澐

营业中

休息中

「澐」，在《說文解字. 水部》的解釋：「澐，江水大波謂之澐。」是江水流動的意思🌊字的部首有水有雲，則是指眼前的優美風景。雲在語音上亦有客似雲來的意思，餐廳期望透過優質的菜式和環境，令顧客客似雲來☁️☁️今次山長水遠來到赤鱲角的亞洲國際博物館✈️為的，是品嘗餐廳的特色中菜：不論是餐廳的名字、菜式的多元、環境和服務，完全感受到餐廳的精雕細琢和心思慎密，是一次非常滿足的豪華盛宴🥹環境☘️餐廳的風景令人目不暇給：甫到餐廳，就被窗邊180度落地玻璃的醉人日落景色吸引著，機場人工島和大嶼山的迷人景致盡收眼簾🌇餐廳環境當中，特別令我印象深刻的，就是餐廳的酒吧：不同種類的酒整齊有序地陳列在牆上，配合華麗的吊燈，令不同的酒瓶閃閃發光，形成矚目的畫面✨食物🥩餐廳主要分為中午及晚上時段，午市以點心為主，晚上則主要提供小菜，上述兩者均獲得極佳的評價及推薦😋今次的晚餐菜式如下：1. 梅酒鮑魚🐚（$138）🔸 鮑魚煮好後冰鎮形式上桌，上面散發出乾冰的效果🧊鮑魚被切成條狀，上面舖上醬汁，咬下去的口感極佳，非常煙靭彈牙🥶🔸原價$138的鮑魚，只需要首次下載亞博的Apps和登記成為會員，除了有全單八折的優惠外，更有三款迎新禮物

今次係第一次嚟博覽館飲茶，打開門一入到去，嘩，已經被落地大玻璃嘅無敵海景吸引到，未坐低食野，已經比海景加左分，入到去坐低後侍應會先用温水倒落去客人面一個放左一次性壓縮毛巾既玻璃杯，當吸夠水就可以用黎擦手，過程相當之fine dining。澐裳金箔鮮蝦餃皇一籠有四粒，蝦餃面鋪上小小金箔，豪氣十足，而個皮就非常薄，咬落去係彈牙既蝦肉餡，食得出同外面酒樓有分別鳳肝蜜汁金錢雞老竇話以前酒樓成日有得食，而家已經冇lu，金錢雞擺盤，由上面開始，用青瓜、金錢雞、蜜肝、叉燒、饅頭組成，如果唔鐘意食肝臟嘅朋友，要考慮一下滿園花菊脆春卷賣相好精緻，好考師傅對於餸菜造型嘅功夫，炸到成朵花甘，好香脆侍應生極力推介的海鮮──扇貝扇貝厚肉又大粒，食材應該係上乘之選，不過食落味道較油膩紅燒牛肋骨牛肋骨好大條，d 肉好似牛腩咁淋咁滑，有牛味，份量多，建議四人或以上一齊食澐嘅金牌釀焗蟹蓋真係勁好味，焗得勁香，蟹肉一疏疏，真材實料，餡料極豐富，兩個人share一隻啱啱好「紫澐夢境」有一個栗子creme brulee同埋一舊紫薯薑雪糕，打卡一流桂花水中香一道考師傅刀工嘅甜品非常欣賞佢可以按人頭叫菜，大家都可以試得到，員工態

生日飯，周圍搵地方，搵咗好多間，終於搵到間可以坐足7個人，餐牌又唔錯， 環境望落都唔錯嘅地方。去到有免費泊車。入坐環境清靜又舒服。仲安排咗個向海嘅座位畀我哋，服務員態度一流！每一道菜逐樣逐樣上， 服務員細聲解釋每道菜的食品， 而且每道菜都精心烹調， 廚具精緻。 唔止有樣， 仲要好好味！早2日前預定咗“澐之饗宴”， 因為都怕唔夠食另外再叫咗幾樣餸。 但係我哋預計錯誤，每人一個宴都已經好夠食，已經食唔落。仲要嗌多幾個餸，但係可以試到其他餸嘅味道， 我咕嚕肉好正！個叉燒好香！ 個菜都與別不同！出面普通中菜食唔到。 價錢亦好公道。 一定會去再食過同推介俾大家。

