影片
更多
2016-07-16
1664 浏览
今日早左放工，本來諗住自己一個人喺灣仔讀樂樂完就返屋企休息，點知好友餃餃突然致電，佢話想試吓牛下新城嗰間漢堡包店喎，之前已經好想同肥豆去試吓呢間漢堡包B架啦，相請不如偶遇，就等我今日試吓佢搞咩名堂先啦！話說係十幾年前我就住係呢頭附近，牛下新城呢個商場嗰時咩都冇，係一個好久好久正到拍烏蠅嘅商場，我記憶當中只係得一兩間好舊嘅寵物店，十幾年咩都變曬啦，唯一無變就係商場門口呢一間報紙士多鋪！入番正題我同餃餃大約晚上七點零鐘嚟到牛下新城漢堡B餐廳，佢哋係以food Court形式經營嘅，我哋呢度隨便就搵咗係漢堡包店門口位置嘅抬坐低再睇睇餐牌，漢堡包店嘅漢堡包大概＄29至到＄45，再加＄15有汽水小食。 我哋兩個人就叫左一個菠蘿牛肉漢堡同一個芝士牛肉漢堡再加＄15要咗個餐同再加錢要左份份雞翼。點餐之後大概五洗唔分鐘，兩個漢堡包已經整好熱辣辣咁樣擺左係櫃檯上面啦，真係快脆。我哋每人點做我一款包切開share每人都可以試到唔同嘅口味，先來講講佢去嘅賣相兩個漢堡包都有差唔多成一寸幾既牛肉漢堡扒，而芝士就好似熔岩咁滿滿咁流到包圍著整塊牛肉漢堡！ 我哋先來試咗嗰個菠蘿牛肉漢堡，平時
話說係十幾年前我就住係呢頭附近，牛下新城呢個商場嗰時咩都冇，係一個好久好久正到拍烏蠅嘅商場，我記憶當中只係得一兩間好舊嘅寵物店，十幾年咩都變曬啦，唯一無變就係商場門口呢一間報紙士多鋪！
入番正題我同餃餃大約晚上七點零鐘嚟到牛下新城漢堡B餐廳，佢哋係以food Court形式經營嘅，我哋呢度隨便就搵咗係漢堡包店門口位置嘅抬坐低再睇睇餐牌，漢堡包店嘅漢堡包大概＄29至到＄45，再加＄15有汽水小食。
我哋兩個人就叫左一個菠蘿牛肉漢堡同一個芝士牛肉漢堡再加＄15要咗個餐同再加錢要左份份雞翼。點餐之後大概五洗唔分鐘，兩個漢堡包已經整好熱辣辣咁樣擺左係櫃檯上面啦，真係快脆。
我哋每人點做我一款包切開share每人都可以試到唔同嘅口味，先來講講佢去嘅賣相兩個漢堡包都有差唔多成一寸幾既牛肉漢堡扒，而芝士就好似熔岩咁滿滿咁流到包圍著整塊牛肉漢堡！
我哋先來試咗嗰個菠蘿牛肉漢堡，平時我系唔會食菠蘿漢堡，今日一個小嘗試喜出望外，第一啖咬落個漢堡到啲菠蘿汁好多好多咁流晒落去個塊漢堡到，菠蘿汁同埋牛肉夾汁結合埋一齊，令到成塊牛肉更加juicy ,清新嘅菠蘿帶出漢堡濃厚嘅味道，天作之合嘅感覺，非常之夾，而且麵包做得非常之鬆軟，平時街食到嘅漢堡可能我食一半已經覺得好油膩但係呢個漢堡絕對冇呢個感覺，而且牛肉仲一啲都唔會有死實的感覺，我食咗一半中唔夠喉，真係諗起都返尋味！
而另一個芝士牛肉漢堡，芝士牛肉漢堡係漢堡包系列裡面嘅經典，差不多兩吋嘅漢堡牛肉裏面包嵌着豐富濃厚嘅肉汁，新鮮嘅蕃茄蔬菜，熔岩嘅芝士，再加上更激味蕾嘅新鮮洋蔥，麵包烘烤得外脆內軟，每一咬口經典牛肉漢堡濃厚嘅香氣肉汁係你口腔裏面隨之而滾動，再諗深一層係一個咁好質素既芝士牛肉漢堡只係價值＄38元正價廉物美，絕對唔係將價就貨$38敷衍了事，唔輸比你喺銅鑼灣乜乜道、尖沙咀X X台食嘅＄138正宗美式坐飛機黎個隻漢堡包，但係價錢真係相差三陪，老實講呢啲小店係唔可以做到二十星級酒店環境食物200分，但係係而家生活指數高，物價高漲高漲再高漲嘅時代，一個＄38最低工資咁嘅漢堡包可以做到咁嘅質素，叫佢做良心小店，價廉物美！真係當之無愧！
牛下新城真係變咗好多，係食完漢堡包之後我同餃餃都行咗一陣街，我哋仲發現咗一個係好細好細嘅時候先見過嘅磅重機，入兩蚊落去仲有張卡跌出黎添，牛下新城雖然係一個新城但係佢就有着好多大大小小昔日80年代牛頭角下邨嘅舊文化，如果鍾意行下呢啲復古小街感受下懷舊嘅氣氛，黎開呢到不妨可以黎試吓呢個真心推介嘅良心小店，再行下呢個咁有情懷嘅地方！
张贴
