澳門翠苑餐廳

营业中

休息中

大前日放工約左老豆dinner, 去左朗豪坊酒店樓上嘅熟食中心。試試openrice好評如潮嘅澳門翠苑茶餐廳, 食著名嘅農夫包! 叫左一個雜扒 + 咖哩牛腩農夫包share黎食， 兩個餐都有湯及飲品跟。 個巨包大大個, 外鬆脆內軟熟, 牛腩一Ｄ都唔韌, 都幾好味！個包好食過Time square食通天已結業嘅Shooters 52! 另外仲有一碗咖哩汁沾麵包食。有手套跟tim, 邊點汁邊食, 方便又唔會整dirty HK$43咁既價錢都算幾抵! 相比起個包, 個雜扒就無mud特別la......(係D薯條幾好) 整體黎講有驚喜, 但係D野食好快就凍, 因為果度D冷氣非常強勁...... please check for more information:http://hk.myblog.yahoo.com/donsterz-donsterz/article?mid=2334

其實我和媽咪兩個人也常到朗豪坊熟食中心用膳的澳門翠苑茶餐廳當然也是我們常光顧的!常喝茶，今天便和媽媽來到這裡吃午餐!!!叫左兩個常餐A&C分別有:牛油豬仔包+豬扒包"豬扒包要加錢轉的...叫哂兩款同媽咪一人一半個包勁脆...好好味D牛油滲哂入個包入面，好正架豬扒包塊豬扒都幾大塊，而且佢有隻醬汁好好味，同個包好夾所以兩款包我地都好鍾意食鮑魚豬頸肉米線+蕃茄牛腩通粉"我比較喜歡鮑魚豬頸肉米線多D，因為感覺清D而且佢D豬頸肉幾好味佢個D雖然係鮑魚菇，不過我同媽咪都覺得佢真係幾有鮑魚味蕃茄牛腩通粉好多料，有紅蘿蔔，食完都幾飽下不過感覺肥膩D...可能係D牛腩既關係凍咖啡"我同媽咪一人一杯!! 因為佢D凍咖啡真係好好飲。勁香咖啡味，無偷功減料! 無咩邊間茶餐廳既咖啡可以同佢比較~~~間唔中我地就會黎飲返杯!!!

上星期日終於試0左lu!~~d間鋪0係openrice都算出名...7:00p.m左右到...不是太多人...等了5分鐘有位...叫了一個curry 雞0既農夫飽...and 凍奶茶...等了20分鐘先有得食...奶茶..冇咩特別...個飽用鍚紙包住...一撕開..好吸引0既樣子...急不及待開餐la!~好熱....麵包芯噴熱氣出來..撕了一片比自己一片比男友...點d curry汁....麵包皮脆的...一咬..d碎搞到一身0係....直到尾也是如此....麵包芯好鬆軟....curry 汁有香料味....雞肉唔多..但好juicy!~跟餐的羅宋湯...味不是太濃...不似罐頭的....$43不太平...但是值得一試!~見到隔離枱....食緊同一鋪0既茶餐....望落都唔錯...麵包也是脆脆似的!~

好鐘意黎呢到食野. 因為咖哩, 麵包, 同咖啡都係我最鐘意食既野. 奈何黎呢到食野需要有太多既配合: 自己一個黎食唔晒, 太多人又無位, 同班FRD傾計食飯呢到又唔係一個合適既環境. 所以雖然成日都心思思想去但係始終都去唔到~~~最近係首頁再見唔到翠苑出現係排行榜, 以為佢同好多餐廳一樣, 因為成名而退步~~~ 好擔心呢個情況發生, 所以今日係我再三既強調, 以極權既方法阻止友人係途中企圖食其他野既意念. 今日我終於都重臨呢個無咩人知道既旺角熟食中心. 下晏4點無咩人等, 點左個咖哩牛柳農夫包跟熱咖啡, 友人本來諗住點杯凍鴦, 老細一聽到即刻話: 點解唔點咖啡呀? 你一定無試過我哋既咖啡. 不如你點咖啡啦. 呢個時候我都不禁同我個frd講, 呢到d咖啡真係好得. 所以佢都點左凍啡. 唔知係唔係無人, 食物比我想像中黎到快... 一黎到, 我已經急不及待咁打開佢塊鍚紙開動. 一開始我就食左個麵包頂點咖哩汁.... 好味呀!! 麵包係脆脆, 個咖哩汁香濃, 有辣味但係又唔會太辣~~~ 食完成個都唔會有好辣要飲水既感覺. 我久違了既熱啡依然係咁香濃... 好香咖啡味. 飲完除左個人醒神晒之外

