漢堡B (已結業)

得寶有個重現「牛下」的懷舊FOOD COURT。行左幾圈, D 街頭小食唔算吸引, 走左去食呢間BURGER。叫左一個SET, 有牛油TOAST, 幾脆口, 淡淡的牛油味, 不錯, 不過凍的, 是熱的更好。有兩條德國腸, 淡淡地幾岩我胃口, 可惜煎果陣用太多油, 我要用紙巾索走D 油...有一塊漢堡扒, 普通貨色, 仲好乾又咸...魚手指2條, 無特別啊, 普通超市貨

今日早左放工，本來諗住自己一個人喺灣仔讀樂樂完就返屋企休息，點知好友餃餃突然致電，佢話想試吓牛下新城嗰間漢堡包店喎，之前已經好想同肥豆去試吓呢間漢堡包B架啦，相請不如偶遇，就等我今日試吓佢搞咩名堂先啦！話說係十幾年前我就住係呢頭附近，牛下新城呢個商場嗰時咩都冇，係一個好久好久正到拍烏蠅嘅商場，我記憶當中只係得一兩間好舊嘅寵物店，十幾年咩都變曬啦，唯一無變就係商場門口呢一間報紙士多鋪！入番正題我同餃餃大約晚上七點零鐘嚟到牛下新城漢堡B餐廳，佢哋係以food Court形式經營嘅，我哋呢度隨便就搵咗係漢堡包店門口位置嘅抬坐低再睇睇餐牌，漢堡包店嘅漢堡包大概＄29至到＄45，再加＄15有汽水小食。 我哋兩個人就叫左一個菠蘿牛肉漢堡同一個芝士牛肉漢堡再加＄15要咗個餐同再加錢要左份份雞翼。點餐之後大概五洗唔分鐘，兩個漢堡包已經整好熱辣辣咁樣擺左係櫃檯上面啦，真係快脆。我哋每人點做我一款包切開share每人都可以試到唔同嘅口味，先來講講佢去嘅賣相兩個漢堡包都有差唔多成一寸幾既牛肉漢堡扒，而芝士就好似熔岩咁滿滿咁流到包圍著整塊牛肉漢堡！ 我哋先來試咗嗰個菠蘿牛肉漢堡，平時

FOOD COURT形式, 叫左2個BURGER SET試下.150g Homemade牛肉芝士堡 $38 + 薯角飲品 $15成個BURGER有成3-4寸高, 只係牛肉已經1寸厚.麵包 - 頂個塊OK, 底個塊脆到有D硬, 刀仔要真係用力切開牛肉 - 厚到中間唔係好熟, 仲係紅色的. 不過味道算好味蔬菜 - 非常新鮮, 好FRESH薯角 - 明顯炸起好耐, 已經淋曬, 唔係熱的珍寶鱸魚扒漢堡$38 + 洋蔥圈飲品 $15麵包 - 同牛肉芝士堡一樣, 底個塊脆到有D硬鱸魚扒 - 薄薄一片, 炸得OK蔬菜 - 非常新鮮, 好FRESH洋蔥圈 - 皮脆, 新鮮即炸, 好好食呢個價錢都算收貨啦!

聽聞得寶商場有個food court, 將牛下既美食帶返黎, 好! 隊長有時間就去巡下場.........個food court都幾難搵, 但其實都係好細, 巡左一轉, 又覺得所謂牛下美食都唔係好吸引, 反而檔Burger都幾香, 望下個價錢都抵食, 一個即制既牛肉漢堡都係$38, 麥記而家果個自選漢堡都唔止!我食左個貴少少既菠蘿芝牛堡, 跟餐揀左魚手指, 個包都ok, 脆的, 塊肉真係即煎, 肉質就唔係咩靚肉, 無乜肉味同肉汁, 可能個醬搶晒d味啦, 但甘既價錢, 而個包又有返甘上下大, 真係抵食既~ 魚手指就一般普通雪藏野, 細左少少, 2啖食晒, 不過特別在出面好少有得揀魚手指啫~不過food court好似無人執野甘, 食完自己執都唔緊要, 但真係有d障礙, 要還番塊木板比burger B, 然後又要諗方法點樣去放好果盤野食去個垃圾桶(但個垃圾桶個面係圓拱形, 唔知點放好)

由於和老公想吃的食物都很多於是點了一份burger餐share~我倆都喜歡吃burger的點了150g自家製牛肉芝士堡配炸手指魚柳即點即製,,等候時間都很長但到手時都不是熱呼呼的,,只是微溫看賣相覺得不錯,,burger真的很厚身很足料!!可咬下去便覺失望包不軟熟,,而且整個burger很乾身這麼厚的牛肉..咬下去竟然一點都不juicy魚柳也是幼很乾身味道一般

首先，burger 質素真係好一般；再者收銀員態度欠佳，咩都唔知咁；加上menu又唔update，寫住有雞翼但落單時又話套餐唔可以揀，真係超級唔惦，一定唔會再去。

