潮盛館

营业中

休息中

朋友帶路去食一間主打潮州菜！原來呢間餐廳係由新蒲崗開到嚟觀塘，怪不得好似開左唔係好耐都有咁多人‼️呢個係精品潮州菜，啲擺盤好靚「潮盛招牌醉香拼盤」呢個拼盤有醉鮑魚、醉鴿、醉鵝肝~~醉鵝肝真係第一次食，入口好綿滑，並帶有微微花雕酒嘅甜味❤️ 好味道成日食乳鴿都係食炸嘅，醉鴿比較少食，兩種係唔同食法咁樣食更能食出肉質嘅嫩滑而且師傅將乳鴿起肉切片，再砌成翅膀，簡直係手工菜品‼️打卡一流～～「醉香鴨舌」見到有鴨舌，當然一定要叫因為我好鍾意食鴨舌‼️「鵝片拼盤」新鮮墨魚片+鵝片+豬大腸呢度嘅滷水味唔會太濃重霸道，岩我口味墨魚片好爽口彈牙，唔會被滷水味蓋過墨魚鮮。皮薄肉嫩嘅獅頭鵝胸，鵝味濃，切鵝片功夫一流，切得均勻薄片「拔絲咕嚕肉」一夾起，真係可以拔絲酸甜味道令我好開胃❤️ 咕嚕肉口感亦令我加分，咬第一啖係有脆口感，好好食，肥瘦係黃色比例，入口完全唔會有肥膩感「酸菜桂花魚」酸菜金湯好好飲，酸辣味好平衡，辣味唔會太嗆，入口好順口舒服～～桂花魚大大片好有口感‼️

今晚和好耐冇見的朋友聚會，我們相約在工廈內的一間餐廳食晚飯。餐廳環境寬闊，侍應招呼不錯。🌱潮盛招牌醉香拼盤拼盤有潮盛特色醉乳鴿，肉質軟腍、酒香鮑魚有嚼勁、醉香鵝肝滑口，全部的酒味都很香醇。🌱醉香鴨舌鴨舌軟骨頗脆，有淡淡酒香。🌱鵝片拼盤鵝片口感唔會乾柴；墨魚腍身；大腸味濃，脂肪都幾多，口感較韌。🌱陳醋素雞雲耳毛豆呢款涼拌菜適合炎夏食用，毛豆雲耳爽口，素雞的醋味很濃。🌱黑松露金沙蝦多士個碟好似一把彎彎的刀，很架勢！黑松露味濃，蛋黃味道少鹹，蝦多士脆口。🌱黃金炸魚皮炸魚皮大件得黎脆卜卜。🌱潮盛拔絲咕嚕肉夾起咕嚕肉的時候可以拉絲，咕嚕肉的肉質軟滑，醬汁頗甜，菠蘿甜美冇渣。🌱潮盛酸菜原條桂花魚桂花魚的魚肉很嫩，酸辣比例恰到好處，而且唔會太油膩。豆腐卜、芽菜、雲耳和萵筍都入味。🌱翡翠炒帶子西蘭花帶脆腍質感，帶子微鹹。

今日陪老闆去見客，搵左間新開的潮州菜吃飯，地方很大又光猛，餐廳用上全藍色系列。午市有幾款套餐選擇，有滷水大碗飯套餐，商務套餐等。「午市商務2人套餐🫖」花膠魚翅老雞燉湯2盅🐔潮盛滷水鵝件拼元蹄（二位）🦆海味雜菜煲（例）🥦白飯兩碗🍚花膠魚翅老雞燉湯2盅🐔這盅燉湯非常之足料，有花膠、魚翅、雞件、響螺、金華火腿、瑤柱、桂圓和杞子。湯頭超濃厚，集合所有材料的精華，鮮甜又潤喉。潮盛滷水鵝件拼元蹄（二位）🦆鵝肉嫩腍滷水夠入味，元蹄外皮爽脆肉質嫩。海味雜菜煲（例）🥦一大煲雜菜煲有很多不同的蔬菜，西蘭花菜心白菜仔小棠菜唐生菜，而海味有大蝦米鮮魷魚金菇草菇等，疏菜新鮮夠翠綠爽脆，一次過吃好幾種菜疏特別醒胃。套餐還跟兩杯飲品～～～凍奶茶🧋可口可樂🥤另外散叫兩個餸有韭菜豬紅和滷水拼盤，韭菜豬紅🥣豬紅很結實不會一夾就散，醬汁非常之濃郁豬紅和韭菜也很入味。滷水拼盤（三拼）🥣金錢肚、墨魚、鵝腎金錢肚很腍身吸滿滷水的香味，墨魚鮮甜爽口而鵝腎很厚肉又爽脆。

