澳門九記清湯腩王 (已結業)

今天在外面吃飯，隨便選了一間吃清湯腩，人又不多的價格也不是很貴，大概是中間的水平，因為餐廳是主打牛腩，所以點了都是牛腩，清湯腩飯跟咖哩牛腩飯這個清湯腩真的很普通，雖然份量都合理，但有點韌之餘又沒有牛腩應有的油香跟牛肉味，而且那個飯還很乾...這個牛腩的味道比較好，因為咖哩醬的味道很濃，而且跟牛完全混和了。不過吃多了會很膩，因為很重味精，也超油膩！來這吃飯不要有什麼期望，就普通一家茶餐廳，味精很重，不過價格還算ＯＫ

到咗晚飯時間，但同老公又唔特別餓，所以走去食粉。之前喺呢度食過牛腩河，味道唔差，今次決定試另外一d。坐底見到隔離枱既豬扒飯唔錯，忍唔住跟叫一碟，再加一碗海南雞湯河同埋一碟油菜(芥蘭)。豬扒夠香，唔"鞋"口，而且豉油汁又唔太鹹唔太多，唔會令到d飯太濕，真係啱啱好呢碗海南雞湯河對我黎講係驚喜，當食第一啖河粉時食到椰香味，以為自己諗多咗，原來湯底係椰子雞湯底，呢個底湯真係豐富咗成碗粉，加咗分。至於雞件都係滑既，份量都啱啱好。而油菜不過不失，大部分粉麵店水平差唔多。

這一晚 天氣有點涼 想去食羊腩，便突然想起了同事介紹的這間餐廳!從門外看進去不見太多食客，但想不到經過麵檔旁走進餐廳內，空間也頗大，亦有不少家庭在用餐。餐廳價錢合理，跟一般茶餐廳分別不大，我們叫了一個泰式豬脾撈麵跟一個咖哩羊腩飯，附送例湯。豬脾撈麵份量大，豬脾夠稔又不 ’鞋‘，皮跟肉比例不錯，不會只吃到豬皮麵彈牙，又不會太乾身，沒有鹼水味咖哩羊腩跟飯分開上，咖哩不算太辣，唯獨香料味不算太重兜內只有一舊薯仔，其他也是羊腩羊腩夠稔好食

清陽牛腩， 河粉 材料差，切得 牛腩 每件特大，但份量一般， 又 靭又難食，味精又重 一啲都唔似清湯腩的清湯， 超口渴， 價錢唔成正比， 根本就唔可以稱清湯腩， 點解個招牌主打清湯腩做清湯腩。

今日係佐敦油麻地一帶，梗係上網睇下有乜正嘢介紹。九龍區有好味嘅清湯腩咩? 就去試試呢一間清湯腩王。朋友情有獨鍾咖喱，所以佢叫咗咖喱腩飯。我就試吓海南雞飯嘞，因為網上比人讚呢個正嘅。$51 大家先試雞飯，雞腍滑嘅，但係雞翼同周邊雞皮太多，有啲肥，薑切得幼細易入口。黃油飯，不單祇有黃油味，仲有椰香味，好好食，啲雞點埋個綠色清新辣醬，食到停唔到口，飯淋身多啲更啱我食。$51牛腩飯個咖喱汁比較辣，蓋過曬咖喱味道，牛腩有硬，有爽，有腍視乎你夾到邊嚿，牛腩份量OK, 總括下次我哋會嚟試清湯腩，睇下會唔會好味啲，同埋會再食海南雞飯。

原本對依間店都很有期望，尋日已經食過一次都已經等左好耐，個外賣等左足足一個鐘先送到，所以今日專登再提早到11:15已經叫左外賣，結果等到12:34先送到，仲要打左幾次電話去追都未有。雖然材料好足，味道好，湯同粉分開放，唔會令到d粉發漲，但d粉本身都好散。當我食到一半，夾緊河粉嘅時候就見到類似蜜蜂嘅生物，再見埋成個身，好彩冇食到...本來外賣送得遲已經扣哂分，再食食下見到有昆蟲真係完全差評，完全唔會想再食。

牛腩湯麵皇實力非凡2018/07/05係油麻地角落嘅一間小店，$40就可以食到嘅一碗牛腩河，牛腩肥瘦剛好，爽口肉質鮮嫩，湯中有兩舊白蘿蔔鮮甜可口，湯底有濃郁嘅腩汁味但又保有清甜感，一啲都唔混濁，河粉爽滑，與腩汁湯底同吃非常美味。湯底好味到令人忍唔住飲多兩啖，眼見對面同枱嘅食客點牛腩飯，有同樣嘅湯底，食得津津樂道。香港好多地方都有賣牛腩麵，要肉質可口唔容易，此店嘅牛腩唔柴皮又鮮甜，肥瘦剛好，湯底一啲都唔油，腩味濃郁，令人一再回味。

