澳洲牛奶公司

营业中

休息中

其實間中都會走o黎呢度食,因為我實在太愛佢o既炒蛋同埋多士,而家開左個a/c,梗係要上o黎撐下場啦~我次次去都必食佢o既常餐~佢o既义燒湯意粉其實只係一般貨式,無特別,不過,單憑佢o既炒蛋同多士都已經叫我百吃不厭~ 炒蛋超滑超香,而且份量亦算多,o岩晒我呢個炒蛋狂熱愛好者~其實佢再多我都可以食得落~而佢份多士又係無得頂,人地o的茶餐廳,都只不過係一片普通o既薄方飽,"hon'底仲要加錢,而呢度唔使錢"hon"底,而且仲要係厚多士,咁都唔止,佢仲要搽滿足夠份量o既牛油,正~!!!!!!成個餐,淨係食呢兩樣野都夠滿足~另外,佢o的野飲都幾好,奶茶,檸茶都好香,o的茶一o的都唔澀~而我朋友就話佢最鍾意o的凍飲係用碎冰,好有舊式冰室o既感覺~~我一定會長期撐場~~~

睇左咁多食評...唔係經過都唔會入去...今日經過,又心痕痕要試一次一入去,被偏配坐近門口...死喇...好似好多人實咁....相都唔敢影一坐低已經有個哥仔企住問食乜(無尾音)(預左)........"ar..茶茶茶餐丫唔該"......點解我俾錢食野,要食到咁大壓力????????舉頭望下個環境咋....成份餐就已經放响我面前....炒蛋....有咩咁特別蛋香呀????蛋有蛋味囉...無乜出奇咋喎!...係好滑,落得油多咪滑囉多士....係,係好脆......咁.....又有幾突出呀??叉燒湯意.....叉燒係全瘦...只有少少咸味,就算有少少蜜味都隨湯而去啦...連叉燒既顏色都無......意粉呢?好粉囉..唔駛用牙咬架...差差差差差好鐘意黎呢度食既人....應該係鐘意果份香港情懷最緊要係 d 食物根本普通過普通...自家製都好過佢服務唔可以話差,我無見佢地鬧人趕人...但總之成個氣氛就好緊張,好似一唔小心就要俾人鬧咁...我無被虐待狂...唔會再去喇.......如果有朋友堅持要入去....我去對面麥記等

24/07/2009, Thxdtsdd 同太太去另一間人氣茶餐廳(澳洲牛奶公司)吃午餐, 原來佢地係 openrice 既笑臉已經有一千個以上, 認真誇張! 我地 12:00 到, 入面已經座無虛席了, 不過等左唔夠一分鐘已經有位了, 真係好快! 由於座位淺窄, 要麻煩另一位女士移位, 唔該曬! Thxdtsdd 及太太好快就決定了食茶餐, 因為食物的選擇不多. Thxdtsdd 要了叉燒通粉, 落了 order 不足三十秒先來刀叉, 再多三十秒食物都上曬檯了, 真係快得驚人! Thxdtsdd 先喝一口湯, 心想: 如此出名又如何? 湯底不外如是, 叉燒及通粉都係一般水平, 比其他茶餐廳好不了多少. 太太吃的叉燒意粉亦有相同的情況, 味道一般而已! Thxdtsdd 及太太都選擇了火腿炒蛋配牛油多士, 老實講, 間間茶餐廳既多士, 火腿也是差不多味道. 其實澳洲牛奶公司也不例外, 多士及火腿都係一般水平, 要讚的就是塊多士比較厚少少吧了! 至於炒蛋就係今餐最好吃的食物, 蛋是剛剛煮熟, 很滑, 也很香, 不過較為多油, 注意健康的人小心! 飲品方面, Thxdts

不用多說,一個字: 好味! 仲要係好好味!!!蛋濃香柔潤,包外脆內軟熟,加上維記鮮奶,一啖一新鮮, 一口一健康~~簡單又滿足的滋味!!!期待這簡單卻淳厚的味道不要變哦!!

