潮尚居

营业中

休息中

同媽媽係尖沙咀行完街，帶佢去左一間新開的潮州菜餐廳。餐廳環境寬敞舒適，裝潢幾清雅，窗口位置更有屏封，空間感和私隱度十足，更有大圓枱好適合一大班人黎聚餐。先奉上功夫茶清一清味蕾，茶味濃郁，帶點甘醇。胡椒豬肚湯胡椒味唔算好濃，豬肚清洗得好乾淨，口感爽彈不會太軟！酸菜不酸不鹹，仲吸收了湯的精華，味道清甜又好味。鹹檸檬燉鴨湯一個源於潮州的傳統中式湯水，湯頭清澈，飲落順喉，鹹檸檬鴨湯有醒胃解暑的功效，夏天的天氣炎熱飲就最啱普寧豆醬蒸烏頭魚多數食凍烏頭魚，第一次食普寧豆醬蒸，魚肉嫩滑，骨唔多無腥味，普寧豆醬可以帶出魚肉嘅鮮味荔茸香酥鴨將蒸熟壓成蓉的荔浦芋配以去骨鴨肉，炮製成外層脆口酥香，內裏肉質幼嫩的荔蓉香酥鴨，香口又飽肚。家鄉小炒皇小炒王炒得非常香口，配料多而且豐富，有韮菜、蝦乾和鮮蝦仁，一啖放入口，多重口感，非常惹味方魚炒芥蘭脆綠芥蘭，口感爽脆鮮甜，用方魚炒充滿咸香又惹味。清心丸綠豆爽最後來一個潮州特色甜品，清心丸口感爽口彈牙，綠豆爽清甜解膩，甜度剛好，為晚餐劃上完美句號

最近得知尖沙咀太子集團中心開設了一間新式的潮州菜。今日一於和朋友於午膳前往進食Brunch。 由於我們較早前往，人流不算多，但當放LUNCH 期間，餐廳幾乎滿座，好彩我們早到。餐廳位於太子集團中心，交通十分方便。餐廳環境裝修舒適，高尚華麗。職員服務態度良好，不時為我們介紹菜式和加水。餐廳座位闊落，適合和公司朋友前往，或慶祝家人生日。菜式款式有不同種類的潮州菜。我們這一次叫了他們的商務套餐。在上菜之前他們會呈上功夫茶讓我們飲用。茶底非常濃郁，帶點甘甜香氣，非常好飲。讓我急不及待期待他們的菜式。首先他們為我們呈上，兩道湯品。非常有驚喜。1.胡椒豬肚湯朋友十分喜愛胡椒豬肚湯，這一道胡椒豬肚湯非常濃郁，清甜且熱辣辣。職員仍然會呈上胡椒粉，讓你自行添加，但不用添加味道都已經非常十足。豬肚清洗得非常乾淨，且爽口。2.鹹檸檬燉鴨湯我特別喜愛他們的燉鴨湯，非常清甜，且不油膩。當中帶點鹹檸檬的甘香甘甜味，整個配搭非常良好，且濃郁。3.豉油皇南澳吊片這一道吊片與平時吃的魷魚是不同的，他們的南澳吊片非常新鮮，且鹹香味十足。食落不像平日的爽口，但是咸香味非常十足，且非常有口感且惹味。4.鮮蝦水瓜烙第一次吃這一

早前首訪位於尖沙咀北京道12A號太子集團中心。的一潮州菜館新店 - 潮尚居（isquare 側），地方雅緻、交通方便、菜品有水平、價錢適中、服務優性。當中最喜愛荔茸香酥鴨$168及鮮蝦水瓜烙$138，不油不膩。另外，凍烏頭$218，不是太大條，叫多碟也無壓力！沙茶牛脊肉$198，沙茶味濃，可以配飯會更佳。鵝片$158、蠔仔肉碎粥$168也是水準之作。午市尚有商務套餐，是次未及品嚐。與友人及家庭聚會也是一個不錯的選擇，因為真係方便企理，品質又有一定水準！😆😋🌟

今晚約左朋友TST 食飯，但一直諗唔到食咩，但係經過北京道太子鐘錶見到個燈箱, 竟然寫自己係潮州食府天花板！? 我心諗，係咪咗勁呀？係好奇心驅使下，上去試一試！首先嚟咗個滷水鵝片鵝片份量多，鵝肉味很香濃，滷水豆腐係底，確實係幾好味！炸蝦蟹棗炸蝦棗蟹棗炸得唔不油膩，蝦肉蟹都好好味！鮮蝦水瓜烙估唔到煎得煙韌又有啲爽口，味道口感唔錯！最後叫咗個蠔仔肉碎粥  我無諗到佢啲蠔仔係咁鮮甜，粥水又唔會咸！整體嚟講，食物質素唔錯，服務態度都幾好，環境格局人小小3-4位朋友，有個小間隔屏風，吹水一流! 

