澳門茶餐廳 (已結業)

叫左兩個招牌菜:1.皇子鴿,皮脆肉嫩,好多汁2.咖哩牛腩飯,一個人都食唔哂,d 牛腩好入味,咖哩夠香,好開胃(反而出名既豬扒包個包太乾,食到口損)最好配一杯香濃咖啡,絕配!!

同男朋友0係呢度食tea.佢要左一個豬扒包,細個左好多.但係味道都保持到.我要左一個鮮茄牛腩通粉,幾好味.個蕃茄湯好濃.不過牛粒就好少.埋單四十多d,都ok.

本來諗住到正隆試下，可惜看餐牌後，發覺並不太吸引，於是過街頭澳門茶餐廳。很多人輪候，但很快有位。叫了一個咖喱三文魚頭鍋、二個豬仔包同一碟白灼韮 菜花，咖喱三文魚頭好大鍋，個咖喱汁幾好，夠辣更有淡淡的椰香，醮包一流。但最出色竟然係個韮 菜花，清甜無比，從來只知炒韮 菜花好食，原來白灼仲好味。

食過咁多間都好似係呢間最好食, 不過佢個setting真係坐得好迫同埋呢間真係特別嘈, 好鬼煩!食過咁多野, 我最愛都係佢個咸豬手焗飯, 次次都焗得恰到好處, 豬手唔會太咸, 個茄汁又好味, 飯重要係炒底, good啊!! 有次去食葡國雞就唔掂啦, 勁油, 葡汁得個色, 味好淡, 薯仔同雞都煮得唔錯, 不過比d汁搞喎晒.不過個次個杯好dirty, 清潔好差, d客走左好耐先有人清潔, 張檯又唔乾淨, 扣分

食物的質素還可以，但較以前差。不過最差還是服務!我和太太上週六晚九時許光顧，當時店內顧不算太多，侍應一聽我們兩位，便硬要我們坐卡位的一邊。若我們每人只點一碗麵那還可以，但我們準備點小菜，如果一稍後在多兩人根本就放不下所有食物。我們已向侍應說明，但他們（特別是那位手短的女侍應）堅拒不讓，還真的安排多兩人跟我們同坐。後來我們見有半張圓檯，便要求轉檯。那位女侍應雖然不能阻止我們，但頓時面色轉黑。落單時，那位女侍應態度惡劣，竟然惡言地說：「要什麼，講！」我們想點馬介休炒通菜，她冷冷地說：「無通菜！」要我們追問，才告訴我們有什麼菜可選。（可是及後我們同檯的另一對食客點馬介休炒通菜，另一位侍應並無說無通菜！）我留意到她對其他食客態度也可以，但一見到我們時就口黑面黑。上菜後，菜已佔了半張圓檯，實在難以想像如果我們坐在卡位的一邊，這餐要食得如何辛苦！即使食物水準也過得去，以這樣的服務，我也把它列入我們的「黑名單」！

My friend and I said Macau Restaurant is good, althoughI haven't been there for a long time, but I want to go there again, because the food is delicious, anyway, thank you.

軟骨皇子鴿真是好好味, 但是真是十分多人

係笑

呢o度d咖喱都幾得o架，香又辣，試過雞同牛腩。牛腩好食d，雞就冇咁入味，差少少。薯仔有時會有d入咪d有d係新薯仔，睇下你好唔好彩啦。

下晝去呢間食嘢都幾多人,小女子本著貪小便宜(有朋友仔請)就去食啦炒雜菌都幾好食,港式咖哩都ok斃在d座位好爆...兩條友坐咗一卡死角包廂,食嘢時好辛苦d waiter又想叫d人硬迫入嚟...煩惱~~~~(p.s. 好心唔好再播d演唱會vcd啦,次次都係播城城.....連d waiter哥哥都扮哂心口狂唱"唱這歌")

早餐等太久，至少二十分鐘牛角包太硬雞扒又小又有筋

趕時間求其與friend係到食，食o左葡式蒜蓉炒雜箘、白灼芥蘭一碟、及咖哩朧「月利」配豬仔包，個雜箘都抵食38蚊有成四、五類菇，咖哩朧「月利」算大碟，有三條朧「月利」又多薯仔，不過幾油膩。而豬仔包就唔係好得，其實係烘番脆，唔係新鮮的。真係唔知點解豬扒豬仔包係佢招牌貨。

在尖沙嘴工作時，每週都會光顧一次。感覺察很「旺角」。日間，這是一間味道一般的貴價茶餐廳；入夜，成為品流複雜的地痞茶餐廳。但因為它的「咖哩雞」、「豬扒包」和「砵仔焗飯」都有一定水準，故仍定期在日間到此食店。推介：咖哩雞、豬扒包、砵仔焗海鮮飯、葡式早餐(豬扒包、熱飲$20）、柑桔咸梳打、略大杯的熱飲。我個人覺得這兒的豬扒包值4.5分（5分為滿分），店家所用的麵包跟別家的的確不同，故此份外好味！似乎係我在香港食過最好食的豬扒包！此外，咖哩類所用的咖哩汁偏向香濃辣，乃我杯茶！故我亦評此店的咖哩雞為4.5分（5分為滿分）！砵仔焗飯類的汁料稠稀控制得很好，色香味齊全，故我亦評此店的咖哩雞為4.5分（5分為滿分）！我個人覺得這兒的焗飯比新森林焗之專門店更好，至少這兒的子肯落足夠汁料去做一個焗飯，不會沒有味道！無論冷或熱的飲品都是大大杯，才夠過喉！可惜，此店的客路、服務和環境真的很「旺角」，故此只會間中才幫趁！

如果大家住係大埔都知係臨時街市都有間魚蛋粉好出名...佢就係"洪記" !!有人可能會話佢串...細碗...服務差...但係我都一一不認同.我覺得去這個魚蛋粉度食野好攪笑,好被動...!...點解??...因為去過的人都知,你一坐低唔使叫佢寫野,你只要等就得...為可? 因為到你就自然會問你食乜...不過佢好野呀...負責人真係可以分到先後.通常d人係食魚蛋類d野...無他,因為無其他野食...如果一個普通的男性都一定要食兩碗,因為真係細碗.可能真係唔怕無生意($14碗).但係如果你真係想去食的話,我指係品嘗的話一碗好啦.兩碗就醫肚.感覺上無咁正!! 萬一你想拎碗外賣走的話,重得意...佢無做外賣...不過你可以自己帶個碗去...自己做包裝.碗過碗...真過隱!!人人平等...~~我重見過有一次,個隔離鋪叫佢整碗魚蛋粉...負責人講...等呀...到你自然呀你,係咁啦!...真係頂唔順. 其實"洪記"都旺左幾十年...日日都咁多人,但係佢係收半日...去的話要小心時間.而且佢係大排檔黎...地下好滑小心!香港仔有山窿謝記.大埔墟有洪記...!!

其實澳門茶餐廳...我都有幫襯開...有尖沙咀兩間啦...同信德碼頭...水準真係好好...待應服務都唔錯...但係如果你有去開的話... 試下留意... 佢地d 收銀禮貌非常惡劣... 多謝都無聲...而且找錢俾你果陣... 真係好易"乞"咁!!<br>正所謂...臨尾香...~