漢發麵家 (大南街)

营业中

休息中

有一排冇食柱侯牛腩。知道呢度水準不錯，就算落住微微細雨，都不惜冒雨前往....叫碟腩撈。柱候醬濃都，足料，牛根夠淰糯，腩位可以再炆淰D，但都唔算太韌；麵鹼味不重，彈牙....見隔籬阿叔叫嘅凍奶茶，用保凍杯裝住，吸引，於是有樣學樣叫一杯。茶味夠，水準足勝過大部份茶記....可算是繼陳南記後另一柱候牛腩代表...

星期一晨早7:15已經去到, 因為還有維記要試, 所以兩個人share了一個牛腩撈麵及熱奶茶. 牛腩撈麵唔錯喎! 入曬味! 麵就不過不失啦! 奶茶都ok! 比一般茶餐廳好得多, 有茶香, 不過比起赤柱泗溢還差得多. 總體黎講, 真不錯! 盛惠$25

人的意志力,有時也有脆弱的時候,無時無刻也會受到不同的引誘.在時裝店試衫,著上身已經不想除下來,面前的美食,令你的減肥大計,一再而三押後,甚至在酒吧邂逅她,四目交投,兩杯過後,其後...天朗氣清的早上,路過這間漢發排檔,聽到如交響樂的爐頭聲音,店外亞姐一個人同"擔"牛腩搏鬥,於是者,如萬誘引力般,被吸了入去.當大多食客只叫個平常餐蛋麵作早餐,小弟來個腩撈米.一於寵下自己.吃柱侯腩還是以撈才吃得出滋味.沒有比湯底沖淡,才能吃出真味.不要麵要米粉,更加是小弟之態度.牛筋質感恰好,不硬不稔,膠質豐富.牛腩入味,做得稔熟,實食無黐牙,是否全港柱侯腩第一家?小弟心目中一向沒有為食店排名,不過你要我數的話.柱侯腩系,以陳南記同這間漢發平頭,其次便數到去耀東街長發.純屬個人喜好.

要去鴨記買野,先去呢度食碗麵。上兩次去深水買野,順便想黎食但都摸門釘。今次係星期六下午,鈕扣布行之地,店舖全開,一卷卷的布疋擺放在路邊。見到今次有開,即刻搵個位坐低,點左碗牛腩麵+可樂。遠觀之下,原來都幾多人黎食,只得兩檯冇人,差不多滿坐,有老有嫰,也有外國遊客。牛腩麵來了,筋多腩少,再數一數,腩只得一件,其餘都係牛筋,不要緊吧,好食就可以了。先食腩,肉唔算韌,但唔腍唔太入味,有點鞋。再吃一住麵,麵爽口冇鹼水味。之後食牛筋,腍滑且頗為入味。見同檯的人叫左件牛肉蛋治,即叫即製,來到時牛肉蛋治出緊煙,看似不俗。服務方面就一個個人,女的就頗有禮貌,以英文對外國遊客說句多謝,外國遊客被逗笑了,又與她們揮手說再見,至於男的就麻麻,自己多次同佢講睇數,但冇人睬我,可能因為太忙。有人叫凍檸水,阿叔會叫凍檸水做「凍過水」,頗為特別。斜對面有間賣布的排檔,隔離係鈕扣行,這一帶平時頗為熱鬧,但星期日非常冷清,很大的對比。廿九間,究竟何時才可全部試過?在時間流逝下,有些可能無聲無息地離開我們。珍惜現存一切所有的人事物。

當人人爭住吃清湯腩,小弟反而繼續追尋美味的柱侯腩.好幾次路過汝州街口的鐵皮檔"漢發",不是太早便是太晚.這次下午路過,終於一嚐所願.要個牛腩拼牛筋河,有傳此店用古法炮製,小弟吃不出什麼是古法,只覺得柱侯味入味,牛腩稔熟,牛筋柔韌度適中,不會過硬或過軟,味道濃郁.此鐵皮檔在夕陽之下,猶如月下老人,同大家細說牛腩的故事.......

當人人爭住吃清湯腩,小弟反而繼續追尋美味的柱侯腩.好幾次路過汝州街口的鐵皮檔"漢發",不是太早便是太晚.這次下午路過,終於一嚐所願.要個牛腩拼牛筋河,有傳此店用古法炮製,小弟吃不出什麼是古法,只覺得柱侯味入味,牛腩稔熟,牛筋柔韌度適中,不會過硬或過軟,味道濃郁.此鐵皮檔在夕陽之下,猶如月下老人,同大家細說牛腩的故事.......

星期六，趁約途中，未吃飯。巴士經過，見到這裡，見好歹也是正宗排檔，也應一試，就跳下車來吃碗粉。是日有點雨，氣溫不算高，加上坐正在牛角扇對面，都不太熱。這裡除了賣炒麵，亦有多士三文治咖啡奶茶等食物供應。沒有最愛吃的豬手，就要了碗牛筋腩米，「加菜」「多青」「扣底」，這裡的牛腩是柱侯牛腩，八角、薑等都下得足，聞起上來味道不錯。吃件牛腩，廋的部份不算太韌，帶筋的部份當然軟腍可口，炆得入味，算幾好。墊底的生菜也不少，吃清米粉，飽到十足。街坊排檔，阿姐服務不錯，我碗米粉，三心兩意地加完又改，加完又減都照辦。又佢見我影相，打趣的問用不用幫我打燈，又說「見你咁斯文，不似是記者啊」斯文？我？！記者？！？埋單15蚊，相當便宜，路經此地都可以一試。

唔係我唔用口去食，但味道真係好平凡。平凡到無話可說的地步。純因為去開黃金果頭再專登去打個轉。雙拼麵賣廿皮，送bb強1隻。時運高扮睇唔到算。雲吞唯一強在夠熱，牛腩好夠薑，夠鞋，夠硬。試一次都夠喇。

一人，午飯，叫了：一碗牛腩撈一杯凍奶茶少甜本人喜吃牛腩，這裏是近一年來覺得好吃的一間凍奶茶真係好凍，正