潯 (已結業)

在帝X酒店CHECK OUT後, 乘坐SHUTTLE BUS來到石門站搵午餐.因為早上只吃過酒店贈送的生日蛋糕, 在游水及踩單車後, 已經十分肚餓, 要盡快在這商場來個午餐. 在二樓那邊,  有多家餐廳可選擇. 而這家店門的餐牌卻吸引著我, 剛好有座位可以馬上入座呢!    煙三文魚卡邦尼意粉   平常都是煙肉卡邦尼意粉, 這個多了<煙三文魚>. 再看到隔離枱客人所享用的卡邦尼, 份量很足, 所以自己也要來一份. 視覺 : 橙色的煙三文魚在奶黃色的意粉上, 顏色對比很明顯. 隔著白醬, 仍看到片片蒜片和煙肉. 手感 : 把煙三文撥開, 試挑在一箸意粉, 可是意粉有定重量, 叠在一起很實在, 要比少少手力才挑出來. 卷起意粉, 白醬没有滴在枱面. 這個白醬份量剛剛好. 口感&味道 : 意粉煙韌有咬口, 白醬不太CREAMY, 不會漿住味蕾. 我喜這種清新的口感!  因為昨晚自助晚餐食得太多了!     全日早餐   餐牌這樣寫: 茄汁豆薯餅雜菜沙律煙肉豬肉腸牛角包炒蛋炒什菇    加上店門照片圖文並茂, 至少心中有個底.   等了一段時間, ALL DAY BREAKFA

我以前係石門返工先知道原來石門有好多好多餐廳，而且佢地唔係只係平日開，假期同夜晚都開。.今次中午試呢間特色小店，座位唔多，但好友善，店員會出黎同客人傾吓計。.全日早餐（$108）- 周末可以好chill 咁食個咁豐富的all day breakfast, 有炒蛋、豬肉腸、炒什菇、茄汁豆、沙律、煙肉、薯餅、仲有牛角包🥐，份量好大。.蒜香白酒大蜆意大利粉（$108）- 意大利粉軟硬適中，蒜香味香濃，大蜆都幾大隻😋。 我好鍾意🥰成碟清哂😋😋。Latte 熱- 咖啡味都香濃，有心心拉花💛💛Hazelnut latte 凍

對上一次來石門是食雞煲，今次再來是因為朋友住在馬鞍山，為了就他之後一日番工，就揀間近他家的餐廳🤣 ——————————🔹日式胡麻醬德國豬肉腸意粉 $78在網上看到這個是熱門菜，就叫了試試～第一眼覺得是蕃茄醬意粉，但味道比起蕃茄醬更好食😚雖然菜式叫日式胡麻醬，但食起來完全沒有麻醬味😂反而是甜甜的，還帶點蒜香味😋豬肉腸份量都有不少，不是死鹹那種；麵質是硬身，是我鍾意的質地😍整體炒得很有火侯，不是普通貨式👍🏼🔸自家製手打牛肉漢堡配薯條 $118朋友叫了牛肉漢堡，漢堡很厚身，裏面看似很多肉汁，但朋友表示有點生，調味亦偏鹹😖就算配生菜、蕃茄和麵包一齊食，都很鹹.. 最後食唔落😢 相反薯條很不錯，是粗身薯條，本身沒有落鹽，所以蘸蕃茄醬就perfect😋

早兩日去開第一城果邊住左晚酒店，退房之後就出嚟搵嘢食，石門果頭有個商場，仲有分一期二期咁，我哋見入邊呢都好多嘢食，而且人流都好多。入去之前我哋睇中左呢一間食西餐嘅Cafe。佢雖然店舖面細細，但係我哋見其實經常性都係坐滿人嘅。因為過咗午餐時間，好快侍應就安排咗我哋坐咗一個窗口位，可以望住一個落地玻璃食午餐。我哋睇一陣佢啲午餐之後呢，就揀咗一個溫泉蛋肉醬番茄闊條麵同埋一個佢係出邊有介紹嘅全日早餐all day breakfast。咁等咗一陣間，個闊條麵就首先上枱，個麵嘅份量好大，我哋見到佢上邊隻溫泉蛋仲係流心嘅。攪勻左嚟食都好Juicy，而且啲闊條麵吸晒汁，都唔會煮得太軟身，啱啱好！之後個全日早餐都上枱啦，我哋見呢佢同相一樣份量都好大份，包括沙律菜，薯格，蘑菇，炒蛋，兩個牛角包，煙肉等等。佢每樣野呢都好香口，熱辣辣。尤其是個薯格，係真係啱啱炸好咗出嚟呢就上枱，食落去好正。其他嗰啲都好新鮮，好大份。我覺得如果嚟開石門都好值得一試㗎！

