選羅宋湯!*牛油法包二件*唔熱, 開始硬!*雜果布甸*似罐頭雜果, 雜果多過布甸, 味道OK!*熱朱古力*正常貨色!*凍檸茶* +$2有茶味, 檸檬新鮮!服務員只有一個喉沙的男人(應該是老闆), 佢好忙, 帶位、開位、落單、招呼、結賬、清潔, 一手包辦, 簡中有一個男生幫下手清潔, 雖然佢好忙, 佢都好有禮貌、有笑容、有求必應, 值1000分!食物分量算多, 可能今日唔餓關係, 我地二個都食唔晒, 又飲唔完!

今日午市很旺場呀～幸好一入來就有位。很久沒在午市光顧過，又想吃這樣又想吃那樣，還是要了午餐Ｃ：沙丹豬扒意粉，配紅湯和熱華田。紅湯材料很少，味道是甜甜酸酸＋少辣，惹味！主菜就等了很耐，只見他們狂出焗飯和燒春雞飯，等到頸長＋追了兩次ＯＲＤＥＲ，一點半才來到。沙丹汁是啡色（我以為是橙紅那種），像中式燒汁味，而汁面加了些蛋絲和火腿絲，雖然對味道沒任何影響，起碼叫有些特別；豬扒只得一塊薄薄的，肉很鞋；意粉份量很少，好在不大肚餓，否則不夠飽。簡簡單單的豬扒意，也要等這麼耐，唉～

又是去銀行前，來附近吃個早餐。本來想去’狀元坊’，但９點了也未見開門，之前明明記得她們提供早餐的啊！在門口看看餐牌，見Ａ餐有羅宋湯螺絲粉及豬扒包，之前吃過午餐，記得羅宋湯及豬扒包是非常出色，二話不說就入來了。牛腩粒午餐肉粒羅宋湯螺絲粉：湯底不夠濃味，連羅宋湯應有的酸酸甜甜也幾乎沒有．．．豬扒包也是很差，吃了一啖已經知道不是即叫即製，麵包勉強鬆脆；可惜豬扒微暖，味道很淡，色水啡白，莫明奇怪；沙律醬只因本人討厭吃，所以太多的沙律醬在此包內已經令我胃口減半。我只不過沒幫襯半年，幫襯的也只有午餐，很難評論她們是否退步了。

日前路過荷蘭園順手取得最新餐單,大人某個晚上下旨試試。大人要了黑椒汁雜扒飯+熱奶茶+粉葛湯:雜扒飯相當大堆頭,內容有豬扒、雞肉腸、雞翼、煙肉及太陽蛋各一,看得大人笑逐顏開。試了少許黑椒汁豬扒,味道不算太辣,不過吃後口腔都有一點點熱,可以濃些更妙;豬扒有點硬,而且沒甚味道,只是煎得金黃好看。自己點了粟米汁炸雞腿腸仔火腿飯+凍檸檬茶+羅宋湯:粟米汁味道淡淡,吃了黑椒汁才吃更淡,加了少少蛋花,外觀比較吸引;腸仔+火腿味道千載不變,不用置評;炸雞腿體積不少,金黃外觀煞是吸引,只可惜與豬扒犯上同一毛病--味道不夠,而且肉質稍乾,廚師先生要改善一下了。凍檸茶份量比其他餐廳大杯,只是檸檬不太夠酸,有點不是味兒;羅宋湯反而最出色,湯底很濃郁也好多蔬菜,是自己喜歡那種有點辣辣的味道,個人就頗滿意了!

今日由同事帶路來食午餐, 可能間舖樓底高, 所以坐落覺得冷氣不夠凍!同事叫了葡式特餐$25+$2凍飲, 凍飲真係好大杯呀, 個餐有一個豬排包及牛尾湯通粉, 她說個豬排包好好味, 是即叫即做, 個包不會太硬又夠大個, 她好滿意, 至於個通粉就普通啦.我自己因為不太餓, 所以叫了一個蘆薈雜果沙律$18+$6凍飲(飲品可半價), 個沙律全是雜果, 而且好大碟, 飲埋杯超大凍檸茶都好夠飽, 下次會試下同事那個特餐.

今朝10點起身，同阿媽、家姐落樓下食早餐，一心去試試家姐盛讚的「狀元坊」，豈料佢未開門！於是媽提議去隔離的「澳門荷蘭園」茶餐廳，佢話好多太極友都話好食，我已心感不妙，果然……杯奶茶難飲都極！肯定係用大陸花奶開；其他食物亦乏善足陳，blacklisted！

剪完頭髮，又係時候去食飯。午餐都響呢度食過幾次，早2日同事叫我0黎呢度試下晚餐(因為佢上星期五食過，給予0既評價唔錯)於是我就帶朋友0黎呢度食。炭燒串燒帶子雞扒鐵扒餐$48-紅湯(好飲過中午個d)-蒜蓉包2片(ok)-意粉(完全係白烚意粉冇落味入去)-串燒帶子(有3粒超大粒，非常好食)-雞扒(2塊中型，普通味道)西式晚餐$38-紅湯(好飲過中午個d)-蒜蓉包2片(ok)-蘆薈沙律(普通)-咖哩炒飯(唔錯)-燒春雞(唔錯)我提住朋友要加2蚊轉特大凍OT，最後朋友話其實杯0野飲唔係大，只不過係個杯大左以至令我地覺得0野飲好大杯wor…^^;坐了1小時左右，計埋我地只有3檯客(即6人)，外賣反而多…不過下次都係食返午餐好了(雖然迫少少…)

