我有同學認為呢係獄卒式服務。我就咁睇，只要你對餐牌既認識好，同
伙記對答如流。就無問題啦，我覺得去過幾次，你都可以知道自已食乜。就唔
會比人話啦。但有同學對餐牌既認識小，問可唔可以改鮮奶。個伙計就話
要散叫，無得配餐。
黎呢度食野最緊要對餐牌有所認識，而且佢問乜你要答
乜。咁就無問題啦，獄卒式服務只係大家對呢間餐廳既運作唔太認識。我有個
建議，食左個茶餐或快餐，之後先落野飲。甜品就可以後加，唔係張會唔
夠位放。
炒蛋多士
都唔使點講，呢間野既炒蛋好味道。滑得黎又唔會又肥膩既感
覺，多士就係特厚多士。牛油又唔會放得太多既，食完個餐都幾飽。
叉燒意粉
叉燒都無乜特別，個湯係忌廉湯。個湯都幾濃，好正。意
粉呢次就淋左小小，不過都唔差既。
熱奶茶
雖然無奶茶皇大發好飲，但呢杯都唔錯既。茶味好夠，而且又有
奶味。
凍燉蛋
幾乎次次都食，杏汁味好重，蛋又夠滑。一個好正既餐後
甜品。
仲有一樣野既係，唔想比人白眼既。最緊要聽佢既指令，有位就咋咋淋入去坐。
就算搭位都要互相幫助，唔好下下都靠個伙記。結論係，有同學覺得呢間既
服務都唔錯，可能佢地坐得入既緣故，食得慢都無人白眼。
食澳牛既溫馨提示
1.打醒十二分精神
2.唔好三心兩意
3.要聽從伙記既指示
4.食得慢唔緊要，唔好停哂手就得啦
5.唔好期望有劉華既優質服務
6.想hea想吹水既禁地
希望大家可以享受獄卒式服務，食得開心又唔會擔心啦。
