潮家海鮮酒家 (已結業)

我日日吃飯都是外賣回公司，所以不同食店都會去，今天去了沙田潮家酒家買燒味飯，選了雞鴨飯前兩天就選了义雞，切雞肉很嫩，鴨肉外皮很香口，鴨肉香料很足味，不會口渴，义燒更是首選，肥瘦適中，很可口很諗，加上蜜汁，每個飯盒都付上油菜，却是我最喜歡。 還有份量很足，單餸$19，雙拼$23，很抵食。

個晚同屋企人行開沙田，夜晚想食中菜，所以就去左禾輋附近嘅一間酒家食晚飯。入面嘅環境有d細，但人情味都幾濃厚，一坐底就有侍應斟茶比你飲，仲會好親切咁問你想食咩。我地叫咗其中一道菜叫沙律海鮮卷，金黃色的外表令佢睇落好似好油膩，但一咬落口，入面嘅沙律醬令成件事變得好清新，令人想食完再食。另外，我地都叫咗飽D肚嘅菜式，好似福建炒飯同紅燒伊麵。個福建炒飯嘅醬汁幾濃，而且有唔少配料。但個紅燒伊麵嘅麵質就太軟，味道亦都麻麻地。最後個鮑片生菜，D鮑片冇咩口感，咬唔開。但成餐飯都食得幾開心，叫左7－8個菜都唔算太貴。

潮家今年我學系去左呢間酒樓搞春茗，包房，有麻雀提供，１０道菜加埋只係＄９８蚊位，真係抵到爛！而房出面都幾旺，７點幾都坐爆哂，證明幾受食客歡迎。我特別想講既係個福建炒飯，飯乾身，唔太硬，而且好有鑊氣，加上個汁濃度適中，個飯不致太乾，做到福建炒飯既基本要求。而蝦都幾彈牙，不過成個飯得兩粒蝦，我真係接受唔到。另外鮑片配生菜就比較難食，Ｄ鮑片有Ｄ腥，汁太鹹，上菜個陣都差唔多凍哂，所以我都幾唔滿意。伊麵太濕，而且都偏鹹，個大廚似乎好鐘意食鹹。而佢既菇絲都幾少，個乾燒伊麵就有Ｄ寡，要我齋啃伊麵。其他菜式都普通，係一般酒樓食到個Ｄ，中規中舉。呢間野最好就係夠平，仲每圍仲十二罐飲品，我地都食到好飽！

是日幫襯左$388既四人「10道菜海鮮盛宴」，由於臨時多左一位既關係所以按比例加左一位。可能因為係閒日夜晚既關係，人唔算太多，枱同枱之間擺到好鬆動之餘全場亦都只係七成滿左右，唔算太嘈。Anyway，侍應非常快手，點菜唔夠5分鐘之後隨餐奉送既「美國橙汁」已經上枱，再過多差唔多10分鐘之後已經開始有野食，速度非常快，值得抵讚！陳皮汁蒸鮮鮑魚︰鮑魚蒸得非常腍，極之易入口。味道方面個陳皮汁整得非常入味，淋喺飽魚上面令到口感大增，非常之正！琵琶手抓BB乳豬︰份量好似少左D，每人只係分到兩舊乳豬左右，但既然係團購餐真係唔敢期望太多。雖然係咁，乳豬整得都算唔錯，腍腍地得黎又唔似一早整定晒然後整返熱咁，都叫做收貨啦！風沙黃金美國蠔︰蠔既質素只係一般，而炸蠔既粉亦都好似厚左少少，而炸既油亦都重手左，令到入口既時候油腍腍咁，口感唔係太理想，只係勉強可以接受！猴頭菇燉豬展︰老火湯煲得非常夠火喉，而且料亦都落得十分足，除左猴頭菇同埋豬展之外，雞腳、花生等等既材料令到味道更加突出。另外由於冇落到味精既關係，飲完之後成晚一D口渴既感覺都冇，抵讚！當紅炸子雞︰雞既質素只係好一般，一入口已經食得出肉質比較差，似係返炸

