澳門翠苑餐廳

营业中

休息中

見OPENRICE咁多網友讚E個農夫包終於都去試左去到先知原來旺角有咁既既熟食市場一入到去就見到大大隻澳門翠苑茶餐廳拿拿林叫左個咖哩豬扒農夫包餐見到個包反應係嘩, 有我個頭咁大個驚喜既唔係味道, 而只有個SIZE個包的確幾脆, 但係裡面既肉得好少!咖哩汁係好多, 連我依個食汁怪都食唔哂, 不過味道真係普通左D羅宋湯好似加得太多水凍咖啡是可以接受的, 不過不失感受就係有點失望試一次就夠, 四十蚊一個餐話貴唔貴, 但係係旺角可以有更多更好既選擇

麵包相當之大個, 香脆可口, 入面既雞件亦不錯,醮些香而不辣的咖哩汁佐食, 食下食下就食哂羅宋湯內蘿蔔偏多, 味亦較淡; 反而杯凍檸茶茶味香濃, 值得一讚

六點鐘已經有一群人在門口排隊買野食~本來想買光酥餅, 但賣曬........睇食評話豆沙燒餅, 咁就試下la~$13 / 5個, 冇餡就平d嘩, 熱辣辣架, 一啖咬落去煙煙奀奀好正, 豆沙又剛好薄薄一層唔太甜,有三位女士仲急不及待即買即食添~之後隔左一日再食都仲好煙奀, 個同皮冇硬到~~老闆好人呀, 成日問我想食咩, 我企響度睇左好耐都冇唔耐煩~下次試下其他野先, d 牛耳, 米通好似唔錯呢

周圍食,見澳門翠苑茶餐廳既好評都係超多,好奇地想去試吓,不過今次只係覺得一般地點係一個熟食中心入面,不過個熟食中心唔算污糟,而且入面仲有好多間食店以供選擇,不過今次已經決心來一試翠苑.所以都不作他選了買了一份咖哩農夫豬扒包餐食,用錫紙包住既豬扒包打開之後露出個包頂,個包幾熱,幾特別,咖哩汁味道ok.只係豬扒口感只係一般,比較多肥肉,所以食到一半已經幾滯..餐湯唔好飲,食完之後覺得唔係咁好食

又係睇開食評先去食..位於旺角熟食中心..難搵左dee..去到第一間舖就係!!去到唔洗問即點左最出名既咖哩牛柳飽餐..1)牛柳飽變牛腩飽2)味道無咩特別..個飽不過是法式豬仔飽..第一口覺得唔錯 但係愈食愈覺得好悶..個飽大大個..淨係食飽好寡lo.. 同埋一個人(特別係女仔)未必食得晒..最好share..3)咖哩汁大大碗..個飽入面本身已經有好多汁..多左!! 同埋咖哩汁並唔特別..好普通由於係旺角熟食中心,要自己搵位..不過買完佢地會送埋過黎俾你。只求食好野..最後好失望。

和男朋友刻意來這兒用餐，透過網友的意見得悉：千萬別貪心一人一份農夫包。果然！那個包「很大很大很大個啊！」我們要了咖哩牛腩農夫包、羅宋湯(水...）、凍咖啡，牛腩味道普通、份量少、咖哩的味道也是一般。不過，包真的很脆，麵包香卻不足。凍咖啡是最好的!四十多元，有包有湯有飲品，抵食、卻算不上好味道

睇過好多網友介紹哩到個農夫包，價錢又唔係貴，所以一於同男朋友去試試~~兩個人叫左一個咖哩豬扒農夫包跟一個湯同一杯凍飲，另外再叫一個白汁魚柳焗飯。個到好乾淨，唔會話好似街市d食堂咁，比完錢佢會比張咭你，自己搵位d食物佢會攞比你。等左大約5分鐘到焗飯黎先，不過個焗飯有驚喜喎，好夠熱d飯一粒粒，好正。之後個咖哩豬扒農夫包就有d失望啦，都唔係咁好味，只係可以話佢好特別，好普通既貨色。不過我地發現左樣野，係個到食野既十個有九個都係食農夫包，不過我見到個個一開始食個樣都一樣，因為個個都唔知應該點食。有d用手套有d用刀叉有d人想成個食。

