漁釧 (已結業)

很久沒去青衣了，星期日晚餐時間青衣城真的超多人，即使去快餐店，等吃的人們也沒見少。 我們去了三間食肆取票，最後這間最快有位。 雖然坐位有點小，但店子環境舒適，侍應們都有良好態度，會主動替客人加茶水。 上菜速度可以但順序有點奇怪，前菜的韓醬八爪魚沙律竟是最後才上。 壽司和丼的味道和份量也很好，鐵板牛舌，我以為是烤得像串燒香脆的那種，沒想到是加洋蔥和甜的汁料煮的，但也還OK。總括來說，我慶幸這頓飯在漁釧吃，感覺良好，會再來的。

同朋友咁啱去青衣整完野搵野食又想飲D酒吹下水....咁啱見到呢間串燒一於試下啦叫左好多野食, 圖只屬部份海膽酒盜芝士一口一塊 味道可以, 差少芝士味螢光幕魷魚漬口感還ok花魚一夜干這遁算幾好, 唔會太更生, 加埋醬食幾好味仲有下圖的串燒老實說, 大部份炸物例如雞軟骨等同埋串燒都係口感一般, 太乾了...酒就叫左支賀茂鶴純金箔大吟釀再加多支自家梅酒可惜梅酒, 唔夠梅味雖然叫了好多食物 感覺都不太盡興最好應是支大吟釀

第一次系OpenRice 寫食評，一間難食到令我要專登寫食評既餐廳。首先服務態度已經好一般，食物價錢算有dd貴，本身覺得如果質素ok都可以接受，但食物質素差 炒飯完全係無味 壽司唔凍又唔新鮮！咁既質素要俾咁既價錢完全係一肚氣！真係冇下次！

去東涌outlet買野, 完左差唔多夜晚9點幾， 見東涌無咩野食 就打算同朋友去青衣城搵野食。因為朋友係日本人想食日本野，打開OpenRice 搵，之後見到哩間野裝修野食都好似唔錯 就打算去食 去到可能係平日啦 好快就可以入座入到去嘅感覺係間野嘅裝修都唔錯，有唔少日式既裝飾 ,但係可以feel 到係一間商場嘅日式家庭餐廳咁嘅質素 所以都唔會有太高嘅期望我地得兩個人，所以就無嗌太多野 ，叫左三樣嘢： 一個係韓醬八爪魚粒沙津 個醬感覺有小小咸， 不過d菜都幾新鮮, 不過仲有少少水味 就應該係啲水無”西”得太乾.份量唔少 兩個人share啱啱好第二樣係極上壽司盛14件+鐡火卷3件 日本朋友覺得壽司d魚生還好 只是ok，不過因為本身期望都唔會太高 所以都唔會太失望 第三樣係海蝦天婦羅稻庭烏冬 日本友人就覺得烏冬有少少overcooked 不過就香港人人黎講 即係我啦 就食唔到個分別啦 味道其實都ok 算係咁總括黎講d菜式都係ok啦 但價錢就相對好似貴啲啦, 不過因為係一間商場嘅食店所以都唔會話有太高嘅期望， 如果係住喺盈翠半島得閒食下感覺都ok！

今日去咗迪迪尼玩萬聖節活動，玩到尾男友又唔想喺樂園入邊食嘢，因為又貴又冇咩選擇，而且都唔係特別好食，所以我哋就決定搭返地鐵出去附近嘅青衣城食晚飯。行左一圈好似都係啲連鎖食肆，係見到呢間叫漁釧既日本野好似唔錯咁。咁啱我又想食壽司，所以就入咗去啦。由於我哋比較夜出返嚟，入座嘅時候已經九點，餐廳都係得返兩三台食客。店員安排左我哋坐喺窗口邊，宏觀成間鋪頭嘅裝修都幾別緻，有好多清酒🍶筒，佈置得唔錯。睇過Menu食物嘅選擇都幾多，有刺身🐟🦐壽司🍣串燒🍢🍡沙律🥗鍋物、天婦羅🍤等等都齊晒，好多選擇。不過因為都比較野，我哋唔想食太飽太多，就叫咗一個沙律、一客壽司定食同埋幾串串燒就夠啦。我哋仲叫咗飲品，男友叫咗個生啤，我就叫咗罐雪碧。落單時我都有特別問有冇冰，店員話有。但當另一個店員送上罐雪碧嘅時候，我男朋友問請問有冇冰底，呢個店員就只係默默咁同我地擰一擰頭示意冇⋯其實一間日本餐廳又點會冇冰呢😔來左個海葡萄豆腐沙律，睇落去幾大碟幾抵食咁，但係一望落去個海葡萄好似好啞色咁，食落去仲有少少霉味，感覺好唔新鮮🤦🏼‍♀️食咗一啖另外果串都唔敢再食啦……至於其他材料好似沙律菜🥗、魚子同埋時豆腐等等都還好嘅，落咗小小醋

收工同男神系青衣城搵食，男神表示想食日本🇯🇵餐，然後我地入左呢間。一坐低，發現枱上既白色餐紙上有橙色菜汁，感覺很不衛生。然後叫左軟殼蟹手卷牛舌，金菇牛卷，雞翼，腩肉串，燒帶子，海膽炒飯。牛舌，腩肉，金菇牛卷味道也不過不失。軟殼蟹手卷既紫菜吾脆，軟殼蟹都吾脆，都算了對其極失望。至於個海膽炒飯，好有住家味道。系冇鑊氣，一點都吾香，d飯仲濕濕爛爛的....嗯.....貴得黎又吾好味既....

