漁釧 (V Walk)

营业中

休息中

平時好少行V Walk呢個商場, 但原來都幾多岩我既商店😍高級店至平民化既都有, 都幾多元化👍🏾食飯時間又到, 發覺已經有一排無食日本菜🇯🇵🇯🇵, 呢間漁釧外觀好有日本風情, 而佢地既菜式都幾多樣化所以就選為今晚晚餐喇😄1/ 韓醬八爪魚蟹籽沙律🐙 $88韓式辣醬鋪滿整個沙律, 辣辣地好惹味, 八爪魚片都幾多件, 而且撈得好勻旬入味😋2/ 海膽年糕燒 $78兩小件既海膽年糕燒一送到上枱, 店員就叫我地打完卡就要快的食, 因為年糕會好快凍冇咁好食, 所以我哋打完卡就立即食, 軟糯既年糕加上鮮味十足嘅海膽食落好特別, 感覺令海膽嘅體積增加, 好滿足😊3/ 鰻魚柳川鍋🐟 $98大大件鰻魚, 配上蛋花汁首先講佢嘅蛋花汁充滿醬油味, 如果有飯黎撈就正喇, 鰻魚熱辣辣, 完全feel唔到有骨👍🏾4/ 味噌蠔鍋🦪 $98有成四隻蠔, 粒粒都唔細, 食落鮮甜! 而味噌湯味濃郁, 帶有少少酒香味, 呢個價錢都幾抵食👍🏾5/ 炙燒比目魚邊三文魚子丼🍱 $158份量應真唔少, 比目魚邊燒得岩岩好, 而油脂分部恰好處配上三文魚子撈飯黎食真係一絕👍🏾6/ 極盛四色刺身丼(配日本蛋)🍱 $208海鮮全冇揸流攤, 有

經過v walk被呢間日本餐廳嘅店外裝修所吸引，今晚就食呢間啦！打開餐牌，食物選擇有好多，沙律、串燒、鍋物、揚物、壽司、刺身丼、飯類、麵類⋯真係應有盡有！鹽燒雞腎串雞腎口感爽脆有嚼感，簡單以海鹽調味，滋味不凡，令人回味。燒雞頸肉串平時豬頸肉就食得多，雞頸肉串真係好少見，當然要試吓啦！估唔到雞頸肉串係啖啖肉，相信要好幾條雞頸先做到一串，一定極花工夫⋯經燒烤後，保留咗雞頸肉嘅豐富咬口感，的確唔錯！鐵板牛舌火喉控制得剛剛好，食落爽口唔韌。牛舌下面以洋蔥墊底，吸收晒洋蔥嘅香味⋯鐵板牛肉飯呢個牛肉飯既好玩又好食，鐵板煎起牛肉嘅焦香，非常惹味！肥牛口感嫩口，伴埋雞蛋同飯，入口綿軟，食食下仲有脆卜卜嘅飯焦，增加咗整體嘅口感。海鮮海膽炒飯海膽味道唔太濃，炒飯炒得香口，配上北寄貝、蠑螺、八爪魚等海鮮，口感Q彈Q彈⋯

大概夜晚八點喺V Walk呢間漁釧買咗個外賣，揀咗盒牛小排丼飯$78，返去一打開個飯盒發現中伏，牛肉加白飯就已經完全可以形容晒成盒野，個飯一滴汁都冇，啲牛肉冇調味，仲要凍嘅，盒飯要$78，真係$2-30嘅燒味飯都好過佢多多聲🤬🤬🤬商品與事實不符我都可以接受，始終呢個係香港好多食肆一貫作風。不過以價值$78的晚餐來說，絕對可以稱得上黑心。我哋買咗三個飯，如果其中一個冇醬汁，我哋可以理解為廚房錯失，可以原諒，但係同時間三個都係咁樣嘅情況，就一定係刻意以餐牌相片欺騙消費者，我當刻嘅感受係比呢一個價錢，但係受無限嘅侮辱🤦🏻‍♀️

各吞拿魚控請注意，「マグロ三色丼」可以一次過滿足你三個願望！由中拖羅、赤身和吞拿魚蓉配搭而成的丼飯，一碗就能夠吃到吞拿魚不同的口感，為你帶來三重不同的味覺層次。🍣極盛四色刺身丼 ($208)四色刺身包括赤蝦、呑拿魚、帆立貝、吞拿魚蓉，中間有一隻半生熟蛋🥚刺身份量都幾多，每款都有三件，滿滿的鋪滿飯面🥰赤蝦同帆立貝非常鮮甜幼滑，而呑拿魚充滿魚油香，至於呑拿魚蓉融入醋飯裏面，撈埋粒蛋黃一齊食一流💕🍜濃厚醬油雞白湯和牛拉麵 ($168)四大片和牛一半熟浸住雞白湯，一半生疊喺碗邊，充滿好重嘅牛味，而且質地薄身食落幾乎入口即溶嘅感覺搭配完整一顆溏心蛋同木耳絲，再飲一啖雞白湯，實在係估唔到咁好食😋🥭香芒大蝦卷 (八件) ($88)卷物有八件，份量多之餘件件都有一大舊天婦羅蝦，而且芒果鮮甜，非常抵食👍🏻

