澐

营业中

休息中

是咁的，我哋一行16 個食飯 fairwell，大家都無乜 idea 下就試吓呢間。事先攞晒餐牌大家報定食乜方便落單。去到坐低左，話未齊人唔收張柯打紙住，ok，等陣先。齊人喇，比張我哋事先落的柯打比佢，上菜時候，海折同點心前菜的數目錯晒😅 其實好簡單，換就得囉，部長唔肯換：將就吓…要整好耐架…再之後上菜，佢放低左我哋以為仲有幾碟上，我哋點啲魚呀雞呀，數量如圖，係一碟幾個人分😂😂 咩料，仲衰過茶記。仲有碟飯呀面呀都係幾個人分。我地食緊幾舊水飯喎，唔係碟頭喎😅😅睇相原來人地食啲甜品餐好似好正，不過呢啲服務攪唔掂啦，幫佢落埋單都攪成咁。

三五知己首次幫襯，環境一流，座位寬鬆，招呼好好。遠眺山與海，加上某小島的頂部被雲輕輕，貌似富士山美境，感恩。因家住青衣區，搭機鐵即日來回只需47蚊，交通便捷，去程6條友差不多包車架！輕鬆舒適。《澐》，價錢當然不是普通大排檔酒樓級數啦！預算貴20%左右吧！但如果登記做會員，就有8折優惠。因第一次光顧，未知玩法和是否再翻嗒，故只用指定信用咭找數便算，都有85拆。整體食物味道和賣相都好好，知己們總評最欣賞是黑毛豬叉燒，暫時坊間吃過的最優秀。其次是慢煮牛肋肉，軟硬度炆得剛剛好，適合上左年紀的我哋，兩味都有驚喜。焗蟹蓋啖啖蟹肉，真材實料，但個人意見稍嫌昂貴，若價錢相若，吃皇帝蟹腳更開心。咕嚕肉墊在冰碟上菜，賣相精緻。杏汁豬肺湯、芝麻雞、啤梨型的墨魚滑和炒芥蘭等就一般啦！甜品選擇了用乾冰玩仙境的楊枝甘露和桂香水中花（豆腐）賣相當然吸引，打咭位，味道正常啦！人均消費450蚊，如果加多一碟粉麵飯應該更完美。整體評價中上，有機會幫襯的，下次記得要先入會，享8拆和指定坐窗邊位，早點入座睇日落。

聽聞呢間中餐廳好好食，所以就專登嚟亞洲博覽會站食呢間中餐廳。環境優美，店員態度好。佢哋主打高級中式精緻餐飲，位處大嶼山海旁，環抱180度的機場美景及無敵大海景。讓您一邊享用美酒佳餚，一邊融入海天一色的寫意氛圍海鹽燒鮮鮑魚鮑魚係每隻叫，唔會太靭，好好食！招牌蜜汁叉燒皇一定要嗌佢哋嘅叉燒！絕對一試難忘，而且仲係好似！推介大家一定要食😋😋😋紫澐夢境甜品一嚟嘅時候真係好似入咗仙境一樣，雪糕好食，而焦糖燉蛋唔會太甜，份量十足。衣著： 端莊便服 - 男士請勿穿著拖鞋、沙灘/塑膠涼鞋、露趾鞋、無袖襯衫或短褲

澐．NUVA是一家位於大嶼山海旁的高級中式精緻餐廳，提供多款經典廣東菜式，其中包括了順德名菜「金錢雞」等。澐．NUVA是由一支經驗豐富的餐飲團隊主理，定期與不同的畫廊和藝術團體合作，營造出一場融合了藝術元素的味覺與視覺盛宴。餐廳環抱著180度的美景，讓客人在享用美食的同時，也能融入海天一色的自然氛圍，感受到大自然的美好。澐．NUVA的室內設計以「引景入室」為概念，將室外的美景融入室內，使用水和雲的工藝美術呈現出來，為客人帶來極致的用餐體驗。澐．NUVA的設計和菜品均獲得了多個獎項，其中包括2019/2020亞太設計精英邀請賽的餐飲空間金獎。如果您想要品嚐高級中式美食，並且享受到180度的美景，澐．NUVA絕對是您的不二之選。