是晚男朋友帶我來牛下新城，看看佈滿懷舊擺設的牛下廣場，拍照一輪後就搵野食醫肚喇!我地喺food court揀左食Burger B，首先係俾佢價錢吸引，$39的150g自家製牛肉芝士堡，(老實講，麥記都要三十幾蚊食hea做既包)，第二就是佢貼左一張寫住每日限量120個，當時6:30，開始有人排隊即刻好緊張，當然要試一試吧!!!!我同男朋友都係揀牛肉芝士堡，+$15配汽水&薯角/炸魚柳好大個，好多菜同醬好"豐滿"，幫佢影左幾張寫真...-.-"非常surprise佢用我唔鍾意食既沙律菜，但佢撈左酸甜醋汁??令D菜無左我最憎既草青味另外中意佢好濃既芝士汁，同個包好夾!!而主角漢堡都OK，好厚身，口感係比較實既，但我反而覺得安心，味道合格。(因為之前食過某店和牛漢堡似熟未熟的口感好.... )我對個包既感想竟然係覺得菜係最好味既******************************魚柳普通，薯角我覺得炸得唔夠，顏色賣相唔吸引，如果炸燶少少就好喇!

是次是跟一位朋友特意為了這個漢堡而來，怎料一來到就見到掛了個牌寫著「所有食物全部沽清」，即時覺得很失望，惟有留在這裡改吃另一家啦，吃到一半時，見到Burger B收起食物沽清牌，見有漢堡賣，即時再去買多個漢堡，要買就真係要快，好快又沽清。點了個B.自家製牛肉芝旦堡，加$15配薯角及另點了$25脆雞翼4隻。所有食物不過不失，沒有什麼驚喜，亦沒有覺得哪個最好吃，漢堡質素其實很一般，吃過一次便夠了。薯角很普通，沒炸出薯角的少少乾身質感；至於脆雞翼根本就沒有味道，不知是否沽清食物後趕貨，所以食物好像都變得沒水準，是次舌頭味蕾失望而歸。B.自家製牛肉芝旦堡$39加$15配薯角脆雞翼4隻 $25

成個美食檔都差唔多食晒, 係差呢間未食, 今次夾啱時間就出動!要夾時間係因為佢每日限量, 試過想食點知賣晒...大約5點半落去, 過多陣想食嘅人已經陸續黎到, 到開始賣果陣已經有十幾人排緊隊稍為等一陣, 即製嘅漢堡就有得食啦😋今次我食嘅係150g自家製牛肉芝蛋堡 ($39), 加$15有小食(薯角/手指魚柳/洋蔥圈)同汽水/熱果茶自家製嘅牛肉比一般嘅漢堡飽牛肉厚, 而且咬落幾juicy, 厚嘅唔只係牛肉, 連塊蛋都厚, 加上底下嘅菜, 同漏晒出黎嘅芝士, 剩係材料都豐富過人不過個飽幾厚, 食果陣都幾辛苦😂不過咁先證明到個飽係足料我跟餐要左洋蔥圈, 份量唔算多, 同埋食落唔夠脆, 中間嘅洋蔥比較凍同難咬開, 呢點係失左小小分, 不過既然唔係重點就唔追求太多熱果茶係我第一次飲, 聞落已經有一陣花香味, 飲落口有種淡香殘留係口度, 食完煎炸油膩野飲翻杯可解油膩感至於其他飽就冇試過, 呢度唔評論啦, 不過得閒都可以再食, 比較大阻力會係價錢😂其實係扺食嘅, 不過差唔多50蚊一餐真係有啲貴

我會睇Openrice，但從來未試過寫食評，因為琴晚(28/2/2016)到呢間食店用膳o既不愉快經歷，所以我特登申請咗一個帳戶寫關於呢個食店既食評。之前睇雜誌知道呢個食店好似係由一位姓蕭同姓黃既藝人開既，咁啱琴晚同朋友經過九龍灣，於是特登到呢間食店幫襯食飯。當時大約8點零鐘，我哋搵咗位之後，首先由我朋友揀選食物，我哋打算每人叫唔同既burger諗住一齊share，但落單既時候唔記得咗同店員講話將burger切開一半，於是攞食物既時候我就代我朋友同店員講，禮貌咁問可唔可以將個burger切開一半。點知個外型矮得得、眼細細、皮膚黑黑哋、個樣好細，好似啱啱讀完書出嚟做嘢既MK收銀妹(佢負責收銀之餘亦幫手遞餐)就「劈」咗把刀落個餐盤上，用唔係好有禮貌既語氣同我講：「先生，我畀把刀你自己切啦！」 其實唔幫我切都唔緊要，但個態度唔好咁唔好至得架！OK，呢穫同佢算。之後，我幫我朋友攞食物返去，然後自己再返番去食店買嘢食。我諗住想食B餐，再配洋蔥圈加汽水，咁就同嗰個MK收銀妹話要「Boy餐」加洋蔥圈同汽水。我問有咩汽水揀，開頭我聽唔清楚，因為個MK收銀妹講嘢講得唔清楚又講得好快。我再問，佢態度又好

