澳葡牛奶餐室

营业中

休息中

深水埗茶餐廳都比較多，見到有間新開的澳葡牛奶餐室，有我最鍾意食的蔥油撈丁和杏汁燉奶，就同朋友入去試下，餐廳裝修光猛舒服，點餐都是用QR code，方便簡單👍蔥油原味炸雞翼撈丁擺盤精緻，雞翼煎得好香口，雞肉嫩滑，雞翼沒有太多醃製原汁原味，麵煮得煙煙韌韌，蔥油份量適中，不會太油，撈埋一齊食，正😋瑞士雞翼雞翼咬落已經食到好淋好入味，甜甜地好開胃！香炸韭菜餃皮薄到肉眼巳經見到脹卜卜的餡料，韭菜豬肉分量十足，比例剛剛好，鍾意食韭菜嘅我食唔停口，一粒接一粒😋熱杏汁燉奶天氣凍食返碗燉奶都係不錯的選擇，食落已經聞到好香的杏汁味道，每一啖都好香好幼滑！最後飲番杯冰凍嘅可樂同埋香滑奶茶做結尾，這餐好滿足👍

今日去咗間幾特別的「茶餐廳」，特別在於它有平時茶餐廳的選擇和價錢，仲可以食到特色葡國菜。我們是被門口雪櫃的雙皮奶吸引而入去的，環境乾淨企理，食物賣相好，食慣茶餐廳想有點改變，不妨一試。巨人豬扒包（$42）梅頭豬扒大大塊得嚟夠嫩滑，連番茄也有厚切兩片，不枉巨人稱號。葡汁牛脷焗飯（$66）葡汁香濃，稀杰度剛好。牛脷份量多，飯粒分明，值得等待15分鐘。炸馬介休球（$33）足料：薯蓉、洋蔥、鹽醃鱈魚。外層香脆，內裏軟綿還透有一點魚香味，口感creamy得來又吃到洋蔥粒和薯仔粒，非常好食。金沙雞翼（$26）這個不得了，它無平時食的金沙醬咁鹹，外皮香脆，睇到粒粒鹹蛋黃，雞肉又嫩滑，明知邪惡卻停不下來。冰鎮奶茶和美祿鮮奶（跟餐+12）奶茶正常，美祿略淡，不知何解和餐牌圖片有很大出入。薑汁撞奶（$28）、杏汁燉奶（$28）、正宗雙皮奶（$26）薑汁撞奶毫不孤寒，夠薑，可惜失敗咗，不凝固。燉奶和雙皮奶則很嫩滑，尤其杏汁有杏仁香味，更好吃。不過記得叫侍應叮耐些，夠熱才好吃。葡撻（$12）食葡式餐廳怎少得葡撻，酥皮酥脆，甜度適中，而且都幾大件，多些焦香會更好。

呢間位於深水埗既澳葡餐廳性價比極高，除左平時喺茶餐廳見到既茶式，仲可以食到好多特色既葡國菜。呢度用QR code 落單，非常方便。見啲野咁抵食，我地點左超多野食！今次點左吉列大蝦蛋蓋飯、芝士番茄豬扒飯。兩碟飯都大碟夾抵食。蛋蓋飯上面既滑蛋好嫩滑，吉列大蝦好香脆！小食方面，我哋點左充滿葡國特色嘅炸馬介休球，鹹鹹香香。甜品有薑汁撞奶，啱晒冬天食。點少得新鮮熱辣既葡撻呢！飲品方面，呢個冰鎮奶茶非常正，啲冰唔會稀釋奶茶，一路飲都keep住咁香濃。

西九龍中心附近最近新開一間冰室，同朋友今日去食咗個下午茶🍴金沙雞翼 💰2️⃣6️⃣金沙雞翼外層香脆，面頭有粒粒鹹蛋黃好香口，雞翼肉嫩滑Juicy炸馬介休球 💰3️⃣3️⃣葡式小食大大粒，裏面有洋蔥、薯仔、鱈魚而成，即叫即炸，油份多咗少少🤏巨人豬扒包配牛油粟米 💰4️⃣2️⃣巨人版真係好大份，豬扒好大塊，我要分開嚟食先咬到冰鎮奶茶 餐加配💰1️⃣2️⃣奶茶茶味濃而不澀，甜度適中熱杏汁燉奶💰2️⃣8️⃣正宗雙皮奶 💰2️⃣6️⃣杏仁味香濃，燉奶都嫩滑，但牛奶味再濃郁啲會更好葡撻 💰1️⃣2️⃣🎈澳葡牛奶餐室🎈深水埗汝州街278號地舖

