澳門茶餐廳 (已結業)

在銅鑼灣跟前輩飯聚後，才九時一刻。跑去尖沙咀陪女友吃飯。當然吃不下什麼，兩口子坐下來，飲杯野，談談天，消磨時間。點了咖哩餐（$40）和魚柳包餐（$25），埋單$65，便宜美味飽餐。1. 咖哩餐（$40）：咖哩方面，選了豬扒；白飯和麵包之間，當然點了招牌豬仔包；餐飲則點了凍檸茶。咖哩足料辛辣，香濃惹味！豬扒鬆化，薯仔量亦不少哩！招牌豬仔包果然不賴，香脆熱辣新鮮！凍檸茶冰塊略嫌多。2. 魚柳包餐（$25）：有青芥辣魚柳豬仔包配薯片，餐飲點了菊花蜜糖露。大碼的豬仔包實力相當，炸魚柳香酥juicy 超大片，絕不小家！菊花蜜糖露清甜解渴。件頭大，製作認真，算抵食夾大件。我愛死這兒的豬仔包！

星期日10點零都好多人，要搭，我第一次黎呢庶食早餐，餐牌上的早餐果然有別其他茶餐廳，睇落幾我胃口，叫佐個蕃茄湯通粉加一個葡撻，的湯一的都唔酸，有蕃茄肉、薯仔同埋的肉粒，夏天吃又幾醒胃，葡撻用黎送奶茶，唔錯，奶茶用保暖杯盛，飲到底都咁熱，因我最怕吃完早餐杯茶變佐唔凍唔熱，好難飲！不過呢道的服務認真麻麻，侍應又少，等食物０既時間又長，叫侍應永遠都答等陣，等陣．．．，又落漏單，有好多都要追話欠食物。剛巧與我同的有三個日本人及兩位操普通話的女士，都有出現不只一次追食物的情況。雖然茶餐廳收費廉宜，但今時今日競爭太多，普遍的茶餐廳職員都很有禮貌且招呼週到，唔通呢間真係『唔憂做』？

Date: 17/6/5Time: 1030amOrder: Egg tart, Porkchop Bun.Other than the egg tart, the rest were disappointing. Service was extremely bad...

上星期有日早收工,見趕得切叫下午茶餐\,於是入去試下佢\個豬扖包+腸仔炒egg下午茶餐\,因為係迷你關係,食落去不太吃到肉的味道,成口都係包,個炒egg係令我最失望,佢\既份量係大約一個五蚊銀咁多,唔知係咪因為最來冇茶餐\的關係定佢\不嬲都係咁,成個餐\好似only食包咁,下次都係食番正餐\好些呀

行完一陣海港城, 朋友想食飯而我想飲杯野解渴, 他提議到呢度醫肚. 雖只是七點左右, 門口都有一條短人龍, 但原來呢度規距要人齊先可以入座, 我地兩個人好快有位, 卻搞到排我地前面的人兄好勞氣(因佢未齊人), 不過, 最後我都見佢自己一個入座先...由於小妹之後仍有飯局, 為免浪費, 只點了澳門炒飯及咖喱薯仔雞翼. 飯炒得粒粒分明, 但就好油, 我第一轉只盛了半碗, 吃完後成碗都係油, 勁~ 另外的咖喱薯仔雞翼份量幾夠, 六大隻雞翼加多舊薯仔, 可惜兩者皆唔夠入味, 而且食雞翼我鍾意細隻一點~~ 咖喱屬"稀身"的一類, 有味但唔夠香, 還是那種杰身一點的咖喱更討我歡心. 本來朋友想加碼要多皇子乳鴿, 但由於小妹今晚quota有限, 為免浪費, 還是留待下次吧~

罹患先天耐性缺乏綜合症,要排隊的事情, 可免則免.所以,每每經過尖沙咀樂道,見人龍壯觀,雖好奇, 想試,心想, 下次吧.終於等到午餐時分前的機會,十二點, 門口已放了鐵柱拉起紅帶, 人龍未現.服務還可以, 至少知道自己未透明.一心一意見識招牌菜,不要午餐, 只要一個"澳門豬排豬仔包".環境與一般茶餐廳無異, 只多了幾幅澳門黑白照而已.包上桌, 賣相不錯, 不是一般的豬仔包, 應是硬的.咬一口, 噢, 比想像中硬, 要同時兼顧包與肉, 有點狼狽.這類有餡包, 每咬一口, 需包中有餡, 餡中有包, 方痛快, 手上的硬豬, 有欠方便.或許是澳門風格吧.肉呢, 不過不錯, 但在盛名之下, 已屬欠佳.離開時, 紅帶內, 還是空蕩蕩.

講番上個星期四去呢間去下午茶既感受。。。約左男朋友去呢度食下午茶，因為我早左到，所以自己就入左去先‧‧‧(1) D 侍應好似見我唔到咁。(2) 等左大約5 mins 先有人拎杯茶0黎‧‧‧(3) 叫左幾個人先有一個人同我落單。(4) 野食0黎得好慢，但其實當時既人客唔算多，7 成多。我同男朋友order 既都係豬扒豬仔包+ 火腿炒蛋。豬扒豬仔包> 多油........... ><"火腿炒蛋> 我男朋友0個碟都還好，我0個碟竟然係一粒火腿都冇!!!!!!!仲有，當我等緊D 野食0黎既時候，見到有兩個女侍應0係度拉拉扯扯咁玩.................究竟發生咩事!????? 咁都得既??PS. 我諗我唔會再去!

