潮．悅 (始創中心)

营业中

休息中

呢間餐廳算係將中菜做到極致裡去，唔止好多創意菜，味道又做得好精緻。唔使乜鮑參翅肚，就係炒腸粉都會讓你感動到流淚。點評一下幾道菜啦😋招牌叉燒皇厚切叉燒烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩😋椒鹽魷魚鬚食落夠晒香口，咬落亦夠爽口，唔會有糊口嘅情況出現。😋竹笙扒上素 蔬菜類可以清一清味蕾，竹笙上素軟腍入味，底下仲有好多菇類同蔬菜。😋長腳蟹炒腸粉，肉質鮮美嫩滑，蟹嘅鮮美，香氣四溢，腸粉外皮經過煎炸表現香脆，而內裡依舊係滑口又香軟配上醬油嘅濃香，口感豐富唔少，精緻又好味。

趁屋企人生日，終於有機會食呢間Bookmark左好耐嘅潮州菜。整體嘅水準非常高，份量十足！避風塘肉蟹必食！肉蟹幾大隻，肉厚又鮮甜，食落啖啖肉好爽。加埋啲炸香蒜粒一齊食夠晒惹味欖菜肉鬆炒飯炒飯好有鑊氣，粒粒分明，每啖都食到肉鬆同欖菜粒香煎蠔仔烙平時食蠔仔餅都係炸，而呢到用煎嘅方式可以Keep到蠔仔水分，食落Juicy而不膩。竹笙鼎湖上素呢道懷舊粵菜原來喺製作上極為繁複，用料超豐富👀，有我最愛嘅竹笙，爽脆而且吸收晒上湯嘅精華，好入味炸蝦多士酥脆可口，內有大大隻蝦，好食

上次同朋友嚟過，今次就帶埋鍾意食中菜嘅屋企人過嚟食晚餐😋上湯焗龍蝦伊麵底🦞好大碟、足料，龍蝦啖啖肉，入口彈牙有鮮味，伊麵仲掛滿上湯湯汁，煮得岩岩好，上湯濃郁得嚟唔油膩，同龍蝦嘅鮮味好夾，好快就被我哋清咗碟😆燒鵝🦢皮脆脆, 鵝肉厚厚, 少脂肪,  滲出陣陣炭燒香, 入口肉質稔香, 沒有半點膻味, 點d醬汁仲正長腳蟹炒腸粉🦀我勁鍾意黎一道！長腳蟹好新鮮，一d腥味都無，又夠肥，好多肉～腸粉非常入味 ，又爽口彈牙，正 👍🏻👍🏻滷水掌翼🪽
滷水醬料慢煮，味道鮮美，肉質嫩滑，熟嫩的肉質拿捏得剛剛好，配著甜甜地既滷水汁好吸引

好耐冇食中菜喇，想起之前嚟呢間食過都唔錯嘅，今晚同父母再嚟試下佢地海鮮🐟🐟餐廳環境符合一般中菜廳格局，整體感覺乾淨衛生❤️店員哋有禮貌，老闆娘親切友善👍🏻呢間次次落手好重本！長腳蟹炒腸粉嘅每條腸粉都掛滿醬汁，仲要超大隻嘅長腳蟹，賣相好唔錯，蟹肉啖啖鮮味仲帶微微甜，食到最後超滿足，真心推介！一碗方魚肉碎蠔仔粥嘅份量大約分到4個細碗，雖然睇落清清地，但係睇味道好清甜，入面有細細燈嘅方魚碎同埋蠔仔，增加口感，唔想又食飯，發現食都夠晒飽又好味！芥蘭炒牛肉 非常推薦！牛肉嫩而不爛 恰到好處嘅香氣同嚼勁，溼炒嘅沙茶醬好鮮甜✅每次嚟呢度一定食上炸乳鴿，仲要原隻上😍，記憶總係細細個時爸爸媽媽帶我去食呢味菜。 乳鴿上檯，好大隻呀～😋😋熱辣辣嘅，帶上手套用手撕開嘅感覺真痛快🤣🤣薄薄嘅皮燒得好脆，肉質嫩滑，醃肉後帶出鴿嘅鮮味。👍煎焗大海蝦整得好香，食落惹味，有好香既豉油味，亦唔會太咸，蝦肉新鮮👍🏻👍🏻廚師將蝦切開一半，令蝦肉好入味👍🏻👍🏻

