漁牧 (已結業)

🔺 店內的裝潢風格帶點現代感的古色古香味，明亮、簡單，卻不失味道！🔺 || 養生桂花茶 || HKD $15/位桂花味道很濃郁香氣四溢、入口清爽。剛入座店員會問你要喝什麼茶，我問她有什麼茶？她回答我有：玫瑰花茶、菊花茶、桂花茶、薰衣草配紫羅蘭茶。所以我們選擇了桂花茶，但森森覺得很奇怪⋯中式餐廳怎麼會沒有茶葉茶而是提供花茶？後來點完熱茶後，看完菜單才知道，他們其實有：普洱、鐵觀音、香片，這三種熱茶，只是每位價格差3元⋯店員卻沒主動告知，感覺有點不太好（我就覺得奇怪了⋯吃川菜配花茶好像有點奇怪吧⋯）🔺 || 老北京烤鴨（片皮半隻）|| HKD $180烤鴨外皮油亮酥脆，肉質鮮嫩多汁，鴨餅配上蔥絲、黃瓜條，口感更清爽解膩！🔺 || 回味酸辣味燒魚（清江魚） || HKD $318🔺 || 金針菇 || HKD $22🔺 || 豆芽菜 || HKD $22這個燒魚是先選要哪種魚，再選口味，文末的菜單有完整魚種及口味介紹！酸辣味燒魚口感偏向泰式的酸辣味，檸檬味很重，不過完全沒辣味可言，吃多了會有點膩，魚肉本身很嫩而且滑口，唯一美中不足的是他們家的燒魚沒配菜！上面看到的豆芽菜及金針菇是我

哩間之前同同事都唸住去試下，一直夾唔到時間，今晚同老公決定去試下一上到去，見到啲廣告大一大，好吸睛入面佈置都有啲古色古香，好有特色，枱面得對筷子及圓碟，簡簡單單係OR見到人地話皮蛋好食，的確唔錯平時食一兩塊止，我都食左一半一直想食片皮鴨，但得半隻及一隻揀，店員話半隻都ok，兩人食份量都得，所以老公就我，叫左半隻不過上台一睇，賣相唔錯，就係睇唔出半隻份量，店員話佢只取皮及肉，所以睇落甘少係幾好食，但果隻鴨脾應該係烤左幾耐下，肉老而黑睇到都食唔落口，老公只扯左它啲皮落來食...酸辣烤魚，店員話今晚有半價，配菜另加錢，所以另外叫左篙筍，蓮藕，午餐肉，椰菜花。老公問係咪當打邊爐甘，店員話可以，所以就叫左份肥牛。對哩份烤魚，失望a魚煎老左，肉質硬...椰菜花幾根，蓮藕片就多，最愛ge篙筍幾片...如果有早知，我唔會加酸辣烤魚，十足泰式鳳爪味，老公話泰式魚，我話哩個係四川烤魚...肥牛，其實烤魚唔適合當打邊邊...火太細，難熟，放左兩三塊，其他唯有打包返去冇水提供，除非比錢。既然要比錢，就揀左菊花一壺，以$15/位計，一句茶葉就收$30埋單，7百幾，我同老公都互望左下，感覺肚只裝了皮蛋甘就一人4百

我覺得MegaBox好食嘅餐廳真係唔多，咁啱早幾日拍完車喺十幾樓搭扶手電梯落嚟，以為10樓以上全部都係酒樓，原來有更精緻川菜隱藏左係入面。本身好鍾意食烤魚，咁就比佢門口張海報吸引左入去。首先講下環境真係非常唔錯，以川菜來講，裝修係幾骨紙。嗰日好似係九點到去到餐廳，已經有宵夜優惠，兩個人叫咗個小食同埋烤魚，加两杯嘢飲，埋單三百幾四百有找。烤魚肉質不過不失啦，始終同內地正宗食到嘅新鮮活魚就冇得比，但係個麻辣調味係幾好。性價比唔錯，最緊要係呢個價錢嘢食OK坐得舒服。喺MegaBox餐廳冇乜選擇下，我諗只要去親MegaBox呢間都會長期放喺名單入面。

一直發現到呢間餐廳，但無時間食終於抽到時間去試下我帶住1歲小朋友坐卡位估唔到都有bb櫈比我小朋友坐雖然埋唔到張枱到食，但都叫有張櫈比佢坐安全D因為唔想食太辣嘅關係，所以叫左酸菜魚，前菜就皮蛋同嗌左欖角四季豆皮蛋ok，呢個係最滿意欖角四季豆偏咸，我無叫飯一齊食可能送飯會好小小嘅成晚嘅主角酸菜魚味道只可以話ok，可以再好D辣就唔太辣，岩岩好睇賣相的確好吸引，但係比起平啲食開嘅無咁好味。希望可以改善下。

