潮州合成甜品

营业中

休息中

Good to have a gathering dinner with old friends at kowloon city last friday. There are not much after activitiy nearby so we decided to have a dessert. In retrospect, the last time we been to this traditional chinese dessert restaurant was already 3-4 years ago. I could say it was our childhood, because it was our favourite spot after ball game in kowloon city! we always order the same item, just like the taste always the same! I will recommend the 'seasame wu', 'fu jok tong shui'!!!

合成開咗咁多年，幾乎無咩點變，仍然每晚排長龍。糖水來來去去都係abcd配搭，演變出幾十款選擇。最鐘意食傳統腐竹糖水，配清心丸味道清甜；蓮子雪耳夠滋補；不過芝麻湯丸太甜，朋友食到一半已停手。每人三十幾食碗糖水，講真味道不過爾爾，但人總是愛懷舊嘛，下次還是會再來的～

又係回憶之一嘅#合成 🙈我一住hall嘅9月頭就跟住啲同層友嚟食😋嗰時我根本唔知世界上有清心丸呢樣嘢，然後叫咗碗芝麻糊(如果冇記錯)😂😂而家就覺得嚟合成點都要叫清心丸❗️特別係#煙韌控 🙋🏽‍♀️.呢到糖水選擇非常多，配搭非常flexible。你講得出嘅配搭我相信佢地都整到俾你，因為反正佢地都係用車仔麵嘅運作形式，你要乜就筆乜。例如今次我望住menu幾十個選擇睇到眼都花，就直接同店員姐姐講「有冇係有#綠豆邊 又有#清心丸 又有蓮子，總之乜都有啲架😂」sorry呢個客人好麻煩🤭店員就即刻話「37號啦，然後加xxxxx」xxxxx其實我聽唔到😂不過都係話好😂.事關我都唔清楚自己叫咗咩，總之我呢碗有綠豆邊同清心丸，仲有半粒蓮子😂清心丸約有十粒，我覺得份量太少了，如果可以有再多啲清心丸就好啦🙈話說好多人以為清心丸係同芋圓嗰啲差唔多texture，但其實唔係架，清心丸雖然都係咬落#煙韌，但就實淨啲、硬淨啲的🙆🏻‍♀️其實落單時店員都有提醒我凍嘅要加奶加冰的，到我食嘅時候就覺得都係叫熱嘅好，因為凍嘅會不停食到碎冰粒😂所以建議大家都叫熱❗️.不過都係覺得40蚊一碗糖水有點貴🙈🙈

是日慶祝好友生日, 主角飯前已嚷著飯後要吃養生糖水. 週末晚上八時半, 吃過晚飯來到合成糖水, 剛好有座位可入座. 店內燈光非常光猛, 但裝修非常簡陋, 有點像傳統的粉麵店的格局. 看看menu, 有七十多款中式糖水, 但名字感覺陌生, 原來是潮州糖水, 難怪跟普遍的糖水店很不同. 筆者最終點選了腐竹蛋(HK$29). 不消一會, 侍應送上糖水. 看來也挺足料的. 腐竹煮至細小塊, 可一小片吃, 糖水沒有過甜. 雞蛋正常水準, 整體水準可以. 但索價接近三十元, 確實太貴了. 謝過好友的請客. Happy birthday!

好耐無食清心丸喇!!!去到九龍城一定要留肚啦,花多眼亂  識嗌一定係嗌冧把!  同朋友兩條友仔竟然叫左三個糖水食,  飽到喊LOL薑汁蓮子百合蕃薯糖水,  盛惠46, 都唔平, 感覺有少少漏,始終都係清心丸最好蓮子雪耳清心丸雪耳唔太硬, 不過都唔太靚to be honest最好食都係......綠豆邊清心丸好似愈來愈貴喇,   希望之後會多啲清心丸啦溫提,    6點到店完全唔洗等位, 大家可以考慮食完甜水先食飯

今日嚟到九龍城，食完晚飯之後經過合成糖水，忍唔住又走咗入去食返個甜品。雖然呢度冇賣相精緻嘅waffles or pancakes, 但呢度充滿着濃厚嘅人情味，店員嘅態度好親切，而且仲可以食返細細個爸爸媽媽成日帶我去食嘅潮式糖水。講起潮式嘅糖水，大家一定會好快諗起清心丸。冇錯，清心丸係我其中一樣至愛，煙韌控當然一定會叫啦。叫咗個腐竹糖水加湯圓同埋清心丸，鍾意佢嘅腐竹糖水唔會太甜，感覺又滋補。湯圓嘅外皮好似厚咗啲，芝麻餡亦不過不失。朋友嘅薑汁糖水湯圓都唔錯，但係薑汁可以再辣啲，係呢個凍冰冰嘅天氣底下就更加保暖！