行開太子始創中心，呢度附近真係有好多好野食，今晚想食酒樓中菜，就決定呢間潮悅。📌避風塘肉蟹香噴噴，夠晒野味，避風塘炒蟹，蟹肉肥美，配合高技術嘅避風塘炒法，炒出香口，食過返唔到轉頭📌上湯焗龍蝦更好食，原隻斬件落啖啖龍蝦肉，肉質非常鮮味，肉身食落口感更彈牙，食完咀郁郁，超滿足。而伊麵底我認為更值一讚，麵身超彈牙，加上索哂上湯龍蝦味而不杰身，食落冇太黏感覺，味道、口感都好滿足。📌粥嘅份量幾大嘅，而且用料好足，碗底盡是肉碎。由於用料新鮮同充足，整碗粥都好甜，好香濃方魚同肉碎嘅味道。📌津白色澤亮麗又甜又冧，配合濃郁金腿二者夾食，一濃一淡味道天衣無縫，確實有一手！✌🏼✌🏼📌長腳蟹好鮮美，肉質亦非常嫩🦀️📌炒豬腸粉真係好食，口感糯糯嘅仲好Q彈，鍾意食腸粉嘅朋友一定要試試

幾個月前發掘太子美食時發現呢間，試過都幾好。前幾日朋友講起想食龍蝦伊麵，然後決定帶佢去試試。龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。

今日同朋友嚟潮悅開餐，呢度嘅餸真係冇令我失望，每一樣都有驚喜！首先必須大讚呢個荔芋酥炸帶子，一上枱就聞到陣陣酥香，足足有6件，分量好夠晒。外層裹住嘅荔芋蓉炸得金黃酥脆，咬落卜卜聲，入面嘅帶子又大又彈牙，鮮甜juicy，芋香同海鮮味夾得剛剛好，一人食幾件都唔夠！然後係醬油長腳蟹炒腸粉，點咗兩份都被秒殺！長腳蟹肉多到爆，拆得好乾淨，啖啖都是蟹嘅鮮甜，醬油汁炒得好惹味，勁夠鑊氣，腸粉吸晒啲蟹汁同醬香，滑溜溜又入味，根本停唔到口。咁潮汕小炒皇都好出色，配料好豐富，蝦米、魷魚、菜脯、青椒等炒得香氣四溢，鹹香夠味，口感多層次，用嚟送酒或者送飯都一流，超開胃。鍾意食蟹嘅千祈唔好錯過港式避風塘肉蟹，隻蟹新鮮到冇得彈，殼脆肉嫩，避風塘醬料炒得好香，蒜粒炸得金黃，帶少少辣，惹味到舔手指，蟹肉飽滿，每一啖都係幸福感。椒鹽鮮魷都好有水準，魷魚夠大隻，新鮮爽脆，椒鹽味均勻裹住魷魚，鹹香適中，外層微微焦香，內裡保持魷魚嘅彈性，越嚼越香。最驚喜係上湯焗花龍蝦伊麵，隻龍蝦超級大隻，肉質緊實彈牙，上湯濃郁鮮甜，伊麵吸晒啲龍蝦湯，每條麵都掛住汁，鮮到掉眉毛，龍蝦肉蘸少少湯，鮮味直接衝上腦，食完真係返尋味！最後飲返支蜜桃好

🍴潮悅，今天再來幫襯 😍😍😍每次必嗌招牌菜包括- 懷舊蝦多士：蝦味香濃，嫩滑又鮮香，每食一啖都有美顏感覺。- 沙茶牛肉芥蘭：爽甜的芥蘭淋上惹味濃郁的沙茶醬，濃稠程度控制得恰到好處，牛肉片份量唔少，也很美味，大家都搶住黎食。- 長腳蟹腸粉：長腳蟹唔止夠大隻肉都好多，仲有金黃蟹膏！炒完之後膏香滲入腸粉，每一啖都係濃郁海洋味，邪惡但心甘情願卡路里超標！-鹵水掌翼：食潮州菜必食鹵水，這次點的是掌翼。鹵水滲入掌翼，香濃入味，咸香惹味！- 腿茸扒津白：好creamy嘅口感包住尚有脆度嘅津白，質感順滑軟腍。