這所位於九龍佐敦的茶記，在OR內是勁多好評的，而我也吃了這裡有五年了，不是很長也不是很短的日子，本人也盡量是試多一點其他餐廳的，但就是每隔一段時間，也會來朝聖一番。此處的食物，應該吃的都已經試勻，雖然以其名字來說，最馳名的理應是其牛奶製品，分吃有燉奶及奶茶等，誠然也真的是很不錯，絕對值得推介，但個人認為更值得推介的是炒蛋及多士。今天和女友在下午時份來到，門口有一條不太長的人龍，等了大概十分鐘吧，也被安排入座，此處在點餐時，是需要做足準備功夫的，要快狠準的說你想吃什麼給侍應知道，否則會被臭罵，店員的工作效率很是驚人，而且看上去像是很亂，而其實是亂中有序的，例如他們雖然不需要開單，但大家若是點茶餐的，店員收回其他的碟及碗，也不會收回那奶茶的杯，這是用來計數的，真的是平凡中的不平凡。今天也是吃類似的食物，二人點了一碗燉奶、一個茶餐，另外再加一份鮮油多，先談這份鮮油多，請記住，是要點鮮油多，不是牛油多士，這兒的多士基本上什麼餡也是好吃，因為確實是烘得外層脆而內部鬆軟，而且也有麵包香，厚度也是剛好，配合那塊非常豐腴可口的鮮油，真的是好吃得冇人有。再來的茶餐選了叉燒意粉、炒蛋火腿、多士及飲品。自談

睇左咁多食評都知呢間茶餐廳講求 ' 快 '落單要快,野食黎得快,食要食得快,走要走得快咁我就好快叫左個茶餐30秒都唔洗一碗叉燒通粉就放左o係面前..通粉真係好淋唔太好食個湯底偏咸炒蛋幾好食 不過份量好似多左D食到有D滯比起炒蛋,反而我鐘意食多士多D牛油味好香..最後仲有杯凍檸水諗住快快手手飲埋就走人但係個伙記見到我飽到想死果個樣竟然同我講:慢慢飲啦..心諗:呢度D伙記都唔係咁差姐..起碼我覺得佢地都有細心留意客人唔係淨係識得趕人走..

經常都到這裏幫趁, 皆因炒蛋及多士極出色.價錢確為稍貴, 但仍物有所值. 奶茶及 coffee 亦中上, 惟稍多奶. 通粉只屬普通.服務於茶餐廳來說已屬中上, 部分甚至斯文有禮, 語氣溫文, 批評者可能少去茶餐廳也. 替附近食肆可惜, 因這間太好了, 三分二時間都會去這間, 三分一去粥舖 - 新興棧.奇怪的是其他茶餐廳何不有樣學樣?

呢間真係好令人失望..旦滑因為加左奶定係因為太多油根本令人難以感受.叫左快餐..好快到.. 30 秒.."10 分鐘就趕左我地走... 食物唔好.. 不過可能因為佢地既態度亦令我既胃口差左..通粉太林一咬就散..無口感..差燒...真係好差...無味.."總之係...差差差... 3X$ 食個咁既餐...係咪叫自討苦吃?

食左差不多三十年。在我來說，味道如一。但各人口味不同，我覺得好食唔代表你都一樣。服務態度，如你認為多笑面=五星級=酒店級，那你最好不要去，你一定失望。我見過佢哋鬧人，又見過佢哋細心待人。但不論邊種心情，效率一樣超快。我就係鐘意呢個feel。其實兩隻蛋兩片火腿一碟通粉一片多士一杯飲嘢，要食幾耐？見啲老人家頂多十分鐘十五分鐘都食完啦。我從未見佢哋趕人走。企喺後面就趕你，我細路飲茶都係咁等位，冇乜唔啱。呢間嘢只有好鐘意或好憎，冇中間的。

中學時第一次食~當然係覺得~好貴~但好好味~好幾年冇再食啦~偶然經過~一定要再食多次~我去的時候~大約晚上7點多~人雖然多~但呢一種地方~大家都唔介意搭枱的~坐得一定唔多舒服啦~還好的是~地方都好乾淨~諗左好耐~要蛋治好~定快餐好~最後~我揀左快餐~轉炒蛋厚厚的麵包烘底~~好味炒蛋~仲要香滑牛奶~佢連細節位都做得好好~牛奶下面個碟都係冰住的~唔會係熱的~咁先唔會影響到奶的溫度~若果真係要雞蛋裡挑骨頭...只可以話~炒蛋的鹽巴可以再落少一d~牛油可以用鹹味冇咁重的~呢一個快餐~真係很完美了~

當我上到黎openrice 見到佢竟然係多個月既好評十強... 心中既怒火真係要爆發啦...!!!離譜呢2個字最貼切.鋪內好多人. 而且多年素聞炒旦好味既威力..入到去.坐低.服務態度 :0 .....係咁追我地食乜... 咁其實都冇野揀..因為食得飽肚既只有快餐..多士炒旦+"差"燒通加杯茶.入單1分鐘就有得食...""" 多士厚ok, 牛油多而濃.. 唔怕肥既岩食.. 味道幾好但係份炒旦, 我真係唔覺有咩特色...多油.. 滑? 滑好易整姐如果咁多油. 我都識啦.個通粉先離譜..都唔知自己食緊乜..通粉煮得太耐..明顯係一般茶餐廳學格...將通粉煮過哂先.. 之後有單再整.但真係過哂龍... 又散又爛... 之後再加差燒... 冇色冇味冇口感...最後杯奶茶ok.. 我希望d比食評既人比個時真係要對得住良心... 同埋我認同之前我睇過既一篇食評.係入面食野..係同時間競賽..." 15分鐘食完走左...