女朋友一向都好鍾意食日本菜 因為疫情冇得去日本旅行 近呢兩年都成日食日本野😙 今日就嚟咗v walk試吓漁釧韓醬八爪魚粒有啲辣醬吊味都幾開胃 作為一碟前菜嚟講 味道都唔錯🦑鹽燒黑豚腩串我同女朋友一人一串 燒到外脆內軟 咬落口都幾多肉汁 而且唔會太肥 係三層肉嚟嘅🐷 落咗少少鹽 鹹鹹地更加好食金菇肥牛卷擺盤好靚 旁邊有啲沙律菜做伴碟 又唔會怕食得太多肉 甜甜地嘅和風汁配金菇肥牛卷更加有日本嘅特色🐮火灸鰻魚芝士芝麻反卷呢碟真係最有驚喜 每嚿反卷上面都有好厚嘅鰻魚🙈 而且入面有埋芝士 更加邪惡🧀 但邪惡嘅野先好食😋 又啱我地打卡 女仔最鍾意打卡㗎啦鐵板牛肉飯牛肉份量都算多 又有粟米同溫泉蛋伴碟 個飯唔會太乾 都幾令人滿意😙呢餐飯都幾令人滿意 店員服務幾好 食物又好食😆

【韓式八爪魚粒沙律】$88幾特別的沙律，微辣帶點酸，作為前菜很開胃好食。但略嫌八爪魚有點薄，若份量多點和切粒會更有咬口。【海蝦天婦羅稻庭烏冬】$98天婦羅有蝦、磨菇、茄子、青椒，幾好吃，炸粉不會太厚，蝦也爽口。烏冬是稻庭烏冬，可選冷熱，烏冬彈牙，表示滿意！😋😋😋😋回頭率：🌕🌕🌕🌕🌑抵食指數：🌕🌕🌕🌖🌑

係V walk搵飯食，周圍都大排長龍，見依間日本野有位就入咗去食🏮叫左個魚生飯但唔記得影相，200幾蚊，價錢唔算平但魚生份量都多同新鮮串燒竟然有驚喜🤩✨上至下:雞腎，雞軟骨，豬肉，柚子黑椒雞肉，雞心柚子黑椒雞肉極力推介，柚子味加少少既黑椒辣味，好特別👍🏻但雞肉有少少鞋另外再叫左雞皮，但唔知係咪燒得耐左，食落有燶味🥲 ✨自家製梅酒🥃店員推薦桂花味梅酒，桂花味好重，味道甜甜的好易入口但整體黎講CP值不錯👍🏻

今日接一個喺深水埗返工嘅朋友收工，跟住諗住喺附近搵間餐廳食埋晚飯。佢同事推介我哋過嚟食呢一間日式餐廳。嚟到嘅時候都已經七點幾八點，所以我同朋友都超級肚餓，加上呢間餐廳食物都唔算太貴，所以我哋就叫咗好多食物。有軟殼蟹沙律、鐵板牛油焗帶子、南蠻炸雞、海蝦天婦羅稻庭烏冬，醬油濃雞白湯拉麵同埋幾件壽司。雖然呢一度主打唔係食壽司，但係佢哋都做得非常出色，如果唔係因為叫得太多嘢食，飽得滯，我哋絕對會叫多幾款。另外，南蠻炸雞都超級推介，因為餐廳所提供嘅醬料好足料，真係有雞蛋嘅蛋黃醬，食落有口感得來又要好有層次，而且啲雞係即叫即炸，嫩得來又多汁，我絕對會因為呢一碟雞再嚟多次呢間餐廳。最後，我哋叫咗咁多嘢食仲有兩杯嘢飲，埋單只係需要六百幾蚊，都幾抵食👍🏻

南昌站豪宅樓下新商場有間日本料理成日好多人排隊，今日過開嚟呢邊想食壽司入咗去幫襯，性價比都幾高喎！松葉蟹肉野菜沙律份量足，蟹肉鮮甜菜夠新鮮爽脆，唔洗$100～壽司點左三文魚、珍寶赤海蝦壽司、三文魚子軍艦、壽司七點盛，鐵火卷三點，手握壽司飯飯量恰到好處，而上面魚生就好大舊，亦都非常鮮味。見到有好多唔同嘅特色料理，都order左幾款，質素幾好，當中燒明太子同鰻魚柳川鍋幾抵食。師傅墊左塊青瓜喺明太子下邊，連埋一齊食一濃一淡，味道豐富；柳川鍋嘅蛋加入左味琳、菇、洋蔥等等都好美味。而味噌蠔鍋味噌湯濃而非只有咸嘅味道，蠔肉雖然唔算大但勝在新鮮，不足$100黎講喺商場日本料理黎講亦絕對係抵～