今日下午四點幾，店內只有一枱客人，本來打算買紅豆沙清心丸，但店員說沒有清心丸並推介綠豆邊薏米馬蹄沙，於是叫了一碗綠豆邊薏米馬蹄沙和一碗椰汁黑糯米，埋單83蚊，我比100蚊，找番$17，當下記得椰汁黑糯米只係32，33蚊，但由於趕時間所以果刻冇諗咁多，上 OP 睇完餐牌，果然真係收多咗錢 😲😲😲，所以，以後出街買嘢食飯，會記得喺比錢之前一定要自己計好條數 😞😞😞

和朋友去了九龍城行一轉，經過合成甜品，入去食了碗傳統潮州糖水。我叫了一碗馬蹄爽（熱），朋友叫了一碗綠豆百合清心丸（熱）。馬蹄爽好濃郁，清甜入心，每啖都有馬蹄粒，好爽口。飲晒全碗甜而不膩！

三個女人一個墟，總有聊不完嘅話題。去完朋友婚禮，自己安排下一場去食甜品，飲糖水。大家都拎住好多嘢，老闆特意安排卡位俾我們，人很好。員工熟讀所有糖水的編號,倒背如流，為之驚嘆❗️ 馬蹄水的確唔錯，加埋湯圓10分美味！ 但是雪耳蓮子木瓜就一般，但足料，都值得比個like!

合成糖水嘅款式越來越多，每一次都要揀好耐，凌晨十二點幾到，撞正清心丸賣晒，唯有揀其他。普遍嚟講合成糖水嘅價錢越來越貴，一般都要三十幾蚊起，但係水準依然。冰花蓮子意米百合，$35，好足料，每一種料都好新鮮好有口感，冰嘅份量更多嘅話更正。

位於九龍城龍崗道既老字號潮州合成糖水；往往在宵夜時段座無虛席，尤其星期五、六！係咪真係咁好食呢...就真係要試過先知𡃤！我同朋友分別叫咗一碗紅豆沙湯圓、同蓮子百合雪耳薑汁糖水。坦白講，碗紅豆沙味道真係好一般。湯圓就大大粒...有四粒！餡料係用咗我最鐘意食既芝麻...可惜湯圓皮做得太厚，口感麻麻！相反碗蓮子雪耳薑汁糖水就比較就優勝...而且薑味濃！同其他中式糖水舖相比之下，我覺得合成既收費就較貴.....

近排覺有點熱氣，去呢度食最愛的綠豆爽淸心丸，甜度岩岩好，綠豆份量都唔少，食落口感腍中帶有咬囗，有埋清心丸嘅煙韌度，彈牙咬囗，好味道！兩者配合好岩數，食完都幾飽肚，無論身心都感到滿足，難怪咁多人排隊幫襯！下次再試其他！

終於明白點解合成糖水會叫合成，因為所有糖水都係自我組合，任你點溝都得。呢晚我就叫咗一碗：蓮子綠豆邊清心丸薑汁糖水，本來想要埋馬蹄沙，但係姐姐話馬蹄沙同薑汁唔夾，最後我都係揀咗薑汁，因為秋天已經到啦。呢碗糖水夠薑味，清心丸亦都好好咬口，而蓮子同綠豆邊都係粉粉地非常之好食。成碗糖水唔會過甜老實講真係幾唔錯。而同伴就叫左一碗：椰汁芒果馬蹄沙。呢碗有好多冰，食到最尾真係水汪汪。睇芒果個樣都係非常之熟應該好甜，但係馬蹄沙就冇無話啖啖馬蹄，比較稀。最後埋單都係幾十蚊，飯後吃一碗真係唔錯，唔想食啲Fusion嘅甜品，呢間都係可以一試。

提起九龍城，除左泰國菜，糖水甜品都好出色！最老字號既，應該係有兩層高既合成糖水！人地問，合成有咩出名！我一定會話"清心丸"！潮州清心丸唔係度度有！入黎之前我再次問老闆有冇清心丸我先入去～：P潮州綠豆邊清心丸熱的綠豆邊感覺好溫暖，豆多，胃都覺得好充實！甜度適中，好食！芒果果凍加奶即是JELLY, 朋友說好舊式風味！腐竹薏米清心丸我就最鐘意腐竹薏米清心丸！清清甜甜，雖然一陣風咁好快食曬，不過仍然覺得佢係最好食！清心丸雖然冇味，不過口感上實在令人一試難忘！煙煙韌韌！冰花腐竹雪耳清心丸多了雪耳，是另一款風味！雪耳蓮子白合傳統的味道！擂沙湯丸這個熱辣辣很好吃！！！外面花生碎很多裡面的芝麻蓉更多！食一粒道好滿足！糯米外層很有咬口！勁！蓮子綠豆邊薏米馬蹄沙這是上了報紙推介的糖水！

天氣熱，係九龍城食左熱氣野，燥熱但唔想飲涼茶，食清熱既傳統糖水最啱我。呢間平平地，重要兩層，一定易搵位過其他。一入到去每次睇個餐版就眼花花，樣樣都想食，好在今次目標為本，即叫凍百合綠豆沙清一清先。食落十年如一，好食。