澳門茶餐廳

营业中

休息中

6月份我來了澳門茶餐廳4次, 盡量叫唔同小菜, 睇下味道會唔會差太遠.果然, 始祖樂道地舖仍然係最多客, 食物質數係最good.唔介意排多一陣隊, 坐位迫少少~今次約了朋友去地庫一間, 來過幾次, 明知冇咁好味,但因為主要目的係傾計見面, 梳化位係好坐d.等到肚都扁, 隨便叫兩個小菜食住先是日晚餐:- (已變成宵夜) 秘制醬汁啫啫蝦球豆腐煲好想大叫)) 不知所謂可能我食唔慣, 整個送唔夾味.蒜子多過蝦球同豆腐, 咁不如叫蒜子煲啦~(出奇地個名冇蒜字喎~~)成個送我食了一件豆腐同兩粒蝦, 個蝦俾d醬遮晒個味.豆腐就同平時豆腐煲無異. 蒜香牛油燒釀雞翼賣相幾靚, 第一口好香.之後非常之咸...雞翼釀了豬肉~再食第2件就咸到食唔落. 咸檸七 x 2要讚一讚, 夠晒咸!!飲晒成杯~成個食評係杯咸檸七拎晒分下次都係食番d正常d既.....(今次好唔正常咩?)

今晚約了一個同我都好冇所謂的好朋友短聚.冇所謂都係有所謂的~成個尖沙咀都係人,搵一間可以慢慢傾計食飯都唔容易.最後我提議澳門茶餐廳,食過咁多次都冇出事, 信心保證嘛!本來我地去地面果間的, 點知帶位哥哥話對面地庫開了間新,冇咁多人喎~於是哥哥就帶住我地兩個過埋馬路落埋去餐廳喇.我朋友話呢個哥哥帶位帶到去對面,咁本身果間店邊個看住呀??咦...又係喎是日晚餐:- 炸蝦多士>> 味道都ok,好脆, d蝦好多, 不過就冇漲bokbok感覺喇.$45得4件係咪貴0左少少呢? 啫啫生菜煲>> 侍應推介不妨一試! 焗葡國雞飯>> d飯硬0左d, 一個人食就太飽喇.葡汁好似焗豬扒飯味咁, 我想食既係黃色葡汁呀! 凍檸茶x 2>> 好好飲, 冇得彈.我地兩個人要求坐4人卡位侍應都樂意幫手搬位, 態度不俗!我會繼續幫襯♪

31-12-09 全年最後的晚餐 最後的一天了,跟一大班朋友到尖沙咀倒數,但係E邊多人多到x咁, 到到都爆,無地方食野T^T 因為有煙花睇, 之後就到左澳門茶餐廳,但好景不常因為假日問題, 價錢也加了, 跟餐的飲品也沒有, 人多了, 服務生雞水鴨腳, 呼天天應特色是有的. 我看見我朋友D雞扒包好香..好大件..又多汁..佢地都話好好味我叫了咖哩海鮮焗飯$58, 還要加一 價錢相當貴呢咖哩海鮮焗飯 遠遠我都聞到我碟焗飯的香味 焗得岩岩好 好濃郁的咖哩味汁都多 但係份量我覺得太少埋單$60幾蚊 其他乜都無 不是有點離譜嗎??

