澳洲牛奶公司

营业中

休息中

一點到，等5mins就有得食！拿很多野入去，伙記有心地比多張凳我放野，gur曬啦！兩人行share2分野茶餐：炒蛋好滑好正，比大快活好茶餐：多士又厚又脆茶餐：叉意，中意叉燒，意粉其實中意干食，下次食通粉coffee，港式，正！公司三文治，多料，但好像茶餐回味d，例如兩個餐都有蛋，但茶餐好很多很多伙記唔洗寫都記得你過枱幾多錢！！

奇怪, 寫了近百編食評, 竟然冇寫過澳洲牛奶公司!? 這可不是我從未幫趁過, 只是近排少咗嚟食... 回想起第一次嚟食已是十三年前的事了, 但這店出色嘅炒蛋, 和街知巷聞的服務態度, 咁多年都能夠保持炒蛋多士, 凍奶茶, 另加一件油多多油. 炒蛋依然係滑不留口, 又夠蛋味! 厚多士烘得剛好, 外脆內軟. 而多油的油多認真和味, 好香嘅牛油!儘管這裏侍應的步伐是那麽的快, 及那套別具一格的款待, 只要客人懂得那竅門, 就不會有問題了, 鬼叫我哋咁鐘意食佢d炒蛋咩!? 況且呢度係茶餐廳, 唔係五星級酒店呀!

平時諗唔到食咩都鍾意食茶餐一黎可以LIGHT D二黎有ALL DAY BREAKFAST 感覺今晚放工行左陣尖咀唔係太肚餓既關係, 又要去佐敦搭車於是選擇呢度最鍾意係個厚多士 平日茶餐廳D 多士薄得滯同埋唔鬆, 得個脆字呢度牛油味加鬆脆感覺係一流其次個太陽蛋都好好味叉燒通就普通, 食唔出有咩物別, 但唔難食凍檸茶就真係好飲, 少甜都唔澀好滿足相用GF1 影既, 好靚

星期日下晝自己一條友行行吓肚餓,啱啱經過呢度, 門口大排長龍,我大約排了五分鐘左右便可以入到去要自已搵座位搭枱點了個茶餐叉燒通粉.湯幾清同埋幾好味最愛這裡的炒蛋.好嫩滑啊.令人回味我唔駛1個字就清晒厚多士.牛油晌多士上融化又好鬆軟。好味得不得了跟餐上來的熱奶茶有點水準.香滑濃正.好過灣仔檀島多多聲服務也不算差.只不過係咩都好快.拿拿LAM食完就走LA大家不妨試試

响吳松街同白加士街連環掃咗2間四川串燒, 依照意猶未盡, 試食埋冠絕全港嘅蛋治先!! 既然係試食就唔好阻人做生意, 叫外賣拎走食啦! 一打開個外賣紙袋, 不其然深呼吸一下, 嘩好大份呀大佬! 麵包厚; 雞蛋滑、有蛋味; 另加烘底....嘩嘩嘩, 呢份蛋治真係好好味囉!! 好感動HK有呢d咁簡單又咁好食嘅食物, 不枉佢响OR有千個以上笑臉呀!!

早年舊在公司在附近, 放工經常在此吃過"常餐" 才回家, 對上一次已是一年多前了, 是日在九龍公園有球類活動, 事前與友人先來打底. 想不到未夠兩點, 友人便致電說" 我排到了~ 你還未到的話我又要由頭排過..." 那時才想起, 之前我來的都是很晚之時, 沒想過要排隊呢. 後來我飛快的趕到, 已有廿多人在門外. 不過也要佩服侍應們的帶位安排, 三兩分鐘已可安排入坐.別要說這裡人多要搭枱, 坐得不舒服, 本來就要採取"速戰速決"策略, 這裡吃什麼也是"快餐". 經驗豐富的我, 以急口令方式落單: 齋多太陽蛋牛意". 友人則與我一樣, 不過要炒蛋. 順帶一提, 千萬不要在這時叫飲品, 無人睬你的. 一分鐘內, 所有食物皆到齊. 先要吃多士的一份, 因為涼了便不會鬆脆. 友人問為何不要炒蛋 ? 這裡是名物來的! 其實, 是因為多年前舊同事帶我第一次來到, 便教我吃太陽蛋, 真的是一試鍾情: 我會先放上一片火腿及一隻完整的蛋放在牛油多士上吃, 情況就如benedict egg 差不多, 一口咬下去, 流出深黃的蛋汁總覺比坊間的甘甜油潤, 感覺十分滿足! 之後再拿起餘下半塊多士, 直

