潮．悅 (始創中心)

营业中

休息中

男人有時真係好難約，幾個月先見一次，仲次次都唔夠腳😢😢 今次又同老朋友聚會，又係4缺1，唉，真係有啲無奈😮‍💨😮‍💨😭冇計啦，只好食嘢吹水。有個朋友第一次黎，就叫咗個上湯龍蝦伊麵。份量都係大大盤，啖啖肉，湯汁味濃，撈伊麵好正😍😍😍 有個fd話好似比上次濃味咗啲，但係我同另一個就唔覺，可能我哋食開比較重口味。避風塘大肉蟹炸得香脆，滿滿蒜茸包圍，霸氣十足。蟹件外脆內嫩，蒜味好濃，入口蟹汁爆出，鮮甜又好食，絕對合格有餘。湯料都值得一讚，鹹菜胡椒豬肚湯嘅豬肚有嚼勁，鮮甜美味，咸菜夠爽脆，而且湯料多到浮過湯面。叉燒真係好厚切，肉質鬆化入味，外層微焦，內裡多汁。每一口都有濃郁嘅蜜汁香味，食完真係好滿足。

去太子探朋友搵咗間餐廳食晚餐，菜單都幾多菜式選擇，好多我都未試過，好快就揀好！小炒王係我的今日的最愛，這邊的都好多種類的小料，食材唔複雜，但好考功夫，呢碟小炒王夠鑊氣，韮菜油亮爽嫩，蝦乾鹹鮮惹味，仲有最鍾意既腰果，脆脆的，令口感更豐富！大肉蟹方面我們選了避風塘炒法，重點是廚師能將大肉蟹保留肉質新鮮緊實，炸蒜酥香而不油膩，充分掌握火候，沒有讓我們失望，炸蒜香味巴在大肉蟹上，蟹肉惹味中帶鮮甜，整盤避風塘炒大肉蟹連炸蒜都吃得乾乾淨淨。最驚喜係腸粉嘅吸汁能力！醬油同蟹汁完全滲入粉皮，咬落去爆汁，仲有蟹肉非常鮮甜😍肉也特別多，都是嫩嫩的蟹肉～碧綠川椒雞球看到 ‘川’ 字以為會辣到飛起, 非也~ ~ 以葱花、 紅蒽頭、 角菜及川椒末一起爆, 雞肉都吸盡了味道, 爆得好香、好惹味, 雞肉是實淨得來不鞋口的~整體用餐體驗很滿意，大部分食物質素都係水準以上，食材新鮮，廚師技巧到家，老闆好客

🔸脆炸蝦多士多士超級酥脆，蝦都好大隻，超級邪惡，而且一點都不會油！🔸港式避風塘肉蟹喜歡大肉蟹的肉感，店員表示避風塘炒是最推薦的！個人來說避風塘炒特別香口誘人。金黃色的蒜粒，乾紅辣椒、蔥、薑跟蟹㨮至入味。真的不得不大力讚嘆，蟹肉又鮮味又彈牙，加上避風塘炒的香口跟微辣，味蕾就是這樣震撼！🔸椒鹽魷魚鬚味道啱啱好，唔會太鹹。即炸即食，炸皮夠薄又酥脆，唔算太油。🔸醬油炒腸粉長腳蟹上碟金光閃閃，長腳蟹鋪到滿一滿，手機食先mode自動啟動！腸粉香口又惹味，份量仲多過預期。蟹肉超級飽滿，非常新鮮，剪開時還會噴出汁水，蟹蓋上有滿滿的蟹黃。呢個質素海鮮餐黎講都幾抵食🤩下次會再黎試下其他餐😺

有時2個人想食海鮮都幾尷尬，只可以叫42-3款，食唔到太多。今次同親愛的去了太子「潮悅」，餐牌就有好多套餐選擇，有適合2-4人既餐，咁就可以一次過食到好幾款美食。第一次試呢道【醬油長腳蟹炒腸粉】就俾佢嚇親！腸粉炒得夠鑊氣，仲有鮮甜爆膏嘅超大隻長腳蟹肉，醬油香得嚟唔會過鹹，一啖入口，一個字，爽~【紅燒乳鴿】即叫即整，上菜時熱辣辣。皮脆肉嫩，保留肉汁。【蒸白鱔】味道非常濃郁，每一件白鱔都好入味。重口味人士會好鍾意，配白飯食啱啱好 份量都幾多三人或以上分享都冇問題！【清蒸東星斑仔】原條蒸魚，配上勁多青蔥，入口肉質嫩滑，啖啖鮮甜魚味。

