影片
更多
2006-12-19
15 浏览
继大三巴转手之后,荷兰园系石排头路第二间葡国菜馆,初开业时客似云来,因为菜式系有d新意,有一排仲要排队等位,而家当然唔再需要。环境同以前大寿司、好爸爸一样,连台椅都无换,地方都系一样迫狭;除左主打葡国菜之外,仲有唔少中式小炒,但食小炒又唔需要黎呢度lu。烟肉烟鸭胸焗饭:味道应该都系烟肉、烟鸭胸味,大人话食完好漏。葡式晚餐有餐汤/蒜茸多士、炒杂菜、非洲鸡配薄饼。罗宋汤煲得够时间,蔬菜都煲到溶,都算ok;蒜茸多士小小2片,似乎都几脆口,大人话浸下汤就好吃好多;炒杂菜小小一碗,有一阵蒜茸味,蔬菜煮得较淋身,叫做有d菜食下咁啦;非洲鸡扒2片配一d好似咖喱汁既汁,鸡扒煎得尚算香口,"咖喱"汁味道唔算好浓,但焗到汁面卜卜声,都几引起食欲;薄饼只系超市雪藏油腻货色,但煎到涨卜卜、香喷喷用黎点汁都几好食既。辣鱼包第一次试,猪仔包烘得脆卜卜,茶上牛油已经系好好吃,辣鱼质感有d似沙丁鱼,但真系几辣!!呢度d猪扒包都好吃,不过辣鱼包味道就较特别,但一定要热食,一冻就大打折扣。三色焗饭有三种唔同味道既汁,分别系白汁海鲜、茄汁鸡柳同咖喱吉列猪扒。除左咖喱汁比较惹味之外,另外两种汁就较淡,唔太特别。海鲜有鱿鱼(新
环境同以前大寿司、好爸爸一样,连台椅都无换,地方都系一样迫狭;除左主打葡国菜之外,仲有唔少中式小炒,但食小炒又唔需要黎呢度lu。
烟肉烟鸭胸焗饭:味道应该都系烟肉、烟鸭胸味,大人话食完好漏。
葡式晚餐有餐汤/蒜茸多士、炒杂菜、非洲鸡配薄饼。罗宋汤煲得够时间,蔬菜都煲到溶,都算ok;蒜茸多士小小2片,似乎都几脆口,大人话浸下汤就好吃好多;炒杂菜小小一碗,有一阵蒜茸味,蔬菜煮得较淋身,叫做有d菜食下咁啦;非洲鸡扒2片配一d好似咖喱汁既汁,鸡扒煎得尚算香口,"咖喱"汁味道唔算好浓,但焗到汁面卜卜声,都几引起食欲;薄饼只系超市雪藏油腻货色,但煎到涨卜卜、香喷喷用黎点汁都几好食既。
辣鱼包第一次试,猪仔包烘得脆卜卜,茶上牛油已经系好好吃,辣鱼质感有d似沙丁鱼,但真系几辣!!呢度d猪扒包都好吃,不过辣鱼包味道就较特别,但一定要热食,一冻就大打折扣。
三色焗饭有三种唔同味道既汁,分别系白汁海鲜、茄汁鸡柳同咖喱吉列猪扒。除左咖喱汁比较惹味之外,另外两种汁就较淡,唔太特别。海鲜有鱿鱼(新鲜货色好弹牙,唔错!)虾(虾壳好软,虾肉爽口)青口(有壳连住,肥美到有橙色膏);鸡柳普通,无乜味道;吉列猪扒香脆,总括黎讲下次都系唔好贪心食番一款味道比较好,三种味道食到最后都唔知食紧什么.....
饮品方面,大人饮煲热柠乐,一上台就闻到好香柠檬味,加上煲热之后仲有可乐个种气泡,大人话几好饮;细佬饮冻柠茶,茶味唔太甜加上靓柠檬,都系几好饮;自己饮橙杂,无neway d 咁好饮,只系普通橙汁加少少梳打水再加少量杂果,味道几淡,麻麻地。
以呢个质素一试无妨,但无乜地方吸引到再试,难怪而家无初期人多,希望店方继续改进食物水准,可以有更多正宗葡国菜式比屯门友尝试。
张贴