每次來上海街買廚具，都必定會到丸記食咖哩豬扒飯 $55 🤩 基本上十次有八次都keep到水準 😆以前嘅咖哩豬扒飯係冇得跟餐～ 唔知點解而家咁好可以變做餐 ＋$3 有嘢飲 😆咖哩香帶小辣 非常惹味 ， 味道不算 好好好特別 但總之飢詩 好鍾意呢種味～ 每次都會返嚟食 ～ 咖哩入面一定有一嚿薯仔～ 豬扒醃過 而且炸得 微脆～ 可惜今次嚟食一啲都唔脆 😭咁我就問下成日都見到嘅大叔～  係咪轉咗廚師？佢話唔係～ 實屬當日黑仔 🤣🤣🤣其實佢出名係 海南雞同清湯腩 ～但係一次都未食過，因為嚟到淨係想食 咖哩豬扒飯 😍飢 point : 9 / 10 (如果係正常) ，（5 /10 ～當日食嘅分)#hungermarch #飢詩 #非飢詩

這間食店其實一直都唔係我的必試食店之一。原因有以下兩個：一、九記牛腩聞名在港島，這裡應該唔正宗二、本人對牛腩不太熱愛但今日天氣太熱，真係唔想食飯，所以決定試一試呢間，行近點才發覺原來很多明星都曾光顧。那就更想去試一試味。入到食店里，發覺原來里面的位置都算多。職員大部分都係姐姐，雖未到好親切，但都算真誠，本人發覺這里有我最喜歡的海南雞飯，價錢還是相當平民化，我就決定轉款啦。此中喜歡雞多過牛。每個飯都包一碗湯和飲品。這個飯包兩款醬，比其他海南雞店少一款，沒有甜豉油和辣雞醬變左一款比較鹹的綠色醬。隻雞本身比較老身，其實食落去唔似海南雞，不過呢個價錢，其實我覺得可以再試。個湯可能放太久，唔太熱，如果熱點就大滿足。走的時候其實已經開始人多，位置都開始緊張，所以如果大家想慢慢享受食飯的樂趣，這間未必適合。但想一個人普通食個快飯，就一定會好滿足。唔

Lunch time 好快就揾到位，而且上菜速度好快話明清湯腩王，一場來到就當然要一碗清湯腩河啦！食落去其實冇咩特別，不過份量充足，清清地，冇咩胃口，鐘意食清淡野就可以試下

之前睇介紹，呢間招牌清湯腩原來暗藏兩大孖寶，於是我分兩次去一嚐佢有幾出色。海南雞飯（$48）加六蚊要脾位，附送老火清雞湯,加多幾蚊有杯野；雞肉既質感絕對無問題，非常滑,雞皮帶少少膏；飯夠香，絕對無用黃薑粉，但比較乾身同硬，建議食之前試一兩匙個湯去撈一撈，口感會更加好同埋食落更香泰式豬脾飯（$50）附送老火清雞湯,加多幾蚊有杯野；豬脾入味，肉質夠晒淋,食落唔會鞋口鞋面；個汁幾好，非常適合送飯。個人認為豬脾比海南雞更出色，另外要讚隨湯附送既大舊蘿蔔夠淋又無渣。呢間食店如果喺呢區同類食店尼講，應該屬於頂級。

我今日因貪近，到我工作地點附近找食，到了這間食店點了個咖哩牛腩飯做午餐， 入面竟然有兩嚿豬肉喎。我叫個侍應過來問下，佢話牛腩里面沒可能有猪肉，仲叫我自己買舊猪肉㷛下湯係咪咁嘅色喎！我煮飯煲湯幾十年竟然有人話我連牛同豬肉都分別唔出，然後那侍應還話四十幾蚊一個飯，你想要D乜啊！還用滴緊水既手指指著並滴了幾滴落黎，今時今日這種服務態度真是差到前所未見，又或者可能真係黑色星期五，撞到這間離曬譜的店。

係旺角行完街，再經油麻地見到呢間，都想試好耐，見佢牛腩好出名就膽粗粗跑左入去食啦~~~2個人order左2樣野，叫左牛腩飯再加例牌海南雞。牛腩同飯分開上，個牛腩又真係幾好食，好林身好入味，而且粒粒好大粒好好肉，不過個湯就應該有味精啦，食完之後就好口喝ge!海南雞D肉就好滑，佢有2個醬，2個醬都好食，我就中意個泰式辣醬，食落好開胃呀!飯量都好多下，唔大食就可以好似我地咁一個傻2個食都夠呀!下次可以再試下其他野食呀!

經常路經都好想食，但每次晏晝都好多人。晚間去反而無人，所以叫返個咖哩牛腩米，咖哩味唔算濃厚，但睇佢個汁咁啡紅以為會好香濃，但都係麻麻，如果食粉就無乜掛汁既感覺。牛腩都好冧下，都好入味。份量唔少

行完果欄，買完生果，於是去附近的餐廳吃午餐，見到丸記清湯腩王門口貼滿名人合照，心想應該不會太差，所以入去試一試。今次點的是泰式豬肶肉飯，豬肶皮肉分名，肉滷得入味，酸菜美味，拌飯一流，整體水準高、好食。