尋晚又係專登都老公試一試有幾好食,老公叫左一個蕃茄通+奄列,蕃茄湯比較淡,通粉又少,奄列就無咩感覺,而我就當然叫左咖哩牛腩農夫包+凍咖啡,包就好大個,不過唔夠熱,另跟咖哩汁,無錯,辣度適中,不過我都係覺得跟飯會好食d,跟包就麻麻,包內既牛腩真係好林,不過份量太小,凍咖啡非常多奶,我唔覺得有咩咁特別好飲,只係係咖啡面加左d原粒咖啡會香濃左之外,都無乜驚喜,雖然農夫包餐有埋羅宋湯,不過淡而無味,又唔酸又唔辣,唔送都吧,咁既質素要五十幾蚊真係唔值!

見未來外母,心情特別緊張,外母好錫小弟,同佢去食野都唔會要求我同佢去食好貴既野,十分感激雖然係咁,都希望可以令佢食好d,於是就同佢嚟食澳門翠苑茶餐廳,因為好多食評都讚好! 說真的,個人對麵包唔抗拒,但係都唔係特別欣賞,所以都唔會好期待個農夫包,我自己反而就食左隔離檔既六寶飯,未來外母就order左個咖哩豬扒農夫包餐!個農夫包餐包括左一碗紅湯,味道一般,唔酸唔咸,坦白講,唔係好得,另外一個用錫紙包住既農夫包,一打開入面有切條既豬扒條同咖哩汁,另外再有一碗咖哩汁,再加一杯凍飲,四十蚊個包夠熱,食到外母幾滿意,不過個咖哩汁味道一般,唔係太特別,但都唔係差啦,讚既係豬扒份量都幾多,不過叫做試過就算咁!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~成日都黎openrice穩好野食，但係就未有衝動去寫食評第一個食評就比左......農夫包^^希望以後有時間同肥bo去多d地方，同大家分享多d飲食心得...(好似演講辭...ha)好la，入正題↓↓聽人講係朗豪坊有天橋直達呢個熟食中心穩左好耐都未穩到...最後放棄...落到下面，先發現就係朗豪坊後面....但係直到依家都未知果條所謂ge天橋係邊....蠢去到個熟食中心，都9:00 p.m啦，但係都仲有好多人呢一心諗住黎試農夫包，但都睇睇有咩其他野食走曬成個food court 見到好多人都係食農夫包最後都係決定食農夫包la去到澳門翠苑茶餐廳面前，有個成身都係紋身ge水吧哥哥，感覺好惡呢好彩隔離有個阿姐，我地就問距有咩好介紹係介紹途中，個紋身哥哥就怕怕醜醜甘講 "農夫包la,我地呢度d農夫包好好食"我地驚2個人唔夠食，距同阿姐都話我地2個人都食唔曬阿姐話牛腩同凍啡好出名，甘我地就叫左咖喱牛腩農夫包加凍啡紋身哥哥話阿妹有優惠，2個人食一個餐，落單時幫我地加粒

朋友食過呢間翻尋味，又拉我黎食，今次我揀左常餐B，即係越南海防米線，其實我唔知係咩，老闆話係有肉碎、蕃茄、蛋花、芹菜做料，我話我唔食芹菜WO，佢話幫我走芹菜，猛叫我試下，我就試下囉~今次呢個米線冇上次常餐A(即係蕃茄薯仔牛肉粒通粉)咁好食，我唔係覺得唔好食，而係常餐A更好食，呢個米線好清好健康，有肉有菜(即係蕃茄)有澱粉質，個牛油豬仔包連我唔係幾鍾意食麵包0既人都覺得幾香食左半個，朋友食埋另一半，我未飲杯奶茶都覺得飽左lu~當然杯熱奶茶仍然係保持水準~下次再試下其他餐啦

