潮福蒸氣石鍋 (已結業)

今日同朋友食蒸氣海鮮套餐，套餐包每人半隻龍蝦、花甲、一款粥底、燉湯、刺身拼盤，另每枱可以自選四款海鮮，有蟶子皇、生蠔、鮑魚、象拔蚌、貴妃蚌、海蝦、龍躉件、元貝等，d海鮮幾新鮮，仲有任點任食嘅List、啤酒汽水任飲! 和牛都係任食, 質素不錯，不過加單上菜有啲慢，限時兩個鐘，所以都係encore咗三次，最幸福嘅事有人serve，幫手計時同埋蒸嘢食，等我哋可以專心傾計😝 蒸氣鍋可以食到食材的原汁原味，健康d又無打邊爐咁肥膩！

約咗班朋友食飯好耐冇見，由於多女仔嘅關係，任食對於佢哋來講唔係好抵，所以我哋續碟叫嚟食先食咗個蜆，喺度嘅蜆隻隻都大大隻，每人分到兩三隻，每隻都好鮮甜蒸豬頸肉，出邊街食到嘅豬頸肉多數都已經煎咗或者係炸咗，今次食蒸嘅，食落好爽口，豬味非常之濃郁就算蒸完都冇乜縮水蒜蓉蒸勝瓜，見到一籠勝瓜，鋪滿得密密麻麻，成籠去蒸，勁震撼去到最後其他女仔食到飽晒，得返啲男仔仲有胃口去叫多一籠蒜蓉蝦蒸飯黎到潮福點可以唔食返個馬拉糕呢？出晒名勁鬆軟， 甜度又適中

同朋友食生日飯，佢地話要食得健康d，就走去食蒸氣鍋先黎隻燒乳鴿，即叫即炸，黎到個外皮仲係脆皮，每啖咬落去肉汁飛彈出黎蒜蓉鮮魷，蒸時間唔算耐，個底仲配埋粉絲，吸哂蒜蓉，鮮魷精華，低得推介蒸完都無乜宿水蒸海蜆，隻隻都好鮮甜，爽口蒸四寶丸我最喜歡就係佢既墨魚丸，大大力推介，食落彈牙，墨魚鮮味散哂出黎食蒸蒸鍋又點少得個粥底呢？有准山，雞，唔好睇佢咁少米，煲出黎好綿身嫁，仲有，煲粥既水來自不同食材流出來的精華

想食蒸氣火鍋好耐😍😍今次朋友生日決定豪啲請佢食餐好嘅😛見到好多海鮮好吸引樣樣都想食 不過個胃位置有限😂🤦🏻‍♂ order咗蝦同埋鮑魚做個小前菜先～呢到嘅服務員好細心，除左會幫你放食物落鍋，仲會幫手set timer，又會講下點樣食最滋味，配啲咩醬會更惹咪。係等緊個timer響嘅時候，陣陣鮮咸香味飄上黎，流哂口水，勁心急，好想快d夠鐘開餐😎。蝦同平時自己屋企蒸嘅有分別，可能係因為個時間啱啱好，肉質爽，微甜，個人推薦配XO醬或者美極鼓油。 鮑魚佢本身已經落左陳皮，match落個鮑魚汁入邊，更加帶得出個鮮味。鮑魚真心新鮮，食完肉，要啜埋d汁先捨得放低佢🤤🤤。跟住order左蠔、蝦丸、雞。個蠔唔會腥（因為我好怕腥味），幾有肉地幾鮮甜，配唔同醬料就有唔同風味🤤值得一試。個蝦丸好大粒，而且真係有蝦肉（因為龍蝦丸無龍蝦，我有諗過蝦丸未必有蝦😂😂），有口感，幾彈牙。 個雞就真心要一讚！滑得好緊要，而且服務員睇時間同埋個火候好準，熟哂但又唔過火，杞子味濃，女士好啱食！總括黎講，雖然呢間係連鎖店，但服務唔會馬虎，食材新鮮，加上個招牌式嘅竹蓋，打卡一流。價錢都算公道，以食生日飯黎講，合理，埋單唔過千，最