這裡的原址本來是自己一向甚喜愛造訪的"澳門坊"，但想不到生意做了年多後便捱不住了。對她的小菜及燒味素來甚有好感，就這樣無聲無息結束，實感到十分的可惜呢.....取而代之的仍是在樂道內開到成行成市的"澳門茶餐廳"。實際上從前的澳門坊也是屬於四姨太旗下的，現在來一個推倒重來，由小菜館轉營變為普通茶記，也是另一款的經營手法吧....裝修仍是沿用前身澳門坊的，最大分別只是由從前大部份的大圓飯枱轉為卡座而已。餐牌內的選擇亦跟身處同街對面的同系茶記一模一樣，沒有真正大的分別....來的時候已是差不多tea-time的開始，但小弟還沒有吃過正餐，所以決定將下午茶當作午飯吃，來一份葡式燒乳豬飯套餐，實行"食盡佢"....乳豬雖不是即燒的，但芝蔴皮仍是脆口非常，下層的肉還帶着些鹹香，有着很重的五香粉的味道，只是皮與肉中間的脂肪委實是多了點，連小弟這個一向不大怕"肥騰騰"東西的也覺有點過份；所謂的葡式炒飯只是下了煙肉粒的茄汁炒飯，勝在炒得夠乾身且見鑊氣，飯粒並沒有黐成一團，炒功是不俗的。若然煙肉粒可以下多一點就更香更妙了.....太座一向極愛吃西多(最不健康的食物，她就最喜吃了)，這兒的西多已預先切成粒粒

剛由以前的酒家轉成茶餐廰, 可能生意不佳, 希望有一個午飯時間幫補一下吧! 但令到同一條街有三間澳門茶餐廰, 我想生意一定會攤薄了.味道叫了一個滑蛋叉燒蝦仁飯的午餐. 有一個菜乾豬骨湯的例湯送. 例湯明顯有味精, 但尚算有菜乾香味.滑蛋叉燒蝦仁, 蝦仁只有兩小雙, 滑蛋頗油, 叉燒幾肥. 最重要是很多飯, 但餸卻很少, 根本就不夠送飯. 涷鴛鴦少甜幾好飲, 不太甜.環境茶餐廰來說算舒服, 卡位很濶.服務伙記都算殷勤, 有求必應.衛生OK, 枱櫈乾淨.抵食四十元一個午餐, 比多少少蛋人食都不為過, 太吝嗇了.其實澳門茶餐廰的午餐牌很悶, 成日都差唔多, 真係蝦人午市無得郁!

昨日偶然路過澳門茶餐廳, 見到這間分店有乳豬餐特價, 在老爸的提議下, 入了去試試. 原來這間分店是新開了不久, 與其餘三間在樂道的店子同一集團! 在門口有馬賽克的裝飾, 給予人很葡萄牙式的感覺; 可是, 入到茶餐廳後, 周圍卻放置了很多中式瓷器擺設, 總之就一點也不像茶餐廳! 我們三個人被領到卡位坐, 位子很寬闊, 坐得很舒服....又一次不像一般的茶餐廳!我們點了乳豬炒飯餐配咖啡, 燒皇子BB鴿, 燒沙丁魚; 本來點了蟹粥, 但侍應居然說沒有供應! 只好轉點豬扒豬仔飽. 最先來的居然是咖啡! 咖啡味道不太濃, 奶味重 (送來時已經預先加了奶), 算是ok. 乳豬炒飯看起來很西式, 同時附有用生菜做的蔬菜包, 裝有番茄和青瓜. 乳豬的皮很脆, 不算肥, 每一塊也附有不少乳豬肉, 味道也不俗, 又不太油膩; 炒飯是用了茄汁來一起炒, 所以看起來紅紅橙橙的, 味道也帶有番茄酸味, 不太酸但卻又可以中和了乳豬的油膩感, 十分相配! 同時, 蔬菜包的青瓜也是醃過的, 味道有點酸, 也與乳豬很相配!燒皇子BB鴿上碟時配了薯角, 說明是BB鴒, 所以體積並不大. 乳鴒大概是炸的又非真正用火燒好,

同同事lunch喇又,黎左呢間新開既,相信都係樂道果間既分店因為要行落地庫,1望就係環境先雖然好新,但係係我未見過既茶餐廳擺設同裝修,幾新鮮同1般既好唔同嗌左牛肋骨set lunch要忌廉湯牛肋骨個味道好好, 而且燒得岩岩好, 但希望有易入口d既整法喇因為原排上,就咁切呢有d肉又要食唔到,放入口又咬唔甩,o徙野呀另外個湯就不過不失喇, 幾香幾好飲