對潮悅一直有份情義結，於是約朋友到太子品嘗懷念很久的食物。🦀避風塘炒大肉蟹可是這裡較出名的菜式之一，大肉蟹炒至乾身，起初入口時不覺辣，但由於較為入味，越食越辣，幸好雖然辣，但沒有蓋過蟹肉原有的鮮味，而最欣賞的是加入大量炸蒜，更惹味。蟹蓋不只是大大個殼，內裡的肉尚算足，而且不會太過黏殼，稍舀匙就很容易吃到。🦑魷魚鬚炸物黎講d炸粉好薄，唔會食到成口粉，全部上枱仲係熱辣辣，岩岩炸好，Very good👍🐔碧綠川椒雞球，那股香濃的川椒味道, 紫蘇葉炸得輕盈薄脆, 嫩滑的雞肉跟雞皮黏附著炒香了的川椒絲, 味道與口感都是相當惹味不俗, 是伴飯的最佳選擇。🥬以新鮮既竹笙配蔬菜同其他素食配料烹調而成，竹笙既質感爽脆 蔬菜既鮮嫩。羅漢上素既醬汁為整道菜提供左豐富既風味，入口口感豐富，味道清新而美味🥰

豉汁蒸白鱔好大一碟，cp 值超高。白鱔新鮮，鮮味十足，冇泥味，蒸得岩岩好，肉質爽彈配埋豉汁，絕配。啲豉汁搽滿晒白鱔，完全冇偷工減料。鱔又蒸到剛剛好，非常之滑👍椒鹽魷魚鬚 好食過酒樓或其他小店，魷魚好新鮮，肉質鮮嫩，鹹鹹香香，鬆脆可口，越吃越起勁，真的要再 encore 啦 ！💯腿茸扒津白上面淋滿金黃色嘅腿茸芡汁，仲有啲火腿碎粒閃閃下，未食已經聞到陣陣鹹香！津白煮得啱啱好，菜葉軟淋但菜梗依然保持爽脆，完全冇過火嘅「爛蓉蓉」感覺。撈埋飯食簡直無敵🥢長腳蟹腸粉佢真係巔覆左我哋對炒腸粉嘅概念，肉質结实鲜美。平常不太吃蟹的我都吃的津津有味！個腸粉炒到好似炸腸粉咁脆卜卜，炒得乾身唔油膩仲索晒啲醬油，醬料唔會好辣 以鮮味為主 老少咸宜🤤整體來講，必食係長腳蟹腸粉同 椒鹽魷魚鬚，食完仲想再食，流連忘返，份量都好多，食到好飽，同埋環境超舒服，坐得好開心😋

我哋先叫咗厚切叉燒皇，個樣好吸引，食落果然冇令人失望。叉燒肥瘦分佈均勻，脂肪入口即溶。加埋蜜汁，每一啖都係享受，令人回味無窮。過左一陣，避風塘肉蟹好快就上枱啦。睇到滿滿既炸蒜都已經流晒口水！蟹肉飽滿彈牙，緊緻爽甜，令人吮指回味！
潮州菜既靈魂：滷水！真心認為它既滷水味道做到好傳統，薄薄掌翼肥瘦適中，味道甘香醇厚，油香滿滿，質感軟腍，有入口即溶感覺。好滿足！最後既重頭戲：長腳蟹炒腸粉。平常都好鍾意食腸粉，長腳蟹幾乎係我去海鮮酒樓嘅必食既！猛火快炒出嚟嘅腸粉夠晒乾身，長腳蟹肉又夠嫩，仲有陣陣焦香，食到停唔到口！

平時就好鍾意食中式菜，之前聽朋友講呢度啲中菜都幾好食，於是今晚就過嚟試吓，果然冇失望上湯焗龍蝦伊麵底非常之濃郁，上湯帶出龍蝦嘅鮮味，而伊麵完全給盡晒精華，啖啖都係舌尖上嘅享受，另外龍蝦多肉又有咬口，食落好有質感，非常出色👍勁大碟飯，用肉鬆炒飯，超香！份量都好多，肉鬆勁多，味道重，正呀每粒米飯入味，但又唔會太咸，炒飯香又濃厚，超滿足😍😍乾煎蠔更加係好有驚喜，首先蠔非常之大隻，煎到唔會太乾身，食落彈牙又夠鮮甜，值得讚揚嘅係個豉油非常香，完全帶出蠔嘅鮮味，食到我舔舔脷😋蜂巢荔茸酥炸帶子，造型像鳥巢一樣嘅外皮炸得酥脆，裡面裹着滿滿嘅荔浦芋頭餡細膩柔滑，吃到最底層有一整片帶子肉。雖然係油炸嘅但完全唔會油膩，還有種綿密輕盈感小炒皇，呢度菜一上枱就已經覺得鑊氣十足！菜炒得好香，份量又多！入面夾雜各種餡料爆香再一齊炒，食到停唔到口餐廳環境闊落，坐得幾舒服，啱晒朋友聚會，非常唔錯👍

