澐

营业中

休息中

一班人出開機場就成班人來左博覽館哩間新開嘅中菜試下．訂座超好服務～一來就被安排坐係無敵大海景位...  可以一邊食景一邊食飯, 哩餐真係無憾~咁啱今日天氣又超好, 對哩度第一印象可以話係滿分~一坐低見到枱上面嘅餐具,  真係超級襯個主題, 忍唔住逐個餐具欣賞, 設計師真係好有心思~之後, 餐巾有人幫我鋪, 茶有人倒埋, 餐牌上逐道菜解釋, 連牆上畫都介紹埋, 服務可以話五星級水準. 最後, 我地決定試d 佢地特色嘅菜式 哩個叉燒真係做得好好, 佢用左半肥瘦豬肉, 有咬口得來又有油香, 最最最重要係即場有炭燒效果, 放落口個炭燒味stay好耐, 一時難忘~做得好過出面叉燒做主打嘅中菜廳好多~哇~ 哩個咕嚕肉真係夠架勢, 冰鎮出場~ 外冷內熱, 外脆內軟, 簡直衝擊味蕾, 回頭之選!!!!哩個雞皮脆肉厚, d核桃好有心思, 連伴碟都處理得好到離譜...第一次試香酥鴨, 哩d咁地道嘅菜式係香港真係好少見, 哩個初體驗令我有d意外,芋頭同鴨一齊食原來都幾match, 可能菜中段時間先來, 都幾飽肚~lunch 食金箔, 好似魚翅撈飯咁奢侈...但食中菜蝦餃係必叫架嘛~ 一啖放落口, 皮彈蝦鮮,

位於亞洲博覽館2樓嘅中菜廳重新裝修，喺11月份開張，裝修得十分有心思，除咗有多幅出名嘅畫作之外，係餐具選擇上亦花心思，碗碟用上法國品牌，而餐具亦由英國入口。另外，餐廳有180度嘅無敵大海景，去食飯除咗係味覺嘅享受，視覺亦都係一種享受。餐廳服務十分貼心，每位員工對餐牌好熟悉，每次上菜都會作詳盡嘅講解，對用料同烹調方法十分了解。佢哋都好細心，問我地會唔會趕住走，再按照時間安排上菜速度。菜式方面貴精不貴多，菜單明顯經過悉心挑選，有好多坊間都已經唔再做嘅手工菜。我哋叫咗兩款小食，一個係海鹽燒鮑魚，另外一個係金錢雞。海鹽燒鮑魚非常之惹味，用上新鮮鮑魚，煮得啱啱好，有口感又彈牙，配上炸過嘅紫蘇葉，非常惹味。金錢雞聽過好多次，但今次先第一次食，因為多功夫，坊間嘅餐廳已經唔再做，而今日終於試到喇！金錢雞係由雞肝，叉燒，肥豬肉，同埋中式pancake，一層一層非常之有層次，加上蜜汁非常之惹味，而餐廳細心咁配上小青瓜，賣相靚之餘亦有助去除油膩感。主菜方面，脆皮三黃雞係新鮮嘅三黃雞，外脆內軟，充滿肉汁，鮮味十足。麗湖香酥鴨亦都係手工菜之一，佢哋將鴨拆肉，加入芋頭蓉，再酥炸而成，香口之餘亦充滿芋頭香味，非常之

機場亞洲博覽館2樓中菜餐廳重新裝修，剛剛開幕，今天亞博館招呼商業夥伴到新餐廳試菜。餐廳走中高檔路線，裝修清幽雅致，面向全海景，餐廳面積不算太大，約可容納20枱賓客，還附設私人宴會聽。食物精緻有特色，除了主打中菜及點心外，還可提供西菜服務，此外如果客人有興趣，更可自訂菜譜，猶如一間私房菜。無論是餐桌上的佈置，餐具的配襯，侍應們招呼殷勤有禮，還有酒櫃中豐富的的選擇，都看得出管理層花了不少心思。以後到機場或亞博館時，又多了一個美食選擇。