澳門九記清湯腩王 (已結業)

放左學，係OU去搵食，一支公行到油麻地，就諗起呢間😂，而且好耐冇食，因為抵食，同埋個海南雞真係好好味，好耐冇黎，間野大左🏢，原來買左隔離仲打通埋，都係依舊食招牌既海南雞🐔海南雞飯🐔，要胸，飯就失色左啲，有啲硬，雞都係保持水準，好滑，入味，仲有個醬，酸酸地好放胃😂😋，想食多個添😊雞湯，真心好好味，yummy😋, 飲完唔好好口干，加埋啲䓤好香呀👍🏻同埋啲蘿蔔入晒味🤤總括黎講，晚餐46蚊真心抵食同好味👍🏻

每次去果欄買生果，定必先光顧澳門丸記清湯腩王，它不但牛腩出色，其他食物也同樣吸引，如海南雞飯、泰式豬手飯。今次分別吃了爽腩撈粗、泰式豬手飯、海南雞飯和咖喱牛腩飯。爽腩撈粗將彈牙又有油香的粗麵，配上肥瘦相間、牛味香濃的牛腩，再澆上蠔油，是最佳組合。泰式豬手飯豬手半肥瘦，醬汁一流，配上甜梅菜倍增食慾。海南雞飯可以簡單以雞嫩食香來形容，油食乾身不太油膩。咖喱牛腩飯用上泰式咖啡，牛腩味反而被咖哩味蓋過，不能食真牛腩的味道，感覺上較失色。不過，部分食物非套餐，飲品另計，價錢略貴。

跟同事去果欄買生果，就去咗油麻地搵嘢食，佢介紹去九記牛腩，竟然去食海南雞，佢咁大力推薦就一於去試吓啦。好彩早到，我哋大約12點9左右去到都有位坐，見到隔離枱果兩位客人都係叫海南雞飯，就估到應該真係唔錯。叫咗一客海南雞飯＄46，熱飲加＄3 ,仲送咗一碗雞湯，本身見到個湯黃咁咁，睇落好似好油膩咁，但係飲落又唔會，係中湯嚟嘅，都幾鮮甜，入邊粒蘿蔔煮到好淋。過咗幾分鐘個主角就出場，海南雞上面鋪滿姜戎，旁邊有一個醬汁，食落有少許辣味，我將整個汁到晒落啲雞上邊，會更加夠味，海南雞係無骨，好滑，但就不太重雞味，下面係油飯，其實配埋個醬汁先會更加夠味，整體來講呢個價錢都合理，算係唔錯嘅海南雞飯，而且飯嘅份量都幾夠飽。

又來到茶餐廳私房菜，次次到有新意思，今晚菜單是：(1) 海蜇萵筍拼 麻辣深海魚扣(2) 椒鹽深海龍躉皮(3) 酥炸金牌牛坑腩(4) 雞油花雕蒸阿拉斯加蟹爪(5) 爆炒香辣阿拉斯加蟹身(6) 天麻沙參玉竹燉深海龍躉骨(7) 豬油渣炒水東芥菜 (8) 雲南沙薑無骨走地雞(9) 金獎特級蝦子撈麵(10) 有機水果大家看到D相，真的要立即訂位！冇野講！

好似好出名嘅餐廳， 只不過係宣傳嘅一部分。46蚊嘅海南雞飯， 先來一碗清雞湯， 蘿蔔入鮮甜。主角上場了， 唔知點解醬汁碟要放在配菜青瓜番茄上面呢， 明顯示廚房及放醬油嘅人不是同一個人， 冇預留位置放醬， 端菜嘅人又懶， 放在同一隻碟上就算。油飯算是煮得入味， 雞皮好黃又多油， 食完咀唇有層雞油， 部分雞鞋， 雞翼位就係滑。食完個飯未覺飽， 飲埋個湯先至夠( 原來個雞湯作用就是這樣)。行入去餐廳雖然門口走廊鋪了一層防滑墊， 感覺地下有雞油， 廚房位在門口， 行過有雞味...

