澳洲牛奶公司

营业中

休息中

欣賞日落海港城和中港城後秒殺窩心澳洲牛奶公司見唔洗排隊當然馬上入去堂食啦十幾年冇試過澳牛堂食了平時幾十人排隊當中又拖喼客不計其數每次見到咁嘅情況當然只會外賣唔會堂食啦今次堂食相比十年前堂食發現澳牛侍應們竟變成暖男自動加凳俾我們放袋又自動添茶(不是一般茶記無味茶膽水，而估計是香片茶)食得開心又窩心平時只會外賣蛋治今次堂食梗係食茶餐有火腿炒蛋多士又有义燒湯意粉好好味就算10年前出現北海道牧場澳牛炒蛋依舊係無敵希望下次有機會再堂食啦～

身為香港人一定聽過澳牛，但你又有冇去過呢？活咗20幾年真係第一次入。好似重慶大廈咁，聽到你一定會覺得哇，係入口勁多人捉住派傳單，夾你上去食天價餐。而澳牛就係，9秒9請你食完個餐，諗好食乜先好排隊入座，如果唔係？粗口侍候你呀！抱住呢個心態，三條友仔戰戰兢兢第一次踏入澳牛呢個聖地。一入座，伙記拎咗張凳黎俾我地放袋，whatttt? 落單係好快速，唔夠一分鐘寫好，但佢話張枱唔夠位，轉頭先落飲品。我地ee er err咁都冇送粗口俾我地，吓？上一秒落完單，食物下一秒就出現。食完多士，蛋，個碟空咗，唔駛一分鐘，真係計過，即刻收走。我諗就算你正常速度食都唔洗20分鐘可以完成個餐，計埋排隊，30分鐘澳牛體驗完畢。冇粗口，幾細心，好有效率既澳牛。香港人，趁依家疫情少好多旅客真係不防黎試試！

澳洲牛奶公司 香港人嘅茶餐廳雖然今日係公眾假期，要喺佐敦上堂，所以揀左澳洲牛奶公司食番個茶餐。由於以往太多自由行排隊，所以很好耐都冇食過。我最愛凍檸茶，茶味濃有茶香， 檸檬都有五片酸味夠。其次就係厚多士，牛油溶入麵包中，再加上小小沙糖極之好味。叉燒意粉湯頭味道較淡，加上胡椒粉會夠味D。太陽蛋燶邊脆脆地，又有蛋味好味道。

咁耐以黎都冇食過澳牛，因為聽聞要等同埋會比人趕，諗住最近唔會有咁多人，同埋因為朋友喺附近返工，決定黎探下佢，同埋一試澳牛。疫情期間，每張枱都會有支酒精搓手液，幾貼心。如果冇記錯，澳牛係燉奶出名，今次冇試到，下次有機會可以再黎試下。今日就試咗蛋治，炒蛋真係幾正，好滑；野飲叫咗鮮奶，但原來維記鮮奶咁似奶粉味既咩😂 (唔記得自己之前有冇飲過😂)朋友既叉燒通粉就普普通通，冇咩特別。整體黎講，可以一試的。

澳牛呀🐮🐮🐮講左好耐好耐，我終於食到澳牛啦細個就有同爸爸媽媽去食大個左就好耐無食啦我星期日差唔多兩點去到排十幾個人左右好快又入幾個，好快又入幾個但由於我朋友未到齊所以要再等一陣其實十分鐘左右就入得架啦✨✨✨✨✨✨✨✨✨✨✨✨✨✨✨✨✨✨我一早就諗好要茶餐原來可以意粉改通粉咁我個餐就有叉燒湯通粉牛油方包烘底火腿炒雙蛋餐飲就要左熱唂咕你話味道係咪好好味呢又唔係嘅，但味道唔差不得不讚嘅就係炒蛋除咗鹹左少少之外佢真係炒得好滑好香有d舖頭炒到好硬無咩味澳牛嘅炒蛋真不錯👍🏻熱唂咕宜家唔係好多地方有所以見到有即刻叫唂咕係有d似朱古力但係係濃味d有可可香味今次杯熱唂咕都ok啦澳牛呀🐮🐮🐮講左好耐好耐，我終於食到澳牛啦細個就有同爸爸媽媽去食大個左就好耐無食啦我星期日差唔多兩點去到排十幾個人左右好快又入幾個，好快又入幾個但由於我朋友未到齊所以要再等一陣其實十分鐘左右就入得架啦✨✨✨✨✨✨✨✨✨✨✨✨✨✨✨✨✨✨我一早就諗好要茶餐原來可以意粉改通粉咁我個餐就有叉燒湯通粉牛油方包烘底火腿炒雙蛋餐飲就要左熱唂咕你話味道係咪好好味呢又唔係嘅，但味道唔差不得不讚嘅就係炒蛋除咗鹹左少少之外佢真係炒得好滑好香有d舖頭炒