久仰澳洲牛奶公司，終於比我試到呢間野。入到去ｄ冷氣超級強勁，受得到既人爽死！位都未位就即使有個哥仔問我食乜。因為我未睇餐牌梗係唔知有乜選擇啦！佢見我下左一聲之後就連珠發炮咁問我係咪食cha siu 通?烚旦定炒旦?飲乜左?大概6,7分鐘就到哂d野食，其間坐我對面o個個客食得勁快,食完即走。我食緊果時d waiter時不時走黎睇我食哂味,佢係冇吹我食快d,不過佢地成日走過黎睇我食完未,搞到我都唔好意思我本身食甼都係快既人,再加止周圍環境,15分鐘ko哂,係好飽,但食都食得唔開心。炒旦係出名,夠多油..其他野食?同出面一樣水準,都唔明d人貪佢d咩..$3x一個茶餐抵咩??快餐真係快餐,宜: 趕頭趕命既人忌: 飲野食野談心

一心諗住有成千個哈哈笑, 做馬都無可能有咁多人, 所以就同女友去試下, 因為佢係通粉痴. 知道平時會好多人, 所以就晚上十點半先到, 但都有七成人. 未坐落, 靚仔伙計就已經問我地要咩, 我就同佢講話一陣先. 唔夠十秒, 另一個又黎問要咩, 我都係話要睇睇先. 可能佢地覺得餐牌唔係太多野, 我地無理由要睇咁耐 (定係我真係閱讀能力有問題?), 再過一分鐘, 又有一個黎問我地, 話再唔叫野就黎唔切, 因為佢地二十分鐘後收工. (但我佢見到有人入黎, 仲要係十幾個人. 或者佢地係入黎坐, 又或者我地個樣似食得慢?) 於是我叫, 仲一次過叫埋餐茶, 因為我都唔想攪到人地遲收工, 點知呀哥仔叫我唔好咁快, 因為佢仲有好多野講... 跟住佢就好快咁話咩野無, 咩野賣晒. (我建議上年紀人仕唔好去, 因為真係跟唔上) 我都想快d食完就走, 但女友話想慢慢食, 因為怕胃痛... 點知到最後得番兩枱人, 當然我唔想俾人用掃把"邀請離場", 所以就好識趣地走人... 走時仲聽到班伙計話仲有兩枱, 究竟係佢地擔心會留低客人就鎖閘, 定係count down? 走時候女友仲俾個伙計踢親, 好彩都有講sorr

已經有很多很多人說過多士及炒蛋如何超級好吃，我想寫一下這裡超有趣過癮的服務態度到訪過的食客都必定感受到澳洲牛奶公司的「快」侍應超快落單、超快上菜、超快寫餐飲、然後超快寫紙結帳埋單彷彿一切為的都是要迫你快些走我每次到澳洲牛奶公司恰巧都是一個人被環境氣紛所感染，個人節奏亦加了速總聽到侍應哥仔以下的幾句話：「阿妹，我急你仲快！」、「無人催你喎！慢慢食啦！」、「得！唔駛急！」細心留意，班哥仔在有事沒事做的時候亦行得快郁得快像在同事之間努力型造緊張刺激的氣紛多於有心趕客在他們連續問你幾次「食咩／飲咩？」時，不妨有禮貌地回句「未得！」班哥仔絕對無黑面，有時更會被同事取笑食檸檬我在澳洲牛奶公司除了食常餐還吃這裡的氣紛和特別的客人關係

今日同男友諗住去試下...點知...去到d伙記已經語氣唔好...食緊野時又唔比叫餐飲...叫左幾次都話遲d先叫啦...我渴到想死啦都唔比叫..之後比其中一個後生d既伙記用勁勁勁x100000差既態度對待 唉...真係受左好多氣..佢既態度係好似我殺左佢全家咁...我勁想用粗口話返佢..總之好真心咁講句// 食物係快同唔差! 但如果你係d唔鐘意粗人既我就非常非常之唔建議你去!唔好好似我咁...食都食得唔開心..整個心情都差到極點我這一生也不會再來!!This is my worse experience ever! The food was totally fine but the serves was just awful! The waiters were rude and had nooo manner at all! I swear to god that i will NEVER ever ever revisit this place under any circumstances!!