私房菜食過不少的我，最近又試多一個非常特別的地方，就是在茶餐廳內！！正當各食客在食緊茶餐、飲緊凍O茶，隔離有張大枱的我們正在食緊蒸花蟹，飲緊白酒，感覺真係零舍不同。當其他食客見到我們的餸菜，想睇餐牌找，sorry是要預訂的，當你看到我的相片，不用講，去試下！

海南雞同我似乎有好深既淵源，我每次見到海南雞都忍唔住想試下，但快餐廳既海南雞大部分都是伏，連黄姜粉都無，白切雞飯賣40，當海南雞飯賣60博大霧。但係！呢間雖然係飯同醬汁上有所不同，但隻雞卻還不錯👍，快餐廳黎講真係算係咁

今晚凍咗好多，原來諗緊好無去吉野家打邊爐，但諗諗下又好似好麻煩，而且未必有位，所以最後就喺九記快脆食個晚飯就返屋企。食咗咖哩牛腩飯，我幾鍾意食哩度嘅咖哩，咖哩香而帶少辣，薯仔又夠粉夠入味，牛腩亦算腍，不過可惜今次得一舊，其實哩排個胃有事，猶豫咗好耐，好無戒咖哩，因為次次食完咖哩胃酸倒流都會明顯嚴重咗……但算啦，好間唔中先一餐應該無事嘅……同埋飲凍檸茶真係飲到厭，哩一年都係飲半杯飲唔晒，所以今晚突然好想飲奶茶，茶味唔太濃，都接受到，其實港式奶茶我真係好少飲，因為又係個胃唔受得，今晚唔知發咩癲去虐待個胃。不過最爆趣係間嘢擴充咗，打通埋隔離舖位，無咁迫，但無諗過竟然可以喺營業期間，喺食客隔離打牌……真係俾10個趣😂

有人問我，見你成日去澳門九記清湯腩王食嘢，啲清湯腩好得？我答我入去十次，有九次都係食海南鷄飯，以前只食清湯腩，但見到枱面寫住啲字幾得意(見相片)，所以有一次就點了泰式海南鷄飯($44)，點之一試後就一直點海南鷄飯到依家。泰式海南鷄飯跟蘿蔔湯，海南鷄上面已有薑蓉，另外會跟一碟綠色的薑蓉，先食一件鷄，鷄皮不會過肥，鷄肉算滑，雖然不能說去到鷄有鷄味，但以這價錢已經有80分，油飯飯粒分明又夠乾身，加上酸酸甜甜的薑蓉，不錯，眼見店內有七成客人都點泰式海南鷄飯就可看出其美味程度，真係做鷄好過做牛腩。蘿蔔湯，應該用鷄湯煲成，連蘿蔔都入哂味，幾好飲。

時間有點趕，在旺角想找快靚正的餐廳，吃個快飯...男友就帶我到油麻地的澳門九記清湯腩王吃海南雞飯。人流多，坐位安排會比較迫，當然坐得不太自在^^不過食物好快送到，吃完快快走就冇所謂吧~海南雞飯的雞份量看上去不多，因為全都已經去骨，是一份無骨海南雞飯。雞很香滑，有雞味，感覺新鮮而且夠鹹香，配上油飯，相當美味！而且附送清湯一碗，冇再特別叫野飲了。這裡的海南雞飯水準真不錯，下次趕時間想食個快飯就可以考慮這一家餐廳了。

