潮樂園 (和富道)

营业中

休息中

今日中午路經和富中心，原來和富道都有唔少食肆，見到潮樂園雖則舖位細細，2點幾仍坐著很多食客，應該唔差，於是就入內幫襯。潮洲菜我都好鍾意食，一定要食鹵水鵝先黎個鹵水鵝片并鵝腸，鵝肉十分鮮嫩，肉質很腍，而且咸淡適中，啖啖肉食到停唔到口；鵝腸也很爽口，一點也不韌，略有小小肥膏更潻香味。再黎個沙爹牛肉抄河，呢味係我去親食潮洲菜必叫既，上枱十分之大碟，超出我預期面層舖上厚厚的沙爹汁，入口香濃，很惹味，底下既河粉比較腍及幼身，牛肉亦很腍滑。魚旦粉，又係份量十足，魚旦魚片有很多件，入口彈牙有鮮味，再加上白蘿蔔，湯底也很清甜。最後叫了甜品綠豆爽，味道不是太甜，比較杰身，加上白果更有咬口。

約咗三個短途牌友週四晚開枱，晚餐當然係由最早收工o既XO仔負責啦！牌局喺北角進行，細佬就喺附近一家聽咗表哥推介咗好幾次o既「潮樂園」度購買。行到去和富道先發覺潮州菜館原來共有兩個舖位之多。外賣及攞位均要去門外擺出易拉架及吊出靚鵝嗰間。小肥一早打咗電話黎落單，到步後影咗幾幅靚相，廚房亦準六點半預備好哂三袋食物，效率高，且態度好。鮮炸黃門鐥魚皮（$20）：以透明膠袋承載o既炸魚皮超級香脆，我地一邊打牌一邊用筷子夾黎食都唔知幾爽。滷水雙拼之鵝腎拼鵝腸（$118）：滷水鵝腎爽而有嚼口，滷水鵝腸口感亦為爽脆，兩者o既滷水味香濃討好，就連另上o既調味醋汁一樣咁正。汕頭煎蠔餅（$62/小；$90/大）：煎蠔餅即使喺外賣盒局咗一陣，其質感仍能保持乾脆香口，入面o既蠔仔肥潤飽滿，如果可以重手少少就更加理想。碧綠川椒雞球（$88）：川椒雞味濃肉嫩，川椒葉亦芳香脆口，相信堂食應更美味。沙爹牛肉炒河粉（$68）：為怕河粉食用前變腍，師傅專登以芥蘭將河粉及沙爹牛肉隔開，有諗頭得黎盡顯細心之情。自撈後o既沙爹牛河少辣惹味，牛肉腍滑軟潤，整體極之可口。魚蛋魚片（$36/淨食）：白雪雪o既魚蛋同魚片超爽勁彈牙，加上味

相比中菜西餐，我不是經常吃潮洲菜，但間唔中都會陪伴家人去吃潮州的滷水食物。潮洲食物之中，最愛是擂沙湯圓和打冷食品，有時還會趁夜晚與朋友去打冷，吃著平民特色小菜。呢間主打精品滷水、打冷小菜的店位於北角，聽聞其招牌滷水和潮洲小菜都有不錯的水準。除此以外，還有凍蟹魚飯和崩沙牛腩、 手工制魚蛋墨丸、湯粉麵和蝦籽頭抽撈麵等。聽取意見後，一於試試潮洲小菜中的鮮蝦水瓜烙 $88 與蠔仔煎的做法相似，但主要用上多汁水瓜打底去煎香，火候和時間拿捏準繩，吃到香噴噴又健康的水瓜。這客潮州水瓜烙加入脆香花生和彈牙虎蝦，吃起來滿有口感，而且好惹味，用來餸飯一流！除了招牌菜外，當然也要試陳年精品滷水，滷水三併有大腸、鵝翼和腩肉  $138 滷水豬大腸軟腍入味；鵝翼的皮沒有被滷水浸到爛，軟硬適中又入味腩肉表面那層肥膏看似脂肪厚厚的，但入口即溶滿有梅菜炆腩肉的味道，滷味所製成的食品都好味！菜脯肉碎煎蛋 $68 相比蠔餅，菜脯肉碎炒蛋會多份香口和脆身的口感，先剁碎菜脯，再加入混合蛋漿煎成可口的脆餅，菜脯蛋是足料、健康的加餸之選，飯都食多兩碗！