夜晚去尖咀食飯，就趁機早點出來，一嚐長期榜首o既澳洲牛奶每逢去試呢o的"名店"，都一定有o的期望，尤其我都係個愛蛋之人間舖唔難搵，好快locate 到門口無咩人等，但入面就幾乎爆晒自己一個人，要位唔難有咩食呢？茶餐$28，牛油方包、火腿雙蛋、叉燒湯意、熱飲快餐$24，牛油方包、西煎雙蛋、冷熱鮮奶因為唔想食太多，又有o的熱想飲凍o野，叉燒意好似話無咩特別，就快餐轉炒蛋，凍銀蓋鮮奶值得先提一提係呢度o既服務及運作模式。人多繁忙，一班佬o既伙計，亦要避免俾人話態度惡劣，呢度似乎已經有o左佢o地o既一套，跟住走就無死。要位時跟足指示企o係一邊，叫o野時一次過快靚正，食完o野自己快手鬆人，人家一定會唔該前唔該後o野食o黎喇。個多士都幾厚，又熱又鬆軟少量牛油，好正喔！重點o既蛋，又係十個正，我無落咩鹽o個o的，好香滑軟綿，食過就比較到究竟麥記o既實蛋有幾實(雖然我都一樣鍾意食喎)蛋同多士夾埋做蛋治都好正加上凍o既懷舊銀蓋鮮奶，呢個tea 真係一絕入去至到走時，已經開始出現人龍，好彩我o黎得合時好快已經想食多次喇~~~

我的同事推介這店,今天行過,和老婆仔一起試一試可能成四時半的關係,很容易就找到坐位了,服務態度就不好啦,十問九唔應,不過我同事告訴過我,預咗,那就算了我們點了炒蛋多士,熱奶茶,白色燉奶,黃色燉奶炒蛋多士的蛋,很香很滑,和多士一起真的很子吃但奶茶的奶味太重,茶味不足,完全不好喝黃色燉蛋有很香的杏仁味,但不論白色或黃色都太甜啦,而且這些東西都太滯了,吃完後完全無心機再吃其他東西,本來打算當晚外出吃飯也取消了這一餐要$63,唔值

其實食左好多次點解食?第一 : 快第二 : 大件抵食第三 : 平 30連 cold drink第三 : 本人好中2食炒蛋同多士佢個厚多, 同雙炒蛋好impress到我如果只係一個dinner, 30蚊...又真係食得飽吹你唔漲 ! 同場仲見到 lam hiu fung同佢老婆 !

十月十日(星期六)同老公仔又再次到澳洲牛奶公司,上次就是去旅行前兩日,時間過得很快呢...今日不用等位,吃個early dinner,因為今晚要去看<大唐賦>一坐下就有伙計過來問你吃什麼,不用半分鐘,通粉就來了,依舊的好吃!义燒比出面燒味店好吃過多一會,炒蛋多士送過來,今次漏了一份,他們工作效率很高的,很少出錯!奇怪此時老公說食物來齊了,如果在英國,可能單都未落呢香港生活節奏已經比其他地方快,澳洲牛奶公司比香港的更怏..要求有service的客人會因為不滿..我倆卻要吃好的炒蛋,它是不二之選吧

現在是10:35am開始打呢篇早餐記錄30分鐘時, 終於, 黎到傳聞中的澳洲牛奶公司門口冇人龍, 正! 即入... 原來在內等位, 專業的伙計們把1位, 2位, 3位, 4位的等位者, 安排企在不同枱邊, 巧妙地給予食客壓力, 勁 角落有1張4人枱, 其中3個起身走了, 於是, 安排2位及1位(我)去坐, 前面有1男1女坐下, 咦? 點解佢地打對面坐o既? 當我想坐另1張時, 那位小姐說她是2位的, 用袋霸住過位. 算啦, 我有的是時間, 再等下啦. 示意伙計我1位, 哥仔好醒目, 記得明明安排左我入座的, 佢立即發現那位阿叔係自行入坐, 佢竟然......禮貌地叫個阿叔起身, 話係我等先的, 阿叔冇講野, 起身讓位, 我幾唔好意思坐落去, 哥仔好野!!! 叫野食, 除非散叫, 早餐只可選擇食咩整法的旦, 同飲咩, 同坐阿哥食厚身旦牛治, 凍咖啡, 相信要30蚊. 我的早餐1分鐘內已到, 咦, 杯凍飲咁細杯o既, 同散叫阿哥那杯不同, 阿哥那杯係好似澳門茶餐廳用的鋼杯, 我杯仲要加2蚊添. 算, 照食照飲, 老實講, 味道係眾茶餐廳中算係好味的, 同澳門南屏雅叙的咸餐差不多.