星期六四個人食午飯，放工落到尖沙咀，都兩點幾三點，朋友提意到澳門茶餐廳，我自己就未去過，一心諗住都可以食下午茶餐，同冇咁多人，點知門口都係有人排隊，入到去仲有午餐，所以叫了一個焗飯，味道一般，唔明點解咁多人，再加上waiters一派唔休做的態度，就更加覺得賣難受。

『其實因乜事成日大排長龍？』每次經過呢度，都見到人龍排晒出黎，唔通真係好好味？前幾日終於趁未見人潮時，走來食一食。睇見餐牌，打算搵d這裡特色食物，但又唔見有咩特別喎，就叫左個蜜汁什扒飯，加杯熱咖啡。什扒有雞、牛、豬及火腿。味道一般，跟普通的茶餐廳沒有兩樣。而個咖啡竟然帶點酸味似的，難以全部喝下。其實都唔係幾明，究竟這裡大排長龍的原因是乜呢？好平咩？又唔算，只是茶餐廳價錢。好好食咩，亦唔算呀！唯一令我諗到的就是d人見到澳門個字，就諗起賭錢，咪入去頂住癮先囉.....唔係掛？！

我起碼一年無食過呢間野。之前o既印象其實唔錯，雖然以茶餐廳來講係貴左少少，不過o的野食有特式同埋水準都唔差。不過今次再幫襯發覺好唔掂！首先係服務好差，一坐低就發現上至經理下至waiter 個個都黑口黑面，對所有客人都係咁。o的檯布仲污穢過張檯，抹完仲污穢過唔抹，但係o的waiter 都可以當無事！o的野食都同以前差好遠，依家o既水準仲差過普通茶餐廳！不過o的客人o既眼睛係雪亮o既，因為好明顯生意係差左，今晚假日o既繁忙時間唔使排隊不單止，仲有幾張吉檯... 我諗好多舊客都係好似我咁，食完今次唔會再幫襯！究竟係間野轉左手還是又係創業容易守業難呢？

我同d朋友一行6人去, 竟然可以俾卡位我地6個人坐!! 非常迫~!!!!!!! 張檯又細, 攪到我地係不斷咁踢住對面對腳既, 都算! 如果好食的話...我要左話好出名既豬扒飽, 係我好中意食既, 但係...直情係rubbish! 我連半個都食唔落!!! 話好食既人究竟真係咁冇要求, 定係做媒呢?服務更加唔好講, 有個勁串既呀嬸, 嗌佢落單, 講明唔該佢都大聲嗌"等陣啦"咁, 勁冇禮貌! 之後問佢一樣未黎既野食, 原來冇落到單, 個時我地都食到7788, 話要取消佢就要我地等, 我地都未答佢就走左去!!!過左陣仲未黎, 我地再嗌佢cancel佢就唔制, 話整緊, 點都要我地等! 我本來想開聲剷佢架喇, 點知就即刻黎喇碟野, 咁我地就算, 趣趣地食埋佢走!!!大家唔好再去d咁既地方食野喇!!!!! really bad!

離上次到此晚飯差不多半年了,懷念這兒的咖喱牛腩飯及蜜汁燒風蟮,相約朋友到此飯敍。還記得之前每次都排長龍,這次7時卻只有三四隻,很快便能入座了。境物依舊,梳化座舒適美觀,但為何每份餐牌都變了影印本?食物種類也少了,連我的至愛燒風蟮也删除了。照點了咖喱牛腩飯,蜜糖銀雪魚及馬拉盞炒西蘭花。咖喱味道依然香濃,都幾辣,送飯一流。牛腩比較失色,靭了少許,牛筋卻太淋,有啲溶為一灘的感覺。無風蟮,退而求其次叫了銀雪魚。外表煎得金黃,蜜糖甜甜哋,魚很滑很嫩,不錯,唯份量少了些,只有三小片。西蘭花炒得翠綠爽口,份量足。馬拉盞不太咸,西蘭花吸盡了精華,叫人吃不停口。隔離枱望見我們的西蘭花也忍不住問侍應叫多碟,哈!我還叫了兩杯凍飲,埋單$175,不算便宜,但我覺得質數差了,唔知其他食客有無意見呢?

o係呢間食過lunch 同tea,2樣都唔錯,2次個肚都係好滿足的...d野都幾好食,又多款,多選擇,茶餐廳黎講,係唔錯架~另外令我印象最深刻既係...佢地既"兒童鴛鴦"...平時鴛鴦就飲得多喇,但係"兒童"既"鴛鴦"就未飲過喇~即係可立克+阿華田...上次試過,又幾過癮喎~味道又唔錯~

Macau Restaurant is actually one of my favourite Hong Kong restaurants.And here's why you must go there once in a life time:1> Needless to say the food there is super delicious + HOT (which is also very important)2> They have lots of choices, for example, this morning when I had breakfast with my mom there, they had 8 kinds of set breakfasts for us to choose!!3> Unlike most HK style restaurants who always have the same set breakfast or set lunch every day, they change their menue

我已前久唔久都會去食早餐的,都唔錯,幾好味架!不過我覺得d伙記就冇乜心肝,成日都黎錯野,我都唔知佢地落錯單定係入面出錯野,所以.......我而家轉左去後一個街口那'澳門冰室'需然佢地鋪仔細細,但係我鍾意佢地夠細心,而d食物其實都差唔多,因為我次次去都係食早餐午餐,不過,我想...如果係食晚餐,就應該係澳門茶餐廳多d 選擇的.