這日，想去食烤魚，無奈周圍交通似乎都癱瘓，所以黎屋企附近嘅mega box搵野食。見呢間裝修似乎好靚，又係茶木group 嘅，所以想試一下。於是叫左凌波魚，但係落單後. 個姐姐話冇左，要我的轉第二種魚，佢順便話得剩低xx魚，於是我們話OK，因為真係好肚餓。但係，十分肚餓的我們，一等烤魚上桌就試了一口烤魚，居然係凍嘅，真係凍嘅，擺左5個鐘以上，我個人好中意食熱油炒嘅蒜頭，於是再試一下，竟然是從雪櫃中攞出黎嘅堅冰凍嘅感覺。。。。於是叫來姐姐問，姐姐話係甘嘅喇，幫你加d火。跟住叫來經理，叫佢試食，（佢話冇筷子，去攞筷子，佢食嘅時候，此時距離魚上桌已經15分鐘，水都滾埋）。於是佢話係熱嘅，我們不滿意，佢話去問下廚師。跟住解釋，魚本身係係從雪櫃裡面攞出來嘅，所以燒烤的時間可能唔夠。然後話，當這個菜取消。然後，我們就執野走囖。去茶餐廳食，至少係新鮮熱辣嘅。

當天慶祝媽媽生日訂了一間房,入到去環境唔錯,自成一角好安靜,見檯上擺左兩支酒,咁當然係要收費,但我地當中都冇人飲酒就當擺設一定要介紹左我最喜愛的烤魚先,賣相好吸引,好多辣椒鋪上面,條魚都冇咩骨,但都要小心食,汁好濃真心辣,整個搭配唔錯有魚咁一定要有埋蟹,蟹肉都好鮮唔會霉,而且仲食到少少蟹膏,份量都夠一家大細食既,蟹用薑蔥炒基本上一定唔會失手片皮鴨我媽媽最愛,值得一讚既係佢既皮用左一層層既點心紙隔開,就算凍左都唔會分開唔到去包鴨,鴨就好薄身,皮同肉分開既,方便配合唔同人既口味

個人係非常之鍾意食水煮魚、酸菜魚一類嘅川菜，但可惜香港食到依一類型嘅食物質素唔係好高，而且係非常貴。但無論點都好啦，自從偶然發現左公司附近MegaBox係有得食，就極速搵埋friend拉隊嚟試吓啦。叫咗個４人餐，咩都有，幾樣野都係佢哋嘅招牌。魚目混珠、口水雞、炒飯，當然唔少得佢哋嘅主角，沸騰魚。先講口水雞，竟然有好有驚喜，雞係有雞味，辣汁好正，唔會太油，辣但係都接受到，好正，搞到朋友仔都要忍唔住嗌咗白飯黎送佢Ｄ汁，強推。魚目混珠反而就一般，那係乳豬釀飯，其實玩味性質比較多啲，一人食一兩舊就OK，因為其實都幾漏。主角沸騰魚就真係有啲失望，上枱嗰陣時個起勢都幾犀利，好似好正咁。但係其實食咗之後，就發現其實佢都一啲都唔辣，應該係話係冇乜味。其實就好似一堆油浸住一啲乾辣椒，再浸熟左啲魚咁。總之成個菜嘅感覺，就係魚還魚，油還油，辣椒還辣椒，真係冇咗嗰種麻辣味，魚係得油味。因為呢度同其他香港川菜一樣，依一類菜式都賣得幾貴，一份沸騰魚都要兩三百蚊咁，如果咁嘅質素就差啲啦。不過下次可以再嚟食，唔食魚，食個口水雞，真係好得，再試吓其他嘢可能會好Ｄ。

基本上樣樣都唔錯員工態度一般惟隻北京填鴨唔合格等成個鐘先燒完職員話個師傅是新來的燒得唔好所以丟掉鴨子再燒過（咁都得！這原因姐搞笑）皮乾哂包鴨的皮全是冰凍的十分失望

今晚3人點左😌半隻片皮鴨 1/4乳豬糯米飯 一個麻辣魚鍋環境又舒服 ✅ 又唔使等位 ✅服務員又滿面笑容 ✅ 味道 ✅茶錢 每位$15 有幾種花茶可選擇玫瑰 桂花 紫羅蘭 菊花** 好似逢星期一至四 1/4隻乳豬糯米飯特價只需$88 皮脆 糯米飯唔膩平時正價$178/$188 片皮鴨都是皮薄脆good good最難得是在香港壓力大節奏快好耐沒見過一間餐廳裡7-8成員工係笑容滿面咁做野或同客人對答 好難得 親切感大增 另外味道唔錯 環境幾靚我會再帶其他朋友試埋其他菜式！