食左咁多次, 次次都食得唔開心, 如果唔係因為男朋友好中意食呢度ge炒蛋, 我係一定唔會返lai食!!!感受第一次係最深刻, 個時經過見有好多人排隊就同男朋友盲中中走左入去食, 連食咩都未知, 於是一坐低想問清楚左d有咩食, 就梗係俾d waiter係咁bear住同勁不耐煩咁答我地,態度差到好似同緊d x社團ge人講緊嘢咁 最終我地就亂咁點左menu上是但一個餐...唉, 之後我地又唔知唔可以食得耐, 又再俾d waiters大大聲我地寸食飽仲唔走...又暗寸我地飲嘢飲得慢...wa, 個日食完呢餐飯真係背脊骨落ga, 成個下午谷住啖氣, 點解俾$食飯要咁受氣!!!!但男朋友自此之後愛上左呢度ge炒蛋, 而我又了解左呢間餐廳ge運作後, 我地又去左第2次, 整餐的確比第一次順利得多, 但個人來講, 服務有時比食物味道還要重要!! 我係完全唔介意寧願去遠d都要食一間有服務質素的餐廳!!!無次食得開心舒服, 仲要戰戰兢兢驚又唔知幾時又"得罪"d waiters!!! 食物幾好食都無用! 我男朋友幾時先可以放過我!!!!!

呢日我地幾個同學去左呢度食，因為佢地想體驗下茶餐廳既美食同高效率服務。我有同學認為呢係獄卒式服務。我就咁睇，只要你對餐牌既認識好，同伙記對答如流。就無問題啦，我覺得去過幾次，你都可以知道自已食乜。就唔會比人話啦。但有同學對餐牌既認識小，問可唔可以改鮮奶。個伙計就話要散叫，無得配餐。黎呢度食野最緊要對餐牌有所認識，而且佢問乜你要答乜。咁就無問題啦，獄卒式服務只係大家對呢間餐廳既運作唔太認識。我有個建議，食左個茶餐或快餐，之後先落野飲。甜品就可以後加，唔係張會唔夠位放。炒蛋多士都唔使點講，呢間野既炒蛋好味道。滑得黎又唔會又肥膩既感覺，多士就係特厚多士。牛油又唔會放得太多既，食完個餐都幾飽。叉燒意粉叉燒都無乜特別，個湯係忌廉湯。個湯都幾濃，好正。意粉呢次就淋左小小，不過都唔差既。熱奶茶雖然無奶茶皇大發好飲，但呢杯都唔錯既。茶味好夠，而且又有奶味。凍燉蛋幾乎次次都食，杏汁味好重，蛋又夠滑。一個好正既餐後甜品。仲有一樣野既係，唔想比人白眼既。最緊要聽佢既指令，有位就咋咋淋入去坐。就算搭位都要互相幫助，唔好下下都靠個伙記。結論係，有同學覺得呢間既服務都唔錯，可能佢地坐得入既緣故，食

Have n't been to this cafe for at least over 20 years, I'm surprise it is still doing so well. The scramble egg with toast were excellent, I ordered the steamed eggwhite with milk and steamed almond with egg pudding both are good except it were on the sweet side. I cannot imagine how many eggs they purchase everyday, it is such a busy place , asa there is seat became available it 'll be repleced by another customer.

每次想到佐敦用餐, 腦中只浮現澳洲牛奶公司的常餐: 一份牛肉通加厚多士加炒蛋常餐牛肉很腍, 叉燒也不錯, 可配通粉, 意粉, 忘了有沒有麵焦點: 炒蛋, 很滑,不會很老,炒得很乾似的, 味道也和一般茶餐廳不同, 帶有鮮奶的味道厚多士也是很好的配菜, 外脆內軟環境 很擠迫服務一坐下待應就會逼你落單, 只要答得稍慢他們就會給人面色及說話, 顧客一吃完他們會毫不掩飾的趕客, 這裡是暫時我覺得唯一一間餐廳完全沒有當顧客的感覺,你付錢吃飯倒像是佔他們的位子給他們麻煩, 所以我每次都會先想好要吃什麼才入店...趕時間食則一流~