漁釧 (V Walk) (已結業)

已經好多年冇嚟過南昌呢邊，今次都係v walk開咗兩三年之後第一次黎，夜晚同朋友揀咗一間日本餐廳食飯。餐廳裝修具日本特色，而且環境好闊落，空間好大坐得好舒服。卡位嘅前後座位都有屏風擋住，所以私隱度都幾高。牛油鐵板燒帶子，帶子都幾大粒，蒜蓉味好香，帶子唔會overcook，肉質都幾有咬口。要咗幾串串燒，有秋葵牛舌同埋大蔥豚肉，本人最鍾意就係牛舌，切得好厚，燒得好香。另外叫咗個壽司拼盤，採用嘅魚生都非常新鮮。重點係呢間餐廳嘅食物價錢都唔貴，好抵食。