漁樂 (喜薈商場) (已結業)

由於嫲嫲住長沙灣，所以佢帶我去呢間餐廳食下午茶餐廳位於商場一樓，扶手電梯一上就見到！餐廳位置好多，有卡位亦有適合一班人坐既圖枱同長枱。枱之間唔會好逼所以坐得好舒服！我地2：00到，已經有下午茶餐嗌。望餐牌發現好多款式！有輕食亦有飯同麵！特選仲平過快餐店我地叫左一個炒金邊粉($40)同一份公司三文治($38)另外加左兩隻牛油雞翼(+13)另外跟餐都有飲品食物賣相同味道都唔錯以下係短評雞翼即炸外脆內有肉汁金邊粉唔太辣，味道易入口，有唔少蝦公司三文治無重量級，同快餐店差唔多

記得以前我好鍾意食呢間餐廳，就算亂叫都唔會中伏，大部分都幾好食。估唔到一年冇黎，水準差左咁多😫😫😫😫😫某工作日既午餐時段黎到，人好少，只有一半滿。呢度既午餐由四十幾既湯粉到六十幾既海南雞飯都有，我就叫左個炒菜：泰式茄子炒牛肉🤷🏻‍♀️ 以前都食過，覺得正所以再試，點知今次好伏！ d茄子完全唔淋，又冇味🙄本身以為係唔入味，點知試左下個汁，都係冇味的！同水煮冇分別。牛肉都係冇味，又un...😒 埋單55蚊，好唔得

食Lunch 最緊要係咩？係好食？係坐得舒服？兩者都岩，但更重要，係有位坐啊！漁樂位置長沙灣MTR出口行大約7分鐘嘅商場入面，入面好多位，最岩上班族Lunch去搵食。幾多人都夠坐。今日食個最簡單嘅「香芧烤雞扒 配煎焗流 心蛋&泰皇野菌汁」，48蚊，正常價。塊扒都唔錯，但唔算好特別。而重點係個汁幾好味，係出面嘅茶記未食過依種味道，絕對值得大家一試！

漁樂係連鎖餐廳，唔少地方有分店。食過兩三次，都算坐得舒服。👍🏼餐廳有唔少泰式餸菜選擇，有湯粉麵🍜，有焗飯，有咖哩🥘，有冬蔭功🌶，亦都有唔同嘅小食。😋😋咖哩雞飯d汁好香濃好夠味，仲有泰菜必備嘅香茅，味道多一份層次，用黎撈飯真係食到lamlam脷😋😋。份量唔算話好大份，不過因為有汁嘅關係，食晒其實都夠飽了。🤓焗飯非常香，依個係焗豬扒飯，上面鋪有芝士🧀，岩晒我依個芝士迷🤤🤤。連鎖餐廳黎講，其實依間都算唔錯了，所以間唔中都會去食下。

難得朋友放假，約左中午食飯，人流吾算多，坐左好耐，職員都無趕我地走。但其中一帶眼鏡職員態度真系好差，好似我差佢錢咁。最後埋單我問可吾可以分單（銀聯比錢平5蚊），佢直頭答我吾得喎，除非一開始落單講左，我當堂真系o左咀。我都做過餐廳，系統吾會吾支持分單咯，即使真系做吾到，但系佢講野個口氣真系令人好吾舒服，呢啲員工真系好幫公司倒米咯。

經過見打新商場入去睇下，漁樂見個名幾特別咁就入去試下啦，價錢都算合理嘅，但款式就不太多選擇，見佢有個烤魚套餐就叫嚟試下，冬陰功湯底味道很好，但條魚味道一般無咩味，其它餸菜都可接受

之前經過一直想試，名字好像有些特別，「漁樂」跟「余文樂」有沒有關係？下午茶餐：1. 雞絲河：如果唔係病的，就不用叫。不過如果你係想食清淡，或者減肥，或者病緊，這個好合你。雞絲，好難。2. 香辣肉碎炒金邊粉：粉，有些炒不開，一嚿嚿；但味道不錯3. 臘腸扎肉炒飯：香、酸、甜，開胃；好合小朋友吃4. 沙嗲焗豬扒飯：豬扒軟棉，不鞋口。賣相：以煎PAN 當碟盛載，都是一個新啅頭。另外，海南雞飯亦有下午茶套餐，都是$38，只適用一至五，下次要試下先。

Lunch 過去食飯，份量越來越少！但價錢又不斷加！唔抵食！！仲要侍應態度唔好！出送時間長！其實5，60蚊食個飯，附近大把地方可以食啦！仲要大大份！d女同事平時食靜曬既都話佢細份！唔夠飽！可想而知

餐廳布置時尚濶落，而侍應們也很主動親切。食物上枱也大大份，連飲品也大大杯。下午茶價錢也很實惠5:50pm入座至7:15離開。人流也不多。對客人來說，當然食得舒服。下午茶價錢合理，選擇也多二人晚餐價錢也不貴下午茶: 香辣泰式肉碎炒貴刁$39 ~超辣，勁多紅椒粒。味道尚算不錯。豬頸肉木瓜沙律豬頸肉切條，但冇味冇道，木瓜絲份量不多，很大雪藏味。下午茶:越南魚片頭扎肉湯河$ 35 ~湯底味濃，葱粒多，大大碗，抵食下午茶:餐飲大大抔:凍奶茶，清檸梳打