父親節揀咗呢間餐廳慶祝，餐廳好細心，驚父親節多人，上菜等得耐，早一星期問我會唔會落咗單先。當日嚟到，餐廳環境好靚，好闊落，感覺好舒服，屋企人都好鐘意。待應同我confirm咗一次之前落嘅點心，好快就有得食啦！點心賣相好靚，味道都唔錯。春卷入面包住蝦，味道冇想像中咁豐富，略嫌單調咗少少。嚟之前好期待試嘅鮑魚！每隻切開咗三片，食落去好鬆化，唔錯。釀蟹蓋足料，有好多蟹肉，值回票價。炒飯都幾香口，份量合理。甜品味道一般，不過上菜時好靚，打卡必點。特別欣賞佢嘅點心／菜式叫一碟以上可以按人頭叫，咁就唔怕多咗幾件浪費，大家都可以試到。整體嚟講，成餐飯都食得好開心，員工態度好好，食物有水準，值得一試。

爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～ 因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！香焗鮑魚叉燒撻嘅鮑魚有啜口，叉燒餡料配曲奇撻皮超正！澐裳金箔鮮蝦餃皇一籠有四粒，加金箔豪氣十足，個皮再薄就Perfecto~杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人

重開食評，腦海裡馬上浮現了澐Nuva，雖然那不是近期的光顧，但Nuva是我去年6月一次偶然的光顧後就喜歡上的中菜館，後與不下十數親朋前往，也是從沒聽過負評的，靜待這家2021年新發現的我最喜愛中菜館的摘星之日！落地玻璃外的海景，如天色好的話可以看到日落美景。為何對Nuva評價那樣高？要評好壞，不外乎三個因素──食物、環境和服務。食物方面，Nuva不論是午市飲茶還是晚飯，水準同樣高。當然，不可能每道菜都有驚人的味美，惟點心、菜餚皆普遍有高水準。環境方面，作為一位有少許要求的女性，個人從來重視環境多於食物，沒有好的環境難以有好心情去享受美食，而這家餐廳正合乎要求。從Nuva網頁得知餐廳的設計出自兩位藝術大師之手，欲將行雲流水的意境走進客人的用餐體驗。說實的，凡人如我，甚麼大師設計與我何干？惟重要的是我欣賞那種看得出的講究，也欣賞餐廳各處的美感，置身於舒適優雅的用餐環境感到既滿足又愉快。這裡連餐具都很美，看得出處處皆心思，而且枱椅間的距離應比不少酒店級中菜廳更具空間感，在疫情下可以吃得開心又放心！一大幅美輪美奐的地氈服務方面好得沒話說，多次光顧，遇上的都是熱心、殷勤、有禮的。此外，這裡有地利

澐的裝修很優雅，疫情初期首次到訪，被枱上的大盤鮮花所吸引，招呼亦很熱情殷勤，有米芝蓮食肆的感覺， 現在疫情後期，重開後就如枱上的鮮花，感覺很不一樣。 於手機下載亞洲博覽館apps，加入會員後埋單即時可享8折， 另送三款迎新禮品，其中一份便是澐的冰鎮鮑魚。 朋友全部點了右手邊的食物。 先來小食， 牛展入味有肉汁，皮蛋如伴少許砂糖更佳，叉燒不是不好吃只是不夠好吃。 瑤柱湯夠熱也很甜， 雞肉夠滑。 蝦是普通蝦這個菜沒有什麼驚喜。 我不喜歡吃雞胸肉，因為比較又乾又唔滑， 這個菜做得不難吃。 加入瑤柱醬 後特別好吃。甜品是普通的一碗綠豆沙所以沒有拍照 ，不過入口有陳皮味，味道又提升了。