今日時間超趕，只得35分鐘食Lunch，見漁釧啱啱開門唔駛等位就諗都唔諗沖入去！幸運之神果然對我不薄！漁釧本身係居酒屋，所以裝潢佈置盡量令人有 relax 嘅感覺，係一個放工後同朋友把酒言歡嘅好地方！講返食品，午市有套餐，一般$78~$158 豐儉由人。今日點咗鰻魚飯套餐（$108）同埋日式滑蛋豬扒套餐（$68）午餐優惠仲有九折！套餐包括主菜，味噌湯，和風沙律，醃漬，茶碗蒸，分量十足！日式滑蛋豬扒套餐，豬排脆卜卜，肉質厚而不老柴，食落幾Juicy 吓，洋蔥同蛋都非常好送飯，唯一不足係啲蛋太老唔夠滑！茶碗蒸超嫰滑，咕嚕咕嚕就直入喉嚨，但唔知係咪落酒太重手，成碗蛋有苦味，可惜！鰻魚套餐，鰻魚有半條，周圍鋪滿蛋絲，鰻魚汁飯天下無敵！雖然等咗15分鐘以上，但都值得嘅！服務方面，因為仲未到真正嘅 Lunch Hour 人流唔係咁多，店員醒目周到，你一有少少動作示意就會埋嚟，但又唔會响你視線範圍內望住你，講嘢傾計都唔會尷尬，正是居酒屋本色！

星期日放假去到青衣城，刚到晚上六点左右，諗住早ｄ食飯，叫左幾樣試下。我誠意推介個蟹肉蟹膏甲羅燒，真係好食！唔錯！另外有鵝肝壽司，都唔錯！值得－試。蟹肉沙律也很好食！

今日打算食壽司便再次光臨. 新開業時也試過同一款午市套餐, 個時魚生新鮮, 燉蛋正常. 今日再試同一個套餐, 魚生無之前咁新鮮, 燉蛋有d苦澀. 職員服務態度良好. 無需等待便可入座.

青衣城開發第二期同時大改動， 連第一期都有不少新食肆進駐， 精緻的日式居酒屋魚釧， 最合日本控心意。 甫進店已被魚形吊燈吸引， 整體裝潢以木為主， 散發濃濃日式居酒屋風味。 逛了半天早已餓扁了， 最先登場的是灸燒平目魚邊黑松露牛油果野菜沙律， 平目魚邊口感脆滑油脂豐富， 灸燒後油分慢慢滲出脂香濃郁， 跟矜貴的黑松露香配搭得宜。 牛油果野菜沙律清新健康， 食材一濃一淡擦出火花。 刺身拼盤有池魚、油甘魚、魷魚， 魷魚新鮮彈牙， 池魚原條薄切賣相絕佳， 輕沾醬油淡淡魚鮮香而不腥， 厚切油甘魚色澤鮮豔， 入口細滑、肥美甘香。 非常引人注目的三文魚富士山， 面層是大大片厚切三文魚， 裡面重重遮掩著壽司小卷， 分開吃又得， 夾在一起當壽司吃亦可， 玩味十足。 而四款壽司分別是眼仁奈、三文、雞魚及池魚， 吃得出食材的新鮮度， 生魚片要是能再厚切一點會更令人滿足XD 明太子芝士長芋 平常吃到的芋頭都是粉狀口感， 這款長芋卻爽爽脆脆，非常特別。 配上咸中帶辣的明太子芝士， 特別惹味開胃。 魚釧的串燒火候控制得剛剛好， 值得一讚。 鰻魚香軟而不乾身， 牛舌口感彈牙之餘更保留香濃牛味， 大蔥豚