本來二月之星既生日會安排係沙田盛記搞，點知book唔到位，大家唯有移師到同係瀝源邨既"潮家海鮮酒家"打邊邊喇！我地黎到後，分別被带領去坐兩張大圓枱，體貼既侍應姐姐提議話合併兩張枱而坐，仲幫手整理，希望我地傾得自在，坐得温馨舒適咁話！認真唔該哂 佢地！不過呢度既冷氣唔多夠 ，我地要催几次先有改善咋！我地點左1個沙嗲湯底，唔太辣。1個豬肚湯底，d豬肚係分開 左好耐吓先上架，d豬肚甘爽口 ，由他吧！大衆化既配料有: 各式唔同種類既丸丸，好彈牙 。肥牛，肉質滑溜 。鯇魚片，切得夠薄，夠新鮮脆囗又無骨  。吊桶仔，好爽滑 。炸魚皮，鹹鹹地又卜卜脆 。魚皮餃，皮又柔韌肉又香 。粟米粒粒好爽甜 。娃娃菜鮮嫩清甜 。飲品有啤酒、汽水、庶水等。唔錯唔錯！算係平民化既享受 ！

因為2012年5月16日曾經來到潮家嘗試早茶，一年之後又來到潮家飲早茶調查一下通貨膨漲的情況。今次點了花生豬骨粥($5.8)及牛肉球($8.8)，茶錢$6，比去年貴了$1，加幅不算太多。但是花生豬骨粥的豬骨只有2粒，花生亦只得幾粒，牛肉球又不算太新鮮。因為舊式茶樓的關係，地方非常狹窄，坐得不太舒服。門面花生豬骨粥牛肉球

清明拜山後，原想到沙田新城市廣場吃午飯，但周圍都人頭湧湧，我們多走幾步到瀝源邨去。我們不是第一次到潮家，這次比以往多了很多客人，酒樓多加了很多檯，感覺擠迫。通常這類舊式酒樓，讓客人自行等位找檯，這天要大讚一下侍應們。在客人眾多，及他們比平日繁忙的情況，侍應看到我們一行六人，主動為我們安排位置，一張檯原本坐了四位客人，請其中二人坐到另一張細檯，把位置讓給我們。雖然變成我們六人和另外二人並享一張六人檯有點迫，但總比沒位的好。說回食物味道只屬一般，但勝在不油膩，飯也很乾身腸粉皮很滑，配上豉油，加分沒有黑椒味，正常爽肚是爽口，但這個口感很"粉"，加上賣相，我覺得似牛雜多於爽肚皮煙煙韌韌，厚薄適中蒸籠上的時間，不夠熱，所以沒有流沙我們見到這個馬拉糕都嘩一聲，因比平日見到的大很多(我估等於其他酒樓的兩個)，雖然味道沒特別，但勝在抵食夾大件皮薄足料的魚翅餃，可惜最後才到，我們遲了一點吃，吃時已涼了及皮有點硬(像腐竹)，但我相信熱食時會很美味。

平時唔係買波仔叮叮就係買蒸飯黎帶返工做lunch,今日過開黎水瀝源，見呢間有得買燒味飯，見咁耐無食，就買返個雙併叉燒油雞飯，$19 咋由於個人比較喜歡食薑蓉，所以叫左多薑蓉黎送飯飯粒細長，軟硬適中，加入燒味帶甜嘅燒味豉油，再拌上咸香鮮美嘅翠綠薑蔥蓉，雖然係多油左啲但係好味程度係可以無送食都輕易KO整個飯盒叉燒同油雞份量都唔少，叉燒表面令身，呈鮮紅色紅得黎並無燒焦既痕跡，感覺比較健康，入口蜜糖味香甜，不過肉質比較乾身，欠缺肉汁，而且偏瘦，口感偏硬同韌油雞有四至五件左右，有皮有肉，好嫩滑而且具肉汁本身味道已經好夠，可以唔使點薑蓉，整體都好滿意## 除左燒味，潮家呢個熟食外賣部仲有點心蒸飯客飯賣原來都有幾多人幫襯嫁喎，而且價錢又唔貴，份量足下次諗唔到帶咩，都可以過黎望下有咩送揀，試下啲客飯

由於新城市既酒樓餐廳好多都試過哂，又好耐無去過瀝源嗰邊，今次就去左呢間酒樓~這間酒樓的樓上是一間補習學校，但校內有一條樓梯直通樓下的酒家，如果唔係去過樓下酒家，都唔會知補習社可以直通酒樓，都幾得意喎~小時候住過一排沙田，依稀記得補習社前身也是酒樓的一部份，這間酒樓都轉過好幾次手，以前有2層的(即補習社及樓下的一層)由於只有兩人，只叫了三款點心~1) 原個蒸馬拉糕馬拉糕外表都幾靚，但食落就知道D粉超粗糙，而且好多氣孔，唔夠鬆軟，真係試一次就夠2)羅漢齋腸粉唉，又係差，腸粉好厚皮，唔係普通厚，係超級厚，而內裡既餡又少，只有胡蘿蔔、木耳及粉葛等。3)點心拼盤燒賣: 好多肥肉，我唔鐘意食LOR~蝦餃:蝦唔新鮮，好梅既~其他點心友人吃了，佢話好一般~雖然食物一般，但好多公公婆婆相約來這裡喝下午茶呢，相信這裡讓他們可以吃一盅兩相又有個地方打牙骹

