澳洲仔 (已結業)

脆皮 Taco 配牛肋條唔記得咩皮配蒜香汁牛肋肉taco牛肋肉taco🤩🤩🤩無打錯真係牛肋絲，撕得幼細易咬，每一啖都好重牛肉味🐮牛味仲濃過平時自己切牛扒食😋餐廳話個蒜香汁係佢地自己調的，望落白雪雪食落又幾有蒜味喎！.墨西哥雞肉卷 辣得過癮的墨西哥卷😻包住嘅雞肉未至於嫰滑，不過夠哂juicy!!!整體口感多汁唔會過濕，認真出色🫶🏻🫶🏻🫶🏻.粟米片 配肉醬 店員姐姐特登提我地趁熱食，佢無講錯，趁熱食真的很興奮😗嗰種熱度同脆口程度係包裝脆脆無法匹敵！配上肉醬當然夾，風味食法！.

估唔到係葵廣開左間新既小食店有呢度比較少見既taco 每款都自選皮、餡料同埋醬料買左3款試下Taco芝士軟皮加脆皮墨西哥 taco(蝦）（$40）勁足料，上面真係佈滿蝦肉，蝦肉爽口香甜，配埋蕃茄、黃椒、千鳥牆等配料，味道超級豐富同惹味，我好鍾意佢嘅芝士軟皮加脆皮既組合，咬落好有口感同層次Taco芝士軟皮加脆皮墨西哥 taco(牛肉）（$38）呢個我就簡左微辣醬，增加左牛肉既惹味🥰🥰牛肉唔會好乾，好惹味墨西哥雞肉卷（$40）入面又係超足料，唔好以為睇落細細份，其實食半個都幾飽了。雞肉調過味口感都嫩滑，配埋蕃茄、生菜等配料，味道好豐富。另外墨西哥卷烤過，趁熱食既話香脆鬆軟😝

今日放假約了朋友去葵涌廣場搵食，商場裏面3/F就最多款式，但原來1/F都有間食墨西哥餅的小店，款式雖然不算多，但勝在平靚正。今日買一件Taco，第二件仲要半價，性價比高。要了芝士軟皮+脆皮墨西哥Taco 牛肉，表面烘至香脆的墨西哥皮，中間是芝士軟皮，滿滿的牛肉及千島汁，加上少許菜絲，舖滿了芝士，非常好味。墨西哥雞肉卷中間多汁，皮帶煙韌，中間番茄、菜絲及雞肉餡十足。肉醬粟米片即叫即整，粟米片淋上肉醬，香脆之餘又有肉醬及番茄酸甜香味。

葵涌廣場一向是美食集中地，更有不少卧虎藏龍，很多小店往往都帶來不少驚喜，就好像今天光顧的「澳洲仔」，絕對是勝於預期，值得推薦的一家小店。 葵廣絕大部分都是小店形式經營，主力外賣生意，不做堂食，眼見有不少訂單，店員也做過不停。 細看餐牌，主打就是墨西哥餡餅、墨西哥雞卷及粟米片，定價合理，所有食物都是即點即做，人多時都需等上15min，而等候期間，觀察到都甚受年輕人歡迎。 值得一提，食物所用的紙盒都是可環保再造，另外，有些客人可能不是買回家吃，而是會在街外吃掉食物，在疫情下，店家很窩心地特別提供膠手套，有需要的客人可向店員索取。 墨西哥的經典小食就是粟米片，這裡的粟米片可配肉醬或牛油果醬，而這一客「粟米片配牛油果醬」（$40）盛得滿滿，牛油果醬亦下了不少，更加了少少蕃茄莎莎和車打芝士碎。粟米片烤過入口香脆，還帶點辣勁， 配上牛油果醬、蕃茄莎莎，增添清爽感，味道更具層次，買回家送啤酒就是絕配。 這裡的墨西哥餡餅（Taco）選擇頗有彈性，有軟片、脆片供選擇，而餡料、醬汁也自由選取。我們選了軟皮+脆皮的餡餅「芝士軟皮+脆皮墨西哥Taco配牛肉及蒜香汁」（$38），賣相非常吸晴，新鮮做好的就特別滋