又黎到呢間酒樓～呢間係公司樓下唯一得到我老闆認可既酒樓因公司係始創中心，老闆帶隊做節食飯都會黎呢間酒樓，每次都有驚喜～地點就腳，環境舒服唔會迫迫夾夾，野食大部份都唔錯有水準～6道菜既menu脆皮燒鵝：皮脆肉嫩、入味酒樓水準係唔同d醬油龍蝦炒腸底：呢個真係癲咗！腸粉吸晒龍蝦嘅鮮味，軟糯掛汁，龍蝦味嘅腸粉，龍蝦反而成咗配角，呢個組合必須試！紅脆米炸蝦丸 ： 賣相幾過癮，個個話似枝，外層脆米超級咬落「卜卜」聲，內裡蝦餡彈牙鮮味粉葛赤小豆鯪魚粉腸湯：料足到誇張，粉葛綿綿哋，滋補飲完暖粒粒，唔記得影碗湯飲左兩碗豉椒蟶子皇煎米底：蟶子鮮甜彈牙，煎底金黃香脆，大推！西蘭花炒龍躉球帶子：最鍾意食酒樓西蘭花，龍躉球多肉唔鞋，帶子正常總結：唔知今餐幾錢無人敢問老闆我估人均無三百蚊走唔甩

上星期日接受某團體邀請出席晚宴，位於太子始創中心一間中式酒樓，個人感覺酒樓在商場4樓指示欠缺清晰，雖要花一點時間查找，酒樓裝修新地方光鮮感覺唔錯。乳豬全體皮好香脆，豬比較肥中間一層脂肪，味道唔錯。波士頓龍蝦伊麵超級大碟，龍蝦鋪滿碟面，細心看龍蝦應該比較細隻， 殼多個肉但新鮮的，伊麵多到食唔晒。蝦多士比較新式餸菜，大大隻蝦爽口，蝦味偏淡，面包炸得酥脆。螺頭燉雞湯真正成隻全雞，湯水濃郁清甜。酒樓出品味道都不錯，份量就真係好豐富。

母親節黎食飯，鴻運乳豬全體，上湯焗西澳龍蝦伊麵，碧綠花姿蚌片，田園脆炸百花蝦丸，紅燒海皇燴翅，清整大沙巴龍躉，壕皇金錢扣鮑魚，當紅脆皮燒雞，流心壽桃包。8樣野都唔好食，壽桃包係最好食個個。唔好食都算，仲要受氣，服務態度極差，尤其係收銀，唔知以為得罪佢，埋單想要翻張單都要比佢串，然後我望一望張單見到收多左一個外賣盒錢（兩蚊），諗住兩蚊由佢啦費事煩，純粹同佢講翻聲收多左個盒錢，然後個收銀一口咬定一個係膠袋錢，都係兩蚊冇收多。我總共要左一個外賣盒同一個膠袋，應該係4蚊。然後佢就好唔耐煩叫我等佢搵經理，咁當然唔會為左個兩蚊我成家企係到等你再去搵人然後再重複講咩事啦。唔明點解去食飯仲要受氣，本身都唔係兩唔兩蚊嘅問題，就算真係要計個兩蚊都係我嘅兩蚊。母親節當日個場都好靜，咁嘅態度冇人去都好正常，如果節日好忙我都仲話體諒有甩漏，又唔忙又態度差，唔會再去。

下午茶點九開始派飛，雖然前台都係黑口黑面，但都係拎張飛姐冇野既。下午茶規定坐到3點半就要交枱，大中小點以小點計，其中有棗皇糕，鵪鶉燒賣等懷舊點心，十分推薦。餐廳環境闊落，唔會又迫又嘈。

——————若非飲宴，都唔知道原來這裏有間酒樓的食物咁好味，而且又大碟又出色👍👍👍👍👍服務也不錯😇、環境清潔衛生👍————— 1️⃣🐷乳豬全體：真係乳B B猪👍肉嫩皮脆，無肥羔的，又正又好味😋2️⃣ 🦞上渴龍蝦伊麵：龍蝦🦞肉鮮甜又鮮嫩彈牙好味道👍————————3️⃣瑤柱節瓜甫：大大粒的瑤柱斤兩十足👍——————-4️⃣🦀百花釀蟹蚶：爽口彈牙足料，炸得熱辣辣的👍——————-5️⃣紅燒海皇大鮑翅：足料啖啖翅👍——————-6️⃣🦪鮑魚海參鴨掌扒豆苗：夠哂霸氣又好味👍————————7️⃣ 🐟清蒸海東星：蒸的時間相當恰當，魚肉嫩滑鮮甜👍———————8️⃣🐔脆皮炸子雞：外皮香脆雞肉嫩滑👍—————-9️⃣櫻花蝦海鮮炒飯及上湯水餃🥟：外皮香脆雞肉嫩滑——————🔟笑口棗及曲奇🍪餅、紅豆沙及水果：美點配甜品又是這麼有水準👍—————-足料又美味的飲宴.. 全晚食得好開心🥰其實開心🥳簡單就在我身邊😇食….拍…寫.. 已經成為我生活中的一部份鍾意食..鍾意拍.. 鍾意寫..留下美好回憶—————