剪完頭髮，又係時候去食飯。午餐都響呢度食過幾次，早2日同事叫我0黎呢度試下晚餐(因為佢上星期五食過，給予0既評價唔錯)於是我就帶朋友0黎呢度食。炭燒串燒帶子雞扒鐵扒餐$48-紅湯(好飲過中午個d)-蒜蓉包2片(ok)-意粉(完全係白烚意粉冇落味入去)-串燒帶子(有3粒超大粒，非常好食)-雞扒(2塊中型，普通味道)西式晚餐$38-紅湯(好飲過中午個d)-蒜蓉包2片(ok)-蘆薈沙律(普通)-咖哩炒飯(唔錯)-燒春雞(唔錯)我提住朋友要加2蚊轉特大凍OT，最後朋友話其實杯0野飲唔係大，只不過係個杯大左以至令我地覺得0野飲好大杯wor…^^;坐了1小時左右，計埋我地只有3檯客(即6人)，外賣反而多…不過下次都係食返午餐好了(雖然迫少少…)

新年流流到這兒來個午餐, 不想太油膩便來一客海鮮蛋包飯吧想不到這個蛋包飯的蛋厚得像火腿扒一樣, 上面加了一大堆千島汁在胡亂畫花, 真難想像要以千島醬去撈飯, 不過都不得不吃吧! 掀開入面, 炒飯一堆, 但總不見海鮮, 連最基本的魷魚及蟹柳都難以找到, 炒飯的料只是得少量的什菜粒, 還要我付$27???幹嗎水準下降得這麼快? 上次來的時候還是好好的, 幹嗎是次來到令人失望無比呢?

週末由阿媽帶路到這兒午餐, 點了一客咖哩牛腩, 爸爸說這個是他的favour食物份量正常, 咖哩不太辣但香味很重, 色澤過深色, 令人有點吃驚, 但味道則不錯, 牛腩有點兒un, 但是牛筋則香滑易入口餐茶則是令人驚訝的, 很大杯, 如常的涷飲都只是加$2, 但份量比一般的大2倍, 好正!!!service ok, 但是坐位不舒服, 快速午餐尚可, 若要一頓晚餐則要考慮一下

今日天氣好凍，最０岩食咖哩！本來想去食開０既餐廳食，點知Ｄ午餐唔０岩同事口味，於是跟住佢行，就行０黎呢度了！不過今日好多人，等位不得止又有人打尖，見到有位都係廚房隔離０既迫夾位＞＜咖哩豬扒飯，好大碟！Ｄ咖哩汁有好多溶０左０既薯仔，好似撈薯蓉食呀（哈）見到有人食燒春雞飯，下次試下次試＾＾

今日試下個特餐先～＾＾石本酒焗豆牛腩蛋花通粉：好一般，味道就似焗豆撈通粉來吃一樣＞＜豬扒包：今次比上星期見到人地食０個Ｄ細隻左，麵包好脆，脆得黎又幾軟熟；豬扒雖然細塊同埋有一條好厚既肥膏，不過味道超好食！好鬆化～今餐有豬扒包搭救，而且凍朱古力都係＋２，不過試左特餐下次都食返午餐的了＾＾；

之前響食評無意中睇到大興工廠區開左呢間餐廳，今日終於可以０黎呢度一試～入去餐廳自己搵位，好彩０岩０岩有張大木台，立即攝位（哈）午餐分星期一至日，都唔錯。穩陣叫左Ａ餐，馬來西亞椰汁豬扒飯﹑紅湯﹑＋２有特大凍檸茶。紅湯吹左好多次先０黎，味道唔錯，好濃好多菜；豬扒飯的汁味道什麼特別，豬扒好食加上幾大碟！凍檸茶一般。下次要試特餐，見到人地食好似好正＾＾

繼大三巴轉手之後,荷蘭園係石排頭路第二間葡國菜館,初開業時客似雲來,因為菜式係有d新意,有一排仲要排隊等位,而家當然唔再需要。環境同以前大壽司、好爸爸一樣,連檯椅都無換,地方都係一樣迫狹;除左主打葡國菜之外,仲有唔少中式小炒,但食小炒又唔需要黎呢度lu。煙肉煙鴨胸焗飯:味道應該都係煙肉、煙鴨胸味,大人話食完好漏。葡式晚餐有餐湯/蒜茸多士、炒雜菜、非洲雞配薄餅。羅宋湯煲得夠時間,蔬菜都煲到溶,都算ok;蒜茸多士小小2片,似乎都幾脆口,大人話浸下湯就好吃好多;炒雜菜小小一碗,有一陣蒜茸味,蔬菜煮得較淋身,叫做有d菜食下咁啦;非洲雞扒2片配一d好似咖喱汁既汁,雞扒煎得尚算香口,"咖喱"汁味道唔算好濃,但焗到汁面卜卜聲,都幾引起食欲;薄餅只係超市雪藏油膩貨色,但煎到漲卜卜、香噴噴用黎點汁都幾好食既。辣魚包第一次試,豬仔包烘得脆卜卜,茶上牛油已經係好好吃,辣魚質感有d似沙丁魚,但真係幾辣!!呢度d豬扒包都好吃,不過辣魚包味道就較特別,但一定要熱食,一凍就大打折扣。三色焗飯有三種唔同味道既汁,分別係白汁海鮮、茄汁雞柳同咖喱吉列豬扒。除左咖喱汁比較惹味之外,另外兩種汁就較淡,唔太特別。海鮮有魷魚(新

今天叫了咖哩石班, 咖哩是甜多過辣的, (都ok)份量較少, 另外叫了個上海粗炒, 極差(冇味的)再加個焗生蠔(特價$12一隻), 都係差(好細隻),杯凍奶茶(ok&非常大杯)...有機會再去試真正的葡國菜!埋單$58!