作為葵芳街坊，一直深受朋友同事的羨慕，可以隨時隨地到葵涌廣場「掃街」。最近留意到，一樓有些全新小食店開立，決定試一試。店家主要有五款食物，Taco有分芝士軟皮、脆皮，又或者兩樣都要，還有粟米片和墨西哥卷。全部都即叫即製，等待需時但十分新鮮。很貼心的有提供即棄膠手套，食物盒也很穩妥。芝士軟皮+脆皮墨西哥Taco - $44牛味濃郁的牛肋肉變成一絲絲的手撕，沒有肥肉但入口軟嫩，上面滿滿的千島醬，夾層有少少牛油果醬同蕃茄莎莎醬，綿密又酸甜開胃，底部墊著爽口的椰菜絲；同時有著酥脆的墨西哥玉米餅和柔軟的芝士軟皮的口感。餡料還有牛肉、豬肉或蝦，醬汁還有蒜香和微辣，可供選擇。墨西哥雞肉卷 - $43整塊墨西哥餅皮柔軟帶微脆，包著爽口的生菜和酸甜多汁的蕃茄，還有不少無骨無皮的雞肉，入口嫩滑多汁，有少少辣味更加惹味，辣度可低至微辣，甚至可走辣。肉醬粟米片 - $40墨西哥粟米片就是爽脆，每一片也有少少辣粉，帶點刺激感。自家製的秘製肉醬份量很多，有很重的蕃茄味，有少少半溶化咸香的芝士碎和香草。還有另一款口味牛油果醬可選擇。

難得外賣都出色又唔貴既墨西哥小食，好惹味兼足料，飽肚不貴又好食芝士軟皮+脆皮墨西哥taco 呢個好特別，平時分開食就食過，加埋一齊食真係第一次，我揀咗牛肋條，啲料好多，醬汁又好足。呢個要揀醬汁，有蒜香，微辣同埋千島醬。店員話佢嘅蒜香係自家製，所以我諗都唔諗就試呢個，味道真係好香仲有好多嘅芝士喺面，所以真係唔貴食完我更加鍾意呢個組合兩樣都有，軟又脆感覺幾特別墨西哥雞肉卷$43雖然佢菜好多，但肉都一樣好多。除咗菜同埋雞肉之外仲有蕃茄同埋大量嘅醬，食落去個皮軟林林好好食，加埋啲番茄同埋醬成個感覺好清新，最緊要係都幾飽肚粟米片 $40有兩個味道選擇，肉醬或者牛油果，當然我諗都唔諗緊係揀牛油果🥑不過店員都同我哋講今日冇肉醬，本身諗住揀牛油果嘅我就冇損失佢牛油果醬真係好多，外賣完之後粟米片依然好脆，轉眼間食完一塊又一塊已經比我清晒佢全部嘅食物都好好食，佢仲對住張凳，方便買完可以坐低即刻食

三母女去葵涌廣場掃食，思量緊食乜個陣發現1 樓有間新食店 ~ ✨澳洲仔✨#澳洲仔 👍🏻主打TACO，未試過就決定試下✅5款食物選擇#TACO 有▶️芝士軟皮、▶️脆皮、▶️芝士軟皮加脆皮配上自選醬汁(蒜香、微辣或千島醬)同餡料(牛肉、豬肉、蝦或牛肋條)▶️墨西哥雞肉卷同▶️粟米片 (可選肉醬或牛油果醬)即叫即做，等一等就有好野食!食物用外賣盒包裝，一開就見到TACO放喺黑白格仔紙上面，別樹一格。 🌈芝士軟皮TACO 配牛肉同千島醬，餅皮好煙韌，餡料好多，有生菜、蕃茄同勁多碎牛肉，每一口都食到牛肉，香口碎牛肉加上芝士，超正。🌈芝士軟皮＋脆皮TACO 配蝦同微辣醬汁，餅皮除左煙韌口感，加上脆皮就多左一重脆脆口感，蝦肉一樣係勁多，啖啖蝦肉加上清新解膩的生菜同蕃茄，食落唔怕好膩口，微辣醬汁為味蕾添上一份刺激，啖啖滿足。❤️墨西哥雞肉卷上手暖粒粒，卷皮好香，配搭蕃茄片同鮮嫩生菜加上雞肉同蒜香醬汁，唔怕一口油，口感好FRESH。有人大讚好味😋。