今日本來諗住開開心心同家人聚餐 預祝中秋節 以前食過舊舖尖沙咀(現已結業) 所以對”漁牧”印象都幾好 今次一黎去到megabox新舖環境幾好 裝修別緻 適合一班人傾計聚餐 偏偏遇到員工趕收工 吹人埋單 非常非常差既經歷😢 明明寫11點半收舖 9點鐘就冇啦啦放張單係人枱 改收舖時間啦 收9點啦 無謂要客人配合你地趕埋單 完全係趕客 講返野食先 烤魚揀左清江魚(誘人麻辣味) 又唔夠辣 魚又腥 另加既配菜份量極小 北京填鴨一般 可以唔洗再黎 極失望 好嬲😡

今日懷着一個唔開心嘅心情天氣唔好 掛3號風球 落大雨 交通不便前日好想食麻辣 心諗不如是但個買懶人火鍋滿足下就算 誰不知 身邊男朋友話去食烤魚 結果我哋四人同行去到MegaBox 漁牧6點半鐘 唔需要等位一入餐廳裏面 已經聞到一陣陣麻辣味Omg 餓餓子香辣牛展牛展軟 下面拍青瓜麻辣牛肚絲牛肚絲加菜絲 酸味味 開胃醬油皮蛋糖心皮蛋主角 誘人麻辣味清江魚(菜單上嘅名)魚烤得比較乾身 辣味足夠 可以再麻啲烤魚下配菜有大豆芽海帶片皮鴨半隻不過不失片皮鴨叫了兩食二食係避風塘味不值得叫 無肉 多肥膏烤魚配料再加紅薯粉炸枝竹嫩鴨血總括然而 總算滿足想食麻辣嘅感覺侍應方面 有進步空間泊車方面 星期日消費滿$400以上可免費泊車唔記得一個鐘定兩個鐘心裏面好慶幸 男朋友有揸車你懂的

第一次黎漁牧食就係尖沙咀分店 當知道九龍灣再開店既時間就約埋朋友仔一齊食我地7點到餐廳 唔算多人 😙有朋友唔係好食得辣就簡左一隻辣椒既酸辣烤魚好濃味唔算辣而條魚好少骨啖啖肉易入口一行三人淨係食烤魚係唔夠 我地就加半份漁牧混豬乳豬配有三個醬而下面有糯米飯所以食埋就啱啱好除左烤魚之外仲有酸菜魚下次再黎要再試下

太興集團旗下的京川粤fusion菜，装修考究，地方阔落，有京菜館的特色。我們點了午市的四人套餐⋯⋯口水雞皮薄肉滑，看似很辣，其實只有一丁點儿辣，小朋友也能吃。炒飯略油了一些，蝦仁不多，但炒飯粒粒分明。漁牧混豬的燒豬皮哱哱脆，下面還鋪了糯米飯👍🏻。酸菜魚的“清江魚”是無鱗無骨啖啖肉的魚種，個人不喜歡，辣度和酸度都不太高，感覺是為了迁就香港人的口味而将菜式的味道調的較清淡。豆沙餅很香，豆沙餡中還加了果皮👍🏻

一開始話有位我哋總共17人：其實間鋪頭冇人食。建議我哋入房坐，房至少要比$3000食費。好！先生入房睇吓結果間房原來有一張大枱同細枱一張14人坐一張八個人坐。如果要叫房坐三千幾蚊仲要同人哋share間房。擺明呃錢！估唔到連Manager 都唔識落。講極都唔明！ 總共17個人，前後order 10 個飯，上菜個待應竟然話叫咁多！到餸來到枱，又話冇位擺餸。話我們叫得多！叫飲品，叫咗西瓜汁，一jar! 又係到話只係6個人，俾多隻杯又唔得！燒鴨叫佢比多個醬料有收多$20！又唔係特別好味！

MegaBox 睇完戲冇理由唔食埋飯先返屋企，俾漁牧既烤魚吸引左！佢地既裝修都好靚，我地被安排坐一張卡位Sofa! 因為阿仔鍾意做片皮鴨，所以叫左一隻，但因為預備時間要成一個鐘，到差唔多我地食晒野先到，所以我地食淨好多，如果有心食，真係打電話黎book 位叫定先，一坐底就可以食但係即烤出黎既！夠脆夠香口個鴨殻加錢整避風塘，但冇想像中咁惹味除左片皮鴨，我地叫左1/4隻乳豬，有糯米飯墊底，講真，乳豬皮唔係太脆又叫左金沙雞翼，諗住唔辣小朋友可以食到，點知都係辣既，但幾好味炸曼頭，又係俾小朋友食！不過不失唔記得左叫咩蝦炒飯，知炒飯炒得好靚，一粒一粒係分開既！讚叫左個香蒜味既烤青江魚！個汁既味道幾好！但條魚就真係麻麻！好似食緊魚扒既，一d 都唔滑！西瓜汁夠新鮮奶茶就普普通通去一次就夠！ 埋單$12xx