影片
更多
2016-09-25
2271 浏览
平時諗起要去食潮州打冷，通常都會諗起去西環食，因為西環係潮州人嘅集中地。所以一諗就諗起喺嗰度食，今日經開北角，估唔到嗰到有一間食正宗潮州菜餐館，而且餐廳入邊嘅廚師都係潮州人，所以呢煮啲菜食應該會幾正宗下呢！睇到都想試下！一去到見到有好多菜式都會有張相貼係牆到，嗰度淨係睇都有2.30款菜式.入邊起碼有一半以上，我都係好想試下，唔知要幾耐時間先至可以使得晒呢。。揀咗好耐終於揀到今日想食乜，今日就試吓廚師推介的菜式，先來一個--鮮蝦水瓜烙，水瓜烙我諗唔係咁多人聽過，大部份人淨係會知道蠔烙。水瓜烙其實製法同蠔烙差唔多，都係要用蛋同埋番薯粉溝埋再去炸。呢個水瓜烙緊正，用料一流，材料十分之豐富！有水瓜有炸好左嘅花生，菜脯，仲有虎蝦！係呀！你冇聽錯呀！係虎蝦，因為師傅話用虎蝦食落嚟先至會爽口，普通嘅蝦係做唔到呢種質感，另外花生同菜脯，咬落去口感更好，又香，又爽脆！整個效果都非常之好！川椒雞--聽佢個名初頭會以為係好辣，但係叫咗之後原來係唔辣嘅，佢有一種四川麻椒嘅香味，另外加埋師傅嘅秘製醬汁炒埋d雞，雞又切到細細舊，好入味，好正，唔中意食辣嘅人，又想試下麻香味，必定要試。沙嗲肉片炒河--唔講唔知道大家
一去到見到有好多菜式都會有張相貼係牆到，嗰度淨係睇都有2.30款菜式.入邊起碼有一半以上，我都係好想試下，唔知要幾耐時間先至可以使得晒呢。。
揀咗好耐終於揀到今日想食乜，今日就試吓廚師推介的菜式，先來一個--鮮蝦水瓜烙，水瓜烙我諗唔係咁多人聽過，大部份人淨係會知道蠔烙。
水瓜烙其實製法同蠔烙差唔多，都係要用蛋同埋番薯粉溝埋再去炸。呢個水瓜烙緊正，用料一流，材料十分之豐富！有水瓜有炸好左嘅花生，菜脯，仲有虎蝦！
係呀！你冇聽錯呀！係虎蝦，因為師傅話用虎蝦食落嚟先至會爽口，普通嘅蝦係做唔到呢種質感，另外花生同菜脯，咬落去口感更好，又香，又爽脆！整個效果都非常之好！川椒雞--聽佢個名初頭會以為係好辣，但係叫咗之後原來係唔辣嘅，佢有一種四川麻椒嘅香味，另外加埋師傅嘅秘製醬汁炒埋d雞，雞又切到細細舊，好入味，好正，唔中意食辣嘅人，又想試下麻香味，必定要試。
沙嗲肉片炒河--唔講唔知道大家知唔知道，沙爹醬係潮州嘅一種好出名嘅醬料。潮州整呢種醬係特別地出色，有好多人去到潮州嘅時候都會特登買返嚟。所以嚟到潮州嘅餐館食沙嗲醬係至醒嘅選擇！
呢個沙嗲嘅味道好濃，味道有小小甜，而且食落有花生粒，真材實料。炒河粉係用咗細條嘅河粉來炒，比起粗條更入味。炒完後上面再淋上沙爹汁，有少少似濕炒牛河咁樣，水準超夠火喉，正！
再嚟一個白果綠豆爽糖水，講真完全未試過呢個款式，綠豆沙就食得多啦，原來呢個綠豆爽食落去嘅感覺有少少似冰糖燉綠豆蓉，再加埋白果，食落去好滋潤，又唔會太甜。
忽然發現今日勁好彩，好彩在我發現左原來北角都有潮州嘢食，而且甘有水準。我下次來一定要試下佢其他嘅嘢食，例如我好鍾意食嘅反沙芋，蠔仔粥，滷水鵝，生醃螄蚶，真係諗起都流口水！點解我個胃唔可大d丫，哈哈！
张贴