最近愛上打冷，北角以前有阿鴻小吃，但而家選擇就少好多。見評價咁高，就試下呢間！叫左鵝片例牌、冰鎮墨魚刺身、蠔餅同鵝腸，三個人食岩岩好！鵝片賣相幾靚，但味道真係好失望，勁淡！完全食唔到滷水香味，鵝肉又梅，同煲湯湯渣冇分別！本身最期待呢味，食左兩件都真係幾唔得，仲要價錢唔平，嬲到相都冇影！墨魚刺身幾清爽，朋友大讚，不過係潮州檔食日式刺身好似冇咩安全感。蠔餅係全晚最好，鬆脆香口，蠔仔份量都唔錯，唔會淨係食炸粉槳。鵝腸用左新鮮鵝腸，有啲肥，不過都可以接受，味道同碟鵝片一樣，淡！完全帶唔出鵝腸肥美甘香嘅味道！ 唯一讚嘅係服務態度好好，四眼肥哥哥有落力sell 有咩好食，笑容又親切。本來想叫埋烏頭，但見佢地就咁放係門口，對住馬路又勁多廢氣，雖然有個罩罩住，但都唔係好衛生。

食潮州菜例牌要叫番碟滷水併盤～滷水鵝片大併盤有鵝片。🐷大腸。紅腸。豬頸肉。鵝腸。🐷耳。五花腩。墨魚。雞蛋。袐製滷水汁入味。紅腸。雞蛋好好味。鵝片脂肪與肉嘅比例均勻。🐷耳。墨魚夠爽口彈牙。併盤份量足。大大碟。必點沙嗲牛肉炒河～茶餐廳嘅炒粉麵。居然喺潮州菜館搵到？👧🏻冒險精神試試先沙嗲味香濃。汁醬沾上每一條河粉。河粉滑溜溜。𠽌一聲滑進喉嚨𥚃面。牛肉唔會鞋口福果綠豆爽～味道小小甜。綠豆又可以下火。唔錯Tea Time 時間。人唔太多。價錢唔係貴。食物質素又唔錯。輕輕鬆鬆嘆個Tea 。爽Y Y溫馨提示：有兩間分店。唔好約錯地方。

媽媽係傳統既愛好者 所以帶左佢去北角依間專食潮州菜既食店 一進店更見好多招牌菜既牌匾掛牆 令我不忘嗌了幾道撚手小菜一嘗鵝片鵝腸雙併 $168鵝腸同鵝片配好正 鵝片好嫩 貴過鵝肉一點點 但淨肉無骨又甘嫩真係較值 同埋底下有滷水豆腐 好香滷水味蠔仔粥(大) $85蠔仔量吾欺場 細細粒但粒粒鮮甜 加上粒粒分明既米粒 加上芫茜味一咬散發 所以都幾開胃 稀感更順喉韭菜豬紅 $48我最愛莫過於依道 辣辣口味 加上入味豬紅 伴以韭菜就是配溏心皮蛋 $38聽說係鏞記攞貨 質素好有保証 少許黏口但濃厚味道齒頬留香~真是意猶未盡 下次要再試佢地其他既菜式!

屋企唔係潮人，什少接觸潮菜，朋友係潮人，帶我去接觸潮菜。平時只覺得潮菜不外乎滷水鵝之類,原來不限於此潮菜原來會食魚生冰鎮墨魚墨魚用水灼一灼，外面熟中間生再切到好薄用香菜點綴，夾住一齊食原來係好夾架!!蠔仔粥令我想起自己煲到一半以為煲好的廣東粥無心機煲的粥就係煲到好似潮粥咁米粒仲係分明用湯黎煲，湯底好和味~

想食潮洲鵝片好耐啦，係屋企附近搵到呢間潮洲店店面光線好光猛，感覺好整潔，店鋪面積唔大，大約只得8張枱，不過呢間應該幾出名的，我見牆身貼滿明星與店主既合照特意為呢碟鵝片而黎我地要左雙併，鹵水鵝片+生腸，首先生腸同出面街邊熟食檔既好唔同，呢d完全無染色的，係新鮮ga, 超驚喜鵝片亦好顯刀工，切得好薄，皮同肉既比例好好，簡直無得頂豬紅蘿白好入味，同埋豬紅好結實，唔會一夾就散，每舊都好完整我純粹order一碟生菜，我開頭以為好似普通粉麵店咁，就咁齋碌完上碟就是，點知有埋上湯添，仲加埋炸蒜作點綴，由此我覺得呢間店對食物係好有心思見隔離枱叫左呢個糖醋麵好吸引，我都要叫黎試下，因為我未食過第一次食唔知點食，見隔離將醋同糖都倒係個麵度，我地照跟，個麵煎得好脆，加左醋同糖，味道更上一層樓，酸酸地甜甜地，好開胃呢個係我地食滿$200加$20食既溏心皮蛋