     觀塘工作的表弟約放工一齊晚飯。今次約左去一間最近新張的潮式食店「潮盛館」，主打特色滷水鵝及滷水小食，還有各式小菜，涼菜，粉麵飯.......等。表弟提議不錯！很久沒吃潮菜了，而且地點合適在觀塘道地舖門口就有巴士站，地鐵也可到達交通非常方便！來到餐館見到新張期內晚市堂食85折，全日免收加一服務。全日斬料外賣還有88折等。抵食！内進整潔光亮，座位舒適寬敞。翻開餐牌有不少精美家常小菜，下酒小食和名貴菜式魚翅，鮑魚，海鮮等等選擇。非常吸引！定價亦合理。我們也急不及待用QRcode點上幾道小菜。潮盛特色醉乳鴿  $ 128賣相精美！原隻擺設得很優雅。兩旁純鴿肉（無骨)肉質嫩滑，酒香撲鼻很入味而翼位是爽脆的。炸蠔餅  $ 128這個招牌菜份量十足！表層非常鬆化香口，蠔肉也很多！沾沾魚露味道鮮美！萵筍淮山炒雲耳仔 $ 108顏色配搭鮮豔，蔬菜新鮮整碟菜口感清爽！鵝片拼盤( 三拼 ) 鵝腸。鵝翼  $ 208非常重份量！滷水顏色好靚！好吸引！即時食指大動！鵝件肉香細嫩，一絲絲鵝肉好滑，入味除了肉香還有滷水香料的香，連骨也充滿滋味。鵝翼~軟硬度適中，皮滑骨軟肉香真是啜指回味！下層滷豆腐相當嫩滑

媽咪至愛食潮州菜，見到觀塘新開咗一間《潮盛館》地點就腳之餘，店內空間感亦好大，坐得夠哂舒服，決定去試試！黑松露金沙蝦多士 $98一碟四件，即製即上熱辣辣又脆卜卜，咸香味再帶黑松露嘅香氣，無論口感和味道都好有層次👍🏻！豉椒炒鵝腸 $138鵝腸清洗得好乾淨，最緊要晤肥膩，夠爽口又易咀嚼，好惹味🥰！潮盛滷水鵝片 $228薄切大大片，肥瘦適中，滷水汁被底層的潮式豆腐吸收哂，特別好食😋！福果胡椒豬肚湯 $128材料多過湯，的確誇張😅滿滿豬肚和咸菜，超豐富！酒香鮑魚 $108雖然價錢有D貴🙂‍↕️但鮮味十足，入口彈牙，酒嘅濃度控制得剛剛好，好好味👍🏻！

📍潮盛館 (觀塘)之前喺新蒲崗食過潮盛館覺得好正，最近見到佢哋喺觀塘開分店又去試吓。行入去時運工業大廈就會發現餐廳入口喺lift大堂旁邊。🌟鵝片拼盤（雙拼）拼墨魚 $228鵝片係好靚嘅半肥瘦，鵝皮底下嘅脂肪唔會好厚。一咬落去又有滷水汁嘅甜味，又有鵝油香。我鍾意佢哋嘅墨魚切得比較厚，有口感亦都突出到鮮味。🌟酒香鮑魚 $108🌟醉香鴨舌 $88佢哋嘅招牌醉香系列好出色！酒香係滲出嚟咁樣唔會太烈。冰冰涼涼，清爽嘅酒香美食特別啱喺夏天做前菜。兩者嚟講鮑魚嘅酒味比較濃。🌟潮盛拔絲咕嚕肉 $138肥瘦有緻，而且炸得香脆。咕嚕汁嘅調味啱啱好，用嘅係新鮮菠蘿🍍，酸酸甜甜好開胃，亦都做到好靚嘅拔絲效果。🌟花膠魚翅燉老雞 $98味道好鮮甜！花膠魚翅都好大片。🌟艇皇浸勝瓜 $98勝瓜煮得好腍又索晒上湯嘅甜味。魚肚嘅份量好多！🌟蠔仔粥 $68冇諗過一碗有咁大，同其他地方嘅一煲差唔多。蠔肉勁大隻，粥底鮮甜，加埋脆米嘅香味令人食到停唔到口。🌟韭菜豬紅 $68同其他地方唔同，呢度豬紅多過韭菜好多！濃濃嘅醬汁係由細食到大嘅味道。但我覺得佢冇其他地方咁油。