其實這家餐廳已是第二次來吃，上一次是吃午餐，而這次是看音樂會前吃的晚餐，2個人進去都被安排了坐大枱，感覺是比較舒適的，而店員都主動為我們鋪好枱巾。因為不想吃太多，所以只是點了2道菜松茸翡翠琵琶煎豆腐（$168）及招牌蜜汁叉燒皇（$168）。松茸翡翠琵琶煎豆腐（$168）有6大件琵琶豆腐及少量西蘭花做配菜，琵琶豆腐質感豐富，一咬下去就吃到中間的內饀，感覺挺滿足的，而配菜的西蘭花也是炒過的，我就用了點叉燒汁拌著吃。招牌蜜汁叉燒皇（$168）這道菜我是2次來都有吃的，只是上一次是點叉燒飯（$68/碗），今次是點淨叉燒，而我個人比較建議點淨叉燒，因為叉燒飯的叉燒已放在飯上，感覺叉燒會變得比較乾身，而淨叉燒的外表就會比較亮澤。叉燒都是切成厚切成6塊的，而且半肥瘦夾雜，最令我滿心歡喜的是它有一點焦面，咬下去有點黏牙及甜口，很對我的口味。整體而言，這間餐廳我是推介的，因為平日客人比較少的時候也是有機會坐到看海景的大枱，而且不會怕被其他客人的嘈吵聲影響，所以如果想安靜地吃高質中菜的話，排除地址比較遠，這裡是一個不錯的選擇。

過嚟食飯已經唔係第一次。每次都會期待佢出新菜單。。。。。不過。。。無去二，三個月，尋日再去。。。哇真係忍唔鬧人1。面目全非（人都係有禮貌嘅，但唔專業，似炒散feel）2。啲野難食咗好多！無哂驚喜，完全失望，完全普通茶餐廳，酒樓feel!!!! （請理解：過往係真心好食）3。出菜勁慢，初頭都係諗住佢俾我地傾下計 慢慢上菜啦！點知，原來房有客（遲過我地嚟，早過我地走，ps*我地仲等緊尾2個餸）到佢地班客走哂，oh yeah! 我地啲餸終於都到齊喇！總結：以往食得太開心，享受過，貴無問題嘅！但經過尋日。。。。唉，咁嘅價錢食咁嘅野，bye bye 唔會再去了！13個人 ，$9700

親戚極力推介呢間餐廳 所以就算要入到機場咁遠 我哋都要黎試吓係咪真係咁犀利😆招牌蜜汁叉燒皇$168話明招牌當然要嗌啦 好彩我哋早一步嗌 我哋嗰啲係最後一碟 好好彩🙈叉燒好大舊 好厚肉 咬落去啲汁咇曬出嚟好juicy👍🏻蔥油海蜇頭$156調味不錯 話明海蜇頭所以會硬少少🤏🏻幾有咬口如果唔鍾意咬嘢嘅朋友就唔好嗌啦～蝦乾啫啫芥蘭煲$138蝦乾比得十分慷慨 味道濃既好鐘意不過菜嘅份量偏少金牌釀焗蟹蓋$198一個人食嘅話都會幾膩 我食咗兩三啖就放低咗蟹肉係好多嘅 但係太多芝士 麻麻地🥲趣脆咕嚕肉$198冰鎮咕嚕肉啲friend😂一大舊冰上面放住咕嚕肉同生果 肉質地好爽口似豬頸肉黑寶石香羅葉爆和牛$288和牛好淋好好食😋黑寶石就係黑蒜 黑蒜唔係個個都鍾意食但好有益 我本身自己就幾鍾意食 都覺得幾好味 甜甜地惹味粉絲蝦球煲$328惹味真係係啲粉絲🤣🤣入曬味個個搶住食 蝦球好大隻好爽梅酒鮑魚 FreeDownload 亞博app做會員 用入面張voucher就有一隻免費 原本好似要$98(?)梅酒好入味 不錯叫左兩款甜品都唔錯可以打卡 一擺低嘅時候會噴煙 好似上邊有鮑魚咁 不過趕唔切影相🤣仲嗌左以下

第一次食Tea pairing concept既中菜 所以印象特別深刻!鮑魚凍食 好鮮甜 好易咬個帶子面好好食!!!桂花糕唔會太甜 淡淡桂花香氣 配上底層椰汁糕  好好味!!

生日正日揀咗個靚景中菜餐廳：澐NUVA咁遠其實都驚會中伏🙈餐廳正正係博覽館入面地鐵站A出口會近入到餐廳真係覺得環境唔錯枱同枱之間有距離👍🏾👍🏾啱哂我食物：1️⃣黑魚子金巢香酥帶子芋角 芋泥包住帶子粒 好特別 魚子嘅香味再加深個層次2️⃣滿園花菊脆春卷賣相夠哂吸引 又脆又香口 唔錯👍🏾3️⃣金湯海明珠呢碟超級打卡able又有金箔 大蝦🍤蒸蛋配南瓜汁👍🏾4️⃣松茸翡翠琵琶煎豆腐呢個真係普通咗啲可以唔叫5️⃣迷你黯然銷魂飯佢個叉燒都幾出名厚切半肥瘦 好食🤤搞到我都食咗半碗飯6️⃣南瓜雙皮奶拼炸鮮奶呢個都比較普通～服務態度非常好👍🏾keep住換餐具&加水食生日飯好啱 我見中午都好多附近的員工過來食㗎