報道都睇左唔少，終於有時間去試下。個商場都唔識去，原來係TBG MALL。成個場裝潢完很不同，地方乾淨左，幾有特色。講返個包$39+15配餐有薯角氣水 唔算貴。薯角係新鮮炸，唔係炸定，外脆肉嫩，不錯，不是那些大火狂炸，食完感覺都唔太熱氣。個包係芝麻包，新鮮;芝士正常，不太濃味但夾既;菜唔係生菜，係沙律菜(貴果D)，有兩種，新鮮; 醬汁不太搶味; 到主角聲稱150g自家製，食得出新鮮，唔係雪左好耐，有洋蔥粒，整體味唔算好濃，清新，份量夠大，漢堡中間堅有一吋厚，唔老，但個人覺得味道可以再強D; 還有， 差點漏了，蛋，圓形(癈話)，啱啱好蛋黃8，9成沒有全熟。整體而言，非粗製濫造，用料新鮮，值得推介。我6：00左右去，見佢整個牌係度話中午賣完，6點再開售

點了15g自家制牛肉堡（$36）+$15轉set,跟洋葱圈 ／ 薯角 ／魚手指，另有罐裝汽水或果茶先講burger好足料，好！多！菜！（火箭菜，生菜，洋葱，蕃茄）；自家製肉肉味鮮，有咬口，肉質不過老，加上他們的醬汁，好好吃~~~但太大個吃起來滿狼狽的兩位朋友點了洋葱圈和魚手指，share來試~薯角不油膩，是新鮮薯仔，份量剛好；魚手指只有兩小條...魚肉質感粗，不夠滑；洋葱圈份量也算正常，脆卜卜的。個人認為，雖說三款味道也不錯，但加$15這個份量，薯角洋葱圈還可以的，魚手指就不怎化算了。套餐配的果茶是阿信屋可以買到的那個品牌。汽水是罐裝可以帶走的喔~ burger b位於food court帶，旁邊還有其他食店，不妨在這單點一個包，再嘗嘗其他食物

因為見黃翠如都推介,所以專登去試下叫左個150g自家製牛肉芝蛋堡再加$15配薯角,飲品食完之後既結論係味道還好,不過不失牛肉尚算juicy,幾厚身,但size較細,又冇乜牛味而蛋過熟啦,未有流心效果至於芝士,好似唔覺有咁幸好醬汁幾多亦幾開胃,菜亦用左火箭菜,感覺比一般burger有誠意整體黎講,勝在價錢唔算好貴,味道過得去啦,試過就夠加$15叫左既薯角,份量比想像中少,同比較腍身而飲品叫左熱水果茶,飲得出係759既茶包!

得寶商場我從未去過，就連係九龍灣邊度都唔知。近日因為開左個名叫「得米美食檔」的美食城，所以引發我一探究竟的好奇心。美食城裝修得頗有舊式路邊攤風味，集合大約7、8間食店，主打小吃，亦有呢間漢堡包店。選擇唔多，只得幾款漢堡加幾款小吃。自家製牛肉煎蛋堡（$39）體積唔係大，但都算好厚身。麵包中間夾住成吋厚漢堡扒、煎蛋同菜。麵包鋪滿芝麻，夠香，漢堡扒唔算juicy但好入味，煎蛋有點燶邊但唔會過老，同埋唔係用普通生菜而係沙律菜，加埋甜甜酸酸的醬汁，$39簡直物超所值。加$15可選薯角 / 炸魚柳+汽水 / 熱水果茶，汽水係整罐可口可樂上，炸魚柳唔熱但都幾惹味。小食方面選左忌廉芝士焗薯角（$28），又係唔熱的，芝士好快已經硬左，薯角亦唔香又唔脆，加左煙肉碎都無補於事。值得去指數：（純為burger打分）

連翠如BB都推介，咁受歡迎緊係好吸引係九龍灣地鐵站B出口行去TCL Mall得寶商場，行左10分鐘左右...其實都係第一次去，先發現九龍灣原來有此一商場。 行到去Burger B見人龍唔太長，原來位置是一個food court，food court坐位好少，不過坐滿哂人（隔離舖係賣串燒，抽煙系統好差， 以至於一邊等時周圍煙霧離漫），排到前面見到個牌寫住「現在需等45分鐘」，前面排隊等拎都仲有十幾個..... 等到差不多8點， 店員大叫:「唔好意思, 今晚所有漢堡包都賣晒啦！」嘩...眼見後面仲有人排緊隊想食既就要早啲排隊喇。 點左個忌廉芝士焗薯角、牛肉芝士堡同牛肉芝旦堡。薯角出爐熱辣辣好脆，忌廉芝士汁好多，加上炸煙肉搭配更覺合味道；牛堡中間塊漢堡扒確係好Juicy，又好厚，肉汁鎖住令到一邊食肉汁一邊滴，只係覺得唔夠熱....套餐可以加$15有薯角或魚柳配，仲有一杯飲品。