因為防疫措施所以冇得食晚市唯有講喺晚市之前來食個晚餐。深水埗呢邊當然係最多選擇，價錢又夠平民，啱晒我呢啲鍾意食平民美食嘅人，今次就揀咗呢間裝修好新淨嘅澳葡餐室，有葡國菜同埋澳門菜嘅特色 。《巨人豬扒包配薯條》$42豬扒包真係勁巨！呢個價錢但係食到層層分明嘅配料，尤其是塊豬扒煎得勁香同埋鬆軟，一啲都唔乾，好好味，薯條都係即炸即起，個包帶點法式麵包嘅煙靭好好食。《葡汁雞皇焗飯》$56無論係葡汁或者表面嘅芝士份量到十足，雞皇份量亦都好多而且雞肉好滑，我諗用嘅都係雞比肉，炒飯底有大量嘅蛋絲，入口勁香食到停唔到。《金沙雞翼》$26略嫌有少少油，不過外皮真係揸得超酥脆，鹹蛋黃嘅味道都夠香濃，裏面嘅肉都好滑，除咗油咗少少其餘都OK。《正宗雙皮奶》$26好耐冇食過雙皮奶，呢個都唔錯，有奶香，但又唔會好甜，啱晒一般大眾嘅口味。 總括嚟講，呢度嘅食物都唔錯，下次經過會再嚟。

無無聊聊之際行街行到深水埗，見到間餐廳裝修同周圍環境好唔同，吸引我行入來。嘢食都唔少，點咗幾樣疑似葡國食品共享，話是話，都2年冇去澳門喇。以下食品氹仔咖喱魷魚麵，葱油豬扒飯，炸馬介休球令我哋仿如行入澳門大街小巷度搵食。葱油豬扒飯葱油好多， 香味扑鼻，再加上大大舊香脆豬扒和白飯，好味到停唔到口，橄欖球狀嘅炸馬介休球裡邊有馬介休，洋蔥，薯仔等材料，非常之可口惹味。金沙雞翼呢，店家用咗好多蛋黃來整，味道唔錯。碟豆花鮮奶和宇治金時鮮奶絕對係打卡雙寶。而葡撻，杏汁燉奶，雙皮奶係店家之寶，差唔多人人檯面都有，唔錯唔錯。

一聽到停晚市真係晴天霹靂，早啲放工沖去澳葡牛奶餐室，提早食返個晚餐先，唔使成日食外賣。澳葡喺深水埗來講算係新穎，裝修乾淨企理，價錢合理，衛生環境好，店員服務態度都好細心。金沙雞翼 $ 26.00自助落單，先來雞翼小食，金沙有口感，雞翼皮脆肉多汁，一啲都唔 dry 好味道!香炸韭菜餃最近買股票成日做韭菜，一於食返個香炸韭菜餃，宣洩一下不滿情緒。咬落去都好脆卜卜，好多韭菜。牛乳蛋蓋飯系列吉列豬扒蛋蓋飯配照燒汁 $58.00雖然牛乳蛋蓋冇日本嘅咁好食，但係質素都唔差，好香好滑，味道濃郁。吉列豬扒 炸得好香脆，皮薄肉厚，加錢要埋荷包蛋，蛋汁特別香，飯配照燒汁，多汁撈飯啱晒。宇治金時鮮奶手工飲品，有驚喜，多奶少甜，味道適中。 蔥油金沙炸雞髀飯好期待多蔥油，有廣東燒味舖的水準，金沙炸雞髀，特別香濃，惹味十足，好大隻雞髀，快食一流。美祿鮮奶水準穩陣，香港特色的好選擇。熱杏汁燉奶 $ 28.00估唔到最後仲可以食埋甜品添！熱辣辣好滋潤。凍正宗雙皮奶 $ 26.00入口香滑，奶味濃郁，滋味無窮。葡撻 $ 24.00澳門地道甜品又點少得葡撻呢？打孖上，我鍾意甜甜地，撻皮好鬆脆。

2022.01.14深水埗貴為親民美食勝地💁🏻‍♀️今日就去左呢間新開張無耐既澳葡牛奶餐室食個TEA先！$33香煎魚餅配馬介休醬🐠🍪～有4大片魚餅，魚餅夠薄身，馬介休醬有啲似淡啲嘅腐乳加蝦醬味，所以唔駛點好重手就夠哂調味$56葡汁雞皇焗飯🐥🍛～即叫即整，要等大約10-15分鐘，係切開嘅雞扒，葡汁份量剛好，加埋溶咗嘅芝士，啱啱好包住同黐住啲飯+$12凍宇治金時鮮奶🍵🥛～都幾大杯，明顯見倒3層：抹茶、鮮奶、紅豆，混合嚟飲感覺唔膩，抹茶係幾傳統果隻日本抹茶，唔會好甜$36金沙生炸雞脾🍗配牛油粟米🧈🌽～雞髀超巨型，炸皮混合埋咸蛋王，入面仍保留肉汁～粟米係原條上，粟米粒都軟身嘅+熱韓國蜂蜜柚子茶🍊☕️～都幾大杯，熱辣辣，濃度剛好，偏淡$12 葡撻～個皮好脆，仲有啲食焦糖燉蛋嘅面嘅感覺同味道😋$26 熱正宗雙皮奶～有熱有凍，任君選擇～淡淡奶香味，唔會太甜另外提提大家📣間餐廳新開冇耐，所以八達通都仲申請緊，大家記得預備現金去幫襯喇💵