昨天發現北角原來有好多美食，今天繼續到北角覓食。決定先到油街實現的白做園，再去吃東西。香港好去處有很多，只要你願意去發掘，願意去踏出你的一步，回憶就是這樣一點一滴累積起來，就是美好的。這個晚上去了北角潮樂園，在Open rice搜尋北角，『潮樂園』是排行第二的，就去試試。八時左右去到，等位的人很多，差不多等了二十分鐘才有位。『潮樂園』在同一條街其實是有兩間舖，見到職員不停在進出，很繁忙。因為人客眾多，要跟其他食客搭枱，空間很少，很狹窄，很不舒服。不過我見也有其他人客兩人坐四人枱，點了很多食物的關係就可以了。鎮店蠔仔粥 (小) $48，因為我和友人也不吃芫茜，少了一點綠，賣相一般。很稀的蠔仔粥，相信是正宗的潮州粥，我很少吃，我就覺得太過多湯了，內有很多脆脆的魷魚，蠔仔有很濃的海水味，不是我喜歡的味道。滷水三併例牌 $138，我們點了滷水鴨、生腸、墨魚，賣相也頗吸引，味道正正常常，偏淡，但可以沾上汁吃更惹味，在底下放了滷水豆腐和花生，份量也夠。我們在點糯米芋泥鴛鴦卷4件$48，職員不停提醒要起碼等半小時，就像不想客人點這個甜品。最終吃完咸食，再等一會才上，即叫即煮，新鮮熱辣辣，要小心吃以免

屋企人係潮州人，同親一齊出街食潮州打冷，好多時例牌都係叫滷水拼盤、蠔餅、蠔仔粥、鹽焗烏頭呢啲傳統菜式，好少有機會俾我地呢啲做細既拍板叫菜。難得女友話想食下潮州菜，所以今晚專情黎到北角呢間正宗潮州菜館落腳。餐廳牆邊同餐牌都印有好多菜式相，馬上打消原本想食傳統菜式念頭。其中見「汕頭鴛鴦卷」貌相幾特別，起初以為係舊式點心鴛鴦卷(即芋絲卷同蘿蔔絲卷)，及後從伙記口中先知係呢度既新派菜，一於試下。鴛鴦卷原來係用芋泥同糯米揉合而成，外面卷左層米紙卷先落鑊炸。外脆內軟得黎仲好香甜，黏而不腻，食到我地停唔到口 (溫馨提示：驚滯既朋友記得唔好一個人食太多)。呢度「沙嗲牛肉炒河」($68)又係好有家鄉風味既一道菜，因為沙嗲醬直接由鄉下入貨。花生味同椰奶味都好出，幾乎搶走牛肉味道。至於河粉就冇咩驚喜，但見碟炒河大份得黎又多醬，計落都算物超所值既。正當細味眼前碟炒河，忽爾好想食到大時大節嫲嫲親下廚既潮州炒麵……但願下次黎食潮州菜都能嚐回味呢種感覺。

心血來潮想食潮州「打冷」，有朋友介紹去這間店舖，上網看了一些食評覺得不錯，放工就一枝箭跑去滿足自己的食慾！店舖不大，原來就是「阿鴻小食」的舊址，食潮州菜有兩款菜式是我必食的，一樣是滷水鵝肝，另外一款便是春菜腩肉。今晚竟然給我看見潮式生醃螄蚶，實在很多年沒吃這味菜了，立即點了這道菜，因本人是潮州人的關係，小時成日都會吃這道菜，但時至今日，已很少見到有這款菜式。我們只得兩人，所以只點了一個細碟，店主非常細心，預備了一個紅色鉗子給你用，我也是第一次用鉗來開螄蚶，雖然螄蚶不很大，但肉卻很飽滿，色澤鮮紅，入口鮮甜，絕對無選擇錯！跟著的鵝肝，一樣又嫩又滑，滷水味道調較適中，鵝肉也是恰到好處。至於春菜腩肉，腩肉不太肥但又香，與春菜配合得很好，終於可以吃回兒時那種風味喇。平時一般會吃糖醋麵或反沙竽作甜點，因只有兩個人，店員便介紹我們吃了一道叫汕頭鴛鴦卷，𥚃面有竽箿和糯米，外面卻炸得香脆，我這個潮州人吃了那麼多年的潮州菜，也是第一次吃，味道帶點甜又香口，好特別，值得一試！以後要食「打冷」就唔駛左諗右諗了！