老闆請吃飯，怎能不萬歲啊！萬歲萬歲！繼上一次在紅磡吃過蒸氣鍋之後，這一趟是我第二次吃，鮮甜的滋味教我難以忘記。一行八人一起吃蒸氣海鮮餐，一盤一盤的各式海鮮紛紛就位，包括生猛龍蝦、帶子、聖子皇、貝殼等等，即蒸即吃，新鮮味美，而且聖子皇、貝類都洗得好乾淨，沒有砂粒，平時最怕吃貝類吃到成口砂。然後老闆亦額外獎賞大家一隻阿拉斯加蟹，上檯時超大隻蟹，蒸熟後橙紅色調讓人唾涎三尺，口感彈牙，肉質鮮甜，不用三兩下功夫，大家就吃光剩下蟹殻啦。海鮮後則可繼續任點任吃，各式手打肉丸、肉片、蔬菜等，我們最喜歡牛柳粒和污糟雞，肉質很嫩，就算不沾醬油亦好吃。至於污糟雞一點都不污糟，以紅棗、薑絲攪勻，雞肉嫩滑且有肉汁，都encore左三次啦。結尾就以吸滿海鮮精華的粥，同埋歡樂的笑聲畫上一個完滿的句號，希望不久再來第二次。

天氣轉涼，當然要食熱辣辣的食物啦！來到厚福街，有幾間熱食店都吃過，所以今次選擇嚟呢度！點了幾個海鮮，我自己很喜歡蠔，蟹和扇貝這是美國桶蠔， size當然有番咁上下，就算隔水蒸，size仍然很大隻平時自己屋企打邊爐都會買桶蠔食，但是預的時間不好，往往蒸得太老所以來到這裏，有專人會計算時間，所以蒸出來的蠔也特別好吃，味道鮮甜，完全不用家醬料一起吃！我們每人也點了一隻扇貝，上菜前已經大致上已經有粉絲和蒜蓉，一個最好的配搭！蒸出來也不是失望，味道超香，又夠大隻，推介！為了令鍋粥更加鮮甜，特地點了蟹！蟹膏不算多，但就是喜歡他蒸得剛剛好，肉質非常鮮甜！雖然價錢有點小貴，但在這裏專誠吃粥，我覺得值得點一隻蟹來加味！最後當然要講講這碗粥坦白說，我覺得無論幾飽都好，都一定要吃這碗粥，因為這才是今晚所有食物的精華！海鮮粥真的冇得頂，入口已聞到鮮甜味道！天氣凍絕對值得來這裏一吃！

今晚朋友再帶我去食潮福蒸氣鍋，來到尖沙咀厚福街食， 唔講唔知，原來潮福蒸氣鍋有很多分店， 香港九龍新界都有， 有機會要每間幫襯下。今次座位很正，有卡位坐， 坐得舒適食得鮮味，很期待的一餐。這次除了點生猛龍蝦和美國桶蠔，還見有很多食客點了乳鴿，相信這裏的乳鴿不錯，就點了一隻嚟食。 最後還點了這裡的順德污糟雞來食。龍蝦果然生猛，大大隻食落果然鮮甜彈牙， 肉質爽彈， 味道鮮甜，咬落零捨入味，回味無窮。美國桶蠔，又是巨大厚肉，好濃烈的蠔味，少少腥味，但每一隻非常肥美。口感好滑口 ，食落鮮甜味濃。順德污糟雞， 可能用生粉醃過 ，好滑的肉質，加上調味恰當，好惹味好有雞味。而這裡的乳鴿很有驚喜，即時炸起上碟，熱辣辣加上乳鴿肉質嫩滑， 皮脆肉香， 鴿味香濃 ，非常好食 。最後還多叫了一隻，收$48蚊/隻又超級低食，好滿足。最後粥底，好香好鮮甜，每人有3碗咁多，正正正！

潮福的任食蒸汽海鮮餐出名抵食，之前跟朋友食過，三百多元已經有燉湯有乳鴿有海鮮有任食丸類肉類糕點和任飲果汁汽水涼茶，海鮮質素亦不錯。最近跟朋友再到潮福，今次不食任食海鮮餐，反而單點，雖然一樣價錢可以吃的少了，但海鮮質素明顯高幾班，令人非常驚喜。＊＊＊＊＊＊＊＊＊＊＊＊＊天氣凍除左多人食火鍋，蒸氣海鮮一樣多人食，所以即使平日晚上潮福都坐滿人。酸菜小食($15)甫坐下，侍者先送來一碟醃青瓜，青瓜爽脆得來又夠酸香，食完胃口大增。自家製粟米馬蹄水($30)粟米馬蹄水夠清甜，一渣大約可分到四杯。單點menu有小食、燉湯、粥底、海鮮、蔬菜和丸類。食客可以在這個自助醬料區按各自喜好調配醬料。瑤柱淮山雞粥－細($60)食海鮮很難食飽人，所以我們就點一個粥底。侍者例牌先放粥料在鍋內，之後才放蒸架，食客可以食完蒸海鮮，最後才食粥。海中蝦($28/兩)海中蝦逐兩計，一般最少可以點半斤，半斤大約有六隻。海中蝦每隻比手指還要粗，用竹簽串著方便食用。海中蝦非常新鮮，蝦肉結實又鮮味，絕對比任食海鮮餐的海中蝦新鮮。日本大元貝皇($78/隻)元貝皇真是又大又厚肉，單是貝肉已經比五蚊銀還要大，上面鋪滿蒜蓉和粉絲，元貝肉質蒸