我老公去開深水埗閒逛，搵間茶記吃過午飯，一路行，見到這間新開的茶餐廳，店面好光鮮！竟然有葡撻同燉奶，啱晒又想食正餐、又想吃甜品的我。熱奶茶正常水準的熱奶茶，點了少奶，仍有濃濃的茶香一杯好的奶茶，也是一餐飯的好開始。吉列豬扒蛋蓋飯配照燒汁大大塊吉列豬扒炸得香脆，配上甜甜的醬汁，很開胃。蛋皮很大的一塊 ，新鮮煎起，熱辣辣，充滿蛋香。整碟飯的質素高🥰葡汁牛脷焗飯牛脷軟林林，份量多，葡汁椰香香濃👍🏼杏汁燉奶冬天來碗暖笠笠的燉奶，份外溫暖🙊我選了杏汁燉奶，杏汁味都幾香濃😌重奶香，應是用全脂奶！好味道。重點是在一間茶餐廳能夠有這樣質素的甜品，本人表示滿足這餐廳價錢合適，質素不錯，下次還會再來。

澳葡新開嘅餐室經過門口好吸引皆因廚窗嘅甜品🍮望見想食引死人入到去睇睇餐牌又係多款任你嗌諗諗食乜嘢之際選擇困難又出嚟款款想食款款叫叫哂多款食咗先食物賣相好鬼靚價錢仲要係好平款款食物啱胃口滋味享受在人生👍😋—————————-❤️宇治金時鮮奶：宇治金時鮮奶香…抹茶味更加清香濃郁原味新鮮奶…香滑好味值得嗌😋————————-🧡碟豆花鮮奶：新鮮碟豆花飄香…藍白又紫賣相靚天然碟豆加鮮奶…健康之選人人嗌👍————————-💛 金沙雞翼：金沙雞翼又係正…粒粒鹹蛋黃黏上外皮香脆肉嫩滑…啖啖鹹蛋啖啖香😋————————💚香炸韭菜餃：韭菜皮薄餡料靚…外皮炸得脆又香金香鬆脆韭菜餃…食完我都覺得正😋———————🤎炸馬介休球：葡式特產馬介休…外皮脆口確一流洋蔥薯仔咸鱈魚…吃落軟熟味道香😉————————- 💙炸魚柳：炸魚柳呀炸魚柳…香噴噴又熱又脆外皮鬆化入口溶…魚柳肉滑鮮味夠😇—————————💜巨人豬扒包：巨人豬扒確一流…包肉咬落脆香口梅頭豬扒肉質靚…軟熟嫩滑有咬口😀———————————🖤蔥油雞扒撈丁：蔥油味調較得正…味道咸甜又適中雞扒外皮脆肉嫩…越食越覺得醒神😁——————————💖咖喱豬扒飯：咖哩豬扒咁

新一年第一個工作日食個靚早餐先返工，呢間夠新、食物種類都唔少就嚟試下，好彩早到，之後好快都坐滿嗌咗個$38餐：蕃茄豬骨濃湯牛肉通粉- 我估全部早餐都係用同一款湯底，不過嗌蕃茄就會加茄膏同蕃茄。蕃茄帶少少甜，湯底濃味啲會更惹味，但對經常出街食早餐嘅人嚟講比較健康；牛肉份量都唔少，仲食得出肉質即係無太多後期添加；通粉無坊間嗰啲煮到咁稔，有返啲咬口，唔錯炒蛋多士 - 多士烘得唔夠脆，牛油夠搽曬成塊包，炒蛋軟滑香濃，又唔會好油膩仲可以揀其他烹調方法夠曬體貼奶茶多奶 - 夠滑夠香夠濃唔澀，好飲喎服務🕴🏼雖然已經有電子點餐，但亦都會因應客人嘅需要人手幫你落單，彈性處理價錢💰合理（早餐最平$32有交易）環境🏠舒適，座位之間都幾闊，吧枱嗰邊都有提供埋個籃畀大家擺嘢衛生🍽乾淨無痴笠笠（畢竟係新開）

今日去左新開既澳門葡牛奶餐室食晚餐。見到照片覺得咖哩牛坑腩飯覺得幾吸引，就叫左，點知現實同照片係有啲差距。照片顏色係橙橙紅紅，有綠色西蘭花同紅色番茄，點知叫出黎完全唔同色，番茄變蘿蔔。。。

深水埗也有澳牛，特意過來探店，裝修很有聖誕氣氛。下午茶時間也超級多人，今天天氣不錯，周圍散散心，周四也是很瀟灑。 沒想到可以那麼抵食，大份到要兩個人，都吃不完。一不小心就點多了金沙雞翅原來是鹹蛋黃雞翅，外皮酥脆內心柔軟，一口咬下去，滿足感爆棚。 特大豬扒包 超級大份，其實吃一個就可以飽一天了，而且超級划算。 雙皮奶潤滑又甜美，超級喜歡。吃下去暖胃又有營養。牛肉鮮茄意粉超級好吃又大份，沒想到可以這麼足量 蛋撻也是超級酥脆，飯後甜點的首選。下次不要如此貪心，一個豬扒包，就足夠了澳葡牛奶餐室深水埗汝州街278號地舖