觀塘APM附近工業大廈地舖有間新開嘅潮州食館地方都幾大, 空間感足夠主打滷水潮菜, 午市和下午茶更有優惠套餐。潮盛三寶飯大碗飯份量十足, 內有鵝肉、鵝肝 和鵝腸, 鵝腸十分爽脆, 鵝肝經過滷水處理, 口感柔軟爽滑, 細膩濕潤。 鵝肉肉質軟嫩, 肉汁豐富。鹹魚肉餅煲仔飯 煲仔飯在煲底會形成一層焦脆的米飯, 這種微焦飯香加上鹹魚的香氣和肉餅的軟嫩, 整體口感滑順綿密。潮式蠔仔泡飯 米飯吸收了蠔仔和湯汁的香味, 口感非常滑順, 蠔肉肥美, 鮮味濃郁, 整體口感豐富有層次 。潮盛滷水鵝片 滷水鵝片肉質非常柔軟, 鮮嫩多汁。 鵝肉爽口彈牙, 滑嫩順口, 滷汁中的香料融入到鵝肉中, 散發出濃郁的香氣, 滷水鵝片香醇可口。爽脆海蜇 海蜇清脆透亮, 口感爽脆彈牙, 辣度啱啱好, 相當惹味, 海蜇經過醃製會產生一種自然的鮮甜味道, 口感清新爽口,令人回味無窮。砂礓豬手 豬手肉質軟嫩適中, 口感爽脆彈牙, 豬手本身肉質細膩, 肉味濃郁醇厚, 膠質豐富, 鮮嫩多汁。滷水雞腎香嫩多汁, 爽口有彈性。元蹄和腩肉好爽脆, 滷水豆腐軟滑可口。

觀塘新開工廈隱蔽中菜 喺駿業里旁邊 入口幾隱蔽喺工廈入邊 新開已經超多客人 吸吸引我去試試.⭐️銀魚仔肉餅煲仔飯$68岩岩煲好熱辣辣 輕輕加少少醬油 少少飯焦 肉餅足料超大塊 表面有蔥花薑絲銀魚仔.⭐️蠔仔肉碎泡飯$62表面有勝瓜 脆米 蔥花 芫荽最重要係幾多鮮甜蠔仔 湯底都好飲鍾意食湯飯嘅朋友 可以試試呢款.‼️其他小菜都唔錯 如果晚市仲有85折優惠⭐️黑松露金沙蝦多士$98/4件多士香脆 鹹蛋黃濃郁 蝦肉都彈牙好巧功夫 而且高分蝦多士.⭐️潮盛拔絲咕嚕肉$138咕嚕肉真係做到拉絲效果肉質幾爽彈 而且唔會覺得好油膩旁邊有菠蘿伴碟 酸酸甜甜好開胃.⭐️潮盛招牌醉香拼盤$398上菜時會聞到超重酒香 仲有乾冰 煙霧彌漫賣相加分潮盛特色醉乳鴿（原隻） 酒香鮑魚（2隻）醉香鵝肝（半份）除此之外 ⭐️潮式滷水拼盤都係佢哋招牌鵝肉肉質細嫩 可以自己拼咩都得（雞 鵝腎 牛腱 大腸 元蹄 豬腩肉 墨魚 雞翼 鵝掌 金錢肚 豬耳 鵝腸）.#hkfunfoodrecord窮遊香港#hkfunfoodrecord_觀塘.#潮盛館 (觀塘)地址：觀塘觀塘道404號時運工業大廈地下A&B號舖.⭐評分：味道：4.5/5環境：4