身為海鮮控嘅我一諗食乜就會諗起去食海鮮。食海鮮嘅最佳方法除咗打邊爐，蒸氣鍋亦都係一個不二之選。因為清蒸就最能帶出新鮮海鮮嘅鮮甜美味晚飯時段有分任飲任食或者散叫。因為主要想食海鮮，所以我哋就揀咗散叫首先黎隻南非龍蝦，係水缸到扎扎跳咁撈上網，蒜蓉清蒸做法，肉質非常爽甜彈牙紐西蘭黃刀貝，都幾大隻下！好新鮮、爽口鮮甜蒜蓉粉絲蒸蟶子皇都係我嘅最愛韓國象拔蚌仔勁鮮甜同有口感手打豬肉丸，大大粒，個感覺好似手打牛肉球咁彈牙蒜蓉蒸勝瓜，勝瓜又淋又甜，好好味！到最後的排骨南瓜粥底，食完真係飽到捧住個大肚dum走人

今晚收工同女朋友落尖沙咀食飯，上次喺厚福街見到呢間潮福蒸氣石鍋，今日決定試一試喺厚福街大大個招牌好易搵，六點幾上到黎，人未係太多，經理先招呼左我哋喺魚缸嗰度揀海鮮，你朋友就揀咗龍蝦同埋象拔蚌仔，我見有黃刀背，二話不說就叫埋海鮮種類都非常之多有刺身叫，不過今次兩個人食唔到咁多就冇叫啦開邊蒸龍蝦啖啖肉黃刀貝仲有蘇格蘭蟶子皇，大大隻好抵食象拔蚌仔好鮮甜肉就叫咗個豬肉丸，手打嘅好好食蒜蓉蒸節瓜，蒸完好淋好好食食蒸氣鍋梗係要食埋個粥底啦，精華所在嘛

上次食完潮福的蒸汽石鍋， 至今仍回味無窮， 因蒸出來那種鮮甜味確是比吃火鍋用湯滾的完全不同， 原汁原味不會流失。近幾日心思思又想再食多一次， 趁著今晚年初五，就出去尖沙咀這間厚福街潮福食， 一於今晚「不鮮無歸」。來到厚福街，果然是一條著名的食街， 兩邊地舖除了有很多食肆外， 樓上二樓還有很多火鍋食店可供選擇。站在厚福街街口， 舉頭向上望， 可看見很多食店的招牌高高掛， 若你心目中沒有目標食店，這一刻真是很難選擇。好彩潮福蒸汽石鍋招牌夠大夠顯眼，好易找到，一上二樓便是。今次來這間尖沙咀潮福，場面更墟撼，才六點半鐘， 已經差不多全場爆滿，而大部分也是食蒸氣石鍋， 全場蒸氣石鍋的升起的煙， 好像入了溫泉區一樣。又到點菜的時候， 當然離不開海鮮， 首選是生猛的龍蝦， 點了南非龍蝦$148/隻。 其次美國桶蠔$168/桶，而今日的大蟶子雖然貴了點$68/隻， 但也是必食海鮮。 至於粥底點了新鮮排骨粥$60/例牌， 在加了蔗糖馬拉糕$48， 三個人食，差不多了。今次的南非龍蝦， 單看色澤，已肉質雪白，加上大大隻， 新鮮生猛即劏， 收148蚊/隻 ，比起自己在街市買，超值得多。 味道方面， 因蒸嘅時