第一次嚐呢間是朋友揸車帶我去這店食蠔仔粥，果次已經覺得非常出色👍再嚐係因為阿爸話想食打冷，所以馬上諗起呢到門口左面有一堆明星光顧過嘅相跟餐牌，而右面就係掛滿滷水鵝等潮式美食👀因為是半透明開放式，所以都會見到佢個爐頭位都幾整潔企理<滷水鵝肉雙併鵝腸> 🐦$148呢到嘅滷水汁底真係不得了，首先佢個滷水非常濃郁，而且食得出個爐頭師傅經驗豐富👍加上真係正宗潮洲人主理，而鵝肉瘦中帶一點肥，加上滷得非常入味之餘又夠肉嫩😍併埋新鮮肥艾鵝腸送啤酒👉三個字:無L得輸<沙爹牛肉炒芥蘭> 🐮$88每餐飯都要食菜🤔正煩惱點咩菜時，侍應推介這款，一食就食到大廚功架，沙爹味濃且帶花生醬香，牛肉跟芥蘭火候控制不錯😌完全唔會過老<冰鎮墨魚> 🐙$98墨魚本身帶鮮，冰鎮過後更彈牙爽口猜膠😋加埋日式芥末似食緊刺<鎮店糖心皮蛋> 🐣$38 (2隻)聽聞呢到嘅皮蛋係由鏞記供貨😍所以質數都唔錯，糖心得嚟外層蛋白晶瑩剔仲帶有一點❄️冰花最後總結:阿爸邊食邊讚好😏會帶朋友再來的

去北角探朋友🤗 順便一齊食晚飯就近近地北角噚食啦朋友係潮洲人🙎上網睇下佢嘅家鄉野邊間好食啦等佢開心下見到潮樂園網上都多人讚裝修企理🏘菜色有好多選擇胡椒豬肚湯蠔仔粥好正煎蠔餅干扁四季豆醉豬手檸檬烏頭再叫左一個超多汁嘅沙嗲牛肉飽飽啦最後我問老友：D家鄉野好唔好食 老友答：車，我都唔係潮洲人

有日小編要在筲箕灣工作，之後就和肥妹有個約會。🙈 知道肥妹最愛吃潮州菜， 從openrice得知北角有間廣受好評的潮州菜館， 所以就帶肥妹去試試😙 來到「潮樂園」， 從門外玻璃已經見到裡面掛滿形形色色的滷水 ， 肥嘟嘟的滷水鵝、脹卜卜的大墨魚、鵝腸等， 但潮州菜中，滷味、蠔餅、蠔仔粥、凍蟹就食得多，有沒有試過與別不同的潮州菜式？ 鮮蝦水瓜烙（$88） 每次食潮州菜，都會想起蠔仔烙， 但原來水瓜烙也是個不錯的選擇。 水瓜，其實就是我們耳熟能詳的絲瓜， 水瓜烙和蠔仔烙差不多，都是用鴨蛋煎的蛋餅。 水瓜煎得香口，但不失其應有水份，又不會太乾。 而且又不會輕易散開，可見師傅功夫不錯啊！ 水瓜烙味道清甜開胃，但不會太油膩， 裡面再加上鮮蝦，口感更多一番層次。 再以魚露作為調味醬汁，更添風味呢！☺️ 沙嗲牛肉炒河（$68） 唔講唔知， 一直都以為沙嗲牛河係港式茶餐廳的經典菜式， 原來沙嗲牛河都有潮式。😳 因為見到店家有潮菜炒粉麵飯推介， 才知道沙嗲牛肉炒河是潮州的地道菜，😯 雖看材料普通，沙嗲牛肉炒河當然是離不開用沙嗲醬炒牛肉和河粉啦。 但和普通茶餐廳食到的沙嗲牛河不同

平時諗起要去食潮州打冷，通常都會諗起去西環食，因為西環係潮州人嘅集中地。所以一諗就諗起喺嗰度食，今日經開北角，估唔到嗰到有一間食正宗潮州菜餐館，而且餐廳入邊嘅廚師都係潮州人，所以呢煮啲菜食應該會幾正宗下呢！睇到都想試下！一去到見到有好多菜式都會有張相貼係牆到，嗰度淨係睇都有2.30款菜式.入邊起碼有一半以上，我都係好想試下，唔知要幾耐時間先至可以使得晒呢。。揀咗好耐終於揀到今日想食乜，今日就試吓廚師推介的菜式，先來一個--鮮蝦水瓜烙，水瓜烙我諗唔係咁多人聽過，大部份人淨係會知道蠔烙。水瓜烙其實製法同蠔烙差唔多，都係要用蛋同埋番薯粉溝埋再去炸。呢個水瓜烙緊正，用料一流，材料十分之豐富！有水瓜有炸好左嘅花生，菜脯，仲有虎蝦！係呀！你冇聽錯呀！係虎蝦，因為師傅話用虎蝦食落嚟先至會爽口，普通嘅蝦係做唔到呢種質感，另外花生同菜脯，咬落去口感更好，又香，又爽脆！整個效果都非常之好！川椒雞--聽佢個名初頭會以為係好辣，但係叫咗之後原來係唔辣嘅，佢有一種四川麻椒嘅香味，另外加埋師傅嘅秘製醬汁炒埋d雞，雞又切到細細舊，好入味，好正，唔中意食辣嘅人，又想試下麻香味，必定要試。沙嗲肉片炒河--唔講唔知道大家