觀塘道新開了一家潮州菜館，門面並不顯眼，但走進餐廳就別有洞天，眼前一亮。餐廳色彩以藍調為主，雖不至於富麗堂皇，也顯現高雅氣質，尤其是牆壁上的「清明上河圖」長畫，更是一絕。座位也寬敞舒適，服務員姐姐耐心有禮，值得稱讚。這裏用QR CODE掃碼點餐，網頁方便易用，我便點了幾道我的至愛----潮州滷味。“滷水鵝件”，份量不少，鵝肉肥美鮮嫩，腍軟多汁，滷得入味，份外甘香。“滷水拼盤三式”豬腩肉、元蹄、牛腱，三種滷味，各有特色。豬腩肉肥瘦相間，肉味濃郁；牛腱鬆軟可口，富牛肉味；而我最欣賞的是元蹄，爽口得來又帶些煙靭，亦最入味。“鹽香海蜇手撕雞”，份量不少，堆成小丘。海蜇爽口，雞肉去骨去皮，肉質嫩滑。“滷水豆腐”，一大碟，炸香豆腐，裏面綿滑的豆腐散發出陣陣豆香，讓人喜出望外，絕對超值。“方魚肉碎粥”，一大碗潮州粥，足二人份量，粥底加入柴魚及肉碎，十分美味。飽餐一頓之後，滷水的香味仍然在腦中廻盪，下次再來嚐其他菜式。

今晚同父親大人撐枱腳見到新開張既潮州野 晚市有 85 折 仲要免加一當然要試下 先試下招牌滷水叫左鵝掌、鵝翼同墨魚既三拼組合 鐘意食鵝掌同鵝翼 因為有皮同筋 有咬口 但唔會韌 仲食到滷水甘香既味道墨魚身好軟淋 又惹味 底下仲有豆腐 吸晒滷水汁既精華建議鐘意食辣既朋友一定要問佢找辣椒油 加埋潮州辣椒油係無得輪既 潮盛拔絲咕嚕肉 酸甜味味道適中 包住肉既粉漿薄身 食落鬆化 外脆內軟 仲用左新鮮菠蘿伴碟 食晒成碟都有膩既感覺 啫啫水庫白鱔煲 份量都幾大份白鱔肉質肥美 味道鮮嫩 加埋好多配菜 薑 蔥 蒜 洋蔥 一齊炒又惹味 又有獲氣 好彩父親大人滿意 仲話得閒要再黎食過 收到

「大盛」集團旗下的潮州菜館「潮盛館」首店設於新蒲崗，最近於觀塘開設旗艦店；簡約新派中式裝潢風，用上海藍色皮椅，設有兩間廂房，環境衛生舒適富空間感-🔹花膠魚翅燉老雞 $98燉湯加入金華火腿、瘦肉、元貝、圓肉及杞子等，非常足料湯品熱度高，味道鮮甜輕怡，燉出食材的原味道，有別於坊間燉湯的濃膩，出色！推介指數：8.5/10-🔹糖芯皮蛋 $58川式做法加入指天椒、蒜蓉及芫茜，皮蛋蛋白Q彈，蛋黃溏心軟滑，啖啖的皮蛋香而沒有難嚥的味道，指天椒的辣令人吃得過癮推介指數：8.5/10-🔹酒香鮑魚 $108擺盤精緻用心，鮑魚雪白嫩滑，已切成薄片讓食客方便享用鮑魚入口爽滑彈牙，沒有煮得過火，醉香點到即止不帶酒的苦味推介指數：8.5/10-🔹三拼鵝片拼盤 $248配墨魚及鵝腸份量十足而賣相一流，鵝片之下為多片滷水豆腐，絕不吝嗇鵝片緊緻軟嫩帶鮮鵝香；墨魚片鮮甜爽滑；鵝腸清理乾淨，煮得輕爽微脆；豆腐細緻嫩滑帶豆香，滷水汁清香而鹹甜平衡推介指數：8.5/10-🔹黃金蝦球 $158炸漿厚薄適中，炸至金黃輕脆，沙沙的鹹蛋黃味道濃郁細膩，油脂豐富，蝦球爽彈鮮甜推介指數：9.5/10-🔹招牌鹹魚生煎肉餅 $168罕有的加入