上開openrice，久聞呢度d咖喱農夫包多人讚，但一直未有一試。呢日終於來到食晚飯。原來呢度咁易搵，就喺正朗豪坊對面，仲有天橋連接，等自已上去過時仲烏下烏下由上海街搭電梯上去添！上到去當然試佢最出名嘅咖喱農夫包啦，今次要左咖喱牛腩，再加杯凍咖啡。另外仲要左個中式套餐「時菜牛肉」添！凍咖啡同農夫包先來。個包好大個，份量好足。杯凍咖啡上面鋪上一層咖啡粉，賣相不錯。呷一啖，味道比一般茶餐廳，甚至好多餐廳的好，咖啡味濃得來夠甜，唔會有苦澀味，正！好味！再試農夫包，揭開個香脆的麵包蓋，點落去隨包附上的半碗咖喱汁裡，果然味道唔錯，咖喱汁雖然唔算香辣，但係都幾好味。再試d牛腩同牛筋，牛腩較為普通，雖然都算腍身，但唔算好好食，不過d牛筋就唔錯，炆得算係幾腍。時菜牛肉同例湯（雪耳木瓜煲瘦肉）跟住送到，一望碟餸，咦！乜唔係芥蘭、菜心甚至生菜嘅？竟然係西芹。又真係少見喎，乜唔係通常都係配雞柳嘅咩？！算啦，繼續試菜，味道正常，不過冇乜特別，反而個湯算係唔錯，無乜味精味。埋單一百蚊唔使，都算幾相宜啦！為左杯甚有水準的凍咖啡同今次冇食嘅咖喱雞，下次都會再來嘅。

成日行旺角都沒留意這個地方有一個熟食中心。友人同我一齊點了出名的農夫包。一個從沒有聽過的名字，　原來就是法蘭西硬包開蓋放入curry牛腩，幾有創意，十分有賣點。尤其是拆開錫子的驚喜，真叫人雀躍。至於味道，就是普普通通的茶餐廳水準。個包本身係普通的硬白包，我覺得可以加入芝麻或者乾tomato，增加佢的口味。雖然我好鍾意個拆開錫子的點點期待，但是我覺得這個沒有多大的作用，實情有點浪費。而且體積太大，好飽肚，仲要跟餐加野飲。哎唷唷，整體來說，我會支持環保，下次唔再來了。　

4/4(六) 7:30pm週六的晚上,跑到朗豪坊隔壁的熟食中心,親嘗翠苑的手本名菜,咖哩牛腩農夫包餐$43跟蕃茄牛腩湯蕃茄牛腩湯--跟蕃茄薯仔湯味道相若,味道較淡薄.咖哩牛腩農夫包--具份量的農夫包酥中香軟,內裏的咖哩牛腩蠻軟腍,牛筋則膠質豐富彈牙,瑕疵位乃其咖哩汁不夠濃香.以清甜檸茶一杯中和咖哩的油份,感覺良好!聞說這裡的豬扒包及凍咖啡也頗得手,有待下回分解...

行完朗豪，唔想諗到頭大0既話，通常區區食個tea都會黎呢度食，就腳嘛~今次食左佢0既鮑魚豬頸肉米線+熱奶茶，本來想叫常餐，然後俾個包朋友食，但朋友都想飲杯野所以都叫左個餐，最後就叫左兩個下午茶餐。我地討論食咩期間，茶餐廳d員工都好鬼馬咁問我地想食咩，然後介紹我地食呢個餐啦0個個餐啦……雖然我地冇叫佢地推介0既野，佢地一d都冇冇癮0既表情，依然係一句「你地坐一陣，我地好快拎黎俾你架喇~」我碗米線都有幾多鮑魚片，雖然知道係假0既，但質感都好似真鮑片呢豬頸肉就size細左d咁囉不過味道好ok奶茶都依然好飲

我奶油大包都幾鍾意食麵包, 做左openrice既擁躉之後, 知道有間叫澳門翠苑茶餐廳專賣農夫包 (雖然唔知係咩), 又點會唔去試吓呢原來農夫包係一個好似蜜瓜咁大既包, 入面裝住一些餡料 (估架咋, 因為佢地個包係咁), 我揀左咖哩牛腩包食! 個餐仲包埋餐湯同飲品一杯! 唔講味道住, 覺得個包幾得意, 喺頭頂開個窿, 塞d咖哩牛腩入去, 再焗佢一焗, 但係又覺得好似唔係連埋d咖哩焗熱個包, 因為個包無索到好多咖哩汁!味道就ok, 咖哩唔算好香, 但個包幾好食, 麵包肉好黏, 高根包嚟, 我鍾意食, 牛腩就一般, 比較瘦, 不過ok淋! 四十幾蚊一個餐都可以試吓, 當係食多樣新野啦!

