漁釧 (已結業)

商場嘅日本餐不嬲都會俾人一種好貴嘅感覺，但今日俾我發現咗呢間係青衣城嘅日本料理排晒長龍，望一望 menu 先知原來價錢平民。餐廳嘅裝修都好有日本嘅氣氛。我哋就點咗幾款壽司試下，塊刺身好鮮甜彈牙呀！夠壽司仲係暖暖地咁，好好味。海蝦雜錦天婦羅 ($72)有炸紫穌葉、冬菇、金菇、海蝦同南瓜，夠晒豐富。天婦羅炸得金黃色，香脆可口，粉漿份量也啱啱好，必試之選。然後再嗌咗幾種串燒試下，呢度有鹽燒牛舌 ($36)、豚肉露筍串 ($24)、汁燒冬菇 ($18)、鹽燒雞肉串 ($18)。一嚟到已聞到好香，即叫即燒果然唔同啲，夠晒熱又入味，仲能保能到豐富嘅肉汁。