V·Walk呢個商場開咗好耐，但一直冇嚟過，今日做孝順女同媽媽行南昌公園，順便帶佢過嚟呢邊食飯。喺地鐵站一入商場就已經見到呢間日本餐廳，勁有日本居酒屋feel，即刻決定行完之後要過嚟食嘢！行完就衝過黎食嘢，見到我最愛嘅日本蠔，當然唔會放過！店員連蒸爐上仲有計時器幫你計埋試， 仲建議蒸4分鐘後再焗1分鐘先打開嚟食就啱啱好！迷霧之中見到六大隻蠔係蒸爐中出現，每隻蠔肉都係肥嘟嘟， 熟度剛好，食落帶點爽甜，加上微微嘅清酒味道，好香啊～仲可以按自己喜好撒上蔥花同豉油，的確唔錯！食日本嘢梗係要叫返個刺身丼，呢度有款極盛四色刺身丼（日本蛋）一上枱就好養眼，鮮黃色蛋黃放喺拖羅、帶子、吞拿魚茸、牡丹蝦中間好sharp! 牡丹蝦有三大隻，媽媽勁鍾意，入口黏黏甜甜嘅感覺，而我最鍾意當然係拖羅！色澤同脂肪均勻，入口鮮甜！真係一個好豐盛嘅刺身丼！見到有款幾特別嘅日式味噌雞肝醬tapas又叫黎試下，雞肝香味伴隨著美味噌鹹鹹地嘅味道好日本風，配搭餅乾食確係唔錯！呢度食物款式認真唔少，當然唔少得串燒、壽司、鍋物等等、下次要來再試吓其他先得！

今晚約咗人喺南昌站食飯，選擇左呢間叫漁釧嘅日本料理，因為上網睇過佢哋有啲特色嘅嘢食幾特別，朋友都鍾意食日本菜，就決定試吓餐廳裝修非常日式，有大量嘅日本擺設，座位有一半係卡位為主，中間位置好多二人枱，都非常寬躺，加上燈光非常柔和，令客人坐得舒服餐牌上有好多好特別，之前冇喺其他日本餐廳見過嘅菜式，另外當然有好多基本嘅，刺身，壽司，魚丼，串燒，炸物…….任君選擇▪️日式味噌雞肝醬 $68呢個就係其中一個特別菜式，個人好鍾意食肝臟嘅食物，雖然唔太健康，但係好好味，呢個有啲似鵝肝醬，好香濃，配餅乾一流▪️火炙鵝肝壽司 $49我嘅必點菜式，呢度做得唔錯幾大件，鵝肝煎到外脆內軟，只係加咗少少燒汁已經好好味▪️火灸平目魚邊壽司 $24魚油豐富，灸燒完之後味道帶少少焦香▪️本鮪魚6點盛 $228吞拿魚味好出，整體水準唔錯，當然越好嘅部位就會越好味▪️海膽年糕燒 $78必點，海膽好鮮甜，加上燒到軟軟糥糯嘅年糕，呢個組合非常好食▪️極盛四色刺身丼 $208配魚湯（中拖羅，帶子，吞拿魚蓉，赤蝦）刺身都非常新鮮，最精彩嘅係有一壺魚湯，可以喺最尾食淨少少飯嘅時候加落去一齊食變成魚湯飯，魚湯係奶白色非常香濃鮮甜▪️串燒系列整體唔

有左屯馬線之後，食野真係方便左好多☺️唔洗再轉好多次車先去到南昌😛 之前係將軍澳食過呢昌餐廳，估唔到vwalk都原來都有分店😻呢間上次食完真係覺得唔錯，又可以再encore 😜佢既menu款式五花八門，有刺身、壽司、拉面、炸物同串燒等等🤤而且價錢都好合理😚所我同朋友都叫左好多款☺️🍣壽司我地叫左幾款壽司😌分別有八爪魚壽司、帆立貝壽司、生蠔壽司🦪、珍赤海蝦壽司（火炙劍魚腩壽司🍣特別想點評下海蝦壽司，如果想體驗下入口即溶嘅鮮味就記得唔好錯過。😜😜另一方面生蠔壽司都值得大家一試😋😋肉肥多汁嘅生蠔帶淡淡嘅海水味道😽但係居然食唔到腥味，新鮮程度可見一斑。🤩🤩🤩🥢石燒米國安格斯牛小排 150g $158牛小排會以石燒形式出爐，餐廳會主動提出幫客人燒同埋剪🥩，我地坐係到等食就已經得啦😝😝牛小排既牛味超濃郁🥺肉汁完全噴哂係入面，超級香口😚😚🥢日式麻婆豆腐 $68平時食開中式麻婆豆腐，想知日式既會係咩味道，所以就叫左😝😝日式主要係以唔辣為主，豆腐質感超嫩滑，肉碎份量十足👍🏻令到成碗口感都好好🥰☺️🥢南蠻炸雞 $88炸好左既雞塊上面鋪左一層厚厚既甜酸南蠻醬😻食落去好有層次，而且好開胃😙🥢鹽燒雞肉串$26、雞軟骨