上一次入座澳洲牛奶係25年前，這些年逢有遊客，親戚想吃，我是不入去的，會在舖頭門外等佢哋食完，我對食物質素有挑剔，對服務員更有要求！ 我絕不妥協服務員的服務態度！今次家人話要我陪去，當然要去，入嚟係晚餐時間，一入去見每張枱好大驚喜，一大支搓手液任你用，感覺良好衞生滿分。炒蛋真係冇得輸，軟熟溫度，味道剛剛好，义燒意粉，义燒味道剛好，我食都食唔晒仲分啲俾我家人， 一個餐吃得真快，食完飲完都冇嘢值得留低吾走，所以走啦，我要重申，沒有任何服務員有逼你走嘅眼神，熊度令我覺得接受的，收銀員仲識得講多謝， 有啲茶餐廳收銀員真係唔識講多謝！一個早餐可以全日供應，炒蛋、多士、义燒意粉幾點食也可當正餐，香港才有的特色！

澳牛既光速餐相信大部分香港人都吃過完全反映到 快 靚 正 既香港精神！炒蛋多士必食 但係你想飲奶就唔可以吃意粉個餐🤔但係意粉餐又抵食過牛奶餐😖最大穫係個伙記哥仔趁你一坐底就企係你隔離等落單 阿姐你諗好未呀 快啦~😒既樣不過哥仔既內心其實都好好人 😁講返🍽炒蛋真係好滑 多士夠脆又夠香🤤又可以感受下呢d屬於香港人既光速😌

放假一起身已經好想食澳牛甘啱有個朋友喺佐敦 即興約咗喺度食晏排緊隊已經諗定食咩落單後9秒9火速送到炒蛋依然嫩滑 多士香脆充滿牛油香由細食到大嘅味道係我心目中最愛嘅茶記

今年父親節，希望和其他人有啲不同，所以不像往年去酒樓了，我選擇和父親去他喜歡的茶餐廳食早餐😋。我第一時間就諗起好有效率澳洲牛奶公司餐廳😉先講早餐選擇，其實也沒有選擇，只得一個，就係雞蛋、麺包、通粉和餐飲不過，雞蛋可以炒蛋、烚蛋、太陽蛋。至於麵包可以揀多士或方包。我最愛是炒蛋，好香滑金黃色😋而多士也有牛油的香味。最後，我們當然選擇最愛嘅熱鴛鴦。奶茶同咖啡嘅比重，剛剛好，不苦而能夠飲出奶茶和咖啡的味道👍👍至於；疫情嘅關係，平時門口一條好長嘅龍，現在比較好了，我們只排了十分鈡就能夠入去享用早餐😇值得一提；店內侍應也很有禮貌,當日一個幽默的笑話；當我地叫咗炒蛋和通粉嘅時候，侍應話不能夠即時點餐飲，因為食嘢是有程序的🤣🤣🤣最後埋單每位$38，抵食

真係超級耐冇食澳牛😢 本身都好鍾意食佢哋嘅常餐 係香港人嘅回憶٩(˃̶͈̀௰˂̶͈́)و依然都係咁光速咁落單上菜 太耐冇食嗌錯咗茶餐做常餐😂 但我一直都覺得澳牛叔叔係外冷內熱既暖男🤗 串完我地仲專登擔多張凳俾我哋擺袋🥰 之前去仲會同我吹水😂💛🌟茶餐 $46水準都係中上 叉燒就唔會好靚㗎啦😂 今日嘅炒蛋雖然好多 但係好重咸😥 感覺食晒會生腎石😂 凍奶茶奶味偏重 但我鍾意佢嘅碎冰同埋成隻杯雪住😚