要安排幫同事farewell，搵到呢間酒樓😃 預早book位嘅同時記得提前預訂埋心儀嘅海鮮🙌🏻唔怕到時失落無得食！👇🏻介紹番幾道推介菜式👇🏻🏅上湯焗龍蝦伊麵底龍蝦好新鮮🤤煮到岩岩好，保持到龍蝦鮮味同彈牙👍🏻👍🏻👍🏻食落啖啖肉架，上湯芡汁唔會太濃搶過龍蝦味，伊麵唔會一夾就斷，讚！🏅魚肉蠔仔粥 蠔仔鮮甜，除咗蠔仔外還有方魚碎，每一口都充滿大海嘅味道，簡單卻令人滿足。🏅沙嗲牛肉炒河雖看材料普通，沙嗲牛肉炒河當然係離唔開用沙嗲醬炒牛肉同河粉啦。但同普通茶餐廳食到嘅沙嗲牛河唔同，茶餐廳食到嘅牛河多數都好油膩，沙嗲味又唔夠，但呢度嘅沙嗲牛河每條河粉都掛滿醬汁，濃香嘅沙嗲醬，帶有微微嘅花生香味，均勻地沾上每一條幼滑嘅河粉🏅金腿茸扒津白金腿茸扒津白口感濕潤，金腿茸味道濃厚滋味清爽津白嫩滑，冇牙都會食得好滋味。🏅芋茸香酥鴨件面頭好似芋角, 超鍾意食呀!!坊間已經唔多酒樓出芋角架啦！而芋茸香酥鴨件上面就似芋角, 中間夾雜D鴨肉✅評分：(⭐️- 請幫忙評分4 ～ 5 顆星)味道：4～5環境：4～5服務：4～5衛生：4～5抵食：4～5整體評分：😋 【笑】

屋企人話想食龍蝦，所以就帶佢地嚟呢間著名食龍蝦伊麵。上湯龍蝦伊麵份量十足，龍蝦走過油，肉質新鮮彈牙，上湯底亦都好入味，麵索晒湯汁，非常之正！仲叫咗方魚肉碎蠔仔粥，粥嘅份量挺大, 而且用料好足，碗底盡係魚肉碎。由於 用料新鮮同充足，整碗粥都好甜，好香 濃方魚同蠔仔嘅味道。鵝肉亦都好唔錯 ，燒得入味，肉質嫩滑，鵝皮帶膠質感，配上微甜嘅水汁，非常惹味。細個嘅時候，最鍾意呢味餸，因為總有炸珍珠葉伴碟🤣雞球大大件，但係肉質仍然 keep到嫩滑，加埋川椒粉，好惹味！#龍蝦 #太子 #相機食先 #hkfoodie #美食探店 #香港美食

逢星期三都同媽咪食飯👩‍👧，見佢生日就到，想俾個驚喜佢，決定帶佢去食好嘢。媽咪最鍾意食中餐，同事最近又介紹左呢間，話連佢個煮婦媽媽都話ok，希望媽咪會鍾意啦😅。同事話book定枱，因為佢去過幾次都full full地～餐廳喺太子始創中心，離地鐵站都唔算遠，好彩訂到枱同餐，一去到就有位同好快有嘢食😉。龍蝦伊麵一大碟，係盤，唔係碟！！！真係整隻龍蝦😱😱食落新鮮又彈牙。伊麵加埋龍蝦汁，味道濃郁好食。一碟伊麵成隻龍蝦，一流👍👍👍避風塘d炸香蒜粒，又脆又香，完全冇炒燶左既苦味，我直接用匙羹食🤣。肉蟹好大隻，肉質厚實又彈牙，火喉岩岩好。佢哋石岐炸乳鴿皮脆肉嫩！肉多又唔會太瘦，乳鴿唔需要配醬料就好好食👏🏻其實覺得菜式份量都幾足夠，不過媽咪鍾意食燒鵝，所以叫比佢食。鵝肉唔鞋口👍，燒鵝食完都唔會覺鹹。份量夠晒兩個人食，如果多幾條友，都好夠食🤔。總括嚟講，呢餐嘅食物味道同用料真係無可挑剔，絕對物有所值。另外，服務亦好好，店員有禮貌同細心，食飯體驗好唔錯，媽媽食得好開心，連佢都讚好👍。同事果然無介紹錯，我亦會推薦其他朋友嚟呢到聚餐🥢。