山長水遠而來，停車位到餐廳行足廿分鐘。又遠又難揾，無明顯指示。入到去環境唔錯，枱枱分隔較開，舒服而清靜，食具靚。星級酒店式服務，客氣而不打擾。食物全部正……常，也只是正常。睇人評論點心好味，下次有機……會來試。

今晚經朋友邀請，到亞洲博覽館《澐‧Nuva》試試。環境舒適，食物水準好好，全餐飯好味，唔太油膩。我同幾位朋友食每一道菜都好滿足，我就知朋友真係無介紹錯喎.....。好值得再黎。

行完展覽接近晚飯時間友人提議到展館二樓「雲」晚飯，友人極力推薦义燒了得，不防一試果有意外驚喜比早一晚天龍軒义燒⋯⋯！除了食物了得服務亦不可忽視，當準備上甜品前收拾枱上碗碟時，一個不小心將XO醬倒在我的外套上，一個估不到的情況發生，經理親自來道歉並提出幾個補救的方案，我欣然接受其中一個處理方法，一間連5星級嘅食店或酒店都未必能妥善處理事情就在這裏。我非常讚賞經理的處事能力，食物品質性價比高我極力推薦。

若非友人相約，都不會去到大老遠的亞博館食飯，傍晚時段，整個亞館門可羅雀，實在看不到以前的盛況。地鐵一出往上走一層，便到達今日的餐廳「澐」，玻璃大門用了金色絲紋玻璃貼，餐廳大堂若隱若現，到達時已處於傍晚，若果早一點到達，相信景色非常震撼！✢ 酸薑皮蛋拌青瓜 $68✢ 鴨肝醬脆炸蝦丸 $128✢ 招牌蜜汁叉燒皇 $168✢ 惹味粉絲蝦球煲 $328✢ 黑寶石香羅葉爆和牛 $288✢ 趣脆咕嚕肉 $198其中比較出色的可謂「酸薑皮蛋拌青瓜」，餐廳附上浙醋、沙糖，皮蛋微微流心，灑上沙糖，吊出香甜味。另外「惹味粉絲蝦球煲」，亦相當惹味，粉絲底用上日本粉絲、龍口粉絲兩款粉絲，韓式年糕份量不多，切成細絲，口感豐富。若要單講每一道菜，應該頗為長篇大論，食物質素固然是好，食材擺盤皆上上之選，再來理應講講樓面侍應，每一位員工都對食物烹煮方法，用料皆有深厚認識，加上侍應細心照料，兼送上小驚喜，整頓飯非常輕鬆舒服！

雖然真係要山長水遠咁來，而且車費都不菲，有點妹仔大過主人婆嘅感覺！🙈但為咗食好嘢，真係值得的！🥰1）這𥚃食物賣相真係合曬「外貌協會」嘅我，2）而味道當然唔執輸，絕對比得上6⭐️酒店的中菜廳，3）環境唔駛講，清幽之餘，仲對住個無敵大海景，4）服務又係酒店式級數雖然不能常來，但一年幾次都係需要的！每次食完都有點依依不捨，唔知幾時先可以再食！🥺掛住食，有啲無影相添！🙈值得一提，佢嘅套餐，通常都有一道好合餐廳主題「澐」嘅菜式。上次係在甜品出現，今次係一開始就來！鮑魚騰雲駕霧咁出現，絕對呃like一流！😂

今晚女兒回英國，訂了澐吃晚飯。其實之前來過好幾次，午飯晚飯也試過。澐裝修靚、環境舒適，服務好，食物質數高，可惜之前我要工作，沒空寫食評，現在退休了，才有時間可以坐下來寫寫。感覺上有點不太公平，是關之前沒有讚賞澐，但這次食評是一百個不滿意。首先3個星期前的訂座竟然說我冇booking，幸好我打電話reconfirm 才知道，才能secure到枱，其次是食物也沒之前的出色美味，非常失望。我們叫了焗釀蟹蓋，雲腿竹笙時蔬，咕嚕肉，海鮮湯泡飯。蟹蓋，時蔬和咕嚕肉都中規中矩，只有海鮮湯泡飯最敗筆，海鮮是有的，但一丁點兒海鮮的鮮味也沒有，感覺上是吃爛飯粥，那脆米更加是不脆，用飯焦來形容是最貼切，是我近年吃過最差的飯食，只可以用難食來形容，當然我那嘴刁的女兒，吃了半口便放下，最後要多叫一碗叉燒煎蛋飯給她飽肚，才讓她上飛機。