今日公眾假期,起身就決定出黎旺角試下呢個咖哩包.........我同老公兩個就叫左:咖哩雞農夫包葡式豬扒包個農夫包真係好得.....D雞好林好入味, 咖哩唔太辣, 大大份, 兩個人share都勁飽.個豬扒包, 我本人覺得好食還"澳X茶餐廳"仲要價錢真係好合理**** 連我老公都話我今次無介紹錯！！我極之強烈推薦大家去試一試！估唔到呢D food court 都有咁好o既服務態度呀！！

今次係第2次幫襯呢間響旺角熟食檔最旺o既食肆上次食果個咖哩豬排飯真係超正可惜d相delete 左 寫唔到食評但係果度d咖哩汁真係超正啊!! 夠哂辣 夠哂惹味~今次同個好同事去試下佢d金牌常餐老闆好熱情、介紹我地試海防米線 (好啦! 就信老闆o既好介紹啦!!)叫左個煙鴨胸通粉同海防米線 配左一杯熱檸水, 凍奶茶 + 2個法式牛油脆豬仔飽有驚喜!! 雖然我地係叫外賣 仲要等左差唔多半個鐘先拎返到公司食但法式牛油豬仔飽仲係熱熱城 咬落去脆卜卜我同事都話: 哇.....真係超脆喎，你食到咁鬼大聲其實唔怕肥o既話真係可以成個豬仔飽食哂架 !!跟住我試下個忌廉煙鴨胸通粉初頭以為會係杰撻撻o既忌廉汁 但係一打開黎睇原來似忌廉湯以為會搞淡哂d忌廉味搞到唔好食但我咁唸真係大錯特錯 !! 通粉好多 煙鴨胸略嫌少左d 得四塊但呢個配搭真係幾好食喎 食到飽一飽食完通粉 飲埋d湯 差d連隻碗都食埋啊加埋杯滑滑凍奶茶 食到咁飽 下晝眼訓到上天堂咁滯同事食既海防米線米線好夠滑 不過d送就好少唔算好特別 賣28蚊反而好似唔

星期六、日, 齋妹一向是睡袋一名. 問過叫我星期六、日俾佢訓之後, 同俾佢同女仔出街後. 星期日飲完茶, 之後去做Gym, 同歎杯奶茶.........哈哈................咁做Gym無效架..................本沒打算黎試出名野的. 但, 熟食中心好似只有呢度有個似樣的下午 Tea. 不如整個豬扒包仔, 加杯奶茶. 明顯, 整個熟食中心, 呢間是比較多人的. 叫了一個最簡單的葡式豬扒包. 落了 order, 坐埋一角, 等豬扒包奉上. 亦為星期五的澳門行作個飲食新開始吧.豬扒包, 比起什麼茶餐廳的感覺正宗好多. 脆皮包, 無骨豬扒, 牛油香同豬油香混成一體. 咬一淡, 再加上濃香奶茶. 口中有油膩再用奶茶沖走.......罪過罪過......做了一小時的Gym就此完全失效.........星期五到澳門, 必帶親戚們食豬扒包, 齋妹另有安排.

Drummate久聞這兒的農夫包十分好吃，但未有機會嘗試。前幾天上完課後，終能帶她一試。咱們三人在熟食中心共叫了三樣不同的食物，其中包括咖哩牛腩農夫包餐。為了方便進食，我先把巨大的包切開數份。刀子一切下去，便聽到清脆的「格格」聲，未吃便已知到包子烤得十分爽脆。包子本身略為乾身，內裏的咖哩牛腩份量足夠二人共享，牛腩炆得尚算稔身。雖然包中的咖哩汁不算多，但勝在餐廳另上一碗半滿的咖哩汁，足夠讓我們蘸整個包來吃還有餘。咖哩汁份量足夠是最大賣點，說不上令人驚喜的出色，但香辣，夠熱。隨餐附送的蕃茄牛腩湯略有茄酸味，可能是用茄膏煲的，遠不如勝香園的蕃茄湯底。但免費的餐湯有此質素已很不錯。吃完農夫包，十分滿足地離開，往戲院繼續下場。

一人晚餐,食左個"茄蓉豬柳意粉"加杯凍啡~茄蓉豬柳意粉-無茄蓉的..我諗茄蓉係指個汁?! 個汁係橙橙地色ge, 都有蕃茄味.. menu寫豬柳,但係來ge係豬扒,不過豬柳係咪即係豬扒呢... anyway,d豬扒好大塊仲頂有成3舊,淨係食豬扒都飽啦!仲要係好味架喎!意粉就比較"林",不過不失~凍咖啡~次次飲都係咁好飲!! 其實今次放棄手撕雞都係因為杯凍咖啡咋~~~

O係依度晚餐, 叫左咖哩雞農夫包同咖哩牛腩農夫包.咖哩汁係分開上, 隨自己喜好加落包度. 咖哩汁好香牛腩好"林", 幾夠味. 雞肉肉質幾好.個包好大, 最初因為個飽夠熱, 所以覺得好食. 不過一凍左就覺得麻麻