觀塘新開潮州菜，位於工業大廈地下，環境光猛新淨，地方夠大舒服，該店是QR code自助下單，熱茶方便可選鐵觀音或普洱潮盛特色醉鵝肝，半份已經有8-9片，每片都有厚度，入口帶酒香，鵝肝夠綿，慢慢在口中溶化韭菜豬紅，是用熱鍋送上，豬紅味道入味，湯底夠濃帶點沙嗲香，份量夠，適合大夥兒一起share潮式凍鳥頭，註明採用本地養殖魚場的楊氏元朗烏頭魚，上檯時已起魚骨，啖啖肉，有黃油沒有泥味褔果胡椒豬肚湯，充滿胡椒香氣，豬肚同酸菜都妹足料，湯底夠味夠胡椒，相信冬天吃，絕對一流蠔仔粥，可以點一碗或一窩上，2-3人享用又想吃其他菜式，點一碗就足夠，蠔仔沒有腥味，每粒都脹卜卜，加上少量胡椒粉，香氣四溢西澳洲龍蝦，用上薑蔥食法，可以加$50有煎米底，非常霸氣，煎米吸收晒薑蔥汁，再加上龍蝦啖啖肉，令人一口接一口

上次在觀塘道等巴士，見到侍應派傳單，介紹這間新開的「潮盛館」，而預早bookmark定必食。今次終於有機會過來一試，趁8中晚市有新開優惠85折，一於潮食潮食，非常滿足！鵝片拼盤(三拼)薄薄的鵝片在滷汁中浸染，散發出香濃的鵝肉香氣。肉質柔嫩，滷汁入味均勻,將鵝肉的本味完美呈現，不會掩蓋住鵝肉本身的鮮美。鵝翼入味徹底，滷汁濃郁醇厚，充分吸收了各種香料的香氣，令人垂涎欲滴。墨魚肉質緊實，咬勁十足，口感層次豐富。整體是一頓佳餚中的絕佳前菜，開胃開味，讓人食欲大增。大頭蝦蝦子個頭飽滿，肉質鮮嫩，入口即化。外層烹調得酥脆，恰到好處地突出了蝦肉的鮮甜，同時又帶有香口的滋味，非常誘人。調味方面把握得恰到好處，既不會過於鹹咸，也不會掩蓋了蝦子原本的鮮美，香氣迷人，令人食指大動。潮盛拔絲咕嚕肉咕嚕肉肉質鮮嫩多汁，咬下去能感受到肉汁的流溢。外層呈現金黃色，酥脆可口，散發出誘人的咕嚕香氣。醬汁恰到好處，既不會過於酸甜，也不會掩蓋住肉塊本身的鮮味，集多種口感於一身，色香味俱全。花膠魚翅燉老雞雞湯濃郁，入口醇厚，花膠的膠質感與老雞肉的香氣融合，能滋養身體，提升免疫力。燉煮工藝精湛，雞肉軟嫩可口，湯頭鮮美動人，既美

觀塘新開左間潮州菜，抵食得黎仲要擺盤勁靚！值得推介。茶芥$8/位，合理範圍。選擇超多！野食大大碟！。🥢鵝肉三拼 - $208鵝肉三拼，可以自選另外兩款，我地擇左鵝腎同雞，三種材料都好有特色。鵝肉肉質嫩滑，帶點香氣。鵝腎就好彈牙爽口，雞肉🍗好有雞味又夠滑。整體十分出色。。🥢潮盛拔絲咕嚕肉 - $138拔絲咕嚕肉十分掂！好好食！肉質鬆軟，炸得又脆又入味。。🥢黃金蝦球 - $158黃金蝦球大大粒，蝦肉鮮嫩彈牙，包著金黃酥脆嘅外衣，可以明顯嘗到蝦肉鮮甜嘅味道。。呢間好正宗！又好好食。真心唔錯。