經過沙田瀝源村見有間酒樓都幾"視正",於是入去食午餐.點心紙一張品種不多,但價錢不貴.小點9.8,中點13.8,大點15,屋村酒樓係咁上下喇.下午茶小點8.8,中點11.8,大黠13.8,2:00後有一款點心拼盆賣15元,1-3位可叫1籠,4-8位叫2籠,不過最抵食都是客飯.我沒有叫,但見隔離左右叫了梅菜蒸鯇魚客飯,飯和餸分開上,條魚很大塊,自己去街市買都要27至30元,現售36元一份,所以很多人叫這款客飯.我叫了一個星州炒米,味道很好,又夠熱,才38元一碟.[蝦餃皮薄,蝦肉爽,叉燒腸粉也很滑,一碗荔灣艇仔粥,粥底綿,不過配料不多.2:00後有很多一小碗的蒸飯賣,不過也是料不多,不抵食.限量叫的點心拚盆內有燒賣,蝦餃,干蒸牛肉,粉果,雞包,馬拉糕六樣,每樣一件,一個人就夠食,3個人感分量不足,每款一件太少了.幸好味道不差.這裡的待應也委殷勤,不時為我們沖水,服務ok.3個人埋單137.1,每人45.6,50元有找.

好耐之前同個朋友食過呢間打邊爐都得得地，但今次再黎真係令我好失望囉坐底左問佢幾錢位，個姐姐就話：五十五蚊一位，得四碟配料！之後我話：好呀！冇問題．．．個姐姐聽我講完佢又再重覆講幾次：得四碟配料咋～得四碟架咋！我心諗我知喇！唔使講咁多次啦～！揀左香茜底ｏｒｄｅｒ左鯇魚腩，豬潤，竹笙，鵝腸，芋ｃ，生蠔，生蝦同菜先黎左個生蝦～ｏｋａｙ的！再黎就錯左２樣啦我都冇點肉．．．錯唔緊要，佢話換比我．．．份量少都算啦～仲同我講：打住先啦！一陣同你追單！ｏｋａｙ～你咁講我未少少地都打住先囉．．．之後等左好耐好耐都係冇黎，我再問另外一個姐姐：仲有２樣未黎同我跟下！一問之下原來我要果２樣已經冇晒．．．有冇攪錯呀唉～睇見咁少野就再ｏｒｄｅｒ多２碟脆肉鯇，廿二蚊一碟係另外的！其他配料就ｈｋ＄４０一碟（腸仔都係）呢餐照計ｈｋ＄１５５／點知佢話ｈｋ＄１５９．４／原來果２碟脆肉鯇要加一喎又話免加一，但另外ｏｒｄｅｒ果Ｄ就要加一．．．有冇攪錯有時唔係話一個幾毫問題，而感覺好似比人呃囉加一就識加我，果幾毫又唔見你找返比我我一定唔會再黎呢度食．．．咁ｇｅ服務態度都有

星期日, 捉了老爸出沙田飲茶. 出到黎沙田, 好多人都好驚排隊. 其實如果你時間啱, 同識搵地方. 都會找到不用等位等到死既酒樓.昔日一過橋, 入瀝源邨, 就有一間大酒樓, 如今, 你只會見到一張巨形G.E.M. poster, 同門口已經淪為一間補習班.....不過, 係樓下, 看得見有檯有凳. 原來一落樓梯, 就是一間叫做潮家的酒樓仔.一般街坊酒樓做法, 不用在門口等位等天光, 直接行入去, 自己找位子就行. 不過有一個不好就是, 當有人發現你們差不多要走時, 自然身後會有人, 看住你地食同傾計, 等你埋單走.我們一坐下, 點了茶, 之後就由我發版去"tik"點心. 點了爸最愛的排骨飯, 叉燒包, 奶皇包, 羅漢齋粉卷, 燒賣, 牛肉, 同一個羅漢齋伊麵.點心盅頭飯, 最快, 因為那部已經唔會推來推去的點心車就在我們旁邊, 那些已預先蒸好的點心, 即叫即有. 於是, 大家先分配那個鳳爪排骨飯. 排骨同鳳爪醃得只是普通. 飯呢, 又慳水的用熟米蒸, 失去了盅頭飯的神髓. 盅頭飯雖失色了一點點, 但其他點心就有不俗的表現. 再來的是包點, 奶皇包, 是流心的奶皇包. 而且, 流心餡內,