停業重開後第一次光顧，午市套餐更新了所以又試試，先來 一個指定點心小食拼盤，蝦餃燒賣蘿蔔絲酥餅也很好吃，灌湯餃清甜， 瑤柱湯濃郁， 琵琶鴨比煎雞好吃，露筍蝦及煎鱸魚也很出色。 年輕侍應比年長的服務好。

去左勁遠既亞博！就係為左依間高度評價嘅中菜, 行premium 路線, 仲被譽為將會擇米芝蓮星！不過之後自費再去質素同服務都唔及第一次去, 距離擇星仲有好大段距離～ 除非住離島/揸車, 如果唔係唔洗特登去咁遠食 🤣🦁 環境｜望海 好彩會見到飛機！不過有阻擋 所以影相唔算靚. 反而室內既artwork更值得影, 拎左獲餐飲空間金獎！🦁 第一次食｜晚市｜小菜全部都幾好食 特別係個蟹蓋, 鮑魚同金錢雞// 金牌焗釀蟹蓋｜海鹽燒鮮鮑魚 招牌蜜汁叉燒皇 ｜金湯海明珠 鳳肝蜜汁金錢雞 ｜趣脆咕嚕肉 紅燒牛肋骨肉 ｜當紅脆皮三黃雞 🦁 第二次食｜午市｜點心景色比晚市靚, 但食物質素完全冇得比～點心賣相比較精緻, 但味道都係點心工場味, 唯獨灌湯餃好少少, 第2次去服務都嘛嘛地🦁 質素最穩定既甜品桂香水中花 ($58)｜紫澐夢境 ($78)兩個都岩打卡同好食～

之前去開亞洲博覽館AWE做野，開完會就已經午餐時間，見到呢間高級fine dining中菜館就想去試下。入到去見到180度既海景，視野好廣闊，枱同枱之間好闊落，啲擺設同餐具都係高級、貴氣，整體感覺都好舒服。入坐後侍應會先倒温水落去客人面前既玻璃杯，入面放左一次性壓縮毛巾，當吸夠水就可以用黎擦手。澐裳金箔鮮蝦餃皇（$68），好精緻有食用金箔係粒蝦餃面，皮夠薄咬落去係彈牙既蝦肉餡。滿園花菊脆春卷($60)，呢個一上枱有驚喜，賣相好精緻，無諗到個春卷係甘用功夫既造型，真係成朵花甘，炸到好香脆，但偏淡。蝦乾啫啫芥蘭煲($168)，爽脆芥蘭配上大大粒蝦乾同少少辣既醬汁，好惹味！個人最鍾意係秘製XO醬炒蘿蔔糕，而家好似新menu無左，但我覺得好好味，蘿蔔糕既每面都煎到焦香，咬落食到一條條好香既蘿蔔絲同臘味，唔會太削同淋，希望會再出返！澐·NUVA而家暫停營業左一段時間，希望之後有機會再食返。

今日朋友帶左我去機場附近食中菜，呢間餐廳叫澐，係機場博覽館2樓，最方便係搭機鐵直接過黎，平時如果揸車人士就只可以泊車係附近停車場了，不過可能因為而家限聚令關係，所以在場人員都比我地直接泊車係博物覽館外。可能因為係食飯時間，所以餐廳幾乎滿座，不過好彩等一陣都可以安排到望海座位，而且2個人可以坐到一張平時可以容納6-8人既枱呢，坐得非常寛鬆舒服。餐廳有高級既設計感，牆上都放了一些畫作，感覺幾有藝術感，而菜式既名稱都一樣好特別，今次點了滿園花菊脆春卷、蝦乾啫啫芥蘭煲、黯然銷魂飯和菜遠清湯牛腩稻庭烏冬。滿園花菊脆春卷（$60/3件）開頭聽到菊花春卷，仲以為有菊花饀，原來只係外型炸得像菊花的春卷，春卷入面有蝦滑，食落很香脆，感覺如果加點酸甜汁就會變成錦鹵雲吞的味道了。蝦乾啫啫芥蘭煲（$168）用砂鍋上碟，所以可以一直保持熱度，一上枱已經聞到香噴噴，蝦乾好大隻，而且數量不少，最欣賞係餐廳用唔到芥蘭苗，所以只有芥蘭芯，而且屬於一口size，不會食得狼狽，配埋蒜片及燒過的蒜頭，食落非常香口，冬天食暖笠笠，適合重口味人士。黯然銷魂飯（$68/位）聽說叉燒是這裏的招牌菜，但因為不想吃太多肉，所以點了這個黯

第二次過嚟呢度食嘢，只因上次嚟見到個「大閘蟹餐」好吸引，所以當晚己經立即訂枱，訂好兩位「大閘蟹餐」，一直期待咗2個星期，終於可以食到啦頭盤係「子姜皮蛋」個皮蛋係好香好濃嘅流心皮蛋，子姜好好味，同皮蛋好夾第二道上嘅係「蟹粉焗蟹腳」呢個真係冇得頂大愛之一，每位一條，真係忍唔住想再食多啲呢個「上湯蟹粉小籠包」個湯好鮮味，帶出小籠包內的鮮、甜話就話係「小籠包」不過分量一D都唔細，有正常2粒-3粒，分量十足之後有隻大約5量左右的公蟹再黎一個「云腿豆苗」呢2片云腿先係重點，入口「甜、香、味燶」不過一D都唔鹹！正再黎一個「糯米飯讓雞髀」正😄食埋個糖水真係覺得好幸福

同家人第一次嚟博覽館嘅澐飲茶，一入去已經被落地大玻璃嘅海景吸引到，好彩訂位時已講希望安排窗口位，未食野前淨睇海景都已經餵飽眼睛😆蘿蔔絲酥餅 $60好耐無食過咁易咬開嘅蘿蔔絲酥餅，而且好足料，入面充滿蘿蔔絲，食極都有！黑魚籽金巢香酥帶子芋角 $60賣相好靚！芋角上面擺放帶子，加上黑魚籽整體更香。芋蓉滑溜，帶子爽口，外層脆卜卜，口感層次一流！澐裳金箔鮮蝦餃皇（四件） $68因為有五個人，所以再額外加左粒蝦餃。皮薄啖啖蝦，唔錯！鮮肉乾蒸燒賣 $68依張相表達唔到佢有幾大粒，好足料！竹炭金葩流沙包 $60成功流沙👌🏻☺️鮮肉小籠包 $60好夠湯汁，皮又薄，可以再encore👌🏻滿園花菊脆春卷 $60賣相好可愛，必點！炸得好脆而且無油味，一個人食兩舊都唔膩！鳳肝蜜汁金錢雞（一件） $48招牌點心之一，由上而下係青瓜、金錢雞、蜜肝、叉燒、雲型饅頭。一口氣咬落去首先會食到蜜糖味，之後蜜肝味開始跑出，最後由饅頭吸收曬所有油膩，做到平衡。但如果唔鐘意食肝臟嘅朋友，個人唔太建議試～酸薑皮蛋拌青瓜 $68係糖心皮蛋！！！好好食！！鮮百合杞子浸時蔬 $138因為同場有老人家，所以叫廚房幫助煮淋啲菜，而佢地真係煮

久聞博覽館有新餐廳，今日終於有機會試！Nuva地方裝修典雅，不會太金璧輝煌，坐得舒服，服務殷勤。食物方面很有水準，點心、叉燒、咕噜肉，糯米雞腿及甜品都好味，賣相更見心思，不停相機先食。以後去博覽館睇演唱會有好選擇。

我必須要向大家介紹以下落嚟這一間餐廳的食品，地點有點遠但係地方環境非常之清靜，裝修絕對係頂級。每一道菜都都用了不少心機來製造。所以絕對要推介所有人必須來試一試。頂級師傅炮製，製作非常複雜，總之都係果句味道非常好👍🏻