相信大家听過,或者試食過唔少所謂"馳名清湯腩",但係間間都好似差不多, 不算特別好食。小女覺得好吃的清湯腩, 湯底夠清甜為首, 其次就是腩肉質感和味道, 當然要睇埋粉面靚唔靚。呢間九記清湯腩,就做到我以上所講既－湯底正。腩肉質地好。粉面靚。(可能只是這家店的味道比較岩小女口味?XD)由於我是"湯王", 所以每次都必點清湯腩男朋友則會點海南雞飯。大家可以每樣試D黎食。每次黎到,都會笑下呢張咁搞笑既餐牌男朋友妹妹點的豬扒飯,炸得好夠香,好好味我每次必食的"魚片頭清湯腩"。湯底夠甜，冇錯係清甜丫～每次都會飲埋Ｄ湯。魚片頭唔錯，牛腩好夠林唔會硬，河粉係幼身比較滑果隻。成碗湯粉好Match另外叫左一碗柱侯蘿蔔真係有一粒粒既瑤柱粒，同埋蘿蔔夠林，但好似冇之前食咁甜。去骨海南雞飯海南雞好夠滑不會老，有雞味（笑）油飯有味得黎又唔會好多油連埋一碗小的清湯（應該是雞湯），跟牛脾河的湯底味道不一樣的，也是很好味！不過只有海南雞飯會跟飲品。去過幾次，員店的態度都唔差，手腳都算快。今次有位伯伯員工還跟我們聊了幾句下次下次，想吃就會來吃的清湯腩和海南雞飯大家路過也可以試吃一下啊。

俾＄我都唔食，又難食又受氣！話要半肥瘦牛腩，黎到d牛腩又瘦又少，朋友個海南雞仲要漏單！之後同收銀反映竟然話我地無落過同要求過，真係O晒嘴，做錯野仲要老昆！唔怪得生意差左好多！

初一同老婆去左酒店食自助餐, 諗住初二簡簡單單, 食完去睇煙花兩支冷行到砵蘭街, 見呢間有開工就入左去間舖唔大, 人多, 同老婆坐響角落頭張細台, 叫左個海南雞飯, 清湯腩飯, 熱奶茶兩份飲先講海南雞飯雞: 無骨, 唔算肥, 冰鮮, 味道普通糯米飯: 有雞汁味又唔算濃, 問題係初二果日有d凍, 佢上台果時糯米飯唔夠熱, 要扣分同埋樓上d ching話有醋味, 我又唔多覺青瓜: 老婆食左, 無評價跟餐湯: 白蘿白湯, 蘿白真係幾大舊, 有d渣, 味道同咬感ok, 湯都係例湯味整體黎講, 份量exactly夠成年男人一個午飯, 味道同材料方面係剛好合格清湯腩飯老婆食, 我分左少少試下飯: 白飯無特別, 只係加左清湯腩汁, 我覺得糯米飯好味d菜: 都係好普通青菜蘿白: 同跟湯果d差不多牛腩: 炆得幾淋, 易咬碎, 唔算肥, 最少我老婆怕肥都敢食整體黎講, 呢兜野比海南雞飯貴十幾蚊, 份量差唔多, 牛腩係幾好食, 只係少左d, 都係剛剛合格奶茶: 有茶餐廳水平海南雞飯四十幾, 清湯腩飯五十幾, 當時無記清楚淨係記得成餐飯埋單137蚊

海南雞飯 $42雞口感很滑，以冰鮮雞來說算是有雞味。油飯很乾身，粒粒分明，但吃第一口，有點乾，不過附上清雞湯，可適量邊吃邊淋上飯吃。這飯出色之處是蘸雞吃的醬汁， 甜酸鹹辣配合得剛剛好，用此醬汁蘸雞，撈飯，有如畫龍點睛。醬汁以薑汁 , 芫茜，魚露，醋, 蒜蓉等攪至蓉，吃完有點辣， 酸酸辣辣， 教人愈吃愈想吃，即使兩小時前吃了下午茶的我，原本覺得不太肚餓，日常不好吃飯的我，卻在不經不覺間吃了整碟飯，整體配合得宜，如路過油麻地可再去。 

本身就鐘意食雞 ...所以特登系屋企附近搵雞食...一坐底諗都吾洗諗..海南雞飯要胸丫吾該飯底夠粒粒分明但差小小香口海南雞夠滑仲帶有小小咸雞味份量都幾大 出餐又幾快.... 明付其實 快靚正 !!!