有時打邊爐打得多，真係有點攰要自己放食物，夾食物……連傾計都冇時間真係好忙㗎！朋友介紹呢間蒸氣海鮮石鍋，真係值得一試！先講服務， 服務員都笑面迎人，招呼很周到除咗每件海鮮都會按時間幫你睇住，幫你分碟 、上枱…… 仲會問下你啱唔啱食……我們呢餐飯，侍應已經幫我哋换咗三次碟了。 抵讚！新鮮膏蟹，肉質很爽口，膏很多，火候剛好！鮑魚，曬花，原味清甜鮮味！聖子皇，很爽口彈牙！和牛片，脂肪與牛肉分佈很均勻，很有牛肉味！粥底很夠味， 滲透著海鮮嘅精華 食落很香甜

咁凍既天氣食熱到出煙既野最正 今日仲可能係面前即蒸即食 平日夜晚去到都幾多人排隊 book左8:30 等到9點終於入得 order野食要過去前面魚缸個邊睇今日有咩 會建議你要幾多份量 揀好就坐低等食喇 野食都幾快黎晒 每次蒸夠鐘都會有人黎打開蒸蓋 分食物 再幫你放下一樣教好時間蒸 服務非常好 又確保唔會自己蒸過龍晒左d海鮮海中蝦$28/兩 - 蝦腸清得幾乾淨 蝦肉新鮮彈牙 南非鮮鮑魚 $68/隻 - 上面鋪左蟲草花同薑片調味 調起鮮味 同埋爽滑美國桶蠔 $168/桶 - 蠔身好飽滿鮮甜 咬落去爆汁 鋪底既粉絲吸左蠔既精華好鮮好香手剁鮮蝦丸 $98/6粒 - 聞落好香蝦味 打到起晒膠非常彈牙蟲草花蒸鮮雞 $148/半隻 - 半隻份量都唔少 有蟲草花同紅棗一齊蒸起好香 雞好嫩滑因為敏感唔食得多海鮮 揀左幾樣最想食既結果都好滿意 下次多d人食必食粥吸晒d鮮味精華!

老夫老妻都冇話情人節要燭光晚餐，以相同價錢食到更高質素既食物係我地既共識，蒸海鮮唔洗擔心情人節加價，散叫又可以揀到最新鮮既食材望住點菜紙都唔知想食乜，侍應提議去魚缸望下邊樣新鮮再決定，出到去花多眼亂，好彩明碼實價都唔會擔心失預算等候清理海鮮既時候，叫隻乳鴿（$48）食下先，即叫即炸，熱辣辣上枱唔點淮鹽都好夠味姬菘茸燉螺肉（$38）好足料好清甜呀老公連湯渣都清埋特大肉蟹皇（$26/両）侍應話一隻大概斤半，幫我地揀隻多膏既，果然冇老點，爆膏到用嚟煲粥，蟹肉又甜，連腳都啖啖肉頂級聖子皇（$88）蒸完都唔會縮晒水，鮮甜彈牙又冇沙南非鮮鮑魚（$68）已經清理好內臟既鮑魚晒花，連埋蟲草花一齊蒸，爽口彈牙手切和牛（$208）建議唔好點調味，牛肉味濃仲有牛脂香味蒸海鮮精華就係粥底，瑤柱淮山雞粥細（$60）仲要加勁多蟹膏，食完真係飽到一個點之前都食過蒸海鮮，侍應都會幫忙較好時間，不過潮福既侍應係特別細心，未夠鐘就會走過嚟預備起菜，包保唔會蒸得過老，連我地話想將部份蟹膏放埋落鍋一齊煮，都幫我地剪碎先放落鍋

最近成日食韓, 日, 西, 泰菜, 多數都係煎煎炸炸, 想食返啲清清地而又原汁原味嘅蒸海鮮, 即上 open rice 睇吓有冇好評又方便, 而又不太貴的蒸海鮮, 終於搵到尖沙咀 "潮福蒸氣石鍋" 就去試吓, 環境舒適/寛敞, 點左幾款海鮮同粟米, 菜上枱後, 由放落去個爐至分到每位食客碟上, 都由侍應完成, 每食完一度菜都會換碟, 服務週到酸青瓜 酸酸甜甜瑤柱淮山雞粥 $60中蝦 $28/両 色澤鮮美, 食落爽口彈牙左 日本大元貝皇$78/隻 好大粒, 鮮甜美味 右 南非鮮鮑魚 $68/隻 厚實彈牙清蒸四寶丸 $98/8粒 墨魚丸 潔白彈牙 牛肉丸味濃, 豬肉丸嫩滑, 鯪魚丸 果皮味好香粟米 $58 香甜美味粥軟綿, 鮮甜味美