青衣城不時大革新，剛巧經過發現開業不久的漁釧出現，難得在繁忙大商場找到可以坐得舒服的日式居酒屋，當然要跟好姊妹入店享受豐富晚餐！入店發現餐廳面積不大，但以給人老舊感覺的日式裝潢，卻把小店推進另一番風情～以魚為題的餐廳，當然少不了魚類刺身和壽司菜式炙燒平目魚邊黑松露牛油果野菜沙律$128-HKD先以「炙燒平目魚邊」為前菜，炙燒過的平目魚邊，油脂溢出，入口甘香油潤，配上新鮮野菜，中和了魚油的膩滯，作為一頓豐富晚餐的開首！活魚刺身—師傅以當日時令新鮮魚為刺身，店員介紹吃到的是池魚併油甘魚刺身。薄切的池魚，魚質爽滑，厚切的油甘魚刺身則滿足了豐富的口感，成為鮮明對比！　燒明太子長芋$58-HKD淮山在日本以長芋見稱，薄切的淮山，塗上明太子後炙燒，爽脆有咬感鐵板牛油焗帶子 $68-HKD燒活鰻魚$32-HKD日式料理少不了燒物，鰻魚肉質鮮滑鹽燒牛舌$36-HKD及豚肉露筍串 $24-HKD灑上鹽花的牛舌腍軟惹味，豚肉搭配露筍亦帶來清新驚喜個人名明此菜式為「壽司山」，以圈物作為中心，作鋪上一層層的三文魚，加上蟹籽點綴，超吸晴！最後少不了熱食作總結，雞肉鮮嫩幼滑，加上雜菜雞湯底，健康暖胃

服務態度極差，食物質素一般，沒有預期高，价錢勉強接受！有日見青衣城多了一間日本料理，去試一試，入到去環境幾好，有十幾張枱，叫了一個燒牛肉反，來到賣相同吉野家差不多但价錢係二倍，服務極差！

商場嘅日本餐不嬲都會俾人一種好貴嘅感覺，但今日俾我發現咗呢間係青衣城嘅日本料理排晒長龍，望一望 menu 先知原來價錢平民。餐廳嘅裝修都好有日本嘅氣氛。我哋就點咗幾款壽司試下，塊刺身好鮮甜彈牙呀！夠壽司仲係暖暖地咁，好好味。海蝦雜錦天婦羅 ($72)有炸紫穌葉、冬菇、金菇、海蝦同南瓜，夠晒豐富。天婦羅炸得金黃色，香脆可口，粉漿份量也啱啱好，必試之選。然後再嗌咗幾種串燒試下，呢度有鹽燒牛舌 ($36)、豚肉露筍串 ($24)、汁燒冬菇 ($18)、鹽燒雞肉串 ($18)。一嚟到已聞到好香，即叫即燒果然唔同啲，夠晒熱又入味，仲能保能到豐富嘅肉汁。

今天試試青衣城的日本菜，晩上人流超多，記得預先訂位。環境不錯，價錢也很合理，難怪那麼多客人。還看見有 Sapporo 的啤酒機呢。松葉蟹肉野菜沙律 ($82) 份量還真多，很足料。不但有新鮮爽口的沙律菜外，還有鮮甜的蟹肉，上面還放了很多脆卜卜蟹籽，是必叫之選。燒雞泡魚乾 ($48) 配枝豆 ($22) 是一道惹味的佐酒小食，但可惜我們沒點酒呢。燒雞泡魚乾甜甜的，質感煙韌又硬又軟，口感十足。而枝豆就很清淡。而刺身我們就點了三文魚、吞拿魚、帆立貝和牡丹蝦，還未稱得上厚切，但確是鮮甜有彈性。

剛剛去完日本旅行，回港後的確有依依不捨的心情，唯有返到香港都食日本菜回味一下。青衣城成個商場啲食店都大換血，多咗好多唔同種類嘅餐廳。今次揀左漁釧，睇門面已經夠吸引仲要加埋日本燈籠，同日本居酒屋一樣一行入舖我地到步時間尚早所以人都不算多，整店設計都好日本風。松葉蟹肉野菜沙律: 非常足料嘅松葉蟹沙律，配上日式沙律醬汁，松葉蟹絲配上律菜攪勻來食口感一流，加埋蟹子點綴絕配。我地兩個10分鐘度就清光光。赤𩶘活魚刺身拼盤: 活魚刺身竟然係香港都可以食到，咁食法套餐價都係幾百蚊性價比好高，仲食到高質海膽鮮運到港。唐揚雞軟骨粒: 炸得夠脆而且食落不覺得好重炸粉味，見到油粉滲得都不算多，口感爽脆把清酒一流。鹽燒牛舌串: 切厚度剛好，薄薄地有咬口，而且調味料剛好滲哂入牛舌度，食落充滿幸福感。大葱雞肉串: 日式雞串必定有大葱不過好多都煮得唔好食，通常食雞肉就算。呢間煮大葱烤得剛好，而且都係中間位不是頭尾。雞肉都好滑好鮮，值得一試。燒活鰻魚: 呢款沒太大驚喜，普通一點，跟其他店食到差不多。金菇肥牛卷: 哈哈，一直以為呢個點整都好味，食呢個肥牛卷個肥牛無得輸，一食就知靚牛肉勁多肉汁，醬汁特製調配，好唯一的味道七