朋友約食飯一開口就約要黎呢度.開頭講極都唔個係邊同邊間,朋友又話好低食又好味.心諗炒小菜不如到大排檔,係就係可能無咁好坐,沙田大把好食大排檔啦.說信一次去試下.一去到就大把位...原來重有火鍋tim!? 佢地食過就當然係兩位朋友發板.點知佢地睇完一輪反問我打邊爐好唔好? (事原小菜貴原來佢地之前係有餐個d家下無晒)心諗打邊爐黎呢度??? 貪佢貴?朋友話$55/每位每人包4碟.打邊爐都ok...轉去火鍋係要等過另外d位;不過都唔洗等好耐.好! 叫野... 羊腩煲使湯底. 4個人16碟野. (肥牛,鮮牛,生蠔,象柭等...)黎左十碟個羊腩煲都未到... 等等等都有成3個字...黎啦! 大家都餓啦...一睇個煲煙到無心諗個羊腩煲唔係一出黎就熱嫁咩???搞一搞... 嘩舊個煲形的羊腩成大舊好似重冰冰地.真係想走人嫁啦! 不過見今日新年第一日以和為貴啦又等佢十分鐘...野食都叫ok合格...不過細到真係太過分.叫一碟肥牛只有4片到...生蠔一碟5隻... 丸一碟6粒... 餃都係一碟6粒真係無下次!!!

早上去買鮮竹卷, 因為已是10時多, 所以先問那個包點心的姐姐有沒有才去買票. 我問了一句有無鮮竹卷, 那個姐姐回覆有鮮竹卷, 有牛肉球. 我去買票, 買了兩籠鮮竹卷. 之後給票那個姐姐, 說了要鮮竹卷, 就這3個字, 那個姐姐就說牛肉球, 鮮竹卷, 我就立即糾正, 要兩籠鮮竹卷. 跟著那個姐姐拿了外賣盒, 準備倒牛肉球時, 我大聲說兩籠鮮竹卷呀! 那個姐姐就罵我: 你明明叫 鮮竹卷,牛肉球. 罵了2 次, 我真是心心不憤, 但我只講了句: 對不起, 亞姐, 可能我細聲. 都算了. 但我轉身走時, 那個亞姐還說: 明明是你講錯. 我真是很氣憤. 我反覆想了多次, 每次我只講3-5個字出來, 何來她聽到6個字"鮮竹卷,牛肉球". 但最主要有一點我肯定我沒說錯, 就是我唔食牛肉o家! 亞姐.

今日姨姨同姨丈帶左佢地岩岩兩個月大既BB黎拜年 , 仲好識做咁要請我地飲茶 , 所以就近近地落黎潮家就算啦 , 費事又要推住BB車周圍走咁麻煩 , 5個人食左成10籠點心 , 埋單都只不過係$130左右咋 , 而且我覺得呢度d食物水準仲進步左份量又多 , 真係抵抵抵 , 完全可以比個笑面啦。 鮮蝦燒賣 ~ 唔知係咪新年既原因 , 上面放左d髮菜碎 , 粒燒賣好爽口唔會乾身。 咸水角 ~ 以前我好鐘意食 , 不過最近口味又改變左冇食到。 豉汁蒸金錢肚 ~ 整得好腍又入味。 叉燒包 ~ 不嬲都唔會食 , 每次見到都覺得好"漏" , 一籠得兩個 , 但係都好大個足料。 糯米卷 ~ 因為驚難消化所以都冇食到 , Dad自己一個人已經食兩個 , 姨姨又食左一個都讚d糯米夠軟身。 煎蝦米腸 ~ Dad落左好醬 , 我唯有揀左兩條好難得淨係有豉油既黎食 , 煎到香口。 叉燒腸粉 ~ 唔愛食叉燒既我當然唔會食 , 而且個d腸粉好似好厚咁。 鮮竹卷 ~ 呢個好好食 , 我唔理三七二十一吞兩條 , 入面有好多我最愛既黑木耳 , 又唔會油淋淋淨係食到豬肉。 蒸牛肉球 ~ 3個好似波咁既size未食都飽囉 ,