公司飯局訂咗太子始創中心嘅潮.悅，酒樓位於4樓，但喺後面部上有啲難搵，酒樓裝修好新，天花幾支水晶燈好光猛。先來乳豬全體，而家新式乳豬全體係無骨，唔會好肥豬皮夠脆，一人兩件，唔錯。上湯龍蝦伊麵，都算大碟伊麵幾多，龍蝦大件，啱啱一人一件，龍蝦新鮮走油彈牙。碧綠花枝蚌片大大碟，食極都有。脆炸鳳尾蝦多士，酒樓都有得食，熱辣辣即炸，多士香脆，上面蝦滑包住鮮蝦，灑上芝麻夠Q彈。燉雞湯，成盅用料十足，湯濃好飲。清蒸龍躉就有點失色，一來過晒火，二來條魚有啲味，唔好食。脆皮燒雞係冰鮮雞，都炸得唔錯，最緊要皮夠脆，有雞油香唔會梅。仲有個什菌浸豆苗有啲油，不過食落好香好滑，豆苗夠嫩。

前晚我和家人去了太子始創四樓的潮悅酒樓，這是我們平時常去的飲茶地方，但晚上是第一次光顧。雖然那晚的客人還算不少，7-8成滿的情況已經相當不錯。我們點了幾道菜，包括上湯龍蝦伊麵、西蘭花炒龍躉球、燒腩仔和潮州小炒王。每道菜的味道都很鮮美，特別是龍蝦伊麵，湯頭鮮濃，讓人回味無窮。燒腩仔的皮脆肉嫩，搭配小炒王，口感更是絕佳。總共四個人AA制，最後每人只需付約$240，性價比相當高。除了美食，服務態度也值得一提，服務員熱情周到，讓我們感受到賓至如歸的感覺。整體來說，這次的晚市經驗非常滿意，未來一定會再來光顧！

同朋友聚餐，呢度真係幾唔錯。地點就腳，而且冇限時，星期日（18:00）嚟食唔洗等位😃我哋叫咗幾個餸，食完仲有糖水送，每人都唔洗$200！海鮮雜菜煲，好足料；竹苼時菜，好入味；菠蘿咕嚕肉，有個新鮮波蘿伴碟，賣相好靚；涼瓜牛肉好軟身😋

晚上去咗太子始創中心公司聚餐，已預先訂咗幾圍圍菜，酒樓喺始創中心4樓，搭𨋢上到去裝修都幾新，好光猛，人齊就開餐。鴻運乳豬全體，皮都脆但有少少豬酥味。上湯西澳龍蝦伊麵，龍蝦好新鮮彈牙，味道唔咸，伊麵都ok。碧綠花姿蚌片，西蘭花爽脆，花姿蚌片彈牙。脆炸鳳尾蝦多士，炸得脆唔油膩，蝦膠比較淡口。姬松茸螺頭燉雞湯，所有材料味道入晒湯中，濃郁好飲，有少少油。清蒸大沙巴龍躉，新鮮火喉啱啱好，魚嫩滑，豉油調味合適。當紅脆皮燒雞，其實係炸雞，有少少過火，都唔錯。菜同炒飯正常都好食。

本人星期六14:30入坐，在入座不足1小時及點心未到齊的情況下，一位穿西裝戴口罩女員工突然要求先埋單。本人表示食物尚未到齊，在她查看後發現打錯及打漏單，並再次要求埋單，本人即時表示會在用餐後埋單。再過一陣約入坐後1小時多，本人及太太食完所有點心，在飲茶傾計的時候，該位女員工再次出現在枱邊一言不發並直接放下賬單一直站着等待，行為極之無禮。在不足1個半小時的用餐時間，被前後3次要求埋單的情況下，被逼直接到收銀處俾錢離開。

宴席前試菜、食物不過不失、大大話話十人落足十二十三道菜、可惜20.30開始last order、一直嘗試再落單、都不能在22.00後繼續完成一頓安樂晚餐！用不同方式收桌、清潔、關電視，派多個職員到來不斷服務，讓你不斷被打擾，令你不知不覺就要離開！經理準時收工、值得嘉許！各人離開前不斷道謝、下次晚飯請早！亦不斷解釋宴會部與餐飲不同、工作方式不同、職務分明、應大力多記一功！快餐可試、認真宴會可免！希望八月十圍枱不用再次受苦難😛