聽個fd介紹左咁耐, 尋晚終於去到...叫左個咖哩牛柳農夫包餐和葡汁雜菜盒餐連紅湯&凍檸茶(每個餐43,凍飲加2蚊), but 老闆話冇哂葡汁雜菜盒個盒, 改放落農夫包....唔好都唔得啦.之後搵位等阿姐送過黎, 5至10分鐘, 終於等到...個包超大, 仲大過我地塊面.. 仲要有一大碗咖喱汁, 正~~ 有齊刀,fork,spoon, 手套, 邊點汁邊食, 方便又唔會整dirty, 個雜菜盒好抵食, 個牛柳農夫包就冇乜牛柳咁...雖然好肚餓, 但兩個真係食唔哂... 見個湯冇特別又冇料, 所以個湯完全冇郁過 ~~~ 晚餐黎計大食夾大件, 個汁味道一流... 下次要試埋個豬排包先

原來係langham二樓有條通道直接去到旺角綜合大樓，無諗過商場居然會連住熟食中心呢！好方便啊！午市人好多，不過伙計很醒目，落單好快（仲快過我睇menu），落完單後佢會俾個牌仔你，叫你搵個位坐低，佢地會送過黎～其實我覺得好神奇，因為佢地又要落單又要收錢又要搞外賣，究竟係用邊隻眼望過每個客坐邊呢？仲要記住邊個打邊個同埋熟食中心咁大，唔係人人都坐正佢個舖前面架喎難道呢Ｄ就係茶記的智慧？海防鮑魚豬頸肉米線＋油豬＋凍檸茶（＄２８）：食晒我同男朋友都仲未明點解個＂米線＂叫＂海防＂，男朋友話味道一般，米線好飪，唔彈牙，反而跟餐的油豬就好正！因為即烘，真係皮脆內軟，係熱熱的時候放塊鮮油入去，半溶狀冰火交融好好味！如果唔係我仲有大大農夫包，我真係會搶埋男朋友個半黎食呀咖喱牛腩農夫包＋蕃茄牛腩湯＋凍啡（＄４５）：等左一陣先有，食左半個油豬後更加强了我對農夫包的信心！農夫包餐好豐富，蕃茄湯，農夫包，凍啡同另上咖喱啱啱好放晒係個tray到，見住個錫紙包住的農夫包就覺得好壯觀喇！蕃茄湯－－感覺係自家煲的，唔係羅宋湯，好夠茄味，雖然無牛腩係入面，但係都好味！凍啡－－－不愧係招牌，因為真係好好味，甜度剛好，又唔會

無諗過既係朗豪酒店樓下竟然有個熟食中心，翠苑就裡面啦。熟食中心俾我既感覺係好唔乾淨，又好迫。但呢度好唔同，又乾淨又闊落。我去到買野食，有個人問我搵左位未，我當然未啦。呢間野都會有人送食物到你個位度，服務真係貼心。蕃茄湯是日餐湯，都無乜特別既。但個味道都唔錯。咖喱牛柳農夫包個包都等左好耐，但都係值既。因為個包都幾大個，個包又脆口，好正啊。牛柳粒好煙韌，又夠肉味。雖然有幾舊係好韌，但都唔會韌得黎又無肉味。個咖喱汁唔算太辣，但我覺得個包同點既咖喱汁有唔同。個包既咖喱汁係好食。食完呢個包真係好飽，咁既價錢真係幾抵。凍奶茶個味有怪，但又幾好飲。奶茶唔同平時飲開果。雖然座落於熟食中心，但服務同普通餐廳咁上下。抵有咁多好評既，最細心既係食農夫包既顧客會有一對手套，好食得黎又衛生。

此處最出名既係農夫包，於是叫左一個咖哩牛腩農夫包餐，四十幾蚊一套。個餐包括一碗湯、飲品、同農夫包。起初心諗得個農夫包會唔會唔夠食，但一見個農夫包真係成兩個拳頭咁大，反而覺得食唔晒。 個包本身好鬆軟，個皮好脆，係一個好有水準既麵包。入面d牛腩亦都係幾嫩，咖哩就唔算太辣，味道適中，難怪個個好評。至於當日個湯係蕃茄湯，相對來講就無乜特別。