事隔多月，小編再次返黎葵廣帶大家一齊掃街啦!今次發掘一間主打墨西哥Taco 塔可的小店，位置就在人氣嘅慧食貓手抓餅附近，一落電梯就見到啦。趁呢個機會一齊來個長知識，原來Taco 餅皮是由玉米麵粉做成的軟餅皮，烘烤後會有種烤玉米的香味。塔可U字型的造型係墨西哥料理中嘅獨特代表性。葵廣新小店用料十足，除左分芝士Taco及脆皮Taco亦有雞肉卷，最新產品更來個美墨crossover，豐富美式漢堡出場。order後大約等待10分鐘攞得，新鮮熱辣。重要野提提先~ 💝逢星期二購買Taco 第二件半價呀💝兩個同事朋友share一餐唔同醬汁唔同餡料就一流。🌮芝士軟皮 + 脆皮墨西哥taco 牛肋條 $44推介:⭐️⭐️⭐️⭐️⭐️用自家製嘅蒜香醬、自家製微辣及千島醬做sauce，三選一任君選擇，而餡料共有四款選擇：牛肉、豬肉、蝦及牛肋條，食肉獸小編梗係揀左牛肋肉試左先，肉條撕狀滿滿放於taco 內，牛味濃厚美味。大大啖咬落去十分惹味，係因為中層夾住牛油果醬，再深入一層係清新嘅生菜絲，整個口感十分豐富。🍔美式漢堡 試食價 $48推介:⭐️⭐️⭐️⭐️店主推介，葵廣終於有個岩哂打卡嘅漢堡登場，經典嘅紅黄綠橙啡嘅色彩配搭，對

多數去葵掃街都會食章魚小丸子，但係今日發現咗一間新嘅舖頭，係食墨西哥卷，即係Taco🤩🤩🤩佢喺芝士撈烏冬同為食貓隔離，超高質😋位置好開陽，寬敞，嗌完即食一流。老闆好有心機，就算系外賣盒都靚過人，最鍾意佢嗰張紅色白色格仔紙🤩影相打卡一流，買去野餐一流我哋兩個人驚唔夠食，叫咗三個Taco🤤C餐 芝士軟皮脆皮墨西哥Taco + 牛肋條呢個真係超贊，啲牛肋條多到爆炸，勁多餡，每一啖都係成口牛肉，仲要配上我鍾意嘅芝士，有埋拉絲，食到好感動🥺葵廣竟然有啲咁好食嘅嘢食D餐 墨西哥雞肉卷呢個入邊係烤雞肉，好軟熟，配埋啲新鮮生菜，咬落去好Fresh，口感好清新，一啲都唔油膩😋一樣啲餡都係多到爆炸，每啖都係雞肉A餐 Taco芝士軟皮 + 豬肉油香滿分嘅豬肉，有用香草煮過，淡淡都俾肉包圍着🥰🥰總括而言，三款都係咁好食，視乎返你鍾意食嘅邊款肉，個人就最鍾意牛肋條🤩🤩🤩同埋每一隻肉都好淋，同埋成個Taco皮熱辣辣，吹波波，仲好有芝士味，嚟到葵廣嘅朋友一定要試😎😎