好耐冇食潮州生醃超級掛住，公司附近開左間新嘢就諗住收工過黎試下～成間鋪唔算太大，但係環境裝修得幾舒服幾好👍睇落好高級嘅餐廳🍴都適合同人去傾公事或者靜靜地傾計。另外食物都出乎意料好味，d餸種類繁多，滷水鵝非常入味，鵝肉肉質淋滑口感唔錯。炒四季豆份量夠味道足配飯啱啱好生醃好入味，鮮味肥美多汁，食到停唔到口推薦大家黎試下，walk in都唔洗點等位

Happy Friday同同事去咗附近新開嘅潮州菜試咗個商務午餐，有湯，揀幾個主菜，仲有糖水，非常豐富我哋飲咗胡椒豬肚湯，胡椒味恰到好處，有住家湯嘅味道手工炸蝦蟹棗真係大讚，香脆鮮美椒鹽九肚魚都香口小炒皇足料好食🦐🦐排骨春菜煲亦都不錯👍🏼糖水係清心綠豆爽，好清甜，咁熱嘅天氣，飲完有消暑感覺餐後仲歎咗杯功夫茶餐廳職員服務很好，親切有禮貌，整體食物有質素，味道濃淡適中見到仲有好多款菜式都好吸引要同朋友再去試下其他菜式

行街行到攰攰地,搵餐廳食lunch,經過見到派傳單有新開潮州菜，膽粗粗試吓啦餐廳環境舒服寬敞，窗口位置仲有屏風分隔，私隱度高，適合見客或一班朋友集會👍👍我兩個人叫咗商務午市套餐，主菜種類選擇多，叫左鮮蝦水瓜烙同手工炸蝦蟹棗，蝦蟹棗炸得金黃酥脆，內餡肉嫩，保留蝦蟹既鮮味至於鮮蝦水瓜烙好有驚喜粉漿比例剛好，口感煙靭之外又保留水瓜同蝦既鮮甜味道，再點魚露伴食，味道剛剛好，正👍套餐主菜之外，有湯同飯，仲有糖水送，份量同款式多，下次叫多d朋友黎可以試多d菜式

有日行過見到有個廣告牌寫潮州食府天花板, 於是搵日同阿爸阿媽去試下當日lunch去, 可能因為新開, 唔係好多人, 叫左個4人set lunch, 有湯+4個餸+白飯+糖水胡椒豬肚湯幾好味, 但係我覺得可以再辣d, 之後先發現原來佢另外有上胡椒粉, 可以自己調校辣度九肚魚好多年無食過, 細個時覺得多骨, 而家大個左覺得幾好食, 平時d九肚魚通常係成條上, 呢間係整成一塊塊, 會唔會因為咁所以覺得無咁多骨?炸蝦蟹棗香口味道正常春菜排骨煲排骨稍為少左D小炒皇有好多條大蝦乾, 用料都幾足, 有D驚喜套餐包糖水, 個糖水又幾清爽幾好食, 平時出街食糖水好少會叫綠豆爽, 今次食完印象深刻總括黎講, 食物質素合乎期望, 下次有多D時間嘅時候試下點D手工菜式

同太太及友人响尖沙咀行完街搵嘢食醫肚，行至漢口道被燈箱廣告「潮州食府天花板」吸引，走上咗去呢間叫「潮尚居」潮州食店。入到去環境都幾清雅，被安排了近窗口位置坐，由於有間隔屏封，都幾有私人空間，十分適合傾偈。我哋三個人點咗鹵水鵝、燕窩石榴雞、煎蠔餅、方魚炒芥蘭及糖醋麵。估唔到有碟鹹雞送，份量都唔細。石榴雞裡面有燕窩，味道口感都好夾好好味！蠔餅都夠厚身同埋幾香口，鹵水鵝片同埋炒芥蘭都ok！最後個糖醋麵份量都幾足，差啲食唔晒！總括嚟講呢間潮州食店啲嘢食同埋環境都真係唔錯，收費合理，下次到尖沙咀都會再試吓其他菜式。