澳牛疫情後重開返成個月，終於有時間嚟食野! 星期日11點半到條龍有成20人等咗大概10分鐘就有得入～疫情期間仲要量體溫的坐低後伙記完全冇催落單，仲好貼心俾多張櫈我地擺袋以前係要諗定哂食乜先好入去，坐低3秒內要叫到野叫咗兩份早餐～一分鐘內就上咗炒蛋＋多士炒蛋好香滑，夠蛋味！自己炒真係做唔到呢個效果～(傳聞話澳牛嘅炒蛋係冇落奶) 多士好厚，烘到暖暖地，個包仲好鬆軟火腿通粉就等咗5分鐘到～火腿份量都唔少，湯底清清淡淡比起炒蛋就冇乜特別，當充飢～伙記一見到我地食咗大半，就問定要咩餐茶～反應快到呢熱奶茶味道夠濃，可以再滑d會更好！成餐食咗25分鐘到～完全冇俾人趕伙記們態度同服務都超好～呢排真係要多多幫襯！

雖然要排隊，不過不出一分鐘，就有一個人嘅位。一坐低，就即刻嗌我嘅列牌早餐 ： 蛋治烘底同埋茶走！蛋治出乎意料地很快就送上。依照個蛋同麵包嘅溫度嚟計，應該早已准備好，蛋同包都唔熱。原先期望可以啤滿分嘅心情就頓時冇噻，返去冇期望嘅位置。咁叻，個蛋比起其他茶餐室嘅蛋的確比較好味，但係並冇太大驚喜。茶走茶味香濃，又夠熱。加上用鐵杯嚟裝，有啲保溫效果。正！之前一直聽聞嚟度嘅伙計態度惡劣。睇落由於客人少咗，壓力都冇咁大，脾氣都收埋咗。

以快同服務態度出名嘅澳牛大家應該唔陌生，因想念佢哋嘅炒蛋就趁疫情人流較少時去食。座位有別以往嘅侷促，店員亦唔似以前咁急躁，至少我仲有時間可以比相機食先！不過上菜速度都係9秒9，炒蛋都係以往咁香滑，正！

據聞澳牛由於武漢肺炎關係, 曾經停業一段時間, 並於上月尾重開. 重開後終於搵到機會嚟食早餐, 竟然唔使排隊, 以前即使閒日早上, 都要排幾個字先入到去.早餐$38, 包火腿通粉, 多士, 炒/煎雙蛋, 熱飲一杯 (凍飲加$2)試過唔少坊間茶餐廳/冰室標榜嘅“澳牛炒蛋”, 雖然賣相差不多, 但都冇澳牛炒蛋嘅神髓, 就算質感差不多, 始終蛋味都唔夠香濃.仲有, 發覺澳牛侍應比以前好禮貌咗 (本身態度都唔差, 起碼佢哋對老人家不嬲係比較貼心).

📍 澳洲牛奶公司📍 佐敦 • 白加士街47-49號地下從小到大的最愛♥特別愛吃他們的多士、炒蛋（超級滑嫩）、通粉，還有鴛鴦／奶茶／咖啡（也就是他們的茶餐啦！）。人龍是少不免的！但是因為客人都吃得很快，所以不用等很久就可以入座了。從小到大都覺得他們店員的服務挺好的耶，吃的趕是這裡的特色啦。有人可能會吃不慣，但服務絕對不是差啊～茶餐 ($46)牛油方飽 | 火腿炒蛋 | 叉燒通粉 | 咖啡或茶這樣的價錢有這麼多道菜，又好吃又飽，非常便宜😛（以前好不喜歡《華X冰室》，因為覺得他抄襲《澳牛》的菜單。但有一陣子《澳牛》的炒蛋退步了好多，《華X》的都比他好，所以曾經對《澳牛》失望過。這次的炒蛋又恢復以前的好吃了！😆）蛋白燉鮮奶 ($30)點了熱的蛋白燉鮮奶，暖烘烘的好舒服。表面好光滑，質感超級滑嫩，奶香味又重，讚！👍除了上菜速度奇快，結帳也是，每位店員的算術都很好耶👏-