影片
我日日吃饭都是外卖回公司，所以不同食店都会去，今天去了沙田潮家酒家买烧味饭，选了鸡鸭饭前两天就选了义鸡，切鸡肉很嫩，鸭肉外皮很香口，鸭肉香料很足味，不会口渴，义烧更是首选，肥瘦适中，很可口很谂，加上蜜汁，每个饭盒都付上油菜，却是我最喜欢。
还有份量很足，单𩠌$19，双拼$23，很抵食。
继续阅读
个晚同屋企人行开沙田，夜晚想食中菜，所以就去左禾𪨶附近嘅一间酒家食晚饭。入面嘅环境有d细，但人情味都几浓厚，一坐底就有侍应斟茶比你饮，仲会好亲切咁问你想食咩。我地叫咗其中一道菜叫沙律海鲜卷，金黄色的外表令佢睇落好似好油腻，但一咬落口，入面嘅沙律酱令成件事变得好清新，令人想食完再食。另外，我地都叫咗饱D肚嘅菜式，好似福建炒饭同红烧伊面。个福建炒饭嘅酱汁几浓，而且有唔少配料。但个红烧伊面嘅面质就太软，味道亦都麻麻地。最后个鲍片生菜，D鲍片冇咩口感，咬唔开。但成餐饭都食得几开心，叫左7－8个菜都唔算太贵。
继续阅读
潮家今年我学系去左呢间酒楼搞春茗，包房，有麻雀提供，１０道菜加埋只系＄９８蚊位，真系抵到烂！而房出面都几旺，７点几都坐爆哂，证明几受食客欢迎。我特别想讲既系个福建炒饭，饭干身，唔太硬，而且好有镬气，加上个汁浓度适中，个饭不致太干，做到福建炒饭既基本要求。而虾都几弹牙，不过成个饭得两粒虾，我真系接受唔到。另外鲍片配生菜就比较难食，Ｄ鲍片有Ｄ腥，汁太咸，上菜个阵都差唔多冻哂，所以我都几唔满意。伊面太湿，而且都偏咸，个大厨似乎好钟意食咸。而佢既菇丝都几少，个干烧伊面就有Ｄ寡，要我斋啃伊面。其他菜式都普通，系一般酒楼食到个Ｄ，中规中举。呢间野最好就系够平，仲每围仲十二罐饮品，我地都食到好饱！
继续阅读
是日帮衬左$388既四人「10道菜海鲜盛宴」，由于临时多左一位既关系所以按比例加左一位。可能因为系闲日夜晚既关系，人唔算太多，枱同枱之间摆到好松动之余全场亦都只系七成满左右，唔算太嘈。Anyway，侍应非常快手，点菜唔够5分钟之后随餐奉送既「美国橙汁」已经上枱，再过多差唔多10分钟之后已经开始有野食，速度非常快，值得抵赞！陈皮汁蒸鲜鲍鱼︰鲍鱼蒸得非常腍，极之易入口。味道方面个陈皮汁整得非常入味，淋喺饱鱼上面令到口感大增，非常之正！琵琶手抓BB乳猪︰份量好似少左D，每人只系分到两旧乳猪左右，但既然系团购餐真系唔敢期望太多。虽然系咁，乳猪整得都算唔错，腍腍地得黎又唔似一早整定晒然后整返热咁，都叫做收货啦！风沙黄金美国蚝︰蚝既质素只系一般，而炸蚝既粉亦都好似厚左少少，而炸既油亦都重手左，令到入口既时候油腍腍咁，口感唔系太理想，只系勉强可以接受！猴头菇炖猪展︰老火汤煲得非常够火喉，而且料亦都落得十分足，除左猴头菇同埋猪展之外，鸡脚、花生等等既材料令到味道更加突出。另外由于冇落到味精既关系，饮完之后成晚一D口渴既感觉都冇，抵赞！当红炸子鸡︰鸡既质素只系好一般，一入口已经食得出肉质比较差，似系返炸出黎既产品。最特别既系D虾片，有好几块重要好似塑胶咁，口感差到爆！黑椒炒美国青口︰青口唔系太新鲜，而且出水既情况好严重。可能因为炒得太耐既关系，全碟既几乎所有既青口都系「肉壳分离」，而口感一如所料因为overcooked既关系硬到乜咁！浓汤金瓜浸鲜竹︰冇食过，但卖相同D汤渣冇乜野分别，认真麻麻！砂窝饱汁海味饭︰份量十分大，完全食唔晒，打包既时候几乎连一个standard size既饭盒都装唔晒！味道方面叫做一般啦，料亦都唔算话系好足，只可以话系同平时茶记食开既差唔多！滋润糖水︰唔知系咪冇货转左做桂花糕。Anyway，质素勉强可以接受，甜甜地都几易入口，只系质感比较「删」，用胶叉食既时候必须「小心翼翼」，如果唔系好容易跌落枱！总括黎讲虽然只系团购餐，但系整体份量真系够晒大！我谂就算六个人黎食呢个四人餐都食唔晒，只可惜既系食物质素只系麻麻地！虽然系咁，但侍应亚姐既服务质素真系可以算系一个亮点，虽然可能因为冇乜training既关系好多presentation skills都重有待改善，但睇得出佢地真系好有heart想做好D！成日换骨碟唔在讲，见到枱上面一碟碟既𩠌都会主动帮我地揾位摆好佢，唔会求其放低就算，抵俾个「笑」佢地！
继续阅读
本来二月之星既生日会安排系沙田盛记搞，点知book唔到位，大家唯有移师到同系沥源邨既"潮家海鲜酒家"打边边喇！我地黎到后，分别被带领去坐两张大圆枱，体贴既侍应姐姐提议话合并两张枱而坐，仲帮手整理，希望我地倾得自在，坐得温馨舒适咁话！认真唔该哂 佢地！不过呢度既冷气唔多够 ，我地要催几次先有改善咋！我地点左1个沙嗲汤底，唔太辣。1个猪肚汤底，d猪肚系分开 左好耐吓先上架，d猪肚甘爽口 ，由他吧！大众化既配料有: 各式唔同种类既丸丸，好弹牙 。肥牛，肉质滑溜 。鲩鱼片，切得够薄，够新鲜脆囗又无骨 。吊桶仔，好爽滑 。炸鱼皮，咸咸地又卜卜脆 。鱼皮饺，皮又柔韧肉又香 。粟米粒粒好爽甜 。娃娃菜鲜嫩清甜 。饮品有啤酒、汽水、庶水等。唔错唔错！算系平民化既享受 ！
继续阅读