葵涌廣場真的很多小食店，很適合一邊逛街，一邊'掃'食。今次見到有墨西哥玉米捲餅Taco, 都是即點即做的，門口頗多人等候，應該味道不錯，就試試吧！芝士軟皮taco, 蝦餡，配沙律醬$34。芝士軟皮非常煙韌，口感佳，芝士味不算濃，因為主角是餡料，蝦炒香後配沙律醬非常開胃，醬汁也算多，不會口乾。芝士軟皮加脆皮taco，豬肉餡，配千島醬$38。加了脆皮，增添香口感覺，有芝士軟皮的煙韌，又有脆脆口感。豬肉爽口，炒過特別香，有千島醬酸酸甜甜，十分開胃。Taco配肉類真的一流，推介要試！粟米片$40, 非常香脆，灑上微咸的香料，配牛油果醬，還有粒粒蕃茄，增加爽口感覺，吃著有牛油果的香滑，又有粟米片的香脆惹味，平時去酒吧必點這款小吃，今次在小食店也能吃到！下次路過，都可以買一份回家，留在晚上邊看電視邊吃呢！沒想到隨意找到一間美味小食店！墨西哥小吃出名香口惹味，這家澳洲仔頗受歡迎也有原因的，味道的確不錯，一定再來光顧。

非常高質的新葵廣小店，現賣現煮，質素可媲美墨西哥餐廳，但每份只賣3/40左右，抵吃非常墨西哥雞肉卷🫔$43軟皮卷包裹著超豐富的餡料，雞肉，生菜🥬，番茄份量夠大，加辣的辣汁帶來juicy跟辛辣的口感，芝士皮鹹香細膩$43 兩大件，很抵吃脆皮taco $32墨西哥脆片的外皮加上辣汁跟千島醬與辣汁的雙重交互作用，一口脆皮 一口豬肉，層次感分明！跟酒吧餐廳的脆taco相比有過之而無不及！最佳下酒菜美式漢堡$48非常大份也juicy，漢堡肉稔軟有肉汁，還有超慷慨的生菜🥬，番茄🍅，生洋蔥🧅，芝士片跟甜甜的千島醬，令他肉香重之餘口感更細滑juicy，入口超好吃😋

葵涌廣場新開小店［澳洲仔］，主打墨西哥Taco，用料十足，口感豐富仲好滋味。有5款食物選擇，Taco有芝士軟皮、脆皮、兩者都有的軟皮+脆皮，還有墨西哥雞肉卷和粟米脆片。Taco要先揀醬汁，有蒜香、微辣、千島醬，我揀左C，兩款質感的餅都有，配牛肋肉同微辣醬汁。還有雞肉卷及粟米片，都係小店推介食物。等10分鐘就有，仲好貼心提供手套。芝士軟皮+脆皮墨西哥Taco 配牛肋肉及微辣醬汁 $44牛肋肉煮得入味香濃，牛味突出，肉質鬆化，配微辣醬汁的千島醬好惹味，夾住牛油果醬同蕃茄沙沙，開胃又夠濕潤，生菜絲清爽解膩，餅皮口感豐富，有芝士軟皮柔軟加上香脆口感嘅Taco脆皮。非常好味。墨西哥雞肉卷 $43雞肉有燒烤香味，肉質嫩滑且多汁，有大量爽口生菜同蕃茄片，令餡料食落夠多汁唔乾，餅皮煎香微脆，口感柔軟又夠熱辣辣。粟米片配牛油果醬 $40牛油果醬入口creamy，配蕃茄沙沙微酸，好開胃嘅小食，粟米片烤過，更加脆口，仲加左調味粉微辣好吸引。整體份量都很足夠。

Taco 🌮專門店最近去葵廣掃街，發現了新開間Taco店，個人都幾喜歡Taco🌮，就同朋友試了幾款食物。🥑牛油果醬粟米片牛油果醬混合了蕃茄和車打芝士，口感有層次和味道清新！粟米片有啲有調味粉，會比較濃味。🧀芝士軟皮+脆皮墨西哥Taco有5種餡料選擇，有牛肉/豬肉/蝦/牛肋條。醬汁亦有3種，蒜香/微辣/千島醬。蒜香醬係廚師秘製，不會太濃，味道幾香亦會帶出食材味道，和芝士十分配合。蝦是比較細隻，亦調味過，十分惹味。Taco皮外脆內軟比較特別，十分推薦！墨西哥雞肉卷🫔這個雞肉卷就選了千島醬，有生菜和蕃茄，雞肉亦唔乾，朋友十分推薦這個小食👍🏻這間小店包裝都花了不心思，亦有紙盒包裝，十分IGable，方便繼續掃街或到附近公園食。