南昌站A出口一出就係V-Walk商場，如果嚟開呢頭，我都幾鐘意喺呢個商場揾嘢食，因為呢道真係超方便。今晚好想食日本野，最就腳就喺<漁釧>，而且以日式料理餐廳來講，呢度供應嘅食物選擇非常之多，有刺身、壽司、日式丼飯、拉麵、串燒、各種日式料理小食，價格合理，感覺唔錯。呢度嘅環境坐得非常舒適，空間闊落，木系裝修感覺充滿日本風味。<濃厚醬油雞白湯和牛拉麵 $168>呢個和牛拉麵特別在佢哋用嘅湯底係用上白雞湯，雞湯嘅味道非常之濃郁，而且湯質非常之濃厚。好多時一般嘅日式料理都係用上豬骨湯底或者一般嘅醬油湯底，如此美味鮮甜嘅白雞湯比較特別。而重點主角嘅呢一大塊和牛，質素絕對係非常之高，輕輕浸過熱濃雞湯之後，再放入口，有入口即溶嘅感覺，肉質極為嫩滑，配上粗身彈牙嘅日式拉麵，非常好食。<炙燒寶石丼 $128>刺身丼用料尚盛，有三文魚、赤身、油甘魚、帶子、劍魚腩、鰻魚及鯛魚，材料非常新鮮，味帶鮮甜。餐廳還細心地附上魚湯一壺，可以吃到中段時加入魚湯，變成魚湯飯，吃著有另一番風味。炙燒過的刺身，亦帶有點兒煙燻的香氣和味道。<南蠻炸雞 $88>呢個

被呢度嘅裝修吸引，餐廳門外掛上一個好大嘅日式燈籠及刻有鋪名嘅木牌。鋪內裝潢充滿日式漁村風情，牆上掛滿日本舊式鐵牌廣告及公司招牌，充滿住歷史同懷舊氣息，而且空間寬敞，好有氣氛，別具日本特色。餐廳食物選擇繁多，應有盡有；壽司、刺身、拉麵、天婦羅、串燒、沙律、一品料理、鍋物等等…炸軟殼蟹野菜沙律軟殼蟹非常酥脆，食落口口感好正，加上新鮮嘅沙律菜同蟹子，口感清爽，味道鮮美，而且份量都唔少，抵食。南蠻炸雞炸雞熱辣辣啱啱炸出嚟，炸粉唔會太厚，薄薄咁包住嫩滑嘅雞肉，表皮非常酥脆，雞肉嫩滑Juicy，配合自製嘅沙律醬，味道Fresh唔油膩。串燒三款串燒各有特色；鹽燒黑豚腩，燒得啱啱好又保留到肉汁。鹽燒雞中翼，啖啖肉，燒得好香口。鹽燒雞腎，唔會燒得太乾，爽口有嚼勁。陶板清酒煮蜆大蜆數量唔少，蜆肉肥美，加入清酒及牛油去煮，提升咗大蜆嘅鮮味及香味，進食時仲帶有微微嘅海水鹹味。美國牛小排壽喜燒湯鍋配料只有冬菇、金菇、大蔥、新鮮嘅蔬菜、嫩滑嘅豆腐，但成個湯底非常清甜。牛小排油脂分佈平均，肉質鮮嫩，碌一碌就食得，入口充滿油香同濃郁嘅牛味，味道唔錯！

已經好多年冇嚟過南昌呢邊，今次都係v walk開咗兩三年之後第一次黎，夜晚同朋友揀咗一間日本餐廳食飯。餐廳裝修具日本特色，而且環境好闊落，空間好大坐得好舒服。卡位嘅前後座位都有屏風擋住，所以私隱度都幾高。牛油鐵板燒帶子，帶子都幾大粒，蒜蓉味好香，帶子唔會overcook，肉質都幾有咬口。要咗幾串串燒，有秋葵牛舌同埋大蔥豚肉，本人最鍾意就係牛舌，切得好厚，燒得好香。另外叫咗個壽司拼盤，採用嘅魚生都非常新鮮。重點係呢間餐廳嘅食物價錢都唔貴，好抵食。