漁樂 (喜薈商場) (已結業)

又放飯啦，今次去新開一段時間既喜薈商場食。始終呢個位置有啲尷尬，荔枝角又未到，長沙灣又係要行。所以我都好少行去呢頭食。見到呢間又好似幾多花款又幾好食咁，入面都多人，應該唔差既。入到去環境都幾好，起碼枱同枱之間都有一定距離。唔使話食飯都逼住逼住，好大壓力咁。叫左呢個泰皇椰汁焗香茅豬扒飯，焗飯不過等左五分鐘都無😮咁快既？一早焗定掛。份量都好大，幾夠食，豬扒都夠既唔會話得好少咁。汁量多，幾好送啲飯。不過味道就無乜突出，無乜椰汁味，反而有少少甜辣味送飯都幾夾。豬扒就應該落得多左啲鬆肉粉咁，一般般。坐得舒服，價錢又唔係貴同區好多既，久不久諗唔到食乜都可以再考慮。