叫個海南雞飯d 雞唔夠熟叫佢整熟D，大大聲用好不俏的語氣同廚房講「個客話唔熟喎」，轉頭返嚟話個廚話係咁架，再熟D就‘鞋’。咁即係個廚唔識煮啦，一係就食生生地，一熟就煮得鞋😒，其實知唔知雞係唔可以生食既呢，最後幫我地取消。叫左碗東陰公河粉，完全係蕃茄湯加辣油，難食到食幾啖就食唔到。嘢難食service 又差D阿姐圍埋一堆吹水，唔怪得晚飯時間都冇6成滿

自從喜歡了吃辣後 我就無辣不歡了什麼時候都想吃個辣辣的 刺激一下但有些時候又不想太辣太刺激了哈哈所以都會選一些小辣的湯底 滿足一下味覺也樂！今天我想念冬蔭功了 所以特意找了家有冬蔭功的店吃個午餐！但我一個人叫一大碗冬蔭功又喝不完！幸運這裡有冬蔭功魚片頭湯粉！真好！食物很快來到了！這湯底不太辣！正正合適我的要求！還有吃這個懂吃的一定轉金邊粉 我就是愛金邊粉呢 好吃 不過我覺得這種的食物有點貴哈哈 這個價錢可以會有更好的選擇吧

又放飯啦，今次去新開一段時間既喜薈商場食。始終呢個位置有啲尷尬，荔枝角又未到，長沙灣又係要行。所以我都好少行去呢頭食。見到呢間又好似幾多花款又幾好食咁，入面都多人，應該唔差既。入到去環境都幾好，起碼枱同枱之間都有一定距離。唔使話食飯都逼住逼住，好大壓力咁。叫左呢個泰皇椰汁焗香茅豬扒飯，焗飯不過等左五分鐘都無😮咁快既？一早焗定掛。份量都好大，幾夠食，豬扒都夠既唔會話得好少咁。汁量多，幾好送啲飯。不過味道就無乜突出，無乜椰汁味，反而有少少甜辣味送飯都幾夾。豬扒就應該落得多左啲鬆肉粉咁，一般般。坐得舒服，價錢又唔係貴同區好多既，久不久諗唔到食乜都可以再考慮。

叫左個紅咖哩雞飯，d 雞係下欄野，得雞頸，雞骨，雞翼尖，完全無肉食。好似將垃圾筒裏面唔要既野煮出黎俾你食。懷疑係d 海南雞斬出唔要既下欄野，未食過咁唔好食咖哩飯，仲要收我49蚊一個餐，佢將d 垃圾雞加汁就個客食，佢真賺。大家唔好叫紅咖哩雞飯。

漁樂係我地lunch常去嘅食肆之一，貪佢夠平，$44-$55不等，同佢選擇比較多，焗飯湯河同炒嘢都有！再加杯熱飲，連檸蜜都唔使加錢都好難得！如果唔介意食貴啲，海南雞都係唔錯嘅選擇！星期五人唔算多，唔使等位就可以入座！揀左我最常叫嘅金不換炒金邊粉，貪佢酸酸辣辣夠開胃，今日碟嘢熱辣辣，餸都好多，但叫金邊粉必定要有耐性，因為真係好耐💤，同必定要催單！不過佢又會幫你認真追單！Hungry pig觀察所得，佢人手真係唔太夠，咁大間舖得兩三個人落單，有時入面有枱，佢地都執唔切，收銀、落單、執枱、帶位同傳餸都係同一個人！一架餐車一次出十幾杯飲品同幾碟嘢！Ummm，如果佢即炒即上，等一等都可以接受嘅！同事仔分別叫左個越香雜錦湯河(牛肉、扎肉、肉丸同牛丸)同泰皇椰汁焗香茅豬扒飯，佢地都話ok，我就無品嚐過，但至少唔使等，好快有得食，食完睇住我急急食

作為一個經常係長沙灣打滾嘅人，見到新開嘅餐廳越來越多，梗係要去試下唔同嘅餐廳。之前聽朋友話呢間餐廳都唔錯，一路未有機會食嘅我，呢日就自己去左試下佢嘅下午茶。真係唔知係咪我咁唔好彩，一試就係伏冇食午餐嘅我諗住叫左飽肚嘅麵黎食，諗住食泰式炒金邊粉實冇死啦，點知就都係踩中左地雷。首先個炒金邊粉真係好油，雖然所有炒野都係油多嫁啦，但我都真係未食過一個咁油嘅金邊粉，睇到樣相咁"令"就知道佢真係好油，食入口啖啖都係油。第二係佢真係好甜。本身炒金邊粉係酸酸甜甜嘅，但佢嘅甜係遠超越過酸，冇得用酸味中和返成個麵嘅甜度同埋油膩感，令到成個麵真係好漏。我平時都盡量唔希望浪費食物，但真係冇辦法。唯一可以讚嘅就係佢份量極足，我估唔到下午茶會有呢個份量，但因為佢實在太漏嘅關係，呢個優點即刻變成左折磨。我食左成個麵嘅最多六分一之後就已經頂唔順，冇辦法再食落去。中間我不停飲野中和下個油膩感，但係呢個凍奶茶其實都唔係好掂。佢嘅奶好多，茶太少，好似飲緊淡奶咁，同埋佢又好甜，完全唔似港式奶茶。只係因為佢唔油，所以我都不停飲，希望可以盡量食多D個麵。呢一餐真係食得好唔開心。希望只係我咁岩揀錯野而唔係所有野食都係咁嘅質素