想食有顏色餐廳🐸, 咁岩係石門有間, 不用想就去試! 門口已經好有睇頭, 仲可以玩下! 揀左兩個主菜, 手打牛肉漢堡同埋溫泉蛋鮮茄肉醬闊條面。🍴先端上兩碗洋蔥忌廉湯, 洋蔥濃到似粥, 可以感受到粒粒的洋蔥, 非常好味! 😋先講漢堡, 超大份, 果漢堡仲大過我拳頭。熱溶芝士淋上漢堡，配上自家手打牛肉，味道濃郁多肉汁，口感吾錯。🍔至於闊條面都好欣賞, 因為溫泉蛋蛋汁流晒岀嚟，撈埋肉 醬一齊食，超級滑溜，而且蛋香味香濃！🍝

沙田石門有好多野食，得成日都經過，去食野就真係好少！今次黎到就食埋晚飯先走啦！今日想食意粉！經過見到佢細細間，但有啲心思，就入左去啦！環境都好舒服！坐既空間好夠！-煙三文魚卡邦尼意粉三文魚份量岩岩好，唔太多唔太少！得個人鐘意食多汁，就會覺得啲汁可以多啲啲更好食！-蒜片菠菜葉炒意大利粉伴香煎帶子呢個有啲菜，感覺健康一啲！同埋佢嘅帶子都好大隻！好食！推介！-香煎迷你紐倫堡蛇餅腸呢個值得一讚！雖然係香腸好似好普通但係原來好好食！又夠大份四個人share都OK！

小店以黑色為主調，親民價錢就可食到西式茶餚，店內只有2名員工，兩位女士一腳踢，真心佩服🥺所以上菜速度難免會較慢，地方較為淺窄，適合小聚會。-🤍M6 手打牛肉漢堡配薯條 $118🤍P4 大蝦彩椒鮮茄辣汁意粉 $98-🤍 手打牛肉漢堡配薯條 ⭐️⭐️⭐️一黎到就覺得好巨型😂😂好飽，兩個人一人一半都食唔哂！個包有我個頭咁大，唔可以一啖就咬到底，一半都難😂材料有生菜、蕃茄、牛肉、芝士，牛肉仲要係自家制手打牛肉，牛肉厚到有大約5cm，一咬肉汁爆曬岀黎，唯一美中不足就是雖然牛肉厚但size就有啲細，所以食到最後會食剩個包皮😂😂😂/🤍大蝦彩椒鮮茄辣汁意粉⭐️⭐️⭐️⭐️意粉材料用左三色椒、大蝦，意粉充滿鮮茄味，唔係只用左茄膏個種濃郁，辣味反而唔岀，不過就吊左個鮮茄味岀黎。-環境：6/10服務：6/10好味指數：7/10回頭率：7/10

嗰個因為探親戚所以去到石門。其實唔係好遠喺大圍過去都唔夠20分鐘。去咗嗰間京瑞廣場,上麵食咗個午餐。一眼見到餐牌有意粉意大利飯主菜選擇都幾多。裝修唔錯都好新穎。我自己點咗個美國豬鞍扒,朋友叫左個撈魚薯蓉。頭先個豬鞍扒好有肉汁啖啖肉。食完之後勁滿足。口感唔錯最緊要係多肉汁。佢哋有獨門嘅核桃將將個味道提昇。加埋意大利嘅蕃茄仔簡直就係無得彈。撈魚薯蓉,就係有日本著名嘅魚加上薯蓉一齊焗。好令到好有海鮮。good

午餐時段經過這間小店見到座無虛席，午市套餐選擇有很多。店員帶位安排坐近窗邊可以望到店內景色，可以舒服用餐！蒜香白酒大蜆意粉🍝：蒜香味濃郁配白酒大蜆非常夾，只吃到酒香，而且大蜆分量十足，每隻都脹卜卜好鮮味。意粉的軟韌度更是恰到好處，爽而不硬，意粉滲透蒜香味。推介呀！慢煮豬鞍架配薯蓉：這道菜一上枱賣相吸引，豬鞍架十分大件，慢慢用刀逐少逐少切開品嚐，吃到豬肉味濃，帶少許豬油更加香又惹味。豬肉控一定要試。另外，一定要讚另一主角薯蓉，充滿牛油香味，入口軟綿綿好味道呀！

喜歡到石門搵食，尤其到京瑞廣場吃吃小店👩🏾‍🍳......總有驚喜！今日我同大食積選了Here We Are 撐枱腳🍽, 餐廳係家庭式經營；舖頭小小，人龍長長......冇得輸！🥊先來蒜香白酒大蜆意粉🍝，蜆肉幾大粒又好鮮味，加上重手蒜粒🧄同白酒🍶！𠽌𠽌𠽌⋯⋯令人一再回味😋再來🐟鱸魚柳配蒜蓉牛油汁薯蓉🥔， 薯蓉超美味👉🏼薯蓉、薯粒、牛油、蒜蓉互相交融； 鱸魚火喉拿捏一流🔥！魚皮烤得香脆，魚肉鮮嫩結實粉紅粉紅的，再配上沙律菜，天作之合！👩‍❤️‍💋‍👨Here We Are 簡單而幸福!

前幾日同男朋友去食，周圍都冇枱所以去咗呢間。講吓頭盤先，係蘑菇湯，但係個湯冇味， 所以我飲咗兩啖就冇飲。之後叫咗個煙三文魚卡邦尼意粉同埋香辣大蝦意粉。啲蝦係又唔辣，同埋啲肉好梅，一啲都唔彈牙。兩個意粉都overcook，一捲就斷，卡邦尼啲白汁稀到好似水咁，完全唔可以同啲汁一齊食。最後叫咗個水蜜桃梳打，完全冇味道，得個甜字同埋汽水味。俾咗二百幾蚊，呢個價錢40幾蚊都得，見係同路人先想支持下，真係唔會再去食

知道石門開咗好多唔同特色食品嘅小店，專程去試下，去咗Here We Are潯食晚飯，叫咗深海鱸魚 魚柳配蒜蓉牛油汁薯蓉，同埋炸單骨雞翼，加一個粟米忌廉湯。個湯好滑好creamy而且入面有粟米粒湯味濃沃，值得推介，單邊雞翼就超大份有成十隻，即係有 20件，點埋佢哋特製嘅芝士胡椒粉，十分惹味又係食到停唔到口之選，而最有驚喜嘅就係個爐魚 ，因為我比較少西餐叫魚，估唔到鱸魚超厚、超大嚿、超多海鮮美，但係一條骨都冇，啖啖魚肉，正！點埋佢特製嘅牛油汁食冇得彈，而蒜蓉亦都打得好mask而且味道好香濃。下次去石門我一定會再嚟試埋其他嘅菜式。

星期六晚上在石門附近做完野，在附近的商場行下，呢到真係唔同左好多，開左好多間新的食店，基本上都係我最LIKE的小店，所以行左好耐，最近睇O岩左呢家HERE WE ARE。一睇到門口，就知道O岩咀型，即刻入去幫襯先~!我地今次係DINNER時間，所以就在餐牌上點。如果LUNCH 來，真係有D好抵食既餐~!非常吸引呢之後LUNCH真係可以來呢到食，餐牌好吸引而且價錢真係平。今次就先來一個粟米忌廉湯，好香又滑，而且真係有粒粒粟米，真材實料呢。溫泉蛋鮮茄肉醬闊條麵$88，叫呢個主食就送餐湯。溫泉蛋鮮茄肉醬闊條麵好香，而且好LIKE佢既食具，成件事好CUTE。味道也好好食，有濃濃的蕃茄味，肉同麵的份量都好多，睇落去好似細細碟，但原來都好飽肚下。招牌的All Day Breakfast$108，呢個真係必點，好大盤而且十分吸引。擺盤砌得好好睇，食物質素都高，隻牛角包超正呀~另外滑蛋炒得好好食。煙肉脆卜卜，配埋腸仔令人好滿足。

石門出名多食肆，我不時都會去試新野。今晚去左京瑞廣場行街順便晚餐。行過見到呢間潯Here We Are要排隊等位，睇餐牌有意粉/燴飯/主菜，選擇都幾多。慢煮美國豬鞍扒配核桃醬經慢煮後豬鞍扒肉質軟腍嫩滑，充滿肉汁好JUICY，啖啖肉勁滿足。肉嫩多汁唔會韌，口感極佳~配埋清香馥郁既核桃醬，提升味道層次。伴碟有鮮甜蕃茄仔、爽脆新鮮沙律菜等，可中和豬鞍扒既肥膩感，正~日式胡麻醬豬肉腸意粉豬肉腸味道鹹香有嚼勁，意粉煮得剛好，口感煙韌唔會過腍，加入日式胡麻醬烹煮，豐富菜式味道。小店面積不大，但佈置簡潔，坐得舒適，下次要黎試下食All day breakfast，歎返個下就~

今日同朋友去完踩單車之後就離咗石門嘅京瑞商場度食黃店 呢間潯 here we are 雖然係小店但係嘢食都唔錯可能我哋太早呢六點鐘就到 成間店都冇乜人 所以服務好好 座位唔多不過衛生乾淨煙三文魚卡邦尼意粉 煙三文魚大大片唔太鹹 意粉煮得軟硬適中 卡邦尼汁雖然冇乜蛋黃味不過幾夠creamy 略嫌個汁煮得有啲一嚿嚿 整體嚟講合格泰式冬陰功雞髀飯 冬陰功汁好特別酸酸辣辣夠曬開胃 雞髀皮非常脆好似薯片咁